जोबथा मिनिट आव बो रायलायनायनि गेजेरजों जेंना खौ फोजोबनो हायासै। खौरां मोननाय बादिब्ला दिनै आरो गाबोन पाब्लिक सेक्टर नि बेंक फोर। बेँकफोरखौ प्राईभेट खालामनायनि बेरेखा सोमावसारदों। बन्ध खौ ईउनाईतेद फऱाम अफ बेंक ईउनियन आ होदों। बेयाव गासै मोन 9 ईउनियन दं। खौरां मोननाय बादिब्ला गुबुन गुबुन पाब्लिक सेक्टर बेंक नि 9 लाख सो मावथि फोरा बेयाव बाहागो लागोन। पाब्लिक सेक्टर बेंक फोरा सोरखारि बिथांखि जों लोगोसे गासैखौबो मावो। स्तेत बेंक अफ ईन्दिया नि मावथिफोरखौ बे धर्ना याव बाहागो लानो होआखै, नाथाय बिथांमोना बाहागो लागोन ना लाया बेखौ दिनै सो मिथिगोन। बन्ध जादोंब्लानो बाहागो लादों। फान्द ट्रेन्सफारिं, चेक क्लियरिं बायदि खामानि आ बन्ध जाथनो हागौ।
बाक्सा जिल्लानि मुसलपुर जिल्ला भेटेनारि मावखुलियाव बिटिआरनि मावफुं सोद्रोमा राकेश ब्रम्ह आ मोन 100 सेल्प हेल्प ग्रुबनो थांना थानायनि राहा हिसाबै अमा फिसा राननानै होदोंमोन। अमा मिशन बेखेवनायनि उनाव दायो ट्रेईनिं होनाय खामानि मावदों होनना बो बुंदों। बिटिआर खौ अमा होननानै सिनायथि मोननाय, बाहेरा हादरजों मोजां सोमोन्दो लाखिनानै रांखान्थियारि जेंना खौ फोजोबनो नाजादों । अमा ल नङा बोरमा नि बो बिथांखि लादों होना बुङो। बे दिसेम्बर दान आव गोबां दाव हांसो अमा रानना होगोन। बिटिआरनि जिल्लाफोराव आरो दाब दाब जायगाफोराव थाबैनो राननानै होगोन होनना मिथिहोयो । बिथाङा खौरांगिरिफोरनि सिगाङाव बिपिएफ नि सोमोन्दै बो बुङो, बिसोरनि खामानि जों जोंनि खामानि खौ रुजुजाया। जों गिबि आव नो शान्ति नि खामानि मावदों होनना बुंदों। बिसोरखौ फुटबल बायदि जोगारबाय। फैगो 25 बोसोरसिमाव बिपिएफ दोलो दंमोन होनना मिथिनाय नंलिया। हाग्रामा खौ हिमालय आव साधना खालामनो सो होयो।
गुवाहाति आव सोमोनांथाव जाथाय। मोजां मोननायनि थाखाय नो बिमा नि मोखां सिगाङाव नो गोदना सेरथेनानै, गोबौ हाथियारजों गाग्लोबनानै सिख्ला खौ बुथारबाय सेंग्रा या। मिथिना मोननाय बादिब्ला मोजां मोननायखौ गारनायनि थाखाय नो बेबायदि खालामो। सातगांव थाना नि आमसां नि सन्जय लालुं मुंनि सेंग्रा या एखे गामि नि नो सासे सिख्ला खौ बुथारो। सिख्ल या बिमा जों बाजार आव थांनाय समाव नो नारेंगि आरमि केम्प नि खाथि आव गारि लाखिनानै गोबौ हाथियारजों गाग्लोबो। मिथिना मोननाय बादिब्ला कलेज नि फरायसुलि खौ मोजां मोननाय आरो सम्पति नि थाखाय नो बुथारो। पुलिसफोरा नायबिजिरगासिन दं। नायबिजिरनायनि उनाव सो मिथिगोन बेसेबां सैथो। पुलिसफोरा सेंग्रा खौ हमबाय।
गुवाहाति पुलिस नि 11 कौटि रां दाहार। सुक्टि जानाय थाव दिपु आव 11 कौटि रां नि दाहार नि बजा। साननै जाबाय थाव मोनि आ। पुलिस अफिसार मावथि लांनाय गारि आव होआखै थाव। मखजाथावदि थाव दिपु नि गाहाय आ गावनि रां जों थाव सोनायनि बिबान खौ मावदोंमोन। नाथाय दायो रां होयि नि थाखाय नो बन्ध खालामो। गसर नि नायबिजिरनो थांनाय गारि आ दायो बन्ध। मिथिना मोननाय बादिब्ला थानसिं नाथमल दिपु आ गुवाहाति पुलिस निफ्राय 11 लाख सो रां मोननो दं।
बाक्सा याव आरो मासे मुफुर हमनो हाबावदों। मानास निफ्राय फैनाय मासे मुफुर खौ हाग्रा बिफान आ ट्रेकुलईज खालामो। बाग्सा नि सालबारि नि कालपानि नि खाथि नि कलबारि आव सासे नि न नि बारि आव नुनायाव दावराव जायो। जाथाय नि खौरां मोनना लोगो लोगो हाग्रा बिफाननि सुबुंफोरा थाङो आरो हमो। गिबि आव मुफुर खौ गोबाव सम नायगिरनांदोंमोन, उनाव मैदेर लाबोनाय आव मैदेर नि मदद जों सो हमनो हायो। हमनानै लांनानै मानास माहारियारि हाग्रामा याव हगारना हैयो।
जिअ सिम बाहायो नामा. मोजां खौरां, जायफोरा रिसार्ज सोनो हाया, एबा ईन्टारनेट बाहाया नाथाय सिम खौ मोजांयै लाखिनो लुबैयो बिसोरबायदि नि थाखाय 1 रां नि प्लेन। बयनिख्रुय खम रां नि प्लेन। बे प्लेन खौ माय जिअ एप आव होदों। खम दाता बाहायनायफोरनि थाखाय होदों बेखौ। 30 सान नि भेलिदिति मोनगोन, 100 एमबि दाता मोनगोन, बे प्लेन नि गेजेरजों गावनि सिम खौ एक्टिभ लाखिनो हागोन। कल आरो मेसेजिं नि सुबिदा होनाय जायाखै।
शनितपुर जिला नि जामुगुरिहात आव मोनसे गाज्रि जाथाय। सेल्फ हेल्प ग्रुप नि फख्रि आव सोरबा गज्रि सुबुङा बिष होनानै गोबां लाख रां नि ना फोरखौ बुथारो। ओनसोल नि मरनाकुरि सापरि आव धलाईबिल नि सा 10 सेंग्रा फोरा लोगो नांनानै अभिनन्दन मुंनि मोनसे ग्रुप दानानै 10 बिघा सो हा नि फख्रि आव ना फिसिदोंमोन। नाथाय गाज्रि सुबंङा गाज्रि नोजोर होयो। फुंनि समाव ना फोरखौ थैनाय नुनायाव सोमोनाङो गासैबो। लोगो लोगो ग्रुप नि सुबुंफोरा पुलिस नो खौरां होयो। मखजाथावदि जामुगुरिहात नि गुबुन मोननै फख्रि आव बो सोरबा बेबायदि नो खालामदोंमोन।
गोजोन्थाव खौरां, मालयसियाव भारत नात्याम मोसाखावरि सायास्रि बसुमतारीआ नित्यकला बान्था आवग्रिनो हादों। बिथाङा सासे थाईलेन्द नि लोगो नि खौरां हरनाय आव बाहागो लादोंमोन, 30 मिनिट नि मोसानायमोन, लोगो जों 15 मिनिट 15 मिनिट रानलायनानै मोसादोंमोन आरो बान्था खौ मोननो हादों। बेयो अनलाईन जादोंमोन। मखजाथावदि बिथाङा 2018 मायथाई आव दुबाई आव बो थांदोंमोन, बेयाव बो नात्यप्रतिभा बान्था मोनदोंमोन, 2018 आव नो नेपाल आव थांदोंमोन, नात्य बव्था मोनदोंमोन, 2019 आव थाईलेन्द आव बो थांदोंमोन। भारत नि बाहेराव थांनायजों लोगोसे भारत नि गोबां जायगायाव मोसाना दिन्थिदोंमोन। बिथाङा 2014 आव हायार सेकेन्दारि पास खालामना चत्तिसगर नि ईन्द्रकला संगित बिस्वबिद्यालय भारत नात्यम आव मेजर लाना बिए पास खालामदों, बेनिफ्राय नो मास्तार दिग्रि खौ बो पास खालामदों। आसामनि गिबि मन्थ्रि डः हिमेन्ट बीस्व सर्माआ गाहाम हाब्लायथि बावहरदों बिथांनि बान्था मोननाय आव।
आसाम सर्बशिक्सा अभिजन मिशन आ एलपि आरो ईउपि नि टेट आनजाद नि रिजाल्ट खौ फोसावबाय। एल पि आव गासै 144065 फोरा आनजाद खौ होदोंमोन, बेनि गेजेराव 23394 आ पास जादों। पास जानायनि जौखोन्दो आ 16.24. गुबुनफारसे ईउपि आव 114719 फोरा आनजाद खौ होदोंमोन, बेनिनो गासै 20639 आ पास जादों, जौखोन्दो आ 17.99।
फैगो बोसोरनि 1 एप्रिल निफ्राय जानो गोनां गोदान सोलोंथाय खान्थि नि बिथोनलाय दिहुनना होबाय रायजो सोरखार आ। 2020 नि माहारियारि सोलोंथाय खान्थि बादियै आसाम सोरखार नि सोलोंथय बिफान नि गाहाय आ आसाम नि फरायसालि नि सोलोंथय बेबस्था खौ फिन दाफिननाय जादों। रायजो सोरखार नि सोलोंथाय खान्थि नि बिथोन बादियै रायजो आव फरायसालि नि सोलोंथाय आ 10+2 नि सोलाय 5+3+3+4 जासिगोन।
थांनाय 8 दिसेम्बर आव जानाय हेलिकप्तार नि जाब्रबथाय आव भारत नि सिदिएस बिपिन रावत जों लोगोसे गासै सा 13 नि जिउ गोमादोंमोन, बेयाव सासे ल सो बारगदोंमोन, नाथाय मोनसे दुखुनांथाव खौरां, बारगनाय सासे नि बो जिउ गोमाबाय। ग्रुप केप्तेईन भरुन सिंह बिथांनि जिउ गोमाबाय। ईन्दियान एयार फर्स आ दुखु मोननाय फोरमायनानै त्वितार नि गेजेरजों बे खौरां खौ होदों। भारत नि गाहाय मन्थ्रि आ बो दुखु मोननाय फोरमायदों।
आरोबाव बार्ड फ्लु नि गोसारनाय। बुथारनाय जागोन 25000 दाउ हांसो। केरला नि कुत्टायान जिसा याव मोनदों बार्ड फ्लु। दायो नमुना खौ आनजाद नि थाखाय हरबाय भोपाल नि महारियारि गोजौ रैखाथि जुनार फाहमथाय फसंथान आव। अफिसारफोरा बुंनाय बादिब्ला बेखौ होबथानो दाव हांसोफोरखौ बुथारनो नांगोन। थांनाय सप्ता याव केरला नि वारनिं होनाय जादोंमोन।
खोला कामरुप जिल्ला एबसुनि दैदेननायाव आरबि दैमारिनो थार बिजिरनाय होनांगौनि थाखाय बक'नि बन्दापारा आन्चलिक जुनियर कलेजनि लांगोनानिफ्राय हानजा सुरनानै बन्दापारा गेजेर फरायसालिनि गेवलां गेलेग्रा फोथाराव फोजोबथयो । थांनाय 10 डिसेम्बर खालाराव बन्दाफारा गामिनि 2 बोसोरनि आर्बि दैमारिखौ परेस्ट गार्डआ लाथिख'आव गुलि गावगारनायनि मुङाव खास्रि बिस्रियै गावथारदोंमोन । लोगोसे आरबि दैमारिनि बिमा मुस्रिमा माल'बिखा दैमारीयाबो गोदानायाव परेस्टनि गुलिजों मैखोमै आघाट जानानै दिनैसिम गुवाहाटीनि जि.एम.चि.ओइसआव थैनायजों जुजिगासिनो । नाथाइ दिनैबो आसाम सरकारनिफ्राइ भुगिनांनाय नखरखौ खौरां लाहैयैखौ मिरु एबसुनि आफादगिरि मानगोनां मुस्रि दिपेन बर'आ दुखु मोननाय फोरमायनानै आरबि दैमारीखौ खास्रि बिस्रियै बुथारग्रा दायनिगिरिफोरखौ एबसुआ गोरलैयै हगारनाय नङा होननानै सरकारखौ बिनि सायाव थाबैनो आरबिनो जास्टिस होनो थाखाय खामानि मावनांगौ होननानै दाबि दैखाङो । ओनसोलनि राइजोफोरा बेखायनो खोला कामरुप जिल्ला एबसुनि दैदेननायाव आरबि दैमारिआ थार बिजिरनाय मोननांगौनि थाखाय एबसु, थुनलाइ आफाद, आबोफ, दुबा, आरसु, बिएबिजेपि, इन्टारनेसनेल हिउमेन राइटस, आगसु आरो बर' जास्टिस एस'सियेसन जथायै गोलाउ हानजा सुरनानै जाथाइनि सायाव गोजौ थाखोनि नायबिजिरनाय, आरबि दैमारीखौ गावथारनायजों सोमोन्दो थानाय साफ्रोमखौबो साजा होनाय, आरबिनि बिमा माल'बिखा दैमारीखौ मोजाङैनो फाहामथाइ होनाय आरो भुगिनांनाय नखरनो रांनि अनसुंथाइ होनाय मोनब्रै गाहाइ गाहाइ दाबिफोरखौ लानानै बक' चार्कल अफिसारनि गेजेरजों आसामनि गिबि मन्त्रि मानगोनां मुस्रि हिमन्त बिस्व शर्मा आरो आसामनि हाग्रा बिफाननि मन्त्रि परिमल शुक्ल बैद्यनो गोसोखांलाइ गथायो
आसामनि सना नि साहा बिलाय। गासैबो रेकर्ड मोनसे सिफायदों। गुवाहाति साहा निलाम मिरु नि गाहाय दिनेश बिहानि आ बुंदों मनोहरि गोल्द टि आ गासैबो रेकर्ड खौ सिफायनानै 1 केजि आव 99999 रां मोनदों। थांनाय बोसोर आव 75 रोजा रां आव फानदोंमोन। बिहानि आ मिथिहोनाय बादिब्ला निलाम नि थाखाय बे गल्द टि खौ शौरभ टि ट्रेदार्स निफ्राय लाबोनाय जादोंमोन।
आसाम आयेन आफादनि बानजाइनायाव दिनै गोदान सोलोंथाइ खान्थिनि सायाव सावरायनाय हाबाफारिखौ LGB नब्लां, दिसपुराव खुंनाय जादोंमोन। बे सावरायनायाव हांख्राइहरनाय लेखायै मिरु एबसुनि लेङाइ आफादगिरि मानगोनां मुस्रि खोरोमदाव वारी दैदेननाय मिरुनि मोनसे हानजाया बाहागो लाहैनानै एबसुनि थांखि आरो नोजोरखौ गुवारै बेखेवनानै होयो । बर थुनलाय आफादनि गाहाय नेहाथारि प्रासन्त बर बिथाङा गिदिर मोननै थांखि दैखांदों। गोदान हादोरारि सोलोंथाय खान्थि बादियै थाबैनो बर बिजों आव HS सिम गासैबो आयदा याव नो बर जाथारनांगौ आरो गोबां बर थानाय जायगायाव थाखो 9 10 आरो 11 थाखो सिम 200 नि बो बांसिन गोदान बर फरायसालि गायसननाय आरो फोरोंगिरि थिसननाय थांखि दैखांदों।
आरनाय आरो गामसा, माखौ बाहायगोन बिटिआर आव. गासै आसाम आव नो सोरखारि हाबाफारि आव गामसा फालि बाहायनायनि थांखि। मैया बिटिसि थिकादार आफाद नि गाहाय नेहाथारि बिथाङा बुंदों, बेयो जोंनि काउनसिल नि बाथ्रा सो मोन, नाथाय मानो बे साधारन बाथ्रा नि थाखाय आसामनि गिबि मन्थ्रि जों बेनि सायावमानो सावरायनांगौ नि गोनांथि। बिटिसि आव गाव खुंथायनि बोलो दंमोन,, नाथाय दायो मा जाखो। जोंनि काउनसिल आ बोलो दं। जोंनि थिरांथा बादियै सो जानांगौ। बे बिथोन आ बिटिसि नि हेन्दलुम एन्द टेक्सताईल बिफान निफ्राय फैदोंमोन, बेनि थाखाय नो बिथाङा मानो गिबि मन्थ्रि जों मानो रायलायनांगौ होनना सानदोंमोन,, नाथाय जेब्ला गोथौयै नायबिजिरो अब्ला बेयाव बिथाङा नुयो दि बेयाव मोनसे रेफारेन्स नम्बर दं आरो बेयो दिसि निफ्राय फैदों, दिसि आ बिफान नो बिथोन होनाय आव बेखौ खालामदों। नाथाय दिसि नो रायजो सोरखार आ बिथोन होदोंमोन,, बे हिसाबै नायोब्ला बिटिआर खौ रायजो सोरखार आ दिसि नि गेजेरजों सालायदों। बेबायदि थांबाय थायोब्ला गावनि बोलो खौ खोमाना लानाय आ नो जाबाय। प्रमद बर बिथाङा राजखान्थि आव गोदान, नाथाय सानैसो गोरों राजखान्थिगिफोर दं ना रायजो आव, बिसोर मानो जेबो बुङासै होनना बो बुङो।
रङिया याव सानाव नो रां लुथिनाय जाथाय। बेंक निफ्राय रां दिहुननानै न आव लांबाय थानाय समाव नो दुथांफोरा लुथिना लाङो। सरत दास मुंनि सुबुंनिफ्राय 5 लाख रां लुथियो। दाखाति नि जाथाय आ रङिया नोगोर आव सोमोनांहोदों। पालसार बाईक आव फैनाय सानै सुबुङा लाङो। सुबुङा रङिया एमजि रोद नि स्तेत बेंक निफ्राय लांदोंमोन। बे समाव नो उन्थिंनिफ्राय बाईक आ सोग्रावो, लोगो लोगो गोग्लैयो बे सुबुङा,, बे समाव नो 5 लाख रां लानाय सुबुंनि बेग खौ सानै सुबुङा लाना खारो, होस्रिखावदोंमोनब्लाबो बे सानै सुबुङा गोसा खारथाय जों बाईक जों खारखुमानो हायो।
7.3 रिखतार स्केल नि गिथावना बांग्रि फैदोंमोन ईन्दोनेशिया याव। 14 दिसेम्बर मंगलबार नि फुङाव जायो। बे गिथावना बांग्रि नि उनाव शुनामि फैनायनि वारनिं होदों। बांग्रि नि मिरु आ माउमेरे सोहोर निफ्राय 113 कि मि नि साहा लैथो नि 18.5 कि मि सिंआव।जायगानि सुबुंफोर बुंनाय बादिब्ला फुंनि 3.20 सो आव फैदोंमोन। मखजाथावदि 2004 मायथाई आव 9.1 रिखतार स्केल नि गिथआवना बांग्रि फैदोंमोन, बेनि उनाव नो सुनामि आव गोबां सुबुंफोरनि जिउ गोमादोंमोन।
मिरु एबसुनि आफादगिरि मानगोनां मुस्रि दिपेन बर'नि दैदेननायाव आरबि दैमारीनि नख'राव दुलाराय बर' आफादनिफ्राइ खौरां लाहैनानै नखरनि सोद्रोमामोनजों दुखुनि बाहागोदारि जाहैफायो । मख'जायोदि, थांनाय 10 डिसेम्बर खालारखालि आरबि दैमारीया परेस्ट गार्डनि गुलिजों खास्रि बिस्रियै जिउ खोमानांदोंमोन आरो दायो आरबिनि बिमायाबो गोदोनायाव गुलि नांजानानै गुवाहाटियाव थानाय जि.एम.चि.ओइसआव थैनायजों जुजिनांगासिनो
बि. टि.आर. सरकारजों होरोंथाय, थिसनथाय आरो इन्टारप्रिनिअरसिफ बिफान बेखेवनाय हाबाफारियाव एबसुनिफ्राइबो बाहागो लायो। आसामनि मन्त्रि मुस्री सनद्रमहन पात'वारी, मिनिस्टार अब ट्रानस्टपद, इनदासट्रिस एन कमार्च, सिखिल इमफलयमेन एन इन्टारप्रिनिअरसिफ एक इस्ट फलिचि, अयेलपेर अब मायन'रितिस्ट, गबमेन्ट अब आसाम बिथाङा दिनै 14 डिसेम्बर 2021 खालाराव बड' लेण्ड होरोंथाय, थिसनथाय आरो इन्टारप्रिनिअरसिफ जौगाथाय मावथांखिखौ बेखेवना होबाय। हाबाफारियाव बि. टि.आर.नि लेङाइ मावफुं सोद्रोमा उइलसन हासदा, ड० निलुत सर्गियारी, 28 नं गसाइगाव बियाबनि एम. एल.ए. मुस्री जिरन बसुमतारी, बि. टि.आर.नि प्रिनचिपाल सेक्रेटारि, क'क्राझार जिल्लानि जिल्ला बेंगिरि, मिरु एबसुनि नेहाथारि थरायना रंगिना बरगयारी आरो थुनलाइ नेहाथारि मुस्री समित नार्जारी, गुबुन गुबुन फरायसा आफादफोरनि बिबानगिरि, मेलेमजिबि आरो गुबुन फरायसालिमा आरो मुलुगसोलोंसालिफोरनि फरायसाफोरा बाहागो लायो
बेलासि नि 2 बाजि सिम सोरखारि खामानि मावग्रा फोरा मावखुलि आव थाङा। बिटिआर नि बागसा जिला नि नो जाथाय। एसदिअ डां बेदान्त तालुकदार बिथाङा बुंदों, आंनि हरखाब नायनो फैनाय आव गोबां अफिसार आरो मावथि फोरा 2 बाजि सिम जेबो जाहोन गैयालासै अफिस आव गैयामोन। बिथाङा बुंनाय बादिब्ला बिटिआर नि गाहाय नि बियाब नि तामुलपुर ब्लक जौगाखां अफिसार आ नो फैयाखैमोन। जायफोरा फैयाखै बिसोरनि बेरेखा एक्सन लानाय जागोन होनना रोखा खालामना होयो। मखजाथावदि बेबायदि हरखाब नायदिंनय बिटिआर नि गाहाय प्रमद बर नि साननै सिगाङाव बिटिसि सेक्रेटारियेट आव 10 बाजि नि उनाव हाबनो होयि खालामनायनि उनाव नो जादों। नायदिंनायनि उनाव अफिस आव नुयि मावथिफोरनि बेरेखा माबादि एक्सन लानाय जागोन बेयो नायथावना जागोन। गुवाहाति नि बरागाव नि गसायगांव आव मोनसे गाज्रि बुथारनाय जाथाय। सासे बर हिनजावसा या बुथारजादों। बिफआ नि बेरेखा बुथारनायनि अजद। 11 बोसोर बैसो नि गावनि फिसाजो खौ नो बुथारनायनि अजद। जाथायखौ खालामखांनायनि उनाव नो खारखुमाना दं। जाथानि खौरां मोनना गरसुक पुलिस आ जाथाय जानाय जायगायाव थांदों। मिथिना मोननाय बादिब्ला आशा बर मुंनि 11 बोसोर बैसो नि फिसाजो खौ बुथारनानै बाहेरनिफ्राय थाला मारिनानै थांदोंमोन। बुथारजानायनि बिमा पार्बति बर आ खामानि नि थाखाय बाहेराव थांदोंमोन, जेब्ला मोनाबिलि समाव खामानि मावना न आव फैयो अब्ला सो जाथाय आ सोराङाव फैयो। बिफा या बर नङा, मुङा बलेन चेत्रि उरफे बल बहादुर बिश्वकर्मा। दायो खारखुमाना दं। बिनि न आ तेजपुर नि जामुगुरि आव। आगोलनिफ्राय नो बिसि फिसायनि गेजेराव गोरोबलायनाय गैयामोन होनना खाथि नि सुबुंफोरा बुंदों। मखजाथावदि थैनायनि खाथि आव नो जौ नि बथल आरो रसा मोनदों। पुलिस नि सन्देह जौ फेनाय समाव नो फिसाजो खौ बुथारनायनि।
बुहुमनि गिबि अमिक्रन जानाय सुबुंनि जिउ गोमादों बुहुमनि सुबुंफोरा मोननो लुबैयि खौरां। ब्रिटेइन आव जादों, ब्रिटेइन नि गाहाय मन्थ्रि बरिश जनशन आ अमिक्रन जों गाग्लोबजानानै जिउ गोमानायखौ रोखा खालामना होयो। बुहुमनि बेनो गिबि जाथाय। जाय अमिक्रन खौ लानानै दायो गासै बुहुमा नो गिखांदों, दाब्लिउ एइस अ आ सांग्रा खालामना होदों। भात आव बो बेनि 38 केस मोनदों।। ब्रिटेइननि गाहाय मन्थ्रि आ बुंदों जाय खारथायजों अमिक्रन आ होसारदों बेयो साननो गोनां। बेखायनो बेजों जुजिनो थाखाय कभिद बुस्तार आ गोबां गोनांथार।
सानसे समनि बर नि हाथियार लानाय आफाद एनदिएफबि नि दैदेनगिरि जि बिदाय उरफे बिष्णु गयारि आ जुलि जाबाय। बिटिआर शांति शुक्ति नि गेजेरजों जायगायाव फैफिननाय दैदेनगिरि बिथाङा साधारन रायजोफोरनि बादि नो जिउ खुंनान मैया हाब जयो। गोजोननाय मोनदों नखर नि,, गामि नि थागिबि, लोगो फोरा। बाग्सा जिला नि सालबारि महकुमा नि सिंनि लाबदांगुरि नि एक्सिगुरि मईनामाता गामि आव जोनोम मोननाय बिथाङा एखे गामि नि नो कल्पना मुंनि सिख्ला जों हाबा जायो। मैया नि गोथार सान आव बिथांनो आरो खैना गोदान नो बोर होनो रोजा रोजा सुबुंफोर थांदोंमोन। मिथिना मोननाय बादिब्ला बिटिआर नि ईएम घनश्याम दास बिथाङा बो थांदोंमोन।
उदालगुरि सोरखारि देहाफाहामसालि नि बेरेखा गोबाव साननिफ्राय सोलिनाय अजद खौ दिन्थिना होबाय मिरु एबसु नि आफादगिरि दिपेन बर बिथाङा। देहा नि आनजाद नि थाखाय देहाफाहामसालि आव थांनानै देहाफहमगिरि नि आंखाल आव घन्टा नि उनाव घन्टा नेनो गोनां जायो आफादगिरि बिथाङा। मखजाथावदि बिथाङा मैया बेलासि नि 1.15 सो आव देहाफाहामसालि आव थांदोंमोन, बिथाङा सिटि स्केन नि थाखाय कुपन लानायनि उनाव देहाफआहामगिरि खौ नागिरना मोनासै। गोबाव सम नेनायनि उनाव देहाफाहामसालि नि गाहाय नि खाथि आव अजद होयो। बेनि उनाव गाहाय नि बिथोन आव सासे देहाफाहामगिरि नि बेबस्था खआलामना होयो। गोबाव सम नि उनाव सिटि स्केन खालामनो हायो। नेम बादियै 2 बाजि सिम देहाफाहामगिरि थानो नांगौ। बिथाङा खौरांगिरिफोरनि सिगाङाव रागा जों बुङो सानै देहाफाहामगिरि नि बिबान दंमोन मैया, नाथाय रावबो नुजाथियाख, 1 बाजि सिम रावबो देहाफहामगिरि आ नो नुजाथिफैयाब्ला साधारन रायजो नि मा अबस्था जागोन होनना बो बुङो। बेनि सिगां बो गोबां सुबुंफोरा अजद होदोंमोन। बेखायनो आसामनि सावस्रि मन्थ्रि, बिटिआर नि गाहाय, जायगा नि एमएलए,, जिला बेंगिरि खौ बेनि बेबस्था लानो खावलायदों। गंसे सोरखारि देहाफाहामसालि आव देहाफाहामगिरि थानो नांगोन अब्ला सो साधारन रायजो नि मोजां जागोन। दिनैनि बे जाथाय आ सोंखारिजाथाव, रायजो नि गोबाव सम नि अजद खौ दिनै गावनो नुबाय, बेखायनो जहाथे उनाव बेबायदि जाया, देहफाहामगिरि फोरा थ सम आव खामानि मावनो नांगोन।
बिटिआर नि ईएम घनश्याम दास खौ गौहाति गोजौ बिजिरसालि आ दाय निफ्रय उदां खालामना होबाय। जिनाहारि नि अजद आव जेल आव थांनो गोनां जादोंमोन। थांनाय 3 बोसोर सिगां आव दास नि बेरेखा गसर थिसनाय जादोंमोन। बिथाङा खौरांगिरि फोरनि सिगाङाव आगोलावनो पुलिसनो दाय गैया होनन बुंदोंमोन, नाथाय पुलिसफोरा गोसो होआखैमोन,, नायबिजिरालासै नो जेल आव थिसनदोंमोन होनना बुङो। दायो गोजौ बिजिरसालि आ मोजाङै नायबिजिरनायनि उनाव उदां खालामना होयो।
श्रिनगर आव उदखारि फोरनि गाग्लोबनाय। सानै पुलिस जवान मुंख्लं,, सा 14 जोखोम। उदखारि फोरा पुलिस नि बास खौ गाग्लोबदोंमोन। 2019 नि पुलवामा नि उनाव गिदिर गाग्लोबनाय जाथाय। सा 14 जोखोम जानायफोरनि सानैसो नि देहा या गाज्रिथार हालोद आव दं। भारत नि गाहाय मन्थ्रि आ दुखु मोननाय फोरमायदों। थैनाय सानै नि सासे आ एसिस्तेन्त साब ईन्सपेक्तर आरो सासे आ कन्सटेबल। सा 3 नि उदखारि दोलो आ खालामदोंमोन जाथाय खौ, बिसोर स्कुटि जों फैदोंमोन होनना पुलिसफोरा बुङो। उदखारि फोरा खोमसिनि खाबु लाना खारखुमायो।
भारत आव बे बोसोरनि मिश ईउनिभार्स नि ताईतल आ भारत आव फैबाय। पान्जाब नि हरनाज सान्धु नि खर आव मिस ईउनिभार्स नि मुकुट आ। ईज्राईल नि ईलात आव जानाय 70 थि मिश ईउनिभार्स नि बादयलायनाय आव देरहानो हायो बिथाङा। 12 दिसेम्बर आव मिश ईउनिभार्स 2021 नि मुकुट मोननायनि सिगां मिश दिभा 2021 नि मुकुट खौ मोनदोंमोन। सान्धु नो आगोलाव फेमिना मि श ईन्दिया पान्जाब 2019 नि मुकुट बो होनाय जादोंमोन, लोगोसे 2019 नि मश ईन्दिया याव सेमिफाईनेलिस्त बो जादोंमोन। मिश ईउनिभार्स नि बान्था देरहानय बिथाङा भारत नि थामथि सुबुं। बेनि सिगां 1994 आव शुश्मित शेन आ आरो 2000 याव लारा दत्त आ देरहादोंमोन।21 बोसोर नि उनाव देरहफिनो भारत आ। बिथाङा पारागुवे नि नादिया फेरेरा आरो खोला आफ्रिका नि लालेला मशवाने खौ फेजेनो।
रायजो आव लकदाउन जफिनगोन नामा, अमिक्रन नि गोसारनाय आ बारा जालांनो हमदों, बेनि थाखाय नो मिरु सावस्रि बिफान आ रायजो आरो मिरु आ सालायनाय ओनसोलफोराव सांग्रां यै थानो खावलायदों। अमिक्रन नि केस आ बारा जालांगासिनो। बारा जालांबाय थायोब्ला लकदाउन जानो बो हागौ। दासिम भारत आव 38 टा केस मोनदों। महारास्त्र आ बांसिन 38 केस, राजस्थान आव मोन 9 केस मोनदों। महरास्त्र आव बारा जानायखौ नोजोर होनानै 144 धारा लागायना होदों, पाब्लिक प्लेस आव गोबां सुबुंफोर ज जानो, रेलि खालामनो मोना। महारास्त्र नि सावस्रि मन्थ्रि राजश टुप आ बुंदों जों दासिम लकदाउननि बाथ्रा सानाखै, थासारि नि फारसे नोजोर होगासिनो. मिरु सोरखार आ होनाय बिथोन बादियै थांगोन होनना बो बुङो। हर नि कार्पिउ आरो गुबुन नेम फोरा सोलिगासिनो दं। जाय जायगायाव 5 जौखोन्दो नि बांसिन केस मोनो बे जायगायाव गोरा नोजोर होनो होदों
बर' हारिनि थाखाय गोजोन्थाव खौरां क'क्राझार जिल्लानि बेन्दोंआव थानाय सेरफांगुरि गामिनि मुस्रि रिसनाथ नार्जारिनि अन्जालु फिसाज्ला मुस्रि दैफां नार्जारिआ उत्तराखंडआव थानाय National Defence Academy (NDA), Dehradun निफ्राय गावनि गोब्राब नाजानायनि गेजेरजों थांनाय 11 दिसेम्बर, 2021 इं अक्ट'खालि 8 Jakli Regiment नि Lieutenant महरै सायख'जायो ।
मखजाथावदि
देहरादुन नि आईएमए निफ्राय 387 सुबुंफोरा केदेत थाखो आव पास जायो। बेनि गेजेराव
319 आ भारत नि केडेट महरै पास जानानै लेफटेनेन्ट महरै आरमि आव जइन जायो। बेनि
अनगायैबो गुबुन हादर नि सा 68 केडेट आ पास जायो। आसामनिफ्राय गासै सानै ल पास
जादों। सनिबारखालि पासिं आउत पेरेड नि मोनसे हाबाफारि लानाय जादोंमोन, बेयाव हादर
नि हादरगिरि आ बाहागो लादोंमोन। पासिं आउत पेरेड आव मोनथाम बेन्द खौ सोनाय
जादोंमोन, बेफोर जाबाय भारत नि मिलितारि बेन्द, देहरादुन, बेंगल ईन्जिनियार बेन्द
आरो गरवाल रायफल बेन्द।
बागसा जिल्ला एबसुनि बेन्दोङाव थानाय द्वारकुसि दख'रा एबसुनि 22थि बोसोरसालिया जखन्थाया मैया साननैनि मेहेरगोनां हाबाफारिजों तिनिफुखुरियाव जोबनानै थाङो । दख'रा आफादनि 22थि बोसोरसालिया जखन्थायनि गेवलां मेलाव गाहाइ आलासि महरै बाहागो लायो मिरु एबसुनि आफादगिरि मानगोनां मुस्रि दिपेन बर'आ आरो मेलखौ बेखेवनानै होयो मुस्रि प्रबिन कुमार ब्रह्मया । गाहाइ आलासि महरै बाहागो लानानै मिरु एबसुनि आफादगिरि मानगोनां मुस्रि दिपेन बर' बि.टि.आर गोरोबथानि सिमा बारायनाय आरो दफाफोरखौ लानानै ससियेल मेडियाफोराव बिथा गोयै बांसावला बायनाय बाथ्राफोरखौ राइजोफोरा रावबो खोमा होनो नाङा होननानै बि.टि.आर. गोरोबथा बादियै बिटिआरनि सिमाया सानजाहाल' नङा खोलाहाबो बारायगोन आरो बिनि थाखायनो एबसुआ दाबो हर सान खामानि मावगासिनो दङ होननानै गावनि बेसेन गोनां बिबुंथिनि गेजेरजों रोखायै बुङो ।
अदालगुरि जिल्ला एबसुनि बेन्दोङाव थानाय काजियामाटि दख'रा एबसुनि 11थि बोसोरसालिया जखन्थाया दिनै सानसेनि मेहेरगोनां हाबाफारिजों जोबनानै थाङो । दख'रा आफादनि 11 थि बोसोरसालिया जखन्थायनि गेवलां मेलाव गाहाइ आलासि महरै बाहागो लायो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ गाहाइ आलासि महरै बाहागो लानानै मिरु एबसुनि गाहाइ नेहाथारिया फरायसाफोरजों दान्दिसे आदब आरो गुन गोनां सोलोंथाइनि सायाव फरायसाफोरजों सावरायनानै दिनैनि बर' हारियाव रांनि आंखालाव कलेज इउनिभारसिटिआव एडमिसन लानो हायै फरायसाफोरनि अनजिमाया बांसिनदोंसो होननानै साफ्रोमबो दिथागिरिफोरखौनो थिनाय एबा दोन्थुमनाय हुदाखौनो बारायनांगौ होननानै खावलायो । हाबा हारिमु, थिनाय एबा दोन्थुमनाय हुदा गोयैनि थाखायनो बर' हारिनि सुबुंफोरा रिजार्भआव गोदानै हादान लाहैनो ओंखारनाया बर'फोरनि सम सम जाबोफ्लेबाय थानाय बेराम होननानै दिनैनि माखासे बर' सुबुंफ्रा गोदानै हादान लाहैनो साननायखौ ज्राब गारनानै थाखानाय हाखौ रैखाथि होनायनि सायावसो बांसिन गोसो आरो खामानि मावथारनांगौ दङ होननानै गावनि बेसेनगोनां बिबुंथिनि गेजेरजों दुलाराइ बर' हारिनि साफ्रोमबो सुबुंखौनो खावलायहरो ।
सोलोंथायारि गुन नि मान खौ बारायनो फैगो बोसोर आव खुंनो गोनां गुनोउत्सब आ मोननै खोलोब आव जागोन। मैया सामनि गिबि मन्थ्रि नि दैदेननायाव मोनसे सावरायमेल जादोंमोन। 2022 नि एप्रिल नि 5,6 आरो 7 आव गिबि खोलोब आरो 20, 21, 22 एप्रिल आव नैथि खोलोब आ जागोन। बेनि गेजेरजों थाखो 1 निफ्राय 10 सिम गासै 42,51,524 फरायसा फोरखौ लानाय जागोन। रायजो नि गासै 46,251 फरायसालि आव बेखौ खुंनाय जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon