थांनाय 4 दिसेम्बर आव बिटिसि नि हेन्दलुम एन्द टेक्सताईल बिफाननि दाईरेक्टर आ बिटिसि नि गासैबो सोरखारि खामानि फोराव आखायजों दानाय गामसा एबा फालि खौ बाहायनो होनायनि उनाव नो गोबां रोखोमनि सावरायलायनाय जादोंमोन। मानोना बिटिसि आव आगोलनिफ्राय नो आरनाय आ सोलियो। मैया बिटिआर नि गाहाय प्रमद बर बिथाङा बिटिआर आव आरनाय आ सोलिगोन होनना रोखा खालामना होयो। जाय जायगायाव जाय हारि नि आ थायो बिसोरनि आ सोलिगोन। आसामनि गिबि मन्थ्रि आरो सानैसो केबिनेट मन्थ्रि जों बेनि सोमोन्दै सावरायलायदोंमोन होनना बुङो। अफिसारफोरजों फालि, आरनाय, बाज्रा लानानयनि सोमोन्दै सो रायलायदोंमोन, नाथाय अफिसार फोरा गोबां गोसो होयि नि थाखाय नो बेबायदि जादों। आसामनि गिबि मन्थ्रि आ गासैबो हारि माहारि खौ लोगोसे लानानै सो आवगायलांनो नागिरो होनना बो बिथाङा बुङो।
गुबुनफारसे ग्रेड 3 आरो 4 नि साख्रि थिसननाय खौ बिटिसि सोरखार आ नो खालामगोन। साननैसो सिगाङाव दिहुनना होनाय फोसावनायनि सायाव रोखा खालामना होयो। बिटिसि खुंथाय आ नो एपइन्टिं अथरिति नि बिबानाव थागोन होनना बुंदों। बेखौ वेलफेयार अफ बदलेन्द दिपार्तमेन्त नि प्रिन्सिपल सेक्रेतारि आ मोनसे फोसावलायनि गेजेरजों बुंदों।
मिरु एबसुनि आफादगिरि मानगोनां मुस्रि दिपेन बर'नि दैदेननायाव दिनै एबसुनिफ्राइ क'क्राझारनि CITयाव मानगोनां भारतनि MoS Dr. Rk. Ranjan Singh, External Affairs & Education खौ लोगो हमनानै बि.टि.आर गोरोबथा, बारग' एन.डि.एफ.बिनि सोद्रोमाफोरनि केस, अनसुंथाइ आरो सोलोंथाइनि सायाव गोसोखांलाइ गथायो। बे हाबाफारियाव एबसुजों लोगोसे चि.चि.बि.टि.आर(CCBTR) नि दैदेनगिरिफ्राबो बाहागो लादोंमोन । लोगोसे गुबुन मोनसे हाबाफारियाव बर' बिफान फोरोंगिरि गौथुमनि बानजाइनायाव साननैनि हाबाफारिजों रंगिया फरायसालिमायाव खुफुंजानाय खुंगा 20थि हायुंङारी सावरायमेलाव दान्दिसे दुलाराय बर' फरायसा आफादनि गाहाइ नेहाथारि मानगोनां मुस्रि खनिन्द्र बसुमतारीआ बाहागो लायो ।
बुहुमनि मुंदांखा जोलुर गेलेगिरि रुंसारि दियागो मारादोना नि आखाय नि घरि खौ सिबसागर आव मोनदों। आर्जेन्तिना नि गेलेगिरि नि आखाय नि घरि खौ सिखाव खालामना लाबोदों सिबसागर नि सासे। आसाम पुलिस आ दुबाई पुलिस नि खौरां नि सयाव खालामनाय नायबिजिरनायाव मोननो हादों। सिबसागर नि वाजिद हुसैईन मुंनि सुबुङा नो बेबायदि खालामदोंमोन, पुलिस आ दायो एरेस्त खालामो बिखौ। बे घरि आव मारादोना नि सागान दं। घरि आ हाब्लत नि मोन।
शिकिम आ आबहावा खौ मोजां खालामनाय नि थाखाय 1 जानुवारि, 2022 निफ्राय प्लास्तिक बाहायनाय खौ बन्ध खालामनायनि थिरांथा। सिक्किम नि तुरिजम बर्द आ फोसावनान होयो। बेयाव मिनारेल दै नि पेकेट खौ बो बन्ध खालामदों। बेनि सोलाय बिथांमोना गुबुन खौ बाहायनो होगोन, जाय आबहावा जों गोरोबना थानो हायो। थांनाय अक्तोबर दान आव शिक्किम नि गिबि मन्थ्रि पि एस टामां बिथाङा बेबायदि खालामनायनि ईंगिट खौ होदोंमोन।
सिनियर उकिल टारजोन गयारि बिथाङा बुंथिगिरि बिस्वजित दैमारि आरो राजु
नार्जारि बिथांमोननि बाथ्रा खौ लानानै गोख्रों सोंथि खालामदों। सानैनि बो बुंनाय आ
आलादा आलादा जादों। बर फोरा जाम्बा नङा, बिटिसि आ लोरबां जालांगासिनो। बिथाङा
बिटिआर सुक्ति आ जाफ्लांनाय नामा होनना सोंदों। बिटिसि आव गासैबो बाहायनाय आ
कक्राझार निफ्राय ओंखारोमोन, नाथाय दायो आसाम सोरखार आ सालायनाय वेलफेयार अफ
बदलेन्द नि सिंजों सो गासैबो नटिफिकेशन, बोलो बायदि फोरा जायो। दासिमबो मोजाङै
रोखा खालामना होनो हायाखै सोरखार आ। दायो बिटिसि सोऱखार खौ सालायदों ना बिटिआर
सोरखार आ सालायदों होनना बो सोंदों। साननैसो सिगाङाव नंखाय एनकाउन्टार जाबाय,
दासिम बो बेनि जेबो रिपर्त गैया, एदिशनेल एसपि आ बेजों सोमोन्दो दं खौ मिथिखादों,
बेनि सायाव मा नायबिजिरनाय जाखो, साबेसेखौ मा खालामखो होनना सोंदों। केजुवेल वर्कार
नि साख्रि होदोंमोन, नाथाय मानो अरायथा सख्रि होनो हायासै होनना बो सोंबावो। रायजो
राजाफोरा मेगन खाना नङा, राजखान्थियारि दैदेनगिरिफोरा सो रायजोफोरखौ जाम्बा
खालामदों। राजखान्थिगिरि फोरा गावनि साननाय हनायखौ सोलयनो नांगोन होनना बो बुङो।
भारत नि गिबिसिन आयजो ट्राक द्राईभार यगिता रधुबन्सि आ गुवाहाति निफ्राय सिलिगुरि सिम मोनहैबाय। जयगांव एक्सप्रेस नि बादिब्ला यगिता या बिथाङा भपाल नि थागिबि, आगोलाव सेलन आव खामानि मावोमोन आरो द्रेस दिजाईनिं नि कोर्स लादोंमोन. फिसाय आ थैनाय नि उनाव फिसा फोरखौ नायनो थाखाय बे सालायनायनि थिरांथा खौ लादों। बिथाङा हायवे आव ट्राक खौ सालायो।
गसायगांव जिला कमिटि बिपिएफ नि मावफारियाफोरनि जथुम खुंनाय जादोंमोन मैया जलेश्वरि गेलेनाय फोथार आव। बेयाव बिटि,सि नि बारग गाहाय हाग्रामा महिलारि बिथाङा बिटिआर नि गाहाय प्रमद बर आ मा मा खालामदों बेखौ मिथिहोदों, साख्रि थिसननाय, 16 टा बिफान खौ दिसपुर नो होनाय नि सोमोन्दै बुंदों. बिपिएफ आ एभिकशन खालामनायखौ गनायना लानो हाया, गामि दानखनायखौ मानिया होनना बो बुङो। प्रमद बर आ एसेम्बिलि आव नो नंखाय बाथ्रा बुङो होनना बुंनाय जों लोगोसे अरुनुदय बिथांखि नि रां खौ साख्रि आवला, गारि थानाय फोरा बो मोनदों होनना बुंदों।
मैया आई एसएल आव एटिके मोहन बागान आ चेन्नाई जों द्र गेलेयो। सम जोबनायसिम 1-1 गल जायो। गुबुन मोनसे गेलेनाय आव गवा या बांगालुरु खौ 2-1 गल जों फेजेनो। मोननैबो दोलो नि सासे सासे गेलेगिरि आ गोजा कार्ड मोनदों।
दिनै हायार सेकन्दारि स्पेशियेल आनजाद नि रिजाल्ट खौ होबाय। 12 बाजि नाय लोगो लोगो नि बिथांमोननि वेबसाईट ahsec.assam.gov.in आव होयो। बे आनजाद आ कभिद नि थासारि नि थाखाय आनजाद खुङालासै नम्बर होनायखौ गोजोनैफोरनि थाखाय खुंनाय जादोंमोन। आनजाद आ 10 अक्तोबर निफ्राय 11 नबेम्बर सिम जादोंमोन। दिनै फोसावानाय फिथाय बादिब्ला मोन 4 जिला याव 100 जौखोन्दो पास जादों। बङायगांव, जोरहात, खोला सालमारा आरो उदालगुरि आव पास जादों। कामरुप मेत्र आ बयनिख्रुय खमसिन, सा 13 नि सासे ल पास जादों, जौखोन्दो आ 7.69 ल। कामरुप रुराल आव बांसिन 127 आ होदोंमोन आनजाद खौ, बेनिनो सा 101 आ पास जादों। बिगियन आयदायाव सा 320,, आरिमु आयदा याव 509 आरो फालांगि नि आयदा याव सा 42 आ पास जादों।
Please do not enter any spam link in the comment box. ConversionConversion EmoticonEmoticon