सोरखारि देहाफाहामसालि आव लाना थाङो जोखोम जानाय सुबुंखौ, मुङा लामाचरन नार्जारि। चिरां फरेस्त नि धुलखुला ब्लक आव फुंनि समाव जादों जाथाय आ। जाथाय नि सोमोन्दै मिथिनाय बादिब्ला दंफां दानबाय थानाय समाव हाग्रा बिफान आ सिखाव फालांगिफोरनि दोलो नि फारसे गुलि गावहरदोंमोन, बेयावनो जोखोम जायो आरो गुबुनफोरा खारखुमायो, गुबुनफारसे जायगानि सुबुंफोरा बन दाननो सो थांदोंमोन होनना बुंदों, बन फानना सो जायोमोन, बेयावनो गावदों, बिनि जेबो दाय गैया होनना बुंदों, गुबै जाथायखौ नायबिजिरनायनि उनाव सो मिथिगोन। गुलि आ देहायाव नांनानै बाहेरथिं ओंखारलांलायदों। गुलि आ बिखानि गोजौ बाहागो आव नांदों। उनाव देहाफाहामसालि आव लाना थाङो।
आसामनि गिबिसिन आयजो आईजिपि(ईन्सपेक्टर जेनेरेल अफ पुलिस) जादों आईपिएस अफिसार भाईलेट बरुवा या। 2005 बेट्स नि आसाम मेघालय केदार बिथाङा आसामनि गोबां जायगायाव नो खामानि मावदोंमोन। 2019 आव गिबि आसामनि आयजो दिआईजि नि बिबानखौ मोनदोंमोन। 2020 आव बिटिआर नि दिआईजि बो बानायदोंमोन बिथांखौ। बे बोसोराव बिथांनो सुबुंखान्थि सानखालि हादरगिरि नि मेदेल बो होनाय जादोंमोन।
पुलिस आ नो पुलिस खौ हमदों। सिखावै मोसौ नि फालांगि खालामनायनि दाय आव हमदों। सासे हम गार्ड खारखुमादों। पुलिस बिफान आ दायनिगिरि नि बेरेखा लाथिख सहायनाय नेम खौ मानिगसिनो। बेनि गेजेरावनो बेबायदि गाज्रि खामानि आव सोमोन्दो दं पुलिस नि। नाथाय बहा खारगनो, पुलिसजों हमजायो पुलिस आ नो। नगांव पुलिस आ बरघात पुलिस आ कन्सतेबल पंकज गायन खौ हमदों। हमगार्ड रजिकुल आमिन आ खारखुमादों होनना खौरां मोनदों। बरघात पुलिस नि गारि सालायग्रा महरै बिबान आव दंमोन। गोबां पुलिस फोरनि बेरेखा नायबिजिरगासिनो दं।
बोरमा या मानसिनि नि महर नि फिसा जोनोम होदोंमोन. गोबां सुबुंफोरा नो नायनो थांदोंमोन। जाथाय आ काछार जिला नि पुर्बधलाई नि गंगानगर आव जादों। मानसि बायदि महरनि जोनोम जाहोदों। रबिबारखालि संकर दास मुंनि सुबुंनि नखराव जादों। नाथाय जोनोम नि दसे समनि उनाव नो थैयो बोरमा फिसा या। मिथिना मोननाय बादिब्ला बोरमा बिमा या मानै फिसा जोनोम होदोंमोन, मासे आ मानसि बायदि आरो मासे आ साधारन बोरमा बायदि।
गुवाहाति आव जौ लोंनानै गारि सालायनाय 295 सुबुंफोरनि बेरेखा गसर थिसनदों। लोगोसे गुवाहाति पुलिस आ सा 95 सुबुंफोरनि बेरेखा जरिमाना लादों, बिसोरनि लाईसेन्स खौ दानना होदों आरो बिसोरनि बेरेखा 10 रोजा रां जरिमाना बो खालामदों। गुवाहाति आव ख्रिष्टमास नि सान खालि सा 84 खौ हमदोंमोन।
हावाई सेन्देल पायजमा गाननानै, गोजाम बाईक लानानै गुबुन जायगाफोराव थांनाय पियुश नि न आव 257 कौटि रां मोनदों। बे ल नङा 125 केजि सना आरो गोबां कौटि रां नि सम्पति मोनदों। साधारन सुबुंबायदि थानाय सुबुंखौ रावबो बेबायदि होनना सानाखैमोन। ननि बिसना, आलमारि, बागसु बायदि गासैबोआवनो रां रां ल मोनो। रां खौ सानजोबनो गं 8 रां सानग्रा मेसिन लांनांदों। दायो पुलिस फोरा हमबाय पियुश जैन खौ।
आईएसएल आव मैया नर्थ ईस्त आ मुम्बाई नि बेरेखा 3-3 गल जों द्र गेलेयो। नर्थ ईस्त नि दि ब्राउन आ हेत्रिक होदों। पईन्टस टेबल आव मुम्बाई आ 16 पइन्ट्स जों 1 थि आरो नर्थ ईस्त आ 8 पइन्ट्स जों 9 थि आव दं।
नागालेन्द निफ्राय AFSPA खौ बोखारगोन ना, मिरु आ दाना होबाय सा 5 सुबुंनि कमिटि। सा 14 नागा सुबुंफोरखौ गुलि गावनानै बुथारनायनि उनाव मन जिला याव दासिमबो दुखु खम जायाखै। गोबां धर्ना बो होगासिनो, गोबां दोलो संगथन फोरा AFSPA खौ बोखारनो दाबि खालामदों। बे समाव नो बेखौ बोखारनांगौ ना नाङा बेनि थिरांथा लानो सा 5 नि कमिटि दानो होदों। कमिटि आ 45 सान नि गेजेराव नखर बिफाननो रिपर्त होनो नांगोन। नागालेन्द नि गिबि मन्थ्रि, लेङाय गिबि मन्थ्रि आरो बारग गिबि मन्थ्रि बिथांमोना प्रेस रिलिज नि गेजेरजों जाथाय नि सोमोन्दै बुंदों आरो थैनाय नखरनि सुबुंनो साख्रि होनाय खामानि खौ जागायबाय होनना बो बुङो।
हारियाना नि आम्बाला याव मोनसे गाज्रि जाथाय जादों। गंसे गिर्जा याव जिसु ख्रिस्त नि मुसुखा खौ सिफायना गालांदों सानै मानसि महरनि दानब फोर। पुलिसफोरा सिसि टिभि फुटेज खौ नायदों, दासिम दायनिगिरिफोरखौ सिनायनो हायाखै। सानजौफु नि 12.30 सो आव सानै सुबुं आ सिमा नि वाल खौ बारनानै 1,40 सो व सिफायनायखौ नुनो मोनदों। पुलिस नि दोलो आ नायबिजिरगासिनो दं। अजद थिसननाय जाबाय आरो बेबायदिनो दायनिगिरिखौ साजा होनय जागोन होनना बुंदों। मखजाथावदि धोरोमारि बायदिसिना हिंसा जानायखौ नुनो मोनगासिनो, माब्लाबा हिन्दु नि सायाव, माब्लाबा ख्रिस्तियान, माब्लाबा मुस्लिम नि सायाव। जाय गाग्लोबो बिसोरबायदि मानसिया माब्लाबाबो गावनि धोरोम खौ मोजां मोननाय जानो हाया मानोना मोनसे धोरोम गुबुन धोरोमखौ गाज्रि बुंनो माब्लाबाबो थिना।
दाव आ
फैग्रोदोंमोन ना दावदै आ फैग्रोदोंमोन। जुग जुग सोलिगासिनो बे सोंनाय आ, नाथाय मा
मोनसे आ फैग्रोदोंमोन बेखौ लानानै गोबां सन्देह थालांदों गोबांनि गोसो आव नो।
गोबाङानो दाबि खालामो दाव आ गिबि आव फैग्रोदों, सोरबा बुङो दावदै आ। गोदानै मोनसे
नायबिजिरनाय दोलो आ बेनि फिननाय खौ होदों। फोरमान जों लोगोसे फिननाय। ब्रितेईन नि
सेफिल्द आरो वारउईक बुहुमफरायसालि नि नायबिजिनाय दोलो आ, गोबाव सम नायबिजिरनायनि
उनाव बेनि फिननाय खौ मोनो। बिथोंमोना नायबिजिरनायनि उनाव दावदै नि गुफुर बाहागो आव
अभक्लिदिन मुंनि मोनसे प्रतिन थायो। दावदै जानाय आव बेनि गोनांथार बिहोमा दं, बेखौ
दावनि फिसाख आव मोननाय जायो। बिथांमोना दाबि खालामदों बेनि गेजेरजों दाव आ गिबि आव
फैग्रोदोंमोन होनना, बेनि उनाव अभक्लिदिन प्रतिन आ दाव नि देहायाव दाजादों आरो
बेनिफ्रायनो दावदै जादों
मोदि सोरखार आ मुसलमान फोरनि मोन 3 तालाक होनायखौ बोखारबायमोन, नाथाय दासिम बो मुस्लिम आयजो फोरनि सायाव खालामनाय अत्यासार आ खम जायाखै, नलबारि जिला नि मुकालमुवा रामपुर बापुनबरि नि सासे आयजो नि सायाव जादों जाथाय। आमिनुल हक मुंनि सासे रेलवे अफिसर जों जुलि जादोंमोन, नाथाय हाबा जानायनि उनाव नो जोथोब बिदोंमोन आरो मोनि नि थाखाय गोबां देहायारि मेलेमारि दुखु होदोंमोन। अजद बादिब्ला बलेरो गारि नांगौ। दासिम आयजो नि नखर आ 10-12 लाख रां सो होबाय होनना बुंदों, थेवब्लाबो बलेरो नांगौ। बेल नङा आयजो नि गोरबो आव थानाय भ्रुन खौ बो मुलि जाहोनानै बुथारदोंमोन। गोबौ हाथियारजों गाग्लोबनायनिबो अजद आरो बलेरो मोनि नि मोन3 तालाक होनानै ननिफ्राय होखारहरो। दायो थाना याव गसर थिसनदों।
जाय समाव
रायजो नि सोलोंथाय बिफान आव गोबां सोलायनाय लाबोनायनि थाखाय गोबां रोखोमनि
बेबास्था लानायनि सोमोन्दै सोरखार आ बायदिसिना थिरांथा लानायनि सोमोन्दै फोसावदों,
बे समाव नो सानै नंखाय फोरोंगिरिफोरखौ हमदों होनना खौरां मोनदों। धेमाजि पुलिस आ
गाज्रि लामा जों साख्रि लानायखौ हमदों। दायो सानैबो गोजा न नि आलासि। सासे नि मुङा
जयन्त मिलि आरो सासे नि आ जतिन रामसियारि। सानैबो फारियै धेमाजि नि दिमौ सिनियर
सेकन्दारि स्कुल आरो सिमेन सापरि सिनियर सेकन्दारि फरायसालि नि।
गिथावना जाथाय। फेक्टरि आव ब्लास्त जानाय आव सा 10 नि जिउ गोमादों, गोबां सुबुंफोरा जोखोम जादों, बेनिनो सा 5 या गाज्रियै जोखोम जादों। नुदल्स बानायनाय फेक्टरि आव जादों, बिहार नि मुजाफ्फर नगर आव, फेक्टरि नि बयलार आ बायो। जायनि थाखाय बे गिथावना जाथाय आ जायो। जाथाय आ एरैबायदि गिथावना मोन दि खाथि आव थानाय वाल फोरा बो बायलांदों। जाथाय आ फुंनि 9.30 सो आव जादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon