16 December evening news ~ Bodoinfo.com

21 बोसोर बैसो नि गाहाय नि हिनजावसा खौ हाबा होनो हानाय नङा, गोनांथार थिरांथा मिरु केबिनेट नि। मोदि सोरखार नि केबिनेट आ 15 दिसेम्बर आव हिनजावसा नि जुलि खौ लानानै गोनांथार थिरांथा लादों। ईन्दियान एक्सप्रेस नि रिपर्त नि बादिब्ला केबिनेट नि गनायथि नि उनाव सोरखार आ आगोलनि नेम आव सोलायनाय लाबोगोन। दानिफ्राय 18 बोसो नि सोलाय 21 बोसोराव सो हाबा हरनो हागोन। थार समाव हिनजावसा खौ हाबा होनो थाखाय नो बे थिरांथा खौ लादों। बेयो मोनसे प्रस्ताब सो। दासिमबो बे आयेन आ जायाखैनो, नाथाय बे आयेन फैगोन आ रोखा होनना बुंजायो। हौवासा फोरनि थाखाय जेबो रोखोमनि गोदान आयेन नि थांखि लानाय जायाखै। हौवासा फोरना आगोलनिफ्राय नो 21 खा।

बिजय दिबस 2021... 50 थि देरहानाय बोसोर, भारत आ पाकिस्तान खौ फेजेनदोंमोन। 1971 मायथाइ आव भारत आ पाकिस्तान खौ फेजेनदोंमोन। 1971 नि दावहा याव गोबां जवान बिथांमोना गावनि जिउ खौ बावदोंमोन। 3900 भारत नि आरमि मुंख्लं जादोंमोन आरो 9851 जवान जोखोम जादोंमोन। पाकिस्तान खौ भारत आ फेजेननानै गाज्रियै जोखोम खालामदोंमोन। दावहा जोबनायनि उनाव 93000 पाकिस्तान नि आरमि आ सारेन्दार जादोंमोन। बेनि उनाव सानजा पाकिस्तान आ उदां जादोंमोन, जायखौ दायो बांलादेश होनना मिथियो। बोसोरफ्रोमबो बे सान खौ बिजय दिबस महरै फालिनाय जायो।

मिरु सोरखार आ थांनाय 3 बोसोराव पेट्रल आरो दिजेल नि सायाव होनाय टेक्स निफ्राय 8 लाख कौटि रां मोनदों। रांखान्थि बिफाननि मन्थ्रि निर्मला सितारामन बिथाङा खौरां बिजों नि गेजेरजों बुंदों। गासै मोननायनि 2020-21 बोसोराव 3.71 लाख कौटि नि बारा मोनदों। 2018 नि 5 अकेतोबर आव लिटार आव 19.84 निफ्राय 4 नबेम्बर 2021 आव 27.90 सिम बारायदों। दिजेल आव 15.33 निफ्राय 21.80 सिम बारायदों। 2018-19 आव 2.1 लाख कौटि नि बारा, 2019-20 आव 2.19 लाख कौटि नि बारा मोनदों।

बिमा बिफा नि नांलायनाय आव 3 बोसोर बैसो नि गथ नि जिउ गोमाबाय। लक्षिमपुर नि साउलधोवा याव जादों। मबाईल फन खौ लानानै नांलायनाय आव नो गावनि फिसा खौ नो बुथारो। साहा रुपहि नि बाबुल सईकिया रो पुतलि सईकिया या न सिङाव नांलायबाय थानाय समाव बिफा या बिमा खौ बुनो नागिरनाय आव नो फिसा नि खर आव नांनायाव फिसा या थैयो। बे जाथायखौ खालामखांनायनि उनाव खालामदों होनना बिसोर गनायना लायो।