मुंदांखा बर आर्चारि गेलेगिरि गहेला बर आ दिल्लि याव बेराम नि फाहामथायनि थाखाय थांबाय। साननैसो सिगाङाव बि टि आर नि गाहाय प्रमद बर बिथाङा खौरां लाहैदोंमोन आरो अनसुंथाय होनानै मदद बो खालामदोंमोन। पेरालाइसिस बेरामजों गाग्लोबजानानै दं।
तामुलपुर महकुमा नि भारत भुतान सिमा नि नाग्रिजुलि ओनसोलाव हाग्रानि मैदेर नि उदखार खौ फोजोबनो हायाखै दासिमबो। मैया हर आव भारत भुतान सिमना नि बिहंगपुर आव मैदेर नि हानजा या हाबो, गिख्रंथाव थासारि सोमजियो। बिहंगपुर जों लोगोसे बिष्णुपुर, नागापुर ओनसोलावबो हाबो। गामियाव हाबनाय लोगो लोगो न बां गारनानै गामि नि सुबुंफोरा खारनांगौ जायो। न बां, गय बिफां, नारेंखल सेफायनानै, बाख्रि नी माय जानानै थाङो मैदेरआ। थांनाय 15 बोसोराव तामुलपुर महकुमायाव हाग्रानि मैदेरनि गाग्लोबनायाव सा 100 सो सुबुंफोरनि जिउ गोमाबाय आरो मा 15 सो मैदेरनि जिउ गोमायो।
हाग्रामा महिलारिया हर्स ट्रेडिं खालामनो नाजादोंमोन, बुंदों इउ पि पि एल नि देरहानाय बिजाथि रन्जित बसुमतारि बिथाङा। जेननायनि उनाव देरहानाय परिषदफोरनि नखरखौ दाबि-हुमखि होनायजों लोगोसे 50 निफ्राय 100 कौटि सिम होनानै हर्स ट्रेडिं खालामनो नाजादोंमोन। बि पि एफ आ 6 दान नि उनाव सोरखार दागोन होनना बुंदों, बेखौ बिथाङा थांखि गैयि(उददेस्यहिन), भेलिउलेस होनना बुंदों। बि पि एफ नो नांगौ जानाय सा 4 परिषद नो 400 कौटि जों लोगोसे ई एम नि बिबान होनो बो नाजादोंमोन होनना बुंदों। गिबियाव बिथांखौ नो खालामनो नाजादोंमोन होनना बुंदों। लोगोसे मोनसे मेसेज बो होदोंमोन होनना बुंदों जेराव बिसोर जेसेबां नांगौ ला, नाथाय बे बाराव जोंखौ सोरखार दानो हो आरो इयुनाव हारि नि मुङाव गाज्रि खामानि मावलिया होनना बुंदों।
जोनोम जानाय जायगायाव मोनफैबाय मुंख्लं
मृत्योन्जय सुतिया नि जिउ गैयि देहा या। जम्मु कास्मिर आव उदखारिफोरनि ग्रेनेड
गाग्लोबनायाव मुंख्लं जादोंमोन। दिनै फुंनि 9 बाजियाव इन्दिग बिरखं जों दिब्रुगर
बिरखं गाथोनाव मोनफैयो, बेनि उनाव धेमाजि नि सिसिबरगामि याव लाना थाङो बिथाङा सि
आर पि एफ नि 115 नम्बरनि बेतेलियान मोन। बिथाङा मेत्रिक आरो हायार सेकन्दारि खौ
गिबि दिभिजन जों पास खालामदोंमोन, बेनि उनाव दिग्रि खौ फिजिक्स लानानै गिबि थाखो
आव पास जादोंमोन। उनाव ननि सायाव बजाय जाना थायालासै, गावनि आयथेङाव गसंनो गोसो
आरो हादरनि थाखाय माबा मोनसे खालामनो गोसो लानानै सि आर पि एफ आ थांदोंमोन। 2017
मायथाइ आव नो साख्रि खौ मोनदोंमोन। साख्रि आव हाबनायनि सिगां बिथाङा फरायनाय
फरायसालियाव बिजाबफोरखौ दान होना गालांदोंमोन, जाहाथे गोरिब नखरनि फरायसा फोरनि
मदद जायो।
जम्मु कास्मिर आव आरमिफोरनि गुलियाव सानै सिनायमोनि उदखारि थैयो(मैया हर आ सासे, दिनै सासे)। बेयाव सानै आरमि बो जोखोम जादोंमोन। सपियान आव जादों। बे जायगायाव उदखारि फोरा थानायनि खौरां मोननानै आरमिफोरा खालामो बे अपारेशनखौ। दासिमबो थैनाय उदखारिफोरखौ सिनायनो हायाखै।
रिजार्भ बेंक आ 2021 मायथायनि बेंक बन्ध नि फारिलायखौ दिहुनना होबाय। 40 सान नि बारा बन्ध थागोन 2021 आव। मोनफ्रोमबो दान नि नैथि आरो 4थि सनिबार आ बन्ध, लोगोसे सोरखारा फोसावनाय बन्ध बायदिनो थागोन बेंक आ बो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon