दिनै 25 DECEMBER, ख्रिस्तमास BODO INFO CHANNEL निफ्राय गासैबो ख्रिस्तियान साबसक्राइबारस आरो नायग्रा फोरनिसिम MERRY CHRISTMAS।
2018
मायथायनि APSC आनजादनि
फिथायखौ मैया फोसावबाय। सा 7 बर आ उथ्रिसार जानो हादों। एस ति(पि) याव गासै सा 14
नि सा 7 आ बर, बरफोरा गासै मोन7 मासि आवग्रिनो हादों। उथ्रिसार जानाय फरायसाफोरनि
मुङा, ए सि एस(आसाम सिभिल सारभिस) आव निजोरा बर, रिसन बर, देबिडसन दैमारि, सिमन्त
बसुमतारि, लेन्ड आरो रेभिनिउ आव रिया मेस, राभानि बर, आरो चरन नार्जारि।
गासै आसामनि गिबि मासि मोननो हादों गोलाघात नि कंकन ज्योति सइकिया या। गुवाहाति गोजौ बिजिरसालियाव खामानि मावो बिथाङा।
बि टि आर नि गामि सोसननाय दानखनाय। बि टि आर गोरोबथायाव दंमोन बेयो, दफा नं 3.1 आव लिरनाय दं। गोसोब्ला हाबनो हागोन, गोसोब्ला ओंखारनो हागोन। फोसवलाय दिहुनना होदों, बेयाव बुंदों बि टि आर आव गामि सोसननाय आरो दानखनायनि थाखाय दोलो, आफादफोरा 2021 मायथायनि 15 जानुवारिसिम बोसोन एबा दाबि खालामनो हागोन। एद्रेसफोरा(थं) जाबाय,
1) गनेश चन्द्र काकति, Joint Director, Directorate of AIRT & SC. आरो
पस्त नि गेजेरजों बो दैथायहरनो हागोन
2) Office of the Director, Assam Institute of Research for tribals and Schedule caste, Jawaharlal Nagar, N.H. 37, P.O-Khanapara, Guwahati-781022
रायजोफोरखौ आसि दिन्थिनानै रायजोफोरखौ जोंसो बिटिसिखौ खालामदों होनना बुंनायनि भिदिअ भाइरेल जादों पर्बतझोरा बियाबनि एम सि एल ए मुनमुन ब्रह्म नि। बे भिदिअ आव नो रायजोफोरनि फारसे मुजुदै गारनाय बो नुनो मोनदों। फ्लर टेष्ट आव जेननायनि उनाव कक्राझारनि बडफा नोगोराव दुंहाव थासारि नुनो मोनदोंमोन, इउ पि पि एल दोलो नि हेफाजाबगिरिफोरा मुनमुन ब्रह्म ग बेक, मुरदाबाद बायदि स्लगानफोर होदोंमोन। लोगोसे सानसे सिगाङाव मुन मुन नि बेरेखा गसर बो थिसनदोंमोन कक्राझार पुलिस थानायाव, बिसायखथि नि आयेनखौ सिफायनायनि दाय आव।
जौसिन फरायसालि नि बिजाबआव बिहु खौ आयदा महरै थिसनबाय। सेथि बोसोर थाखोनि थाखाय आसामनि बिहु रंजाथाय बिमुंजों आसाम हायार सेकन्दारि इदुकेशन काउन्सिल आ बिजाबखौ बेखेवो। गोदान जोलैनो बिहु नि सोमोन्दै मिथिहोनो थाखायनो बे आयदाखौ थिसननाय जादों। गासै 100 नम्बरनि 30 आ थिउरि(लिरथि महर) आरो 70 आ प्रेकतिकेल नि जागोन। बिहपु फोरबो बादिनो गुबुन गुबुन मोनबा हारि नि रंजाथाय फोरबो नि सोमोन्दै बो बे बिजाबाव मिथिहोनाय जादों।
कुमारिकाता
आउतपस्त आव थानाय मेसगुरियाव थांनाय 21 दिसोम्बरखालि सासे गुलि गावनायनि जाथाय
जादोंमोन। बेनि दाय आव तामुलपुर पुलिस आ हाथियारजों लोगोसे साथामखौ हमदों। तमुलपुर थाना नि एस आई मनोरन्जन मेधि आरो
कुमारिकाता आउतपस्त नि एस आई निलभज्योति नाथ नि दैदेननाय मोनसे हानजा या हमनो
हादों। हमजानायफोरनि मुङा मायनावफुरि नि बिक्रम वारि, मेसगुरि नि बिक्रम मागर आरो
कालिपुर नि राजु लिम्बु। बिसोरनिफ्राय गंसे पिस्तल, गरथां गुलि मोनदों। दायो
बिसोरखौ जोल आव लांनाय जाबाय।
बास नि सौग्रावनायाव सासे बारग मिस वर्ल्ड नि जिउ गोमायो। आर्जेन्तिना नि नर्मा कापाग्लि। जाब्रथाय आव नर्मा नि खरआव गोब्राब जखम मोनदोंमोन, उनाव 6 सान कमा याव दंमोन। 1961 मायथाय आ नो मिस वर्ल्ड खौ देरहानो हादोंमोन। रुंसारि जानाय समाव बैसो आ 81 मोन। मडेलजों लोगोसे मेथाय रोजाबनायाव बो आखा फाखामोन आऱो लोगोसे खौरांगिरि नि खामानि बो मावदोंमोन।
कास्मिरआव उदखारिफोरनि गाग्लोबनायाव आसामनि सासे जवान मुंख्लं जादों। धेमाजि नि सिसिबरगांव नि म्रित्योन्जय चुटिया। बिथाङा सि आर पि एफ मोन, कुपवारा याव खामानि मावोमोन। म्रित्योनजजों लोगोसे आरो सा नै जवान आ मुंख्लं जाबावदों, गासै सा 3, ग्रेनेड बेरफ्रुनायाव।
ख्रिसतमास आऱो गोदान बोसोरनि थाखाय सोरखारनि कभिदनि गाइदलाइन, 24 दिसेम्बरनिफ्राय 1 जानुवारिसिम नि। पाब्लिक प्लेस आव सा 50 नि बारा ज जानो हाया, लोगोसे मास्क आरो सेनिताइजार, धोरोमारि गासैबो खामानिखौ नआव न खालामनो बिथोन, लांदां जायगायाव खालामोब्लाबो ससियोल दिसतेन्स खौ मानिनांगोन। सोरखारि खामानि मावग्रा खौ टेष्ट खालामगोन। गासैबो नेमखौ मानिना सोलिनांगोन, बेनि थाखाय जिला बेंगिरि नो बिथोन होबाय।
Please do not enter any spam link in the comment box. ConversionConversion EmoticonEmoticon