आसामनि गिबि मन्थ्रि नि बेरेखा एफआईआर। एमपि आबदुल खालेक आ गिबि मन्थ्रि आ मरिगाव आव बुंनाय गरुखुति नि जाथाय नि सोमोन्दै नि थाखाय नो बेखौ मैया होदों। जेराव गिबि मन्थ्रि आ बे जाथाय खौ खिथेर होनना बुंदोंमोन। एजाहार आव बेबायदि लिरदों। गरुखुति आव सानै सुबुंनि जिउ गोमानायजों लोगोसे गोबां न सावना होदोंमोन होनना बुंदों।
बर नि मुंदांखा थियेटार सोरां मन्जु थियेटार आ फैगो 2 बोसोर नि उनाव जोबनायनि लामा याव। बेखौ बुंदों बेनि बिगोमा या। गावनि रां खौ बाहायनानै सो बेखौ फोथांना लाखिदों आं, 2 बोसोर उनाव सोरां मन्जु नि सनाथि मायथाय जागोन। बेनि उनाव नो सोरखार आ मदद खालामाब्ला बेखौ गारसिगोन होनना बुंङो। बे सोरां मन्जु खौ आं गावनि थाखाय ल मावाखै, हारि नि थाखाय सो मावदों बेखौ। आं बेयो 50 बोसोर जायोब्ला नो बन्ध खालामगोन। रायजोफोरा सिनायदों नाथाय दैदेनगिरि फोरा सिनायाखै आंखौ। आं दानि सोरखार निफ्राय जेबो मोनाखै, आगोलनि सोरखार आ आंनो मदद होदोंमोन। दायो आं गावनि रां खौ बाहायनानै फोथांनो हालिया आरो। बिथाङा रन्जन दैमारि नि सोमोन्दै बो बुंदों। रन्जन दैमारि आ बिथांखौ खुलुमदोंमोन, लोगो हमनो लुबैदोंमोन होनना बुंदों, नोंथाङा हारि नि थाखाय खामानि मावदों मवलांबाय था, आंबो आलादा हादर नि थाखाय नाजादोंमोन, नाथाय जेल जानांबाय होनना बुंदों, रन्जन दैमारि नि जेल जानाय आव दुखु नांदों होनना बुंदों। कभिद नि समाव असमिया थियेटार नो रां होदों, नाथाय आंनो होआसै, नासयनाय जादों होनना बुंदों बेखौ।
1 जानुवारि निफ्राय मुवा बेसाद नि बेसेन आ बारा जागोन। गोदान बोसोरनि गिबि सान निफ्राय नो जागोन। मिरु सोरखार आ 1 जानुवारि निफ्राय जिएसटि खौ बारा खालामनो थांगासिनो। जि जोम आरो जुथा सेन्देल आव 7 जौखोन्दो टेक्स बारायनायनि थिरांथा। दायो लानाय 5 जौखोन्दो लानाय आ 12 जौखोन्दो बारा जागोन। बेल नङा ईलेक्ट्रनिक्स नि आव 10 जौखोन्दो जागोन, आगोलाव बेयो 6 जौखोन्दो मोन। गथ फोरनि गोनांथार जाग्रा आदार आ बो बारा जागोन, कर्नफ्लेक्स आरो सेरेलेकर, बेबायदिनो क्रुद अइल, पाम अइल, हिन्दुस्तान ईउनिलिभार, दाबर, लिपस्तिक, हेयार द्रायार, फेसवास, मईश्वरायजार, स्तिल, एलुमिनियाम बायदिफोरनि बेसेना बो बारा जागोन। अनलाईन अट सारभिस नि बेसेना बारा जागोन। एटिएम निफ्राय रां दिहुननाय आव गोबां रां होनो नांगोन जुदि फ्रि नि खौ फोजोबोब्ला।
बर नि मुंदांखा फावखुंग्रि मासुम ब्रह्म नि न आव सिखाव हाबदों। जाथाय आ थांनाय 24 दिसेम्बर आव जादों। बिथांमोना सिलं आव बेरायनो थांदोंमोन, बै सानखालि नो जायो। न आव सिसिटिभि लागायना दोनखादोंमोन, मबाईल जों नायगासिनोमोन न खौ, नाथाय खर सानाय आव दसे नायनो हायाखैमोन, उनखालि नायफिननाय आव बेयो बन्ध जानाय दिन्थियो। बेयो 4 थि खेब सिखाव जादों होनना बुंदों बिथाङा। सोरबा खाथि नि आ नो खालामदों होनना सन्देह खालामदों, आगोलाव खालामनाय सिखाव आ नो खालामदों होनना बो सन्देह खालामदों। टिभि, साउन्द मिउजिक सिस्तेम, धनटेरा याव बायनाय सिलभार कइन, मेमरि कार्ड फोरखौ सिखाव खालामना लांदों।
हादर आव पेट्रल नि बेसेन बारा जालांनाय समाव नो झारखान्द नि हेमन्त सोरेन सोरखार आ गोदान बोसोर नि थाखाय सुबुंफोरनो मोनसे गिदिर बान्था। सोरेन सोरखार आ पेट्रल नि बेसेन आ 25 रां खम खालामगोन होनना फोसावदों। नाथाय बेखौ बिथाङा साखा खबनै नि थाखाय ल सो। सोरखार आ 2 बोसोर जानाय आव त्विटार नि गेजेरजों बाईक सालायग्रा फोरनो लिटार आव 25 रां नि मदद खालामगोन होनना बुंदों। बाईक सालायग्रा फोरा बेनि मुलाम्फा खौ 26 जानुवारि 2022 निफ्राय मोनगोन।
अन्ध्र
प्रदेश आव जौ नि राजखान्थि, जौ नि मदद लानानै दखल खालामनायनि थांखि। बिजेपि सोरखार
आ फैयोब्ला जौ नि बेसेन खौ खम खालामगोन। सोरखार दायोब्ला कुवार्टार मोनसे आव 50
रां आव होगोन होनना बुंदों, बेखौ अन्ध्र प्रदेश नि बिजेपि नि आफादगिरि शमु
भिराजुवा बुंदों। रायजो नि 1 कौटि सुबुंफोरा जौ लोङो आरो बे 1 कौटि सुबुंफोरा 2024
नि बिधानसभा बिसायखथि आव बिजेपि नो भोट होयोब्ला जौ नि बेसेना खम जागोन. साफ्रोमबो
सुबुङा दानसे आव 12 रोजा रां नि जौ बायो, बेखायनो सासन आव फैयोब्ला 70 रां आव
मोजां जौ मोनगोन आरो टेक्स खम खालामोब्ला 50 रां आव नो कुवार्टार मोनगोन होनना बो
बुंदों।
आईएसएल आव मैया एटिके मोहन बागान आ एफ सि गवा खौ 2-1 गल जों फेजेन्दो। एटिके आ 14 पइन्त्स जों 3 थि आरो गाव या 8 जों 8 थि आव दं।
भारत आरो
खोला आफ्रिकाः भारत आ 2थि ईनिंस आव 174 रान आव नो अल आउत जायो, आफ्रिका या नैथि ईनिंस आव दासिम 94-4 बुदों, आरो 211
रान नांबावगौ जोबथा सान आव देरहानो। भारत आ गिबि ईनिंस आव 327 आरो खोला आफ्रिका या 197
रान बुदोंमोन।
सिरां जिल्लानि काजलगाव जिल्ला पेरेड गेलेग्रा फोथाराव Assam Micro Finance Incentive and Relief Scheme 2021 नि गेजेरजों गावखौ सुंथानो थाखाय गुबुन गुबुन फिसा फिसा बेंकाव दाहार लाग्रा 10,472 नखरनि लनखौ रेहाय होयो । बिटिआर नि गाहाय प्रमद बर आ बाहागो लानानै बे स्किम जों गोबां आयजोफोरा मुलाम्फा जागोन, बिटिआर सोरखार आ बो रांखान्थि बिथिं आव जौगाहोनायनि गोबां स्किम लाबोदों होनना बुंदों। मोनसे भिसिदिसि आव सा 100 खौ लानानै आयजो क्लाब दानाय जागोन। आयजोफोरा नो बेनि दैदेनगिरि जागोन। जोंनि सुबुंफोरनि गेजेराव उन्दै बैसो आव हाबा जानानै नुजानाय जेंनाफोर, द्राग्स जानायफोर बेफोर बायदि जेंना खौ बोस्रांनो थाखाय बेखौ मावदों। लोगोसे कक्राझार आबाद बिफाननि मावखुलि आव रां लानायनि भिदिअ भाइरेल जानायनि नायबिजिरनायनि बिथोन होबाय होनना बुंदों बिथाङा। बे हाबाफारियाव आसामनि रांखावरि मन्त्री अजन्टा नेउग, मन्त्री उर्खाव गोरा ब्रह्म, बि टि आर नि गाहाइ मावफुं सोद्रोमा प्रमद बर', एम एल ए जयन्त बसुमतारी, बि टि आर नि मावफुं सोद्रोमा रनजित बसुमतारी, मावफुं सोद्रोमा उइलसन हासदा, एम सि एल ए माधब सेट्री, सिरां जिल्ला बेंगिरि आरो सिरां जिल्लानि एस पि बिथांमोनाबो हाबाफारियाव बाहागो लायो ।
काछार आव नंखाय पुलिस हमदों। सामिद हुसेइन मुंनि सुबुङा गावखौनो पुलिस बुंनानै गोबां थगायदोंमोन। 22 बोसोर बैसो नि सुबुङा कातिगर आव गावखौनो पुलिस होनना बिबान आव थानायबायदि दिन्थिदोंमोन। बियो गोबां सुबुंफोरनिफ्राय रां लादोंमोन गावखौनो पुलिस होनना सिगिनानै, बेल नङा बियो पुलिस नि द्रेस गानना बो ससियेल मिदिया याव सावगारि होदोंमोन।
कंग्रेस नि गायसननाय सान खालि नो दोलो नि फिरफिला या गाहायाव गोग्लैदों, भाईरेल जादों। 137 थि गायसननाय सान खालि कंग्रेस नि गाहाय दैदेनगिरि सनिया गान्धि या फिरफिला बिरहोनायनि सम नि भिदिअ भाईरेल जादों, बिरहोनो नागिरनाय समाव नो खाना दोननाय फिरफिला या गोग्लैयो। जाथाय आ गोदान दिल्लि नि कंग्रेस नि गाहाय मावखुलि आव जादों। गोबां बिजेपि नि दैदेनगिरिफोरा बेनो दानि कंग्रेस नि थार सावगारि होनना बुंदों।
दिल्लि आव येल्ल एलार्त। कभिद नि केस आ बारा जालांनाय आव दायो फरायसालि, कलेज, सिनेमा हल फोरा बन्ध। गोदान फैनाय कभिद अमिक्रन नि थाखाय नो दिल्लि सोरखार आ बे थिरांथा खौ लादों। भारत नि दिल्लि आरो महारास्त्र आव नो बांसिन केस मोनदों अमिक्रन नि। हतेल रेस्तुरेन्त खुलिनायनि सम, पाब्लिक प्लेस आव मानसि ज जानायनि नेमफोरखौ बो होदों। गारि मथर आव 50 जौखोन्दो ल लांन हागोन, जिम फोरा बन्ध। कारफिउ आ हारनि 10 बाजि निफ्राय फुंनि 5 बाजि सिम। गिबि मन्थ्रि अरबिन्द केजरिवाल आ कभिद केस आ बारा जालांबाय थायोब्ला बाजारफोरखौबो बन्ध खालामगोन होनना बुंदों। आगोलनिख्रुय 10 गुन मोजांसिन थियारि होनना बो बुङो बिथाङा।
दानिया 12 कौटि रां नि मार्सिदिज गारि आव नुनो मोनसिगोन
गाहाय मन्थ्रि नरेन्द्र मडि खौ। गुलि बमा जेबो खहा खालामनो हाया। मार्सिदिज मेबेक
650 खौ गिबि खेब हायदाराबाद आव नुदोंमोन जेब्ला गाहाय मन्थ्रि आ रासिया नि हादरगिरि
पुटिन खौ लोगो हमनो थांदोंमोन। गार्ड बदि आरो खिरखि गोरा स्तिल आ गुलि खौ होबथानो हायो। बेयो ब्लास्त प्रुफ नि
रेटिं मोनदों. बे गारि आव थानाय सुबुङा 2 मिटार गोजनाव 15 किलो टिएनटि बेरफ्रुनाय
आव बो जेबो जाया। बे गारि आ स्पेशियेल रान फ्लेट टायार नि सायाव सोलियो जाय गाज्रि
जानाय टायारखौ समान खालामो। गारि आव सिट मासाज जों लोगोसे मोजां ईन्टेरियार दं।
सनितपुर
जिल्ला बारग एनदिएफबि क वरदिनेशन कमिटि आ सावरायमेल खुंनानै थांनाय साननैसो
सिगाङआव बारग एनदिएफबि फोरनो होनाय चेक आव थालांनाय बारग एनदिएफबि फोरनोबो थाबैनो
होनांगौ होनना दाबि खालामदों। गोबां मोननांगौ बारग एनदिएफबि बिथंमोना राजखान्थि दोलो जों सोमोन्दो थायि नि
थाखाय नो होआखै दां होनना बुंदों। आर ग्रुप नि गोबांनिआनो पुलिस भेरिफिकेशन आ नो
फैयाखै होनना बो बुंदों
साधारनै सार्जारि खालामोब्ला बेबायदि जाथाय आ खमानो जायो दि देहाफाहामगिरि आ सासे सुबुंनि देहा निफ्राय मोनसे नि उनाव मोनसे अन्थाय दिहुनबाय थानाय आ। बांसिन जायोब्लाबो 20 एबा 30 सो आ नो सोमोनांथाव जागोन। नाथाय जुदि 1440 ता थायो, अब्ला। बे जाथाय आ जादों सोनाब बंग आव। सासे बेरामि नि देहा निफ्राय 1440 अन्थाय फोर दिहुनदों। माईक्रसार्जारि अपारेशन आव दिहुनदों। रबिबारखालि गंसे सोरखारि नङि देहाफाहामसालि आव बेखौ खालामदोंमोन, बेयावनो जायो सोमोनांथाव जाथाय आ। पिरतला ओनसोल नि थागिबि 17 बोसोर बैसो नि बिभा सिन्धु आ थांनाय 3 दान गाज्रिथार उदै सानाय आव गोग्लैना दंमोन। देहफाहामगिरि आ आलट्रासनोग्राफि आ गोबां अन्थाय थानायखौ नुदोंमोन, नाथाय थेवब्लाबो बेसेबं जागोन सानाखैमोन। रांखान्थि बिथिंआव लोरबां बेरामि आ गिदिर एपारेशन खालामनाङो, नाथाय देहाफाहामगिरिफोरा बेनि थाखाय रां लायासै बिनिफ्राय, बेरामि नि रां खौ गोसो होआलासै नो खामानिखौ मावो।
Please do not enter any spam link in the comment box. ConversionConversion EmoticonEmoticon