2022 मायथाई नि मेट्रिक आरो हायार सेकन्दारि आनजाद आ 15 मार्च निफ्राय जानायनि सम्भावना दं। आसामनि सोलोंथाय मन्थ्रि डाँ रनुज पेगु बिथाङा मार्च दान नि 3 थि सप्ता याव खुंगोन होनना बुंदों, 15, 16, 17 मार्च फोरनिफ्राय जानो हागौ आरो बेखौ एप्रिल नि गिबि सप्ता याव फोजोबनाय नि थांखि लादों। फरायसा फोरनो भेकसिन होनाय खामानि खौ बो जागायगोन होनना बुंदों बिथाङा, आनजाद खौ खुंनायनि सिगां मोननैबो दज खौ लाहोनो हागोन होनना बो बुङो। 3 जानुवारि निफ्राय जागायगोन, सानफ्रोमबो मोनसे जिला नि गं 15 फरायसलिफोरखौ लानायनि थिरांथा।
इं 2021 मायथाइनि साहित्य अकाडेमि बान्थानि थाखाय सा 3 बर’नि लिरगिरिफोरा सायख’जाबाय। “खर’ सायाव आरो हिमालय’’ खन्थाइ बिजाबनि थाखाय मोदाय गाहाइ (ड. देब’ रामसियारी)नो, "दिखुरा सलबाथा" बिजाबनि थाखाय रतनेस्वर नार्जारीनो खुदिया थुनलाइयाव आरो “जिउ गोनां सल’” खन्थाइ बिजाबनि थाखाय गौतम दैमारीनो लाइमोन साहित्य अकाडेमि बान्थाखौ फोसावबाय।
खैराबारि दख'रा एबसुनि 45थि थान्दै जखन्थाइया दिनै सानसेनि मेहेरगोनां हाबाफारिजों जोबनानै थाङो । बे थान्दै जखन्थाइनिनो गेवलां मेलाव मिरु एबसुनि लेङाइ आफादगिरि मानगोनां मुस्रि रोमदोन बसुमतारीआ गाहाइ आलासि महरै बाहागो लायो। गाहाइ आलासि महरै बाहागो लानानै बिथाङा थांनाय गोलाउ समाव दखरा एबसुखौ जोथोन लाबोनानै 45 बोसोरसिम आगान होफैनायाव थोजासे बोसोन होनानै जोथोन लाबोनायनि थाखाय ओनसोलनि साफ्रोमबो मेलेमजिबि आरो राइजो राजाफोरनो साबायखर बाउनानै संबिजित बादियै एबसुआ बोसोराव खेबसे थान्दै मेल खुंनानै ओनसोलनि जेंना आरो हारिनि सोमोन्दै गुवारै सावराय लायनाय जायो होननानै गावनि बिबुंथियाव बुङो । बेखायनो हारि आरो ओनसोलनि सार्थआव गावबा गाव दख'रा एबसुनि बेन्दोङाव थानाय गासैबो थाखोनि साफ्रोमबो बर' सुबुंखौनो थान्दै मेलाव गोसो गुदुङै बाहागो लानांगौ होननानै राइजोफोरखौ खावलायो। बे थान्दै जखन्थाइजोंनो लोब्बा लाखिनानै सोर्जिजानाय बनजार खुगा लाइसिखौ हांख्राइजानाय लेखायैनो सम बादियै बेखेवनानै होयो मिरु एबसुनि सुबुं फोनांजाब नेहाथारि मानगोनां मुस्रि दिनेस ब्रह्मआ। लोगोसे बे मेलावनो माननि आलासि महरै बाहागो लायो मिरु एबसुनि लोगो सोलोंथाय नेहाथारी मुस्रि रमिअ कु. बसुमतारीआ।
फिन खनसेबाव पुलिस नि जे आव सानै घुस लानाय
अफिसार। क'क्राझार जिल्ला आबादारि खोन्दो मावफुंयारि
इन्जिनियारनि मावखआव आयेन बेरेखायै RKVY आसुनिनि
मुंङाव फैनाय Paddy Thresher आरो Paddy Reaper नि
मुंङावा रां लानाय खौरांखौ नुनानै BTC नि
आबाद बिफाननि EM घनश्याम दास बिथांङा बिथोन होनाय लेखा Junior Engineer Nilo Kanta Kalita आरो Senior Assistant Sudip Deb बिथां सानैखौ नायबिजिरनो थाखाय आसाम पुलिसआ खाबाय होन्नानै
खौरां मोन्नाय जोदों।
मैया आसामनि केबिनेट नि मन्थ्रि उर्खाव गोरा ब्रह्म बिथाङा रुंसारि बर किकबक्सिं गेलेगिरि दानसोरां नार्जारि नि नखरनो 1 लाख रां होयो। नेसनेल लेबेल आव गेलेनाय दानसोरां आ गेलेखांनानै फैफिननाय समाव दुखुनांथावै देहा गाज्रि जानानै जिउ गोमादोंमोन। मन्थ्रि बिथाङा गेलेगिरि नि बेबायदि जिउ गोमायोब्ला रां नि अनसुंथाय होयो होनना बुंदों। गिबि मन्थ्रि आरो बिटिआर नि गाहाय जों रायलायनानै 1 लाख रां होयो होनना बुङो।
आसाम पुलिस नि 31 दिसेम्बर नि थाखाय स्पेशियेल बेबस्था। दि जे नि बेबस्था। जौ लोंनाय आरो गारि खौ गोसा सालायग्राफोरनो फ्रि आव नो एन्ट्रि होगोन, मुं खौ होदों DJ LOCKUP. जायगा या पुलिस थाना। बे दिजे लकआप आव थांनो गोसो गैयाब्ला जों लोंग्रा फोरा सांग्रां जा। नोंथांमोना थ मिथिखायो दां मा जायो थाना याव थांनांगौ जायोब्ला । बिथांमोना लिरना होदों जोंनि आलासि जानो नाङा होनना बुंदों।
मिरु सोरखार आ नागालेन्द खौ फिनखनसेबाव शांति गैयि ओनसोल होनना फोसावदों। मिरु नखर बिफान आ फोसावना होदों, 6 दान नि थाखाय फोसावदों। मखजाथावदि गोबां सुबुंफोरा नो बे आयेन खौ बोखारनो दाबि खालामदोंमोन। साननैसो सिगाङाव आरमि फोरा साधारन सुबुंफोरखौ बुथारनाय नि थाखाय दाबि खालामदोंमोन।
अनलाईन मबाईल एप नि मदद आव बेकार सेंग्रा सिख्ला फोरनिफ्राय लाख लाख रां लुथिनायखौ लानानै दुंहाव थासारि होजाई जिला याव। रयजो आव चिटफान्द आ रोजा रोजा बेकार सुबुंफोरनिफ्राय रां लुथिनाय नि उनाव मबाईल एप जों अनलाईन रां लुथिनाय जाथाय। गोबां जायगायाव हागश्लिप आरो द्रिम ट्रेजार मुंनि एप जों 10 सान आव नो होनाय रां खौ 2 गुन खालामगोन होना रां लुथिनायनि अजद। गिबि आव बे एप आ 2 गुन होयो, नाथाय जेब्ला गोबां रां बाहायो रां खौ लांजोबो। बेफोर एप खौ बाहायनो नाङा, आसामनि जिला याव नो रां लांजादों।
भारत आरो खोला आफ्रिका नि गेजेरव जानाय गिबि टेष्ट आव भारत आ खोला आफ्रिका खौ बिसोर नि हा याव नो फेजेननो हादों। 113 रान जों फेजेनदों खोला आफ्रिका खौ। भारत आ होनाय 305 रान नि टार्गेट खौ बिसोर बुनो हायासै, 191 रान आव नो अल आउट जायो। गासै मोन 3 टेष्ट गेलेगोन भारत आरो खोला आफ्रिका या। दायो भारत आ 1-0 जों आवगायना दं। चेन्सुरियन मुंनि जायगायाव जानाय गेलेनाय आव बेयो भारत नि दासिमनि गिबिसिन देरहानाय। बे जायगायाव आगोलाव माब्लाबाबो देरहायाखैमोन।
अनलाईन आव आईफन अर्दार होना लानानै थगायजाबाय सासे सिख्ला या। फन नि सोलाय लांदां बक्स फैनायनि अजद। गुवाहाति नि सिख्ला या 27 दिसेम्बर आव 65,199 रां जों एपल आईफन 12 मिनि फोन नि अर्दार होदोंमोन आरो 29 दिसेम्बरखालि लाबोना होदोंमोन, नाथाय अर्दार खौ मोननायनि उनाव सोमोनांहोदों। दायो सिख्ला या दिसपुर पुलिस थाना याव एजाहार होयो। बेखौ फ्लिपकार्ट आव अर्दार होदोंमोन। मोनसे भिदिअ भाईरेल जादों बेनि। पार्चेल खौ सासे नखरनि सुबुंखौ लांनो होदोंमोन, नाथाय बेयो गिलिर नङामोन आरो बेखौ दिलिभारि बय खौ नो खुलिनो होयो आरो भिदिअ रेकर्ड खालामो आरो लांदां होनना मिथियो।
आईएसएल आव मैया बांगालुरु एफसि आ चेन्नाई खौ 4-2 गल जों फेजेनो। चेन्नाई आ 11 पइन्ट्स जों 6 थि आव आरो बांगालुरु आ 9 पइन्ट्स जों 8 थि आव दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon