मैया रायजर दल नि सासे दैदेनगिरि(गाहाय
लिंथुमगिरि) दिवस फुकन आ बुंदों, बि जे पि या बर' माहारियारि साननाय, बर' नि
स्वाभिमानखौ फोजोबस्रांनानै बिदा-फंबाय नांलायहोनायनि लामायाव लांगासिनो बरफोरखौ
होननानै। 2016 मायथाइनिफ्रायनो बेबायदि खालामबोगासिनो। मैया कक्राझार प्रेस क्लब आव
जानाय खौरां मेल आव बिथाङा बुंदों। बि जे
पि या बडफा उपेन्द्र नाथ ब्रह्म नि हा याव रुवाजों दानदों। बि जे पि या रां नि
बोलो आरो खुंथायखौ लाजिगोयै महरै बाहायना बि टि सि याव खुंफुंनाय बिसायखथि या
लाजिनांथाव आरो बि पि एफ आ बांसिन मासि देरहानायनि उनाव बो सोरखार दानायनिफ्राय
गोजानाव थानो गोनां जादों। लोगोसे बिसायखथियाव रिगिं खालामनाय, भटार हाबनो होयै
एम्बुलेन्स आव रां लाबोनानै राननाय बायदि गाज्रि खामानिफोरबो मावदों होनना बुङो।
बि जे पि या गिबियावनो कार्बि आंलं, राभा हासं, टिवा, मिसिंफोरखौ मन'ग्लाबदों आरो दायो ए जि पि खौ बो मननो नागिरदों। बिथाङा बुंदों बेबायदि हारियारि, धोरोमारि
बेरेखा, थगायनाय, बर' माहारियारि साननायखौ फोजोबस्रांनो नागिरनायनि फिननाय होनाय सम
फैबाय होनना बुंदों, बेखौ ए जे पि, बि पि एफ आरो रायजर दल आ ज जानानै बि जे पि खौ
जाफुंसार जानो होनाय नङा होनना बो बुङो। लोगोसे बि जे पि खौ गोख्रों राव जों
सोंखारिनानै थागिबि हारिफोरनि सोलाय आदानि, आम्बानि थामहिनबा बनिक माहारि नि
आखायाव मा कामाख्या, एयारपर्त फोरा थांबाय होनना बुंदों आरो आसाम सोरखारा दिल्लि
नागपुर नि बिथोनबादियै सोलियो होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon