गोजौ बिजिरसालि आ एनदिएफबि नि गायसनगिबि
आफादगिरि रन्जन दैमारि बिथांनि आरजलाय नि हेयारिं खौ 17 जानुवारि निफ्राय होगोन। बेयो मोनसे गिदिर केस, बेखायनो सानफ्रोमबो हेयारिं होनाय आ गोनां। रन्जन
दैमारि सार नि आरजलाय आ स्पेशियेल कोर्ट नि जिउ जोबजासिम नि जेल जाहोनायनि बेरेखा
मोन। थांनाय 2019 नि जानुवारि निफ्राय नो जेल आव दं बिथाङा। बिथांनि जानानै नांनाय
उकिल मानस सरनिया या बुंदों सिबिआई आ ईसे सम लानो हागौ होनना।
आसाम सोरखारा ग्रेड 3 आरो 4 साख्रि नि थाखाय
बिटिसि नि सोरखार नि सिम नटिस हरनायनि उनाव ससियेल मिदिया याव बायदिसिना बुंनाय,
गोनो गोथो सोमजिनाय नि सायाव सोरखार आ खेंफोरथि होदों। बिटिआर नि सिङाव बेसेबां
मासि लांदां जाना दं बेनि सोमोन्दै सोरखार आ सोंनायनि लाइजाम हरदों। बेखौनो ससियेल
मिदिया याव बेखौबो बिटिआर नि गोहो खौ सेना लांबाय होनना बायदिसिना नंखाय फोसावनाय
जादोंमोन। ईन्टारभिउ खौ बिटिआर सोरखार आ नो लागोन होनना रोखा खालामो सोरखार आ।
नाथाय रांखान्थियारि गनायथि नि थाखाय एबा बेथन नि गनायथि नि थाखाय रायजो सोरखार नि
गनायथि नांगौ मानोना बिटिसि सोरजिनायनिफ्राय रांखान्थियारि बिफान आ गैया होनना
बुंदों। रायजो राजा फोरखौ नंखाय खौरां खौ लानानै दावराव दावसि खालामनो नाङा होनना
बुङो, मानोना बेखौ बिटिर सोरखार आ नो खुंगोन होनना बुङो। लोगोसे 16 टा बिफान खौ
आसाम सोरखार नो हरनाय होनना बुंनाय आ बो नंखाय होनना बुङो। दिसि एसपि खौ नायनानै
प्रिन्सिपाल सेक्रेटारि नि गेजेरजों जोंनि गाहाय नो रिपर्त होनो नांगौ होनना
बुंदों, बेयो बिटिआर सोरखार नि सो अर्दार होनना बुंदों, बेखौ नायदिंनो होदों
सोरखार आ सो, आगोलाव जौगालु बिथांखि फोरखौ नायनो थाखाय मानसि गैयामोन। बेनि
गेजेरजों बिटिआर नि गोहो आ खम जायाखै बारा सो जादों होनना बो बुङो। हाग्रामा
महिलारि बिथांखौ एसेम्ब्लि आव फैनो खावलायो, बेरेखा दोलो नि दैदेनगिरि महरै हाउस
आव थानो नांगौ, माबाफोर गाज्रि नुयोब्ला बुंना होनांगौ होनना बुंदों।
7 दान नि सासे उन्दै गथ नो भेकसिन होनाय आरो पलिअ
जाहोनाय नि उनाव नो गथ नि जिउ गोमादों। कक्राझार नि जाथाय बेयो। सोहोर नि हादानपारा
याव जादों भेक्सिनेशन खालामनो लांनायनि उनाव नो बेबायदि जायो। 7 दान नि गथ नि मुङा
हिया ब्रह्म। बिमा बिफा या बुंनाय बादिब्ला हादानपारा नि भेकसिनेशन चेन्टार आव
भेकसिन खौ होदोंमोन। मोन 3 बेजि होदोंमोन होनना बिफा या बुङो। बे ल नङा पलिअ नि
थुब नै मुलि बो होदोंमोन होनना बुंदों। नाथाय मैया हरखाब गथ नि देहा या गाज्रि जानायाव गंसे सोरखारि नङि देहाफहामसालि आव
लांनायाव थैबाय होनना बुङो. दायो गथ नि बिमा बिफा या कक्राझार सदर थाना याव
एजाहार होबाय। मखजाथावदि कक्राझार सोहोर नि 8 नं वार्द नि जामफै बारनायनि थागिबि
जाखांगोरा आरो जुलि ब्रह्म नि फिसाजो मोन हिया ब्रह्म आ। थारैनो दुखुनांथाव।
सानसे सिगाङाव जिउ गोमानाय सिदिएस जेनेरेल
बिपिन रावत नि जिउ गोमानाय खौ लानानै ससियेल मिदिया याव गाज्रि बुंना लानानै
हमजाबाय सासे। जावाद खान मुंनि सुबुङा ईन्सताग्राम आरो त्विटार आव गाज्रि यै
लिरदोंमोन। एसपि अमप्रकास आ नुनायनि उनाव बिखौ हमनो होयो। बियो राज टकिज रोद नि
थागिबि मोन।
दोलो जानानै गाग्लोबनाय जाथाय। जिला बिजेपि नि
आफादगिरि नि बिदा खौ गोबौ हाथियारजों गाग्लोबनाय जाथाय। कलियाबर जिला बिजेपि नि
आफादगिरि अनिल शईकिया नि बिदा अजय सईकिया खौ गाग्लोबदों। सा 3 नि बेरेखा अजद
होदों। खौरां मोननाय बादिब्ला पुलिस आ जाथाय जानाय जायगायाव थांबाय आरो सा 3 खौ
हमबाय, गुबुनफारसे गाज्रियै जोखोम जानाय सुबुंखौ फाहामथाय नि थाखाय देहाफाहामसालि
आव लाङो।
झारु एबा हासिब बाबा, नंखाय बाबा या हासिब जों
बायदिसिना बेराम नि फाहामथाय होना रां लुथिनायनि अजद। धिं आव जादों। 6 दान सो
सिगाङाव बो लावपनि बाबा ओंखारदोंमोन। बे खनसेयाव धिं नि सालकाटि आव। न सिबनाय
हासिब जों नो बायदिसिना खालामो। मुङा आजिजुल हक। सावगारि आव नुनाय आ सासे उन्दै
जोनोम जागोदान गथ, बिखौ नो हासिब जों फाहामथाय होदों। नाथाय नोंथाङा मिथियो ना
बिसोर बे नंखाय गाज्रि खामानि खौ मावनानै बेसेबां रां लायो, 500 रां, ओनसोल नि
गोबां सुबुंफोरनिफ्राय रोजा रोजा रां लुथिबाय। आयेन बेरेखा यै बेबायदि खालामनायखौ
लानानै रायजोफोरा रागा जोंनानै पुलिस नि खाथि आव थाङो, अजद हैयो। नाथाय दासिमबो बे
नंखाय बाबा नि बेरेखा जेबो एक्सन लायाखै होनना खौरां मोनदों।
बिष गोनां प्रसाद जानानै काछार आव सा 25
सुबुंनि देहा या गाज्रि जादों, सासे नि जिउ बो गोमादों। काछार जिला नि काटिगरा
बियाब नि कुरकुरि साहा बागान आव जादों जाथाय आ। थैनाय आ सासे आयजो मोन होनना
मिथिना मोनदों। मिथिना मोननाय बादिब्ला कुरकुरि साहा बागान नि मोनसे दोलो आ
सालसापरा याव जानाय फुजा याव थांदोंमोन, बेनिफ्राय लाबोनाय फुजा नि प्रसाद खौ
जानानै नो जयो जाथाय आ। गासैबो जोखोम जानायफोरखौ देहाफाहामसालि आव लाना थाङो।
मैया आईएसएल आव मुम्बाई आ जामशेदपुर खौ 4-2 गल
जों फेजेनदों। बेनि गेजेरजों मुम्बाई आ मोन 5 नि मोन 4 खौ देरहानानै मोनसे खौ
जेननानै 12 पइन्त्स जों गिबि आव, जामशेदपुर आ मोन 5 नि मोननै देरहाना मोननै द्र
आरो नसे जेनना 8 पइन्त्स जों 2थि आव दं। दिनै उरिस्या एफ सि आ नर्थ ईस्त नि बेरेखा
गेलेगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon