31 दिसेम्बर आ फैगासिनो। गोदान बोसोरखौ बरायनो थियारि। बे समाव नो जौ लोंग्रा फोरनो वारनिं होदों आसामनि गिबि मन्थ्रि आ। सालायग्राफोरनिसिम स्पेशियेल खावलायनाय, जौ लोंना फेनानै गारि सालायग्राफोरा सालायनाय नेम खौ बावगारनो नाङा। गारि सालायनाय समाव जौ लोंनो नाङा। जौ लोंना लायोब्ला गोजा न एबा जेल नि आलासि जानो नांगोन। गिबि मन्थ्रि हिमन्त बिश्व शर्मा या बुंदों 31 दिसेम्बर आव हर आव मोनसेबो जाब्रबथाय जानो मोननाय नङा। नेम खौ मानियाब्ला सालायग्रा या ल नङा बेयाव थानाय दावबायग्रा फोरा बो बेनि दायनिगिरि जागोन होनना बो बुङो।
हाग्रा ओनसोल नि मुफुर आ दानिया गामि गामि हाबफैनाय आ सानफ्रोमबो नि जाथाय बायदि सो जानाय बायदि। मानास निफ्राय ओंखारनाय मुफुर आ नखरसे नि ईसिं न आव हाबनानै दावदै, ओंखाम ओंख्रि पनिर गासैखौबो जाजोबदों। जाखांनानै उन्दुना दंमोन। सालबारि नि दावरायबारि नि सुकेन गयारि मुंनि सुबुंनि न आव दरजा खौ सिफायनानै हाबो हरनि 7.30 सो आव। 18 टा दावदै सो जादों, बेफोरखौ जानानै नो फुं सम सिम उन्दुना थादोंमोन। उनाव हाग्रा बिफाननो खौरां हरनाय व ट्रेंकुलाईज खालामो। मखजाथावदि दिनैसिम मानास निफ्राय फैनाय मा 15 सो नुफुरखौ गुबुन गुबुन जायगानिफ्राय हमदों हाग्रा बिफान आ।
़ एबसुनि मददाव 2021-22 मायथाइनि बड'लेण्ड मुलुगसोलोंसालिनि बुसु(BUSU)नि बिसायखथियाव देरहासाद जानो हानाय जारिमानारि सा 11 बिजाथिफोरजों लोगोसे सासे उदां बिजाथिखौबो मिरु एबसुनिफ्राइ मैया बागानसालियाव थानाय बड'फा हाउसआव आफादनि नेमखान्थिनि गेजेरजों बरायनानै साफ्रोमखौबो गाहाम हामलाइथि बाउदों । लोगोसे देरहानांगौनि थाखाय बोसोन होग्रा, मदद होग्रा, आरो हर सान खामानि मावनाय साफ्रोमबो दैदेनगिरिमोननिसिम दुलाराय बर' फरायसा आफादनि आफादगिरि मानगोनां मुस्रि दिपेन बर'आ बयनिसिमबो रोजा रोजा साबायखर बाउहरदों । मखजाथावदि मुस्रि काम्फा नार्जारी, आफादगिरि(Khampa Narzary, President)
2. मुस्रि बिबासन बसुमतारी, लोगो आफादगिरि(Bibaswan
Basumatary, Vice President)
3. मुस्रि जेक नार्जारी, गाहाइ नेहाथारि(Mr. Jack
Narzary,General Secretary) बिथांमोना देरहानो हादों।
बराय फोर्बोजों लोब्बा लाखिनानै देरहासाद जागिरि फरायसाफोरजों दान्दिसे सावरायनायाव मिरु एबसुनि आफादगिरि मानगोनां मुस्रि दिपेन बर'आ एबसुनि थांखिफोरखौ गुवारै फोरमायना होनानै मुंख्लंनि थैजों सोर्जिजानाय बड'लेण्डनि गंसेल नायल' जाल' मुलुगसोलोंसालि बड'लेण्ड मुलुगसोलोंसालिखौ आसामनि गेजेराव 1थि सारियाव लाबोनायानो एबसुनि गाहाइ गाहाइ थांखिफोरनि गेजेराव मोनसे थांखि होननानै गोदानै देरहासाद जाबोनाय साफ्रोमबो बिजाथिखौनो बिनि बाहागोदारि जानानै जयै खामानि मावनो खावलायो ।
बेंक नि मावथि फोरा सोरखार नि बेरेखा धर्ना होदों। बेंकफोरखौ सोरखारि नङि खालामनाय नि बेरेखा। मैया आसाम आव बो गोबां जायगा याव धर्ना होनाय हाबाफारि आ जादोंमोन। ईउनाईतेद फराम अफ बेंक ईउनियन्स नि दैदेननाय आव जादों बेयो। दिनै बो बे धर्ना हाबाफारि आ जागोन। मैया बेंक नि लेनदेन आ बन्द जादों। मावथि फोरनि दाबि- सोरखार आ प्राईभेट खालामनाय थिरांथा खौ दानफिननो नांगौ। गोबां जायगायावनो फुङावनो मावथि फोरा बेंक नि खामानि फोरखौ दोनथनानै धर्ना होदों। जुदि बेखौ बोखाराब्ला आन्दोलन खौ बांसिन खालामगोन होनना बुंदों।
21 बोसोर बैसो नि गाहाय नि हिनजावसा खौ हाबा होनो हानाय नङा, गोनांथार थिरांथा मिरु केबिनेट नि। मोदि सोरखार नि केबिनेट आ 15 दिसेम्बर आव हिनजावसा नि जुलि खौ लानानै गोनांथार थिरांथा लादों। ईन्दियान एक्सप्रेस नि रिपर्त नि बादिब्ला केबिनेट नि गनायथि नि उनाव सोरखार आ आगोलनि नेम आव सोलायनाय लाबोगोन। दानिफ्राय 18 बोसो नि सोलाय 21 बोसोराव सो हाबा हरनो हागोन। थार समाव हिनजावसा खौ हाबा होनो थाखाय नो बे थिरांथा खौ लादों। बेयो मोनसे प्रस्ताब सो। दासिमबो बे आयेन आ जायाखैनो, नाथाय बे आयेन फैगोन आ रोखा होनना बुंजायो। हौवासा फोरनि थाखाय जेबो रोखोमनि गोदान आयेन नि थांखि लानाय जायाखै। हौवासा फोरना आगोलनिफ्राय नो 21 बोसोर खा।
गोरोन्थि फाहामथाय नि थाखाय नो प्रेगनेन्ट आयजो नि जिउ गोमानाय नि अजद। दुंहाव थासारि। नगांव नि जि दि हस्पिटेल एन्द रिसार्च चेन्टार नि बेरेखा. आयजो खौ गथ जोनोम होनो थाखाय बे देहाफाहामसालि आव सोनाय जादोंमोन। बुधबार नि हर आव सोनायनि उनाव उनखालि नि फुङाव नो आयजो नि जिउ गोमायो। थासारि आ दुंहाव जानाय आव पुलिसफोरखौ लिंहरनो गोनां जायो।
आईएसएल आव मैय बांगालुरु आ एटिके नि बेरेखा 3-3 गल जों द्र गेलेयो। दिनै मरेथ ईस्त आ ईस्त बेंगल नि बेरेखा गेलेगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon