आसामाव माद्रासा या बन्ध जासिगोन, मैया बिल खौ पास खालामबाय। बे बिल खौ पास खालामनायाव हेंथा होदोंमोन कंग्रेस आरो ए आई इउ दि एफ आ, थेवब्लाबो पास खालामो। 1 एप्रिलनिफ्राय सरसनस्रा नेमजों सोलिनाय फरायसालि बायदि खालामनाय जासिगोन होनना मन्थ्रि हिमन्त बिस्व शर्मा बिथाङा बुंदों, लोगोसे दायो मुसलमानफोरा धोरोमारि सोलोंथायनि जायगायाव दाक्टर इन्जिनियार जानायनि सिमां नुगोन होनना बुंदों।। बिधान सभा नि गोजां बोथोरनि जथुम आव बर रावखौ सोरखारि लोगो राव महरै गनायथि होयो(बिल पास खालामबाय, Associated Official Language). लोगोसे BKWAC नि बिल खौ बो पास खालामनाय जायो। मैया बर रावखौ नुनानै बांगालि रावखौ बो सोरखारि लोगो राव खालामनायनि दाबि सासे कंग्रेस नि एम एल ए नि। नाम आ कमलाक्ष दे पुरकायास्थ। बिथाङा बुंदों, बर रावखौ सोरखारि लोगो राव बानायनायाव जेबो हेंथा गैया, नाथाय बाङालि राव रायलायग्रि नि अनजिमा या आसामाव गोबां दं, बेखायनो बाङआलि रावखौ बो लोगो राव बानायनांगौ। मन्थ्रि चन्द्रमोहन आ बिथांखौ बि टि आर सुक्ति नि सोमोन्दै बुङो, लोगोसे मन्थ्रि हिमन्त आ कमग्रेस नि समाव खालामनाय बर राव नि गनायथि नि सोमोन्दै बो बुङो। बेबायदिनो बर रावनि बिल आ पास जायो।
एबसु नि आफादगिरि दिपेन बर बिथाङा आसाम सोरखारखौ साबायखर बावो, बे जारिमिनारि सानखौ अराय सम गोसोआव लाखिगोन होनना बुंदों।
बर थुनलाइ आफाद आ बो BKWAC आरो
बर रावखौ सोरखारि लोगो राव नि बिल खौ पास खालामनायखौ बरायदों आरो बेनि थाखाय आसाम
सोरखारखौ साबायखर बावहरो।
फैगौ जि साननि गेजेराव नो जेल आव थांगोन हाग्रामा महिलारि बिथाङा, बि टि सि याव जाख्लनायनि नायबिजिरनायखौ गोख्रैयैनो खालामगासिनो, 2300 कौटि रां जाख्लनायनि फोरमान सोराङाव फैदों आरो जाख्लनायाव सोमोन्दो थानाय गासैबो जेल आव थआंनो नांगोन होनना बि टि आर नि गाहाय प्रमद बर बिथाङा बुंदों। मैया धेकियाजुलि नि बेलसिरि नि बालाबारि याव खुंनाय दुलाराय बर फरायसा आफादनि सनितपुर जिला नि बोसोरारि जथुम आव बाहागो लानानै बेखौ बुंदों बिथाङा, लोगोसे रन्जन दैमारि बिथाङा थाबैनो उदां अख्रांनि सिङाव फैगोन होनना बो बुंदों, सनितपुर आरो बिस्वनाथ खौ थैबैनो बि टि आर गोरोबथानि बादियै सोनाय नि थाग थियार खालामगासिनो होनना बुंदों। बिथाङा बर रावखौ सोरखारि लोगो राव महरै गनायथि होनायनि थाखाय आसाम सोरखार खौ साबायखर बावो।
मोसा नि गाग्लोबनायाव हाग्रा बिफान नि सा 4 जखम जादों। गरचुक नि दिल्लि पाब्लिक स्कुल लांगोनायाव मोसा बेरायथिंनाय नुदोंमोन, बेखौ हमनो थाखायनो हाग्रा बिफान नि दोलो आ थांदोंमोन। बिथांमोनखौ नो गाग्लोबो, बेयाव सानै अफिसार आरो सानै मावथि या जखम जादों. नामफोराप्रबिन हालै, आबेद आलि आरो हरि हिल, सासे नि मुंखौ मिथिनाय जायाखै। बिथांमोनखौ लोगो लोगो गुवाहाति नि आयुरचन्द्रा देहाफाहामसालियाव लांनाय जायो।
आसामनि जुनारसालिखौ 2 जानुवारिनिफ्राय खुलिना होगोन, 9 दान जाबाय बन्ध जाना थानाया। गासैबो जिब - जुनारफोरनिखौ नो खुलिना होजोबनाय जानाय नङा, जेरै मानबायग्रा। कोभिद नि गासैबो नेमफोरखौ मानिनांगोन।
नागालेन्द खौ आरोबाव 6 दान नि थाखाय सान्ति गैयि ओनसोल कालामनाय जाबाय(disturebed area). MHA आ बुंदों, 30 दिसेम्बरनिफ्राय जागायबाय। Armed forces Special Power Act आगोलनि बादि नो रैखाथि बिफान आ जा गोसो बेखौनो खालामनो हागोन।
1 जानुवारिनिफ्राय फास्तेग थायाब्ला 2 गुन तोल होनो नांगौ। हादरना गासै 615 माहारियारि आरो 101 रायजोआरि टोल प्लाजा याव सानफ्रोमबो रां लानायखौ 2 गुन खालामगोन। लोगोसे आप दाउन खालामनायनि मोननैसो नेमखौ बो सोलायगोन। भारतआव सानफ्रोमबो 5 कौटि गारि या राजा लामा बाहायो, जायनि गेजेराव 2 कौटि 25 लाख आ ल सो फास्तेक बाहायोमोन।
1 जानुवारिनिफ्राय मोननैसो मदेल नि मबाइल फन फोराव ह्वत्स एप सापर्त खालामनाय नंलिया। आई फन नियाव iPhone 4S, 5s, 6, 6s, Android नि या Android 4.0.3 operating system नि सिं नि फोराव सापर्त जानाय नङा, सामसुं गेलेक्सि एस 2, मटराला द्रइद रेजार, एल जि अप्तिमास ब्लेक, एइस टि सि दिजायार बायदि बायदि फन फोराव।
येमेन नि बिरखं गाथोन आवबमा जों गाग्लोबदों। आदेन बिरखं गाथोन आव। गोदानै दाजानाय सोरखार आ साउदि आरबनिफ्राय सफैनायनि उनाव नो बम जों गाग्लोबो, गुलि गावलायनायबो जायो, सा 10 नि जिउ गोमादों, सा 12 नि बारा जखम जादों।
महारास्त्र आव 31 जानुवारिसिम लकदाउनखौ बारायना होबाय़। रायजो सोरखारा 27 नबेम्बर आव 31 दिसेम्बरसिम जागोन होनना बुंदोंमोन, नाथाय दायो बेखौ बारायनानै 31 जानुवारि सिम खालामनाय जाबाय। रायजो सोरखारा गासैबो जिला बेंगिरि नि गेजेरजों हरनि कार्फिउ होनायनि बिथोन होयो।
Please do not enter any spam link in the comment box. ConversionConversion EmoticonEmoticon