पिकनिक जानो थांगोन नामा, सांग्रा जा। गोदान
बोसोरनि मुङाव जाब्रबथाय जानानै थैनाय जाथाय जानो मोननाय नङा। पिकनिक जानो थांनाय
दोलो आरो गारि सालायग्रा खौ नोजोर होगोन हान्थामेला बिफान आ। जाब्रबथाय खौ खमायनो
थाखाय नो गोबां आयदा नि सायाव सावरायलायनाय जादोंमोन. जौसिन बिजिरसालि नि गेजेरजों
दाजानाय लामा रैखाथि कमिटि नि बिथोन फोरजों लोगोसे आसामनि गिबि मन्थ्रि आ गासैबो
रोखोमनि जाब्रबथाय खौ होबथानायनि थाखाय बेबस्था लानायनि बिथोन नि सायाव
सावरायलायो।
खौरां मोननाय बादिब्ला गोजौ बिजिरसालि आ
एनदिएफबि नि गायसनगिबि आफादगिरि रन्जन दैमारि बिथांनि आरजलाय नि हेयारिं खौ 17
जानुवारि निफ्राय सो होगोन। दिनै बेनि सायाव हेयारिं होनो गोनांमोन। नाथाय दोयो
2022 आव सो जासिगोन होनना खौरां मोनदों। रन्जन दैमारि सार नि आरजलाय आ स्पेशियेल
कोर्ट नि जिउ जोबजासिम नि जेल जाहोनायनि बेरेखा मोन। थांनाय 2019 नि जानुवारि निफ्राय
नो जेल आव दं बिथाङा।
भारत नि सिदिएस बिपिन रावत नि जिउ गोमादों मैया
जाब्रबथाय आव। दिनै बिथांनि गोथै देहा खौ लांनाय गारि नि बो फिसा जाब्रबथाय जायो।
खौरां मोननाय बादिब्ला एम्बुलेन्स आव थानाय सानैसो पुलिस आ जोखोम जादों। मैया
हेलिकप्तार नि जाब्रबथाय आव सा 14 नि सा 13 नि जिउ गोमादोंमोन। गाबोन बिथांजों
लोगोसे गासै सा 13 खौ जोबथा बिदाय होनाय जागोन गोदान दिल्लि आव।
तामुलपुर पुलिस नि जे आ सा 3 गान्जा फालांगि।
नाग्रिजुलि आव 36 केजि गान्जा लांगसिनो दंमोन। पुलिस नि नसे दोलो आरो एसएसबि नि
दोलो आ नग्रिजुलि नि गोबां जयगायाव नागिरो। बेयाव नागिरनायनि उनाव पुलिस फोरा 36.4
के जि गान्जा मोनो। गान्जा फालांगि सा 3 नि मुङा नितिश दैमारि,, निपुन दैमारि आरो
बिमल दैमरि। पुलिस फोरा सोंगासिनो दं।
700 मुंख्लं नि जिउ बावनायनि उनाव आबादारि
आन्दोलन खौ फोजोबो आबादारिफोरा. सोरखार आ गासैबो दाबि फोरखौ मानिनायनि उनाव बे
आन्दोलन खौ बोखारनायनि थिरांथा। बेयाव 700 सुबुंफोरनि जिउ गोमादों। हारियाना आरो
उत्तर प्रदेश सोरखार आ थैनाय आबादारि फोरनि थाखाय 5 लख रां होगोन होनना फोसावदों।
थांनाय 19 नबेम्बर खालि भारत नि गाहाय मन्थ्रि आ आबादारि बिल खौ बोखारगोन होनना
फोसावदोंमोन। आबादारि फोरा थांनाय 2020 नि 26 नबेम्बर निफ्राय दिल्लि नि गोबां
जायगायाव आबाद नि बिल नि बेरेखा सोमावसारदोंमोन।
बे बार आव नलबारि
जिला नि गंसे गामि आव मुफुर नि दावराव। साननैसो मानास माहारियारि हाग्रामा निफ्राय
फैनाय मुफुर आ खाथि नि गामि आव गोबां गाग्लोबनायनि उनाव दायो नलबारि आव बो मोनहैबाय।
सासे सेंग्रा या नगांव जिला नि आल्लिया बनगांव नि हाग्रा याव मासे मुफुर नुदों
होनना बुङो। मुफुर नि खौरां गोसारनायनि उनाव नो गासै गामि आव नो दावराव जायो।
रायजो फोरा हाग्रा बिफाननो खौरां हरनायनि उनाव हाग्रा बिफाननि सुबुंफोर
नागिरगासिनो, नाथाय दासिमबो मुफुर खौ नुनो मोनाखै। नाथाय मुफुर नि आयथें नि सिन खौ
नुदों होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon