NEWBO app आव बिसम्बि बर सावथुन खौ नुनो मोनसिगोन। बे एप खौ प्लेस्तर आव मोनगोन। 49 रां आव नो नायनो हागोन होनना बुंदों। दिनैसिम बे एप आव मोन 5 बर सावथुन दं आरो उनाव बो गोबां सावथुन खौ सोनाय जागोन होनना बुंदों। जायफोरा गोदान बर सावथुनखौ नायनो लुबैयो अब्ला बेखौ नायनो हासिगोन। एन्द्रयेद मबाईल आव बाहायनो हागोन। न आव थानानै नो नायनो हागोन। एपल बाहायनायफोरनि थाखाय 1 दान नि उनाव एप खौ मोनगोन होनना बुंदों।
भारत नि गाहाय मन्थ्रि नरेन्द्र मडि आ फोसावना होदों- 15 निफ्राय 18 बोसोर बैसो नि हौवासा हिनजावसा फोरनि थाखाय 3 जानुवारि निफ्राय करना नि भेकसिन। मैया गाहाय मन्थ्रि आ अमिक्रन नि थाखाय हादरनि सुबुंफोरखौ सांग्रां खालामना होयो आरो मास्क लानाय आ गोनांथार होनना बुंदों। दासिम हादर आव 1 लाख 40 रोजा आईसिईउ बेद जों लोगोसे अक्सिजेन जों लोगोसे 5 लाख बेद दं होनना बुङो। दासिम हादर आव 141 कौटि सुबुंनो भेकसिन होनायनि सोमोन्दै बुङो। 61 जौखोन्दो नि बारा सुबुंफोरा भेकसिन नि मोननै दज खौ लाबाय। बेनिनो बैसो जानाय आ 90 जौखोन्दो।
गवालपारा जिल्लानि दरंगिरि बगादबा गामिनि अनिला स्वर्गियारीआ NBT आरो भारत सोरखारनि "मेन्टरिं युव लिटेरेरी" बान्थानि थाखाय सायखजाबाय। जाखांफु लाइमोन लिरगिरि अनिला स्वर्गियारीआ आथिखालाव "बर' लाइमोन लिरगिरि गौथुम"नि नेहाथारि बिबानाव दं।
रायजो नि सावस्रि बिफान आ दिहुनना होबाय एसअपि। दिनैनिफ्राय बे नेम फोरा सोलिसिगोन। हरनि 11.30 निफ्राय फुंनि 6 बाजि सिम जागोन कारफिउ आ। 10.30 नि गेजेराव दखान, हतेल धाबा फोरखौ बन्ध खालामनो नांगोन। सिनेमा हल फोराव 50 जौखोन्दो नायग्रा फोरखौ नायनो होनो नांगोन। मास्क लायिफोरनि बेरेखा प्रसासन आ दिनैनिफ्राय जरिमाना लानो हासिगोन। रायजो आव दासिमबो 50 लाख भेकसिन दं होनना बुंदों। सोलोंथाय फसंथान आव आगोलनि नेम बादिनो सोलिगोन होनना बो बुङो।
आबादनि आयेन आ फैफिनगोन, बुंदों मिरु सोरखार नि आबाद बिफाननि मन्थ्रि नरेन्द्र सिंह तोमार आ। गोदान महरै फैफिनगोन होनना बुंदों बिथाङा। गोबां सोलायनानै बेखौ लाबोफिननाय जागोन।
मरियनि आव
नाकासारि आव मोसा नि गाग्लोबनाय आव सा 7 सुबुंफोरा जोखोम जादों। गासैखौबो काकजन
आरो नकसारि आदर्श देहाफाहामसालि आव लाना थांदों। मोसा नि गाग्लोबनाय आव नकासारि
थाना नि सासे अफिसार आ खुनोरोखोम बारगदों । मखजाथावदि बेनि सिगांबो सा 8 खौ
गाग्लोबदोंमोन, बे एखे मोसा या नो गाग्लोबदों होनना सन्देह खालामदों।
हायदाराबाद पुलिस आ नंखाय आधार बानायनाय गें खौ हमनो हादों। सा 8 खौ हमदों। बिसोर नंखाय आधार खौ आसाम नि आई दि बाहायनानै बानायोमोन। खौरां मोननाय बादिब्ला बिसोर 2000 निफ्राय 3000 सिम रां लायोमोन। बिसोरनिफ्राय हायदाराबाद पुलिस आ गं 6 लेपतप, गं 6 फिंगारप्रिन्त स्लेब, केमेर, स्ताम्प, नंखाय फोरमान बिलय, 80000 रां मोनदों।
सोमोनांथाव। गुवाहाति आव थांनाय 365 सान आव 373 गावखौनो बुथारनाय जाथाय जादों। पुलिसफोरा हेल्पलाईन नम्बर दिहुनना होनाय नि बेबस्था लादों। रायजो आव बारा जालांगासिनो बेबायदि केस मोननाय आ। कामरुप मेट्र नि पुलिसनि गाहाय नि रिपर्त आव बेयो सोराङाव फैदों।
एसिया काप आव भारत पाकिस्तन नि आखाय आव जेनबाय। आन्दार 19 नि दोलो आ पाकस्तान नि बेरेखा जेननाय आव थांनाय 8 बोसोर नि रेकर्ड खौ सिफायो। 2013 मायथाई नि उनाव एसिया काप आव पाकिस्तान आ भारत खौ गिबि खेब फेजेनो।
गिबि खेब आसाम आव दिहुननाय 10 लाख मेट्रिक टन माय एफसिआई जों लोगोसे गोबां फसंथानफोरा। बेखौ बुंदों आसामनि गिबि मन्थ्रि बिथाङा। गासै मोन 6 फसंथानफोरा बायगोन। बिधानसभा याव गोबां सोंनाय जादोंमोन माय बायनायनि सोमोन्दै। आसामनि गिबि मन्थ्रि आ जायगानि एमएलए खौ बेबस्था लानो खावलायदों जाहाथे गावनि बियाब आव नो मायफोरखौ फाननो हायो आबादारिफोरा। माय बायनाय मिरु खौ बेबायाव गायसनोब्ला मोजां जागोन बेनि थिरांथा फोरखौ बो एमएलए खौ नो लानो होदों। मोनफ्रोमबो कुविन्टल माय नि बेसेन खौ खमावनो 1940 रां खालामदों। बेंक एकाउन्ट आव रां खौ सोनाय जागोन, पान्जाब, हारियाना नि बादि नो जोंनि आबादारिफोरा बो मोनगोन होनना बुंदों। मखजाथावदि आगोलाव आसामनि आबादारि फोरा खम रां आव नो माय फाननो गोनं जादोंमोन, बेनि गेजेरजों एसेब्लाबो रां खौ बारा मोननो हागौ। 2020-21 आव आसामनि 2.11 लाख मेट्रिक टन ल माय बायदोंमोन
Please do not enter any spam link in the comment box. ConversionConversion EmoticonEmoticon