दिनै हायार सेकन्दारि स्पेशियेल आनजाद नि रिजाल्ट खौ होगोन। खौरां मोननाय बादिब्ला दिनै सानजौफु नि 12 बाजि आव होगोन। ahsec.assam.gov.in आ थांनानै नायनो हागोन। थांनाय 10 अक्तोबर निफ्राय नबेम्बर सिम जादोंमोन आनजाद आ। 1414 फरायसा फोरा बे आनजाद खौ होदोंमोन।
फरायसुलिफोरनो स्कुटि होनायनि उनाव दायो कलेज नि फरायसुला फोरनो बाईक। फैगो एप्रिल दान आव गासैबो थिरांथा या जागोन। सुक्रबारखालि मरिगांव कलेज आव मोनसे हाबाफारि आव नुजाथिनानै बेबायदि बुङो। गिबि मन्थ्रि खौ खाथि आव नो मोननानै फरायसा फोरा बाईक बिदोंमोन, लोगो लोगो गिबि मन्थ्रि आ सोङो,, स्कुटि नि बेसेन आव मा बाईक मोनो होनना, लोगोलोगो फरायसाफोरनि गेजेरनिफ्राय फिननाय फैयो पालसार होनना, बेनि उनाव नो गिबि मन्थ्रि आ फैगो एप्रिल दान आव थिरांथा लागोन होनना बुङो। बिथाङा लोगोसे पकेट खरसा होनायनि सोमोनदै बो बुंदों। फरायसा फोरनो थांलाय फैलाय नि थाखाय खरसा होगोन जाहाथे गोरिब नखर नि फरायसा फोरा नखरनि बजा बायदि जाया। होमारगोन ना होआ बेफोर गासैखौबो उनाव सो नुसिगोन।
बक आव मैदेर होखारनो हाग्रा बिफान आ गावनाय गुलि आ नांनायाव सासे 2 बोसोर बैसो नि गथ नि जिउ गोमादों। गाज्रियै जोखोम जादों बिमा या बो। बक नि बन्दापारा सेखादारि आव जादों जाथाय आ। 2 बोसोर बैसो नि गथ नि मुङा आर्बि दैमारि,. बिमा नि मुङा मालबिका दैमारि,, 25 बोसोर बैसो नि। बिखौ जिएमसिएईसस आव लाना थाङो। हाग्रा बिफान नि सुबुङा गावनाय गुलि नि थाखाय नो जायो जाथाय आ, फुंनि सम आव बन्दापारा याव हाग्रा नि मैदेर नि गाग्लोबनाय आव सासे सुबुं आ जोखोम जादों। मुङा सन्जय दास(30)। आबाद फोथार निफ्राय मैदेर फालो खौ होखारनो नागिरदोंमोन, बेयावनो मासे मैदेर आ होसोना फैना गाग्लोबो, बेयावनो जोखोम जायो।
प्रधान मन्थ्रि किषान सम्मान निधि नि 10 थि किस्टि नि रां खौ फैगो सप्ता याव मोनगोन, साननैसो सिगाङाव 9 थि किष्टि नि रां खौ होदोंमोन, 10 किष्टि नि थाखाय थियारि जाखाबाय। मोदि सोरखार निफ्राय फोसावनाय खौरां खौ मोननाय बादिब्ला 15 दिसेम्बर नि गेजेराव होगोन। बे बार आव ख्रिष्टमास नि सिगाङाव होगोन रां खौ। नोंथांनि मुं आ दं ना गैया बेखौ बिथंमोननि वेबसाईट आव थांना नायनो हायो pmkisan.gov.in आव।
एपिएससि निफ्राय बोखारनाय जाबाय 300 नम्बर नि असमिया राव नि सोंनाय बिलाय खौ। फोसावना होबाय बिजिरसालि आ। एपिएससि भङागर थाना नि गसर आव मैया चार्ज फ्रेम नि राय खौ होयो। नाथाय मैया बो आबुं यै जाजोबासै चाप्ज फ्रेम नि राय होनाय, 18 दिसेम्बर खौ थि खालामदों राय होनो। 2022 मायथाई नि जानुवारि आव जानो गोनां रायजो नि एपिएससि आनजाद आव फरायसा फोरा लेंगुवेज कुवालिफायिं पेपार खौ होनो नांलिया। मखजाथावदि असमिया जों लोगोसे बर आरो बाङालि रावजों बो होनो नांलिया। 2019 मायथाई आव गासै मोन 6 जिला नि थाखाय 300 नम्बर नि लेंगुवेज पेपार नि बेबस्था खालामना होदोंमोन, बेयाव पास जानो गोनांथारमोन।
ईउ पि पि एल सरकारा खोथा होना खोथा लाखिनो हाया, बुंदों दुलाराय सोरखारि नङि फोरोंगिरि गौथुमा बुंदों। 13 दिसेम्बर आव साखा बन्द' फोसावदों दुलाराय फोरोंगिरि गौथुमा। दुलाराय फोरोंगिरि गौथुमा खौरांगिरि मेल सामलायदों आरो 15 दिसेम्बर आव राजालामा खौ बन्ध खालामगोन, डिसेम्बर दाननि 17 खालारनिफ्राइ 20 डिसेम्बर खालारसिम बिटिसि सेक्रेटारियेट नि मोखाङाव उखैहाब सोमावसारगोन। एमएलए लरेन्स ईस्लारि बिथाङा मावनांगौ खामानि खौ मावाखै होनना बो अजद होदों। आगोलाव दिसेम्बर नि गिबि सप्ता याव नो सावरायलायगोन होनना बुंदोंमोन, नाथाय दिनै 10 दिसेम्बर बारलायलांबाय, नाथाय दासिमबो जेबो सवरायलायाखै होनना बुंदों।
द्राग्स निफ्राय उदां आसाम खालामनायनि थांखि जों द्राग्स फ्रि आसाम मुंनि मोनसे एप बेखेवदों। आसामनि दिजिपि भास्करज्योति महन्त बिथाङा बेखेवो बेखौ। बेन खालामनाय मुवा फोरनि बेरखा सांग्रांथि लाबोनो आरो बिसोरखौ पुलिस अपरेशन नि थाखाय भईरेल ईनपुट एबा देदेननायाव बोलो होनो थाखाय बेखौ बेखेवदों। गुगल प्ले स्तोर आव नगोन बेखौ। जायखिजाया द्राग्स रेकेट नि सोमोन्दै खौरां हरनो हागोन होनना दिजिपि बिथाङा बुंदों।
मैया आई एस एल आव उरिस्या या नर्थ ईस्त खौ 1 गल जों फेजेनदों। दिनै मोननै गेलेनाय दं। एटिके आ चेन्नाईनि बेरेखा आरो गवा या बांगालुरु नि बेरेखा।
मैया हादरनि सिदिएस बिपिन रावत आरो बिथांनि बिसि मधुलिका जों लोगोसे आरो सा 11 अफिसार, जवान बिथांमोनखौ भारत नि सुबुंफोरा जोबथा बिदाय होदों। साननै सिगाङाव हेलिकप्तार नि जाब्रबथाय आव जिउ गोमादोंमोन गासै स 13 सुबुंफोरनि। दिल्लि आव जिउ गोमानायफोरनो हादरनि थाखाय खामानि मावनायनि सनमान होनानै हादरनि गाहाय मन्थ्रि नरेन्द्र मदि, नखर मन्थ्रि बिथांमोना बिबार बावनानै बिदाय होयो। बे जेनेरेल बिपिन रावत,, ब्रिगेदियार एलएस लिद्दार बिथांमोननि फिसाजो आ थांनानै बिबार बावनाय खौ नुनो मोनो। फिसाजो आ कफिन आव खुदुमनानै दुखु जानायखो नुनो मोनो।
रायजो सोरखार नि गोरा निफ्राय गोरा थिरांथा लानायनि उनावबो रायजो आव गाज्रि खामानि आ खम जायाखै। रायजो आव हिंसायारि जाथाय आ बारा जालांगासिनो। एनकाउन्टार नि उनाव बो दाय मावनाय आ खम जायाखै। मखजाथावदि बे बोसोरनि थांनाय 10 दान आव 892 बुथारनाय जाथाय जायो। थांनाय जानुवारि निफ्राय अक्तोबर सिमनि। आसामनि जिला फोरनि गेजेराव नगांव आव बांसिन 65, दिब्रुगर आव 62, शनितपुर आव 52, कामरुप रुराल आव 50, कक्राझार आव 23,, बागसा याव 24,,चिरां आव 11,, उदालगुरि आव 15. गर हिसाबै नायोब्ला दानसे आ 90 सो जायो। सानसे आव सा 3 थैनाय जादों
DGCA(Directorate General of Civil Aviation) आ जानुवारि नि 31 सिम ईन्टारनेशनेल कमारशियेल पेसेन्जार सार्भिस खौ सासपेन्द खालामदों। कभिद खौ नोजोर होनानै नो बे थिरांथा खौ लादों। थांनाय 2020 नि मार्च दान निफ्राय नो बन्ध खालामदोंमोन। गुबुनफारसे सालायनो थि खालामनाय बिरखं आ सोलिगोन होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon