19 December morning news. ~ Bodoinfo.com

तामुलपुर आ जिला महरै 26 जानुवारि खालि फोसावजागोन। सुबुंखान्थि सानखालि फोसावगोन। मैया बिटिआर सोरखार नि 1 बोसोर जानायनि हाबाफारि आव बाहागो लानानै बेखौ फोसावना होदों। बिथाङा मैया कक्राझार सोरखारि कलेज खौ 3 बोसोर नि गेजेराव मोनसे बुहुम फरायसालि आव सोलायनाय जागोन होनना फोसावना बो होयो। बिथाङा लोगोसे बिटिआर गोरोबथआ या बिटिसि नि बोलो खौ बारायबाय, बारग एनदिएफबि फोरनि रिहेबिलेटशन नि थाखाय खामानि मावदों। बर सुबुंफोरनि जेंना खौ सुस्रांदों। रायमना रिजार्भ फरेस्त खौ माहारियारि हाग्रामा सिम सोलायनाय आ बिटिआर नि मोजां जौगानाय लाबोदों। बिटिआर नि 4949 हा गैयि नखर नो हा नि पत्ता होनाय जागोन, बिथाङा बेनि थाखाय खामानि मावनो बिटिआर नि गाहाय प्रमद बर नो खावलायदों, बेनि थाखाय अनलाईन पर्तेल खुलिनो बिथोन होदों। फैगो 15 आगस्ट नि गेजेराव कक्राझार मेदिकेल कलेज एन्द हस्पिटेल खौ रायजो फोरनि थाखाय थियारि खालामना होगोन। बिटिआर नि बोलो खौ खम खालामाखै, जिला बेंगिरिफोरनो बिटिआर नि बोलो खौ होआखै, जिल बेंगिरिखौ बिटिआर नि गाहाय प्रमद बर नि सिङाव सो लाबोदों होनना बुंबावो। उनाव खौरांगिरिफोरनि सिगाङाव बिटिसि नि 3 ग्रेड आरो 4 ग्रेद नि साख्रि खौ बिटिसि खुंथायानो थिसनगोन। बदलेन्द मुलुगसोलोंसालि नि मोनसे चेन्टारखौ उदालगुरि आव बेखेवगोन। बिटिआर गोरोबथा नि सिमा बारायनाय आरो दानखनाय नि कमिटि नि गाहाय महरै थिसनदों आईएएस डाँ आशिस कुमार भुटानि बिथांखौ। बेनि सिगां पिपि बर्मा बिथाङा बे मासि आव दंमोन, नाथाय बिथांनि जिउ गोमानाय आव लांदां जाना दंमोन।

आसामनि गिबि मन्थ्रि आ बिटिआर नि गाहाय प्रमद बर नि मोजां बुंदों, नाथाय गुबुनफारसे बिटिसि नि बारग गाहाय हाग्रामा बर आ गाज्रि बुंदों मैया तामुलपुर जिला कमिटि नि बान्जायनाय आव मोनसे वर्कशप खुंनाय जादोंमोन। बेयाव बाहागो लानानै। प्रमद बर आ बिटिसि खौ फोजोबस्रांबाय। गुबुन हारि नि हा बायनाय फाननाय नि गोहो खौ गैया खालामबाय। गामि दानखनाय नि जाहोन आ बेनो दि गुबुबन हारि खौ प्रमद बर आ माबोरै सिङाव लाखिनो हायो बेखौ खालामदों। बिपिएफ आ गामि दानखनाय खौ गनायना लाया, होखारहरनायखौबो गनायजाथावना नङा। प्रमद बर आ गासैखौबो फानना जाजोबबाय। प्रमद बर आ खामानि मावदों होनना बुङोब्ला सिआईटि आव मोननै स्पिद ब्रेकार होदों बेनो ल होनना बो बुंबावो।

खुन का बद्ला खुनः मासे खौ बुथारनायनि खिथेर लाबाय 250 खौ बुथारनानै। मुम्बाई निफअराय 300 माईल सो गोजान आव थानाय महारास्त्र नि बिद जिला याव जादों मोनसे सोमोनांथाव जाथाय। जेराव सैमा नि दोलो आ मासे फिसा मोख्रा खौ बुथारदोंमोन। बेनो मोख्रा फोरखौ बांसिन हिंसायार खालामो आरो बिसोर बेनि खिथेर लानो हमो। मोख्रा फोरा बे जायगानि सैमा फोरखौ गाग्लोबनायनि थआंखि लायो आरो मासे मासे यै बुथारलाङो। सैमा फिसा फोरखौ गोजौ न आव लाना थाङो आरो गाहायाव गारना होयो, सैमा फिसा या लोगो लोगो थैयो, बेबायदि नो दासिम 250 सो सैमा फोरखौ बुथारबाय। मानसि आ जेब्ला सैमा खौ बासायनो थाङो अब्ला मानसि खौ बो गाग्लोबो। बेबायदि नि थाखाय बे जयगायाव सैमा फिस खौ नो नुनो मोनलिया। बे ल नङा दानिया उन्दै गथ फोरखौ बो मोख्रा या गाग्लोबनो हमदों बे जायगायाव. बेनि खौरां खौ हाग्रा बिफाननो हरबाय। नाथाय दासिमबो मासेबो हमनो हायाखै। गामि नि सुबुंफोरा बुंदों बेनि खिथेर लानो नो बेबायदि खालामदों होनना।

प्रागज्योतिस फरायसालिमा बर' थुनलाइयारी गौथुमनि बानजाइनायाव 25थि फ्रेसमेन ससियेल डे लोगोसे रुफाथि मायथाइ फोरबो फालिथाइखौ दिनै सानसेनि मेहेरगोनां हाबाफारिजों खुंफुंङो । बे रुफाथि मायथाइ फोर्बो फालिथाइयाव हांख्राइहरनाय लेखायै मिरु एबसुनि लेङाइ आफादगिरि मानगोनां मुस्रि खोरोमदाव औवारीया गाहाइ आलासि महरै बाहागो लाहैयो । बिथाङा बुंदों- गामिआरि बर'फोरनाव जेरैबादि माहारिबाद सानस्रिया थैया बेबादिनो टाउन सहराव फरायनाय साफ्रोमबो फरायसानावनो बे एखे सानस्रिआ गोथाङै थानांगोन होननानै बे फरायसालिमाखौ नागारनानै उनाव नोंसोर जेसेबांखिनिसिम गुबुन गुबुन जायगायाव थांनानै गोजौ सोलोंथाइ लाहैबावा मानो अब्लासिम जोंनि बर' माहारिबादखौ जेब्लाबो लांफाबाय थानांगोन होननानै इयुन जोलैनोबो बे एखे सानस्रिखौनो जों गथायलांनो थाखाय बेयाव मैया बाहागो लानाय साफ्रोमबो फरायसायानो बिबान लांथारनांगोन होननानै फरायसाफोरखौ थांखिनानै खावलायो ।

सा सानजा भारत नि गेजेराव गुवाहाति नि थागिबि फोरा बयनिख्रुय बांसिन गाज्रि बार खौ लायो। दिल्लि नि थिं टेंक चेन्टार फर साईन्स एन्द एनभाईरनमेन्ट नि रिपर्त आ बेखौ मिथिना जादों। बे बोसोरनि 30 नबेम्बर सिम सा सानजा भारत नि गुवाहाति आव नो बार नि मान आ बयनिख्रुय खम सिन। बे रिपर्त आव बे बोसोराव 54 सान बार नि मान आ बयनिख्रुय गाज्रिसिन महरै फोसावजादों। गुवाहाति नि उनाव आगरतला आरो कहिमा या दं सा सनजा भारत आव।

बांगालुरु नि ईन्दियान ईन्सतितिउट अफ साईन्स नि अफिसारफोरनि थिरांथा, हस्तेल आव सिलिं फेन होनाय नंलिया, गावखौनो बुथारनाय जाथाय खौ खम खालामनो थाखाय नो बे थिरांथा खौ लादों। थांनाय 2 बोसोर आव बे आव मोन 6 गावखौनो बुथारनाय जाथाय जादोंमोन। बेनि सिलिं फेन खौ वाल आव लागायनाय जों सोलायदों। फैगो 15 सान नि गेजेराव बेफोर गासैबो सिलिं फेन खौ बोखरनाय जागोन

मैया आईएसएल आव गिबि गेलेनया आव चेन्नाई आ उरिस्य खौ 2-1 गल जों फेजेनो। गुबुनफरसे नैथि गेलेनाय आव गवा या हायदाराबाद जों 1-1 गल आव द्र गेलेयो। द्र गेलेनानै हायदाराबाद आ दायो पईन्त्स टेबल आव नथि नम्बर आव थाङो। बर फिसा हलिचरन आ हायदाराबाद नि जाना गेलेयो, नाथाय दिनैसिम मोनसेबो गेलेनाय आव बहागो लानाय नुनो मोनाखै। खौरां मोननाय बादिब्ला बिथाङा ईन्जारि नि थखाय नो गेलेनो मोनाखै।