बिटिआर पारिषद
आ बोसोर से जाबाय। दिनै बेनि थाखाय कक्राझार आव गिदिर हाबाफारि लानाय जादोंमोन मोनसे।
बे हाबाफारि आव बिटिआर नि गाहाय प्रमद बर आरो आसामनि गिबि मन्थ्रिजों लोगोसे
एमसिएलए, ईएम, एमएलए बिथांमोना बाहागो लादों। दिनैनि हाबाफारि बादियै बिटिसि
सेक्रेटारेत नि बिल्दिं नि मोखाङाव फिरफिला बिरहोयो। बेनि उनाव देबरगांव नि
बदलेन्द नि मुंख्लं जोहोलावमोननि गोसोखां खाम्फा, दतमा नि बडफा उपेन्द्र नाथ
ब्रह्म नि, भातिपारा नि बदलेन्द सोमावसारनायनि गिबि मुंख्लं सुजित नार्जारि नि
मुसुखा याव बिथांमोननिसिम बिबार बावो। आसामनि गिबि मन्थ्रि आ कक्राझार नि चन्दमारि
निनि आईटि पार्क खौ बेखेवना होयो। केबिनेट मन्थ्रि उर्खाव गोरा ब्रह्म, एमएलए
लरेन्स ईस्लारि बिथांमोना बाहागो लादोंमोन।
रायजो आव गिबि पिकनिक जानो थांनाय गारि नि गिदिर जाब्रबथाय जानाय खौरां। सासे नि जिउ गोमाबाय। तामुलपुर आव जादों। बगामाति आव थांनाय गारि आव जादों। बरपेता नि बालिकुरि आन्सलिक हायस्कुल निफ्राय गंसे बास आ सोलोंथायारि दावबायनाय नि थाखाय थांदोंमोन। बेयाव गासै सा 45 फरायसा आरो सा 4 फोरोंगिरिफोर दंमोन। बास आ तामुलपुर नाग्रिजुलि उदालगुरि लामा जों थांबाय थानाय समाव नाग्रिजुलि कलेज चक मोननाय लोगो लोगो सासे सुबुङा बारना थांनो नागिरनाय आव नो जायो जाथाय आ। जायगायावनो थैयो बे सुबुङा। जाथाय जानायनि उनाव बास सालायग्रा या खारो। जाथाय जानाय जायगायाव पुलिस फोरा थांनानै बास खौ लाना थाङो।
बिस्वनाथ पुलिस नि गुलि आव जोखोम जादों सासे द्राग्स फालांगि। द्राग्स फालांगि नि मुङा फकिर आलि। सुक्रबारखालि द्राग्स जों लोगोसे हमदोंमोन फकिर आलि जों लोगोसे ईनामुल हक खौ। हर आव पुलिस नि गुलि आव जाखोम जादों। द्राग्स नि बेरेखा अपारेशन खालामबाय थानाय समाव नो खारखुमानो नागिरदोंमोन। आयथें आव गुलि गावनांगौ जायो। उनाव तेजपुर मेदिकेल कलेज आव लांनाय जायो।
दिन आईएसएल आव गिबि गेलेनाय आव चेन्नाई आ उरिस्या नि बेरेखा गेलेगोन आरो नैथि आव गवा या हादाराबाद नि बेरेखा गेलेगोन। चेन्नाई आ 5थि, उरिश्याया 4 थि, गवा या 9 थि आरो हायदाराबाद आ 3 थि नम्बर आव दं पईन्त्स तेबल आव।
Please do not enter any spam link in the comment box. ConversionConversion EmoticonEmoticon