मोनसे दुखुनांथाव खौरां। भारत नि CDS(Chief Of Defence Staff) बिपिन लक्ष्मन सिंह रावत नि जिउ गोमाबाय। मैया हेलिकप्तार नि जाब्रबथाय आव जिउ गोमायो। बिथांजों लोगोसे गासै सा 13 नि जिउ गोमादों, बेयाव बिथांनि बिसि आ बो दं। 1958 मायथाईनि 16 मार्च आव जोनोम मोननाय सिदिएस बिथांनि बिफा लक्ष्मन सिंह रावत या बो भारत नि आरमि नि लेफटेनेन्ट जेनेरेल मोन। बिथाङा 2019 नि 31 दिसेम्बर आव नो आरमि नि गाहाय महरै आजिरा लानो गोनांमोन,, नाथाय बेनि सानसे सिगाङाव मोदि सोरखार आ बिथांनो रैखाथि हानजा नि गाहाय बानायदोंमोन। हेलिकप्तार नि जाब्रबथाय आ तामिलनादु नि निलगिरि जिला नि कुन्नुर आव जादोंमोन, एयार फर्स नि एमआई17भि5 हेलिकप्तार आ जाब्रबथाय जायो। बे हेलिकप्तार आव गासै सा 14 सुबुंफोर दंमोन। बिथाङा आगोलाव बो बेबायदि जाथाय जों मोगा मोगि जादोंमोन, हेलिकप्तार आव जाब्रबथाय जादोंमोन, 2015 मायथाई आव, जेब्ला लेफटेनेन्ट जेनेरेल नि बिबान आव दंमोन। नागालेन्द नि दिमापुर आव जादोंमोन,, बेयाव रावबो थैयाखमोनब्लाबो सा 3 जोखोम जादोंमोन। मैया नि जाब्रबथआय आव सासे ल बारगनाय आ शौर्य चक्र बान्था मोननाय ग्रुप केप्तेईन भरुन सिंह। बिथांनि फाहामथाय आ सोलिगासिनो दं।
फैगो 11 दिसेम्बर नि गेजेरव सोरखारि नङि फरायसालि खौ सोरखारि खालामनो थाखाय जेबो रोखोमनि सावरायाब्ला 12 दिसेम्बर निफ्राय आन्दोलन खालामनायनि हुमखि बिटिआर सोरखारि नङि फरायसालि नि फोरोंगिरि आफाद आ। मैया चिरां जिला कमिटि नि निफ्राय खौरां बिजों नि गेजेरजों आगोलाव आन्दोलन खालामनायनि उनाव दिसेम्बर दान नि गिबि सप्ता याव एएलए लरेन्स ईश्लारि बिथाङा बेनि सायाव सोरखार जों सावरायलायगोन होनना बुंदोंमोन, नाथाय मैया 8 दिसेम्बर सिम जेबो सावरायलायनाय जयासै होनना बुङो। बेखायनो 11 दिसेम्बर सिम जुदि सावरायलायनाया जाया अब्ला 12 दिसेम्बर आव थादनाय गैयि आन्दोलन खालामगोन होनना बुङो।
धेमाजि जिल्लानि सानजारि नोगोर सिमेन सापरियाव थानाय धेमाजि पलिटेकनिकनि मुङाव होनाय बाजि 50 बिघा हाखौ आवग्रिनानै गं 14 गला लुनानै फालांगि खालामनायखौ सोरखारा धेमाजि जिल्लानि पुलिस बिफान आरो सि आर पि एपखौ लानानै बोखारदों । दुखुनांथावै गोबां बर फोरा होखारजादों। बे हा फोरा धेमाजि पलिटेकनिक नि मोन। बेयाव हा गैयि फोरनो गुबुन जायगायाव हा नि बेबस्था खालामना होगोन होनना बुंदों। होखारनायनि नटिस खौ आगोलावनो होदोंमोन होनना बुंदों सोरगिदिं मावखगिरि रितुपल्लब बरुवा आरो धेमाजि नि एदिसि उतपल दले आ। बेयाव गोबां बर फोरा 2006 मायथाई निफ्राय नो दंमोन होनना बुंदों होखारजानायफोरा।
बर' राव थुनलायखौ बुहुमाव गोसारहोनोब्ला दिजितेल मुगाजों गोरोबनो नांगोन, बुंदों बर थुनलाय आफादनि गाहाय नेहाथारि प्रसान्त बर आ। आथिखालनि मुगा याव जों राव आरो थुनलायखौ दिजिताईज फर्म आव लाङाब्ला सम जों खारफानो हानाय नङा, लाईमोन फोरखौ खावलायदों जाहाथे बर रावखौ दिजिताईज फर्म आव फरायनो मोनो। ससियेल मिदिया याव बर सुबुंफोरखौ बर राव जों नो लिरनानै होनो खावलायदों। लोगोसे बर थुनलाय आफाद आ बर राव खौ गुगल ट्रेन्सेलेशन कि पेद आव सोसननायनि खामानि मावगासिनो, बेनि थाखाय आईटि सेक्टर नि माखासे गोरों लाईमोनफोरखौ बाहायगासिनो दं होनना बुङो, गिबि नाजानाय हिसाबै बर नि गासैबो सोदोब फोरखौ गुगल आव सोगासिनो दं होनना बुङो बिथाङा। बेनि गेजेरजों बर नि बिजाबखौ ईंराजि आव फरायनो हानाय आरो गुबुन राव नि खौ बर आव फरायनायनि खबु मोनगोन। नैथि खोन्दो आव टेक्स टु स्पिस नि प्रजेक्ट खौ लादों होनना बुङो। जों सोरखौबा सोंगाखिनाय, टिक टक बायदि नि खालामनाय फोरखौ ल खालामनो ससियेल मिदिया खौ बाहायोब्ला बर राव आरो थुनलाय आ जौगानाय नङा होनना बो बुङो।
आसाम पुलिस नि कन्सटेबल एबि ईउबि, कामान्दो बेटेलियान आरो एस आई नि साख्रि फैदों। खमावनो मेट्रिक पास जायोब्ला नो हागोन। Bodo Edu youtube channel नङाब्ला www.bodoinfo.com आव थांनानै नाय।
फिन खनसेबाव मैदेर आरो मानसि नि नांलायनाय। गवालपारा याव सानै बर सुबुं नि जिउ गोमादों। फुङाव रंजुलि थानानि कुशधोवा देउलगुरि आव हाग्रा नि मैदेर नि गाग्लोबनाय याव यामिनि खाखलारि(52) आरो 28 बोसोर बैसो नि मोहन बसुमतारि नि जिउ गोमादों। फुङाव फोथार आव माय खौ नायनो थांनायाव होसो होसो गाग्लोबो मैदेर आ। जाथाय जानाय जायगायाव हाग्रा बिफान आ थांदों। मैदेर आ गोबां नखर नि न फोरखौ सेफायदोंबो।
हिन्दुत्वबादि दैदेनगिरि सत्यरन्जन बरा खौ मैया पुलिस फोरा खादोंमोन। धिं नि एमएलए आमिनुल ईस्लाम नि न आव थांनाय समाव नो हमदोंमोन। हमजानायनि सिगां पुलिस फोरजों गोबां दान्थे बिदान्थे जादोंमोन। उनाव पुलिस फोरा खायो। ससियेल मिदिया याव दावराव जादोंमोन, नाथाय दायो खौरां मोननाय बदिब्ला बिथांखौ हगारना होफिनबाय। गोबाङानो ससियेल मिदिया याव साबायखर होदोंमोन।
भारत नि क्रिकेट दोलो नि गोदान केप्तेईन। भिरात कोहलि आ बिबान खौ गारनायनि उनाव दायो रोहित शर्मा नो बिबान होनाय जायो। मैया बिसिसिआई आ फोसावना होयो। बेनि सिगां रोहित शर्मा नो टि-20 नि बिबान खौ बो होनाय जादोंमोन। नाथाय टेष्ट नि बिबान खौ कोहलि नो नो होदों। रोहित आ टेष्ट आव लेङाय गाहाय नि बिबान होदों। भारत नि दोलो आ खोला आफ्रिका याव क्रिकेट गेलेनो थांगोन। सा 18 गेलेग्रा नि फारिलाय खौ फोसावना होदों। मोन 3 टेष्ट आरो मोन 3 वान दे गेलेगोन।
बिटिसि सेक्रेतारियेत खौ बेयाव खामानि मावनाय सोरखारि मावथिफोरनि थाखाय फुंनि 10 बाजि नि उनाव फैनाय आरो मोनाबिलि नि 5 बाजि नि सिगां आव नो थांनायफोरनि बेरेखा एक्सन लानायनि उनाव गोबां मावथि फोरा गेट मोखाङाव थानो गोनां जादोंमोन, गोबां खामानि मावग्रा फोरा जेबो नटिस होआखैमोन होनना अजद होदों। नाथाय नटिस होलायनांगौ नामा। सोमोनांथाव जेबो जाहोन गैयालासिनो बिटिसि सेक्रेटारियेट मावफारियाफोरा सान 3 फैयाब्ला सासपेन्ड खालामगोन। बिटिसिनि गाहाइ मावफुंगिरि सोद्रोमा प्रमद बर'आ खौरांगिरिफोरनो फोरमायथिनाय बादिब्ला सेक्रेटारियेट मावखुलियाव थि समाव साख्रि आवलाफोरा फैया। जायनि थाखाय जौगालु बिथांखिफोरनि गासै खामानिफोरा थाबथानानै दं। खौरांगिरिनि सिगाङाव बिटिसिनि गाहाइ मावफुंगिरि सोद्रोमा प्रमद बर'आ बुङोदि बिटिसि सेक्रेटारियेटनि फावफायारिफोरा फुंनि 10 रिंगानिफ्राय बेलासि 5 रिंगासिम खामानि मावनांगौ। जायफोर मावफारियाफोरा जेबो जाहोन गैयालासिनो सान थाम मावखुलिआव फैया बिसोरखौ सानपेन्ड खालामनाय जागोन होन्नानै रोखा बुंथियो।
बरझार बिरखं गाथोन आव सिआईएसएफ आ हमदों सानै नायजेरियान सुबुंखौ। नंखाय पासपर्ट आरो नंखाय भिजा बो मोनदों बिसोर निफ्राय। पुलिस फोरा नायबिजिरनायाव गोबां सोराङाव फैदों। सनै सुबुंन पासपर्त आरो बुंनायजों गोरोबलायि खौ नुनो मोनदों। थांनाय 26 नबेम्बर आव मेघालय आव फैनायखौ गनायना लादों, मेघालय नि सासे सिख्ला खौ सिनायलयनानै हाबा नि थाखाय फैदों होनना पुलिस नि सिगाङाव बुंना लायो। दिल्लि आव 9 दान खामानि मावदों होनना बो बुंन लादोंमोन,, नाथाय दायो पुलिस फोरा आबुं नायबिजिरनायनि उनाव सो मिथिगोन।
राजधानि ट्रेइन आव एमएलए टेरश गवाला खौ गाग्लोबनाय जाथाय। दुलियाजान नि एमएलए बिथाङा दिल्लि-दिब्रुगर राजधानि एक्सप्रेस आव थांबाय थादोंमोन, बेयावनो गाग्लोबो होनना बुङो बिथाङा। बिथाङा दिब्रुगर फारसे थांबाय थादोंमोन बिसि जों लोगोसे। दाबा याव जिरायनानै थांनाय गुबुन सुबुङा गाग्लोबदों।
Please do not enter any spam link in the comment box. ConversionConversion EmoticonEmoticon