18 December morning news. ~ Bodoinfo.com

बि टि सि परिसद नि गोदान सा 4 ई एम नि मुं खौ फोसावबाय, ईउ पि पि एल नि सानै, बि जे पि नि सानै। ईउ पि पि एल नि उकिल मुसाहारि आरो रन्जित बसुमतारि(बि आर फेरेंगा) आरो बि जे पि नि रनेन्द्र नार्जारि आरो अरुप कुमार दे। दिनै बिथांमोना कक्राझार आव समायखिरा लागोन। उकिल बसुमतारि बिथाङा कचुगांव आव हाग्रामा महिलारि बिथांखौ फेजेनदोंमोन आरो बि आर फेरेंगा या खाम्फा बरगयारि खौ फेजेनदोंमोन।

कातिराम बर नो बुंथिगिरि नि बिबानखौ होनाय जायो।

मैया लेङाय गाहाय मावफुंगिरि गोबिन्द बसुमतारि बिथाङा बुंदों, एन दि एफ बि नि केदारफोर, जाय बिसायखथि नि समाव गावस्रालायबाय, बिथांमोनखौ फैफिननो खावलायदों. बिथाङा बि टि आर सुक्ति नि उनावनो बिबान आ जोबबाय होनना सान्दोंमोन, नाथाय रायजोफोरनि दाबियाव बिसायखथि गेलेयो आरो लेङाय गाहाय मावफुंगिरि नि बिबान मोनननायाव 2 गुन बारायबाय होनना बुङो। रायजोफोरनि थाखाय खामानि मावलांगोन होनना बुङो।

साननैसो सिगाङाव जमदुवार बियाब आव बि पि एफ नि जानानै देरहानाय रेव रेवा नार्जिहारि या बि जे पि आव हाबदोंमोन, बेखौ लानानै कक्राझार जिला नि गसाइगांव जिला बि पि एफ नि मावख आव मैया दुंहाव थासारि सोमजिदोंमोन। रेव रेवा नार्जिहारि, जमदुवार ब्लक बि पि एफ नि नेहाथारि निरद नार्जारि आरो जमदुवार ब्लक लाइमोन बि पि एफ नि आफादगिरि हारकुल्श बसुमतारि नि मुसुखा सावदों।

बांगालर आव आसामनि फरायसुलिखौ बुथारदों, जिनाहारि खालामना बुथारनायनि सन्देह, गुबै दायनिगिरिखौ हमबाय. बरपेता जिला नि हावलि नि जेसमिनारा आखतार मुंनि फरायसुलि या बांगालर आव बि एस सि नार्सिं फरायनो थाखाय मुं थिसन्दोंमोन। सान 3 सिगाङाव(14 दिसेम्बर) नखरनि सुबुंफोरा बांगालर आव दोनना फैदोंमोनब्लाबो दाखालि सानाव हिनजावसा नि थैनायनि खौरां मोनो। बे गाज्रि खामानिखौ आसामनि सेंग्रा या नो मावदों, नाम आ आनिसुर रहमान आरो बिनि सानै लोगो। बांगालर पुलिस आ हमबाय दायनिगिरि खौ, बिबो बांगालर आव फरायोमोन। कलेज आव थांनायनि सिगां बिफा खौ फन खालामदोंमन, बेनि उनाव फनखौ स्वित्स अफ मोनो। मा जाहोननि थाखाय बेबायदि खालामदों मिथिनाय जायाखै, पुलिस आ नायबिजिरगासिनो। नखरनि सुबुंफोरा दायनिगिरिखौ गोख्रों साजा होनो खावलायो।

भारत आव बुहुमनि गिदिरसिन ई-स्कुतार खारखाना जागोन, 10000 सो सुबुंफोरा खामानि मोनगोन। Ola या बानायगोन, बेनि थाखाय तामिलनादु आव 2400 कौटि रां बो खरसा खालामगोन। कम्पानि या दाबि खालामनाय बादिब्ला बेनो बुहुनि गिदिरसिन जागोन। तामिलनादु सोरखारजों सुक्ति खालामबाय। बोसोराव 20 लाख ई-स्कुतार बानायगोन होनना बुङो।

मैया बिधानसभा याव दिल्लि नि गिबि मन्थ्रि अरबिन्द केजरिवाल आ आबादनि बिल खौ बिसिना गारनानै दिन्थियो आरो मिरु खौ ब्रितिसनिख्रुय गाज्रि जानो नाङा होनना बुङो। बिथाङा सोंदों, करना नि समाव बे बिलखौ मानो पास खालामनायनि गोनांथि दंमोन होनना। साफ्रोमबो आबादारिया भगत सिंह जादों। आबादारिफोरा दासिमबो सोमावसारगासिनो।

एन सि बि या करन जहर नो द्राग पार्ति नि भिदिअ नि थाकाय सामन हरो, बिथाङा होनाय पार्ति नि सोमोन्दै बुंनो बिथोन होयो। 2019 मायथायनि भिदिअ, भाइरेल जादोंमोन। करन जहर बिथाङा बुंदों, आं द्राग्स जाया, आरो आं बेफोरखौ प्रमत बो खालामा। आगोलावनो बिथाङा बे भिदिअ नि सोमोन्दै बुंखादोंमोन दि बिथांमोना जेबो द्राग्स जायाखैमोन होनना।

आसामनि गोदान राजखान्थि हान्जा असम जातिय परिसद नि आफादगिरि जाबाय लुरिनज्योति गगै या, बिथाङा आसु निफ्राय ओंखारनानै ए जे पि याव हाबो।पबिन्द्र देका या मावफुं आफादगिरि आरो जगदिश भुया या गाहाय नेहाथारि जायो।

आसामनि गिबि मन्थ्रि सोनोवाल नि न आव कंग्रेश नि अजन्त नेवग आ थांदों, बेयाव मन्थ्रि हिमन्त आ बो दंमोन।जानुवारि दान आव हाबनो हागौ। बि जे पि आ बोलोगोरा जालांगासिनो।