आसामनि गिबि मन्थ्रि नि दैदेनायाव मैया दिसपुर नि जनता भवन आव सप्तायारि केबिनेत नि सावरायनाय जायो। सावरायलायनाय आव गोनांथार थिरांथाफोर लायो। जथुम नि उनाव मन्थ्रि केशव महन्त आ खोरांमेल नि गेजेरजों थिरांथाफोरखौ फोरमयना होयो। केबिनेट नि थिरांथा बादियै 3 आरो 4 ग्रेद नि साख्रि थिसननायनि थाखाय मोनसे बोर्ड दाना होगोन। फोरोंगिरि आ 30 सान नि बारा सुटि लायोब्ला, फरायसालि आव लांदां जाना थानाय मासि आव आजिरा मोननाय फोरोंगिरि खौ टेमपरेरि महरै साख्रि होनो हागोन, आलासि बायदि जागोन, दरमाहा महरै 10 रोज रां होनो हागोन। मोननै आयेन खौ केबिनेट आ पास खालामनाय आसाम एनिमेल हास्बेन्दारि आरो रायजोआऱि साख्रि थिसननाय पुलिस आयोग आयेन खौ सोलायनाय जागोन बिधानसभा याव। फैगो 2 दान आव दाबनै सो जायगा नि मुं खौ सोलायगोन। कनट्रल दखान नि लाईसेन्स खौ 3 बोसोर सिम बारायबाय, आगोलाव बोसोर से मोन रिनिउ खालामनाय आ। आसाम शुक्ति खामानि नि थाखाय सोद्रोमा नि अनजिमा खौ बारायगोन, कमिटि आव आशु नि अनजिमा खौ सा 3 सिम बारायदों।
साहा दै लोंनो थाखाय 5 रोजा रां नांगौ, पुलिस अफिसार आ घोस लानानै हमजाबाय। करिमगन्ज नि पाथारकान्दि पुलिस थाना नि एसआई जितेन्द्र सिंह आ हमजाबाय। ससियेल मिदिया याव भाईरेल जादों बियो घोस लानाय भिदिअ आ। आसाम पुलिस नि स्पेशियेल दिजिपि जिपि सिंह आ त्वित खालामनाय नि उनाव करिमगन्ज नि उफ्रा एसपि पंकज यादब आ थाना याव थांनानै हमो। सासे सुबुङा पुलिस रिपर्त लांनो फैनाय आव 5 रोजा रां दाबि खालामदोंमोन। थाना नि सिङाव नो बेबायदि गाज्रि खामानि आ सोलिनाय आ सोमोनांथाव।
नगांव आव बो
एखे जाथाय आ नो जादों। बेयावबो सासे मन्दल आ घोस लाना लानानै हमजाबाय। देबानन्द
बरा मुंनि मन्दल खौ जाख्लनाय होबथाग्रा ब्रान्स आ हमो। बो मोनसे जाथाय आ हजाई आव
जादों। होजाई चार्कल अफिस आव मोनसे सोरखारि खामानि नि थाखाय बे मन्दल आ 1 रोजा रां
लादोंमोन। उनाव हमफैयो बिखौ आरो गुवाहाति आव लाना थाङो। दायनिगिरि देबानन्द नि न आ
नगांव नि ऊजरा गामि आव।
सनितपुर जिल्ला एबसुनि बानजाइनायाव जिल्लानि सिङाव थानाय गासै 154 FRC कमिटिनि आफादगिरि नेहाथारिजों लोगोसे गं 500निबो बांसिन गामिनि आफादगिरि नेहाथारि, सनितपुर जिल्ला बर' थुनलाइ आफाद, सनितपुर जिल्ला खौसेथि बर' सुबुं आफाद आरो सनितपुर जिल्ला बारग' एन.डि.एफ.बिनि दैदेनगिरिफोरखौ लानानै Forest Dwellers Act, 2006नि सायाव दिनै रांगापारानि सोनाब मानस्रि गुदि फरायसालिनि गेलेग्रा फोथाराव सावराय जथुम खुंनाय जायो। हाबाफारियाव गाहाइ बुंथिगिरि महरै बाहागो लायो मिरु एबसुनि आफादगिरि मानगोनां मुस्रि दिपेन बर'आ । गाहाइ बुंथिगिरि महरै बाहागो लानानै बावैसो सान सिगां सानैसो गुबुन हारिनि सुबुंफ्रा मेडियानि गेजेरजों सरकारा इनक्रसमेन मानसिफोरनोसो रिजार्फखौ सिफाइनानै हानि पाट्टा होनो नागिरदों होननानै बुंनायखौ नेउसिगारनानै आसामाव खना खनला राइजो जानाय गंफ्रोमबो बर' आरो ट्राइबेल नखरानो रावबो इनक्रचार नङा होनना सरकारा बिथांमोननो थाबैनो Forest Dwellers Act, 2006 आयेननि गेजेरजों हानि मोन्थायखौ होनांगौ होननानै आसाम सरकारखौ खावलायना सानैसोनि मेडियायाव फोसावनाय रावफोरा बिथा गैयै रावजोबसो होननानै सरकारनो मेडियानि गेजेरजों रोखा खालामनानै होयो । बे सावराय जथुमाव ओनसोलनि गोबां राइजोफोरानो बाहागो लादोंमोन ।
सोरखार मोनसे आ गोरोन्थि खालामनाय माने सुबुं समाज खौ उल्था फारसे लांनाय। बर नि आरनाय आ बहा थांखो, हारि नि खोथा बुंग्रा नि सोरखार बेयो, अब्ला बहा थांखो। बिटिआर सोरखार आ सेंग्रा सिख्ला फोरनो साख्रि होगोन होनना बुंनायमोन, आयजो नि ग्रुप फोरनो 75 रोजा रां होगोन होनना बुंनायमोन। बेकार फोरनो स्किल देभलपमेन्ट होगोन होनना बुंदोंमोन। एशेम्ब्लि आव मोनसेबो सोंनायनि थार फिननाय होनो हाया। मैया मुशलपुर जिला नि हेदकुवार्तार आव मोनसे खौरां मेल नि गेजेरजों बेफोरखौ सोंदों बारग ईएम हितेश बसुमतारि बिथाङा।
सोमोनांथाव, बोलो बाहायनानै दुखु मोननाय सान फालिनो होदों। 11 सान मिनिनो मोना, रंजानो मोना, बाजार खालामनो बो मोना। बेयो सोमोनांथाव नेम आ नर्थ करिया एबा साहा करिया याव, एबा किम जं उन नि हादराव जादों। 11 सान जौ बो लोंनो मोना आरो शपिं बो खालामनो मोना। बिफा किम जं ईल नि थैनाय बोसोरारि महरै बे नेम खौ लाबोदों। 10 थि थैनाय बोसोरारि सान खौ दुखु मोननाय सान महरै फालिगोन। 2011 नि 17 दिसेम्बर आव हार्त एटेक नि थाखाय 69 बोसोर बैसो व जिउ गोमायो। सोरनिबा जोनोम सान फालिनो मोना, थैनायनि नेम खालामनो मोना, जेबो रोखोमनि हाबाफारि लानो मोना
आपार आसामनि सा 12 सेंग्राफोरा आलफा याव थांनायनि सन्देह। मोन 3 बाहागो आव राननानै म्यानमार नि केप आव मोनहैबाय होनना बुंदों। दिब्रुगर नि सा 5, तिनसुकिया नि सा 2, लक्षिमपुर आरो गलाघात नि सानै सानै आरो धेमाजि नि सा 1 थांदों होनना सन्देह।
मोनसे सोमोनांथाव जाथाय। साननैसो सिगाङाव जिउ गोमानाय सुबुंनि देहा याव कभिद मोननदों होनना कुवारेन्टाईन आव थानो होनाय जाथाय जादों आसाम आव। सामसुल हुसेईन मुंनि सुबुंनि देहा याव मैया कभिद मोनदों होनना बुङो आरो गुवाहाति नि न खौ कुवारेन्टाईन खालामगोन होनना बो बुंदों। हुसेईन आ थांनाय 4 नबेम्बर आव नो जिउ गोमादोंमोन, नाथय रिपर्त आव सानसे सिगाङाव टेष्ट खालामदोंमोन होनना लिरदों। बिथांनि फिसाजो आ सोरनि गोरोन्थि नि थाखाय बेबायदि जादों होनना सोङो।
2021 नि एशियान चेन्पियनशिप ट्रफि आव भारत आ पाकिस्तान खौ 3-1 गल जों फेजेनो। भारत आ बांलादेश खौ बो फेजेनदोंमोन, 9-0 गल जों।
आईएसएल आव मैया नर्थ ईस्त आ ईस्त बेंगल खौ 2-0 गल जों फेजेनो।
बुहुमनि गिबि मेसेज आ फानजासिगोन, बे स्पेशियेल मेसेजखौ निलाम नि थाखाय थियारि खालामनाय जादों। 1992 मायथाइनि 3 दिसेम्बर आव हरनाय जादोंमोन बेखौ। बे मेसेज खौ भदाफन नेटवर्क बाहायग्रा एबा भदाफननि मावथि आ गुबुन सासे मावथि नो बेखौ हरदोंमोन। जेराव ख्रिस्तमास नि हामलानाय बावहरदों। Merry Christmas लिरना हरदोंमोन। जाय समाव मेसेज आ सुबुंफोरजों मोजां मोनजादों, बे समाव गिबि मेसेज आ आरो गोसोखांजाफिनदों। निलाम आव बेनि बेसेन 1 कौटि 79 लाख सिम मोनहैनो हागौ। 26 दिसेम्बर सिम सोलिगोन बे निलाम आ। बे साधारन मोननै लिरनाय मेसेज निफ्राय मोननाय रां खौ मायाव बाहायगोन, बेनि सोमोन्दै भदाफन आ बुंदों- बेखौ रिफिउजि एबा आश्रय लाग्रा फोरनो होगोन रां खौ। मखजाथावदि 1992 नि दिसेम्बर नि गिबि मेसेज नि उनाव 1995 मायथाइसिम गासै बुहुम नि 0.4 जौखोन्दो ल सुबुंफोरा दानफ्रोमबो मेसेज बाहायदोंमोन।
Please do not enter any spam link in the comment box. ConversionConversion EmoticonEmoticon