7 December morning news ~ Bodoinfo.com

उदखारिफोरनि गाग्लोबनाय आव आसाम पुलिस नि जवान नि जिउ गोमायोब्ला 50 लाख रां मोनगोन नखरा। मैया अल ईन्दिया चिभिल दिफेन्स एन्द हम गार्ड नि 59 थि गायसननाय सान आव बाहागो लानानै आसामनि गिबि मन्थ्रि डाँ हिमन्त बिश्व शर्मा बिथाङा फोसावनानै होदों। उदखारिफोरजों जुजिनायनि सनमान महरै मोनगोन। बिथाङा आसामनि आरो मोन 7 जिला याव हम गार्ड नि जवान नि साख्रि होनाय जागोन, जवान फोरनो दानफ्रोमबो 9 रोजा रां होनाय जागोन होनना बुङो बिथाङा। बिथाङा लोगोसे 1016 सिपाहि फोरा अरायथा साख्रि महरै मोनगोन आरो सा 19 नो एसिस्टेन्ट कामान्देन्त नि साख्रि होगोन होनना बो बुंबावो।

जौ लोंग्रा फोरनि थाखाय गाज्रि खौरां। आसाम आव जौ नि बेसेन बारा जासिगोन, दानि बेसेन नि 15 जौखोन्दो बारा जागोन। आसाम सोरखार आ पेट्रल दिजेल नि कर खौ खम खालामनायनि थाखाय बेनि खहा खौ सुफुंनो बे थिरांथा खौ लादों। 10 दिसेम्बर निफ्राय 15 जौखोन्दो बारा जागोन। नाथाय गासैबोआवनो बेखौ बारायाखै, बियेर आरो वाइन आव मोननैसो आव उफ्रा कर होआखै। आसाम सोरखार आ 2001 मायथाइ नि उनाव दखान फोरनि थाखाय गनायथि बिलाय होआखै, नाथाय बार फोरनि थाखाय होदों। दयो सोरखार आ दखान फोरनि थाखाय गनायथि होनायनि थिरांथा लादों होनना खौरां मोनदों।

बिटिसि नि बारग गाहाय आरो बिपिएफ नि आफादगिरि हाग्रामा महिलारि आरो दोलो नि दैदेनगिरि बिथांमोना बे साननैसो बिटिआर नि गाहाय प्रमद बर नि बेरेखा मेल मिटिं आव बायदिसिना अजद होनाय नुनो मोनदों। बेनि फिननाय खौ मैया बिटिआर नि गाहाय आ होदों। हाग्रामा या बिएलटि नि थाखाय जेबो मावाखैमोन, बियो एनदिएफबि खौ फोजोबस्रांनो नागिरदोंमोन। बेराम आव गोग्लैना थानाय, हाजिरा मावना जानायनि खौरां लादोंमोन ना हाग्रामा या होनना सोङो। बिथाङा बुंबावदों राजखान्थि नि मुङाव राजखान्थि खालामबानो जाया, मोजां बेसेन गोनां राजखान्थि खालामनांगौ। बिथाङा बुंबावदों हाग्रामा या आरो बिटिआर आव माब्लाबाबो काम बेक खालामनो हाया। मैया बारग एनदिएफबि नि सोद्रोमा फोरनो 4 लाख रां होनायनि उनाव खौरांगिरिफोरनि सिगाङाव बेबायदि बुङो बिथाङा। मैया कक्राझार आव बेनि हाबाफारि आ जादोंमोन, आसामनि गिबि मन्थ्रि आ बो बाहागो लादोंमोन।

बारग बिएलटि अनिल मसाहारि बिथाङा साननैसो सिगाङाव सासे बर आयजो खौ भेकसिन होनो थांनायाव सासे पुलिस आ नारख्लायनाय एबा आखाय होनायनि सायाव गोख्रों राव जों सोंखारिदों। बिथाङा बेबायदि जानाङामोन मानोना जोंनि सिंनि गामि फोराव दासिमबो सोलोंथाय गोनां सुबुं गैया होनना बुङो. बे जाथायनि फारसे हारि नि संगथन फोरा नोजोर होनो नांगोन, आबोभ दं, अमेन जास्तिस फराम दं, बे जाथायनि सायाव नायबिजिरनांगौ। नखराव थांनानै मोजाङै बुजायनो सो नांगौमोन, नाथाय बेबायदि आखाय सो होयो। आयजो पुलिस खौ लांफानो नांगौमोन, बेबायदि जाथाय आ जाफिनबाय थानो हागौ बेखायनो एवारनेश लाबोनो नांगौ।

बे साननैसो हाग्रा नि जुनार हमनायखौ खोनानो मोनगासिनो दं। मोसा, मैदेर नि उनाव मुफुर नि गाग्लोबनाय जाथाय। मुफुर आ बांसिन खालामदों बेबायदि। बरपेटा रोद आव न आव हाबदों मुफुर आ। बेखौ फुङाव नुनाय लोगो लोगो नो ओनसोलनाङै नो दावराव जायो। बेनि खौरां मोननानै पुलिस आरो हाग्रा बिफान आ फैयो आरो ट्रेंकुलाईज खालामनानै मानास माहारियारि हाग्रामा याव लांना हगारना होयो। मुफुर नि अनजिमा या बारा जानायनि थाखाय नो बेबायदि ओंखारनो हागौ होनना बुंदों मानास नि जुनार फाहामगिरि प्रभात बसुमतारि आ। मखजाथावदि थांनाय साननैसो आव मानास निफ्राय ओंखारबोनाय मा 12 मुफुर खौ हाग्रा बिफान आ हमनो हादों।

नागालेन्द नि मन जिला याव उदखारि नि सन्देह आव सा 17 साधारन सुबुंफोरखौ गावथारदोंमोन भारत नि ऱैखाथि हान्जा या। गोरोन्थि ईसिङारि खौरां नि थाखाय नो जादों होनना बुङो बिथांमोना। नागालेन्द नि आरो मेघालय नि गिबि मन्थ्रि आ सा सानजा भारत आव थानाय आयेन एएफएसपिए एबा आर्म्द फर्स स्पेशियेल पावार एक्ट खौ बोखारनो दाबि खालामदों। बे आयेन नि थाखाय नो रैखाथि हानजा या गावनि गोसो बायदि खालामदों होनना रायजो फोरा बुङो। नाथाय नोंथाङा मिथियो ना आसाम आव बो बे आयेन आ दं, बे आयेन खौ सा सानजा भारत आव गाज्रि खामानि फोरखौ होबथानो थाखाय लाबोनाय जादोंमोन।

आईएसएल आव मैया जामशेदपुर आ एटिके मोहन बागान खौ 2-1 गल जों फेजेनदों। जामशेदपुर आ बेखौ देरहानानै नैथि नम्बर आव थायो पइन्ट्स टेबल आव। गासै मोन 4 गेलेनानै मोननै देरहादों आरो मोननै द्र जादों। गुबुन फारसे एटिके आ मोन 4 नि मोननै देरहादों आरो मोननै जेनदों, आरो 5 थि नम्बर आव दं दायो।