आसाम आयेन आफाद आव बुंथिगिरि बिस्वजित दैमारि बिथांखौ बर रावजों बुंनाय नुनो मोनदों। बिथाङा दुंहाव थासारि सोमजिनाय आव बेबायदि रायलायजाया होनना बुंदों, रायजो राजाफोरनि गोबां मिजिं खौ लानानै बिधानसभा याव सोद्रोमा महरै फैदों, बेबायदि रायलायोब्ला मालाय आ गाज्रि बुंगोन। बेबायदि जाबाय थायोब्ला जोंखौ माब्लाबाबो रायजो राजा फोरा जोंखौ फोथायनाय नङा. बेखायनो फिसा फिसा खोथा खौ लानानै नांलाय खमलाय खालामनो नाङा।
दायनिगिरि खौ हमनो थांनाय आव पुलिस नि सायाव नो गाग्लोबनाय जाथाय। आसाम आव नो जादों जाथाय आ। दायनिगिरि फारसे नि जानानै 200 सो नि दोलो आ लावथि-सिखा फोर लानानै गाग्लोबदों बरपेटा जिला नि हाउलि नि खाथि नि हेलनार पाम गामि आव। गामि नि मनिहार खान मुंनि सुबुंजों आशमिना खातुन मुंनि सुबुंजों हाबा जादोंमोन। हाबा नि उनाव नो फिसाय आ देहायारि गाग्लोबदोंमोन। बेनि थाखाय नो बरपेटा रोद नि पुलिस थाना याव एजाहार होदोंमोन। उनाव पुलिस फोरा लाथिख आव गुलि गावनानै सा 3 सेंग्रा फोरखौ हमना लाङो। जाथाय जों सोमोन्दो थानाय फोरखौ हमनो थाखाय नायबिजिरो।
रायजो आव फिन गावखौनो बुथारनाय जाथाय। दिब्रुगर बुहुमफरायसालि नि सासे फरायसुलि आ गावखोनो बुथारना लादों। आयदेउ सन्दिकै फरायसुलि हस्तेल आव थानाय फरायसुलि आ बेबायदि खलामदों। फरायसुलि नि मुङा रन्जिता चेत्रि, न आ लक्षिमपुर नि बिहपुरिया याव। मा जाहोननि थाखाय बेबायदि खालामखो मिथिनाय जायाखै। थांनाय सप्ता याव तेजपुर बुहुमफरायसालि नि फरायसुलिनि सासे आ बो बेबायदि नो खालामना लादों।
ईसरो नि बिगियानि महरै गनायथि मोनदों आसामनि सासे आ। नगांव नि नाजनिन ईयाशमिन आ मोनदों। बेनि थाखाय बिथांनो गोबाङानो साबायखर बावदों।
बिहार नि बारग गिबि मन्थ्रि जितेन सिंह माझि नि सालाय नि बेसेन खौ 11 लाख रां होदों। नाथाय सोर मिथियो ना। धोरोमगुरुखौ लानानै गाज्रि बाथ्रा बुंनाय नि थाखाय बिजेपि नि दैदेनगिरि गजेन्द्र झा या बुंदों। लोगोसे हिन्दु धोरोमखौ फोथायाब्ला धोरोम सोलायनो होदों।
बुहुमनि गिबिसिन टेक्स मेसेज आ 107000 ईउरो आव फानजाबाय। भारत नि रां आव सोलायोब्ला 91 लाख रां नि बारा जायो। 1992 मायथाई नि 3 दिसेम्बर आव हरनाय मेसेज खौ भदाफन आ फानो। गिबसिन मेसेज आव मेरि ख्रिस्तमास लिरनाय दंमोन।
लालकिल्ला खौ थ नोंथामोना मिथिखयो जानो हागौ। लालकिल्ला या आंनि होनना दाबि खालामदों सासे मुगल बिहामजो आ। बिजिरसालि नि सोंनाय- 150 बोसोरनि उनाव सो मानो गोसोखांखो होनना। हादरनि राजधानि दिल्लि आव थानाय लालकिल्ला खौ गावनि होनना बुंना लादों, गावखौनो मालिक होनना बुंदों आयजो आ। सम्बारखालि बिजिरसालि नि खाथि आव थांदोंमोन। आयजो आ बुंदों ब्रिटिस ईस्त ईन्दिया कम्पानि आ आयेन बेरेखा यै गावनि सिङाव लांदोंमोन होनना बुंदों, बेखायनो थार मालिक नो गथायना होनो खावलायो। उनाव बिजिरसालि आ बुंङो, आंहा जारिमिन नि सायाव गियान आ खम दं, नाथाय नोंथङा दाबि खालामनाय बादिब्ला ईस्त ईन्दिया कम्पानि आ 1857 मायथाई आव लालकिल्ला खौ दखल खालामदोंमोन अब्ला 150 बोसोरसिम नोंथांमोना मा खालामना दंमोन आरो बेखायनो बेखौ खारिज खालामो।
मैया आईएसएल आव एटिके आ नर्थ ईस्त खौ 3-2 गल जों फेजेनो। नर्थ ईस्त आ गेलेनाय जानायनि 2मिनिट आव नो गल होनो हादोंमोनब्लाबो नाथाय उनाव एटिके आ 45, 52 आरो 76 मिनिट आव गल होना 3-1 सिम बारायदोंमोन, 87 मिनिट आव नर्थ ईस्त आ मोनसे गल होनो हाबावो आरो सम जोबनायसिम 3-2 जायो एटिके नि आ। एटिके आ 11 पइन्ट्स जों 5 नम्बर आरो नर्थ ईस्त आ 7 पइन्ट्स जों 9 नम्बर आव दं।
रायजो आव फिन एनकाउन्टार। कक्राझार आव सासे गान्जा फालांगिरि खौ गावनानै जोखोम खालामदों। खौरां मोननाय बादिब्ला कक्राझार नि गसायगांव नि श्रिरामपुर आव गान्जा माफिया सोलिबाय थानाय आव नो हर आव गान्जा लांनाय ट्राक खौ दुथांफोरा सावना होदोंमोन, बे ट्राक खौ सम्बारखालि श्रिरामपुर पुलिस आ जब्द खालामदोंमोन। हर आव नो बेजों सोमोन्दो थानाय सासे सुबुं, मुङा हरेन्द्र यादब, उत्तर प्रदेश नि थागिबि खौ गुलि गावनानै हमदों होनना बो खौरां मोनदों। हर आव नो बरपेटा मेदिकेल कलेज देहफाहामसालि आव लाना थाङो। बिजों लोगोसे आरो सासे महेश यादब मुंनि सुबुं खौ बो हमनो हादों।
गारि जों लोगोसे लाख लाख रां होदोंमोन मोजां मोननाय नो, उनाव समायना सिख्ला या थगायबाय, दिसपुर पुलिस नि खाथि आव सेंग्रा या। मोजां मोननाय आव गोग्लैनानै गोबां साननो हाथावै सहायनाय खोनानो मोनो, गोबां सम आव गावनि मोजां मोननाय नो बायदिसिना गिफ्ट एबा दान होनाय नुनो मोनो। मोजां मोननाय जों लोगोसे गारजानायबो नुनो मोनो। मोजां मोननाय नि जे आव गोग्लैनानै गावनि गासैखौबो खोमाना लानाय जाथाय आ गोदान नङा। बे मोनसे जाथाय आ आसाम नि नो। मोजां मोननय नि जे आव गोग्लैनानै गसंफिननो हायाखैमोन गुवाहाति नि सासे सेंग्रा या। न्याय नागिरनानै पुलिस नि खाथि आव थांदों। प्रान्जल देका मुंनि सेंग्रा या दिसपुर पुलिस थाना याव एजाहार होदों। से खावसे बोसोर सो मोजां मोननय व गासैबो रोखोमनि मदद खालामदोंमोन प्रान्जल आ। मोजां मोननाय नो रांखान्थियारि बिथिंनिफ्राय मदद खालामनायनि अनगायैबो सुबिद नि थाखाय स्करपिअ गारि बो बायना होदोंमोन। नाथाय उनाव बिसोरनि गेजेराव सोरबा 3 थि सुबुं दंमोन। प्रान्जल खौ थगायनायनि अजद सिख्ला नि बेरेखा। सिख्ला या मनिपुरि मोन, सासे मदेल, सिख्ला या लाख लाख रां लुथिनायनि अजद। दायो होनाय गारि रां फोरखौ मोनफिननो लुबैदों। बे ल नङा सिख्ला या बो बायदिसिना अजद दिहुननानै गितानगर पुलिस थाना याव एजाहार होदों। नायबिजिरनायनि उनाव सो गुबै जाथाय आ सोराङाव फैगोन।
दिनै आसाम आयेन आफाद नि गोजां बोथोर नि जथुम नि नैथि सान। सोंनाय फिननायजों जागायो नैथि सान नि खामानि खौ। जागायनाय आव नो दुंहाव थासारि सोमजिदोंमोन। सिबसागर नि एमएलए अखिल गगै या दानि सोरखार खौ लोन नि सोरखार होनना बुंदों। गोबां दाहार लादों होनना आरो दाहारजों सो सोरखार सालायनायनि अजद। जथुम आ सोलिफुबाय थानाय समव नो आसामनि गिबि मन्थ्रि आ दिल्लि आव थांदों। बिथाङा नखर मन्थ्रि अमिट साह खौ लोगो हमगोन आरो उनाव बिजेपि नि आफादगिरि जेपि नददा खौ बो लोगो हमगोन होनना खौरां मोनदों।
आधार कार्ड लिंक खालामनायनि उनाव भटार कार्ड आरो आधार लिंक खालामनाय आ बो फैगासिनो नामा. मिरु सोरखार आ बेबायदि खआलामनायनि बिल नि सोमोन्दै बुङो। बेखौ बिथांमोना ईलेकशन ल एब बिसायखथि ल होनना बुंदों। आयेन मन्थ्रि किरन रिजिजु आ बेनि गेजेरजों नंखाय भटार खौ होबथानो हागोन होनना बुङो
साननैसो सिगाङाव एनटिपिसि बाकरि आव मोनसे हाबाफारि आव बर नि बागुरुम्बा मोसानायखौ गोरोन्थियै मोसाहोदोंमोन दिलिप हिरा मुंनि सुबुङा, श्रिभुमि असम मुंनि दोलो आ बाहागो लादोंमोन। बेनि थाखाय बिथाङा दायो गासै बर फोरनिफ्राय निमाहा बिबाय। उनाव आरो बेबायदि माब्लाबाबो खालामला होनना बुङो। उनाव बेबयदि खालामोब्ला आयेन बादियै साजा होनो हागोन होनना बुङो। आं बेखौ जेबो सोलोंथाय एबा फोरोंथाय लायालासै नो बेखौ खालामफ्लांबाय बेनि थाखाय निमाहा होदो होनना बुंदों आरो गसर थिसननाय खौ बोखांना लाफिननो खावलायो। गसर खौ बोखारबाय होनना मिथिना मोनदों।
मुं सोलायनानै सासे हिनजावसा खौ जे आव खोख्लैनानै फाननो लांदोंमोन गुबुन रायजो आव। हमजाबाय। मुसारुल हक मुंनि सुबुङा गावखौनो राहुल देका होनना सिनायथि होनानै फाननो लाना थांनाय आव नोजागिरोद आव हमजायो। कार्बिआंलं नि उलुकुन्सि नि सासे हिनजावसा खौ मोजां मोननाय नि जे आव खोख्लैदोंमोन। उननि समा बज्रं दल आरो रेलवे पुलिस आ हमनो हायो आरो सोंनाय आव गासैबो जाथाय आ सोराङाव फैयो। जागिरोद पुलिस थाना याव दं दायो सेंग्रा या, सोंगासिनो दं बिखौ।
बरपेटा रोद नि 31 नं राजा लामा नि बेकि दैसा निदालां नि सायाव सासे हिनजावसा खौ गोथांयै नो सावना होदों। गंसे दिजायार गारि जों फैनाय सेंग्रा या सावना होयो हिनजावसा खौ। जायगा नि सुबुंफोरा नुनायाव गारि आव हिनजावसा खौ दैखांना लाना थांदोंमोन, गोजा गाब नि दिजायार आव फैदोंमोन सानैबो। बङायगांव फारसे थांदोंमोन। उनाव पुलिसफोरा जब्द खालामो। मिथिबाय हिनजावसा हौवासा नि एद्रेश खौ, सानैनि न आ सरभोग आव। हिनजावसा नि मुङा सोवास्मिता अधिकारि आरो हौवासा नि आ रिकि जाजोदिया। सानैखौबो दायो देहाफाहामसालि आव लाना थांबाय। नाथाय दासिमबो जाहोन खौ मिथिनाय जायाखै मानो बेबायदि खालामखो।
हादोर आरो हादोरनि थागिबि फोरनि बिबान आ पुलिस प्रसासन नि आखाय आव थायो। नोगोरारि नि रैखाथि नि फारसे समाय लानाय सासे पुलिस आ दायो नोगोरारि नि थाखाय गाज्रि जादों। नखरसे आ गोबां जेंना जों मोगा मोगि जानांदों। देहायारि जेंना गोनां सासे टेट फोरोंगिरि आ गावनि फिसाय खौ बुथारनायनि दाय आव दायनिगिरि खालामजानाय सासे पुलिस जवान आ दायो बे नखऱनि सुबुंफोरखौ बुथारनायनि हुमकि होदों, बेनि सायाव सालबारि महकुमा पुलिस नो लिरनानै अजद होदोंमोन, नाथाय दासिमबो बेनिफ्राय उदां जानो हायाखै। मखजाथावदि 2013 मायथाइ आव पापरि कलिटा मुंनि आयजो आ हाबा जादोंमोन सालबारि नि हदुखाता नि थागिबि धनजित उजिर जों, दायो सासे 6 बोसोर बैसो नि उन्दै हिनजावसा गथ दं। पापरि कलिटा नि फंबाय बिपुल कलिटा या नो बुथारदों आरो बेनि थाखाय 3 दान जेल जानांदोंमोन, जेल निफ्राय ओंखारनायनि उनावनो बेबायदि अजद खौ होदों।
जारिमिन जाना थासिगोन नामा रेदिअ आ। 31 दिसेम्बर आव आबुङै बन्ध जागोन ट्रेन्समिटार आ। बन्ध जासिगोन आकाशबानिनि मिदियाम वेभ हरनाय मेशिन। सोरखार सालायनायनि उनाव भारत नि गाहाय मन्थ्रि नरेन्द्र मदि आ रेदिअ खौ फोथांना लाखिनो थाखाय मन कि बात मुंनि मोनसे प्रग्राम लादोंमोन। दासिमबो सोलिगासिनो दं, आगोलाव बेयो गोबां अनसायजादोंमोन, नाथाय समजों लोगोसे बेयो खारफानो हायासै, खम जालांबाय बेखौ मोजां मोननाय आ। जानो हागौ बेनि थाखाय नो आकाशबानि नि मिदियाम वेभ हरनाय जोन्थोर खौ बन्ध खालामनायनि थिरांथा लादों।
तामुलपुर आव बिर मुंख्लं मनेश्वर बसुमतारि नि मुङाव लामा नि मुं खौ दोनो। दिनै तामुलपुर नि गरेश्वर चक नि 10 बेटेलियान सिआरपिएफ नि दैदेनायाव मोनसे मांगलिक थासारि आव तामुलपुर नि कलबारि गामि नि मुंख्लं बिर मनेश्वर बसुमतारि नि मुङाव तामुलपुर गरेस्वर चक निफ्राय गन्धिबारि नि लामा खौ अफिसियेलि बिथांनि मुं खालामो। हाबाफारि आव बिर शहिद नि नखर नि सुबुंफोरजों लोगोसे सिआरपिएफ नि गोजौ थाखो नि अफिसार बिथांमोना बाहागो लायो। मखजाथावदि 2019 मायथाई आव जम्मु काश्मिर नि पुलवामा याव जानाय उदखारि नि बम बेरहोनाय आव जिउ गोमादोंमोन।
सासे सुबुङा सानै पुलिस खौ हेलमेट लायालासैनो बाईक आव थांनयखौ नुनानै सोंदोंमोन
मानो हेलमेट लायाखै होनना आरो फिननाय आ फैयो जोंनो हेलमेट नाङा एबा हेलमेट नि
गोनांथि गैया जोंनो। रायजो सोरखार नि नेम बादियै साफ्रोमबो साखा खबनै नि सालायग्रा
आऱो जिरायग्रा या हेलमेट लानो नांगौ। दायो मोनसे सोंनाय आ जाखांफैयो बे नेम आ
गासैनिबो थाखाय नङा नामा, पुलिसफोरनि थाखाय नङा नामा बेयो। गिबि मन्थ्रि नि बिथोन
आव पुलिस प्रसासन आ गोरा जानायखौ नुनो मोनदों। 31 दिसेम्बर आव जाहाथे जाहाथे जेबो
जाब्रबथाय जाया एबा जाब्रबथाय आव रावनिबो जिउ गोमाया बेनि थाखाय थिरांथा लादों
सोरखार आ। 1000 रां नि जरिमाना बो होदों सोरखार आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon