मोजां खौरां. The Union Ministry of Road Transport and Highways आ 31 मार्च 2021 सिम बारायना होबाय लाइसेन्स, आर सि, पारमित बायदि नि समखौ बारायना होबाय। आगोलाव बो बेबायदिनो बारायना होदोंमोन। बे बोसोरनि नो 30 मार्च, 9 जुन, आरो 24 आगस्तआव। बेफोर गासैखौबो कभिद नि थाखाय नो खालामदों। गासैबो फोरमान बिलाय नि भेलिदिति आ बारोब्लाबो पुलिसफोरा जेबो खालामनो हानाय नङा। 31 मार्च सिम बारायना होबाय।
कक्राझार नि चाटागुरि आव जानाय बास आरो त्राक नि जाब्रथाय आव सा 7 नि जिउ गोमायो(गोदान सासे), सा 20 आ जखम जादों। पुलिस नि दोलो आरो खाथिनि सुबुंफोरा बास आरो त्राक नि सुबुंफोरखौ बासायो आरो देहाफाहामसालियाव लाङो। बास नि नम्बर आ ए एस 16 सि 1875, जोखोम जानायफोरखौ गुवाहाति नि गुबुन गुबुन देहाफाहामसालियाव लाना थाङो। आसामनि गिबि मन्थ्रि बिथाङा दुखु मोननाय फोरमायदों, लोगोसे गासैबो जोखोम जानाय सुबुंपोरनि फाहामथाय नि बेबस्था खालामनो होदों।
पि एम किसान नि रां हाबाखै नामा। मानो हाबाखै
मिथिनो थाखाय सोरखारा फन नाम्बार आरो ई मेइल एद्रेस होदों। 01124300606,
18001155266, ई मेइल आ pmkisan-ict@gov.in मिरु
सोरखारा थांनाय 25 दिसेम्बर, बारग गाहाय मन्थ्रि रुंसारि अतल बिहारि बाजपेयि
बिथांनि जोनोम सान आरो ख्रिस्तमास खालि 2000 रां यै सोना होदोंमोन। गोबां नि
एकाउन्त आव नो रां आ हाबाखै।
तामुलपुर आव तामुलपुर पुलिस आ नंखाय आधार कार्ड नि चेन्टारखौ हमदों। बाक्सा जिला नि सिङाव थानाय तामुलपुर महकुमा आऱो तामुलपुर थाना नि सिङाव थानाय चापाताल गामियाव थानाय मायनुल हक मुंनि सासे सुबुंनि नखराव सिकावै बानायखुमानाय नंखाय आधार चेन्टार खौ हमनो हादों। बेनि गुबै दायनिगिरि सामाद आलि खौ पुलिसफोरा हमो, आरो सानै या खारखुमाबाय। बेजों लोगोसे गंनै लेपतप, स्केनार, जेरक्स, फिंगारप्रिन्त मेसिन आरो गोबां सुबुंफोरनि फोरमान बिलाय मोनदों।
ICC आ Team of the
decade खौ फोसावबाय। हौवाफोरनि 20-20 आव भारतनि रोहित
सर्मा, भिरात कोहलि, जसप्रित बुमराह आरो एम एस धनि(केप्तेइन) आ जायगा मोनदों,
आयजोफोरनियाव हरमनप्रित कौर आरो पुनम यादव आ जायगा मोनदों।
50-50 आव रोहित, भिरात आरो धनि(केप्तेइन) आरो
आयजोफोरनियाव मिथालि राज आरो झुलन गोस्वामि आ जायगा मोनदों।
टेष्ट आव भिरात कोहलि आरो रबिनचन्द्रन अश्विन आ जायगा मोनदों।
गोजां बोथोरनि आसाम एसेम्ब्लि या दिनैनिफ्राय
जागायगोन। सान्थाम जागोन(28 दिसेम्बरनिफ्राय 30 सिम)। बेयाव गासै मोन 12 बिल खौ
पास खालामगोन(30 दिसेम्बरखालि)। फारिलाइ आव बर कचारि अटनमास काउन्सिल आ बो दं।
आसाम सोरखारा गिबि सान आव 2020-21 नि उफ्रा बाजेत बो थिसनगोन आरो 29 दिसेम्बर खालि
पास खालामगोन।
मुंदांखा जनबिल मेला या 21 जानुवारिनिफ्राय जागोन, 23 जानुवारियाव जोबगोन(जागिरद नि खाथि नि जनबिल आव)। मेघालय आरो कार्बिआंलं नि हाजो ओनसोलनि थागिबिफोरा आबादारि मुवा बेसादफोरखौ मेला याव सोलायलायगोन। मेलाया कोभिद नि प्रतकलखौ मानिनानै जागोन।
इउरोप
आव पाकिस्तान नि बिरखं सालायनाय बन्ध। आगोलवनो बन्ध खालामदोंमोन, दायो आरोबाव 3
दान नि थाखाय बन्ध खालामना होबाय। पाक नि म्नथ्रि नि बादिब्ला कमारसियेल फ्लाइत नि
लाइसेन्स होनाय़खौ लानानै गिनाय मोनदों इउरोपनि इउनियन एभियेशन सेफति एजेन्सि।
सुपारस्तार रजनिकान्त नि देहा या मोजां जानायनि लामायाव, बिथांखौ मैया हायदाराबाद नि एपल देहाफाहामसालिनिफ्राय उदां खालामना होबाय। साननै सिगाङाव ब्लाद प्रेसरनि थाखाय बिथांखौ देहाफाहामसालियाव थिसननाय जादोंमोन(बिथाङा सुतिं खालामबाय थादोंमोन)। देहाफाहामगिरिफोरा बुंनाय बादिब्ला बिथाङा रेस्त लानो नांगोन, नआव नो थानानै जोथोन लानो खावलायदों।
Please do not enter any spam link in the comment box. ConversionConversion EmoticonEmoticon