साख्रि नि आसा जों साख्रि मेला याव थांनाय सेंग्रा सिख्ला फोरनि बायदाता या हा याव गोग्लैना थाबाय। रायजो नि गोबां जायगायाव साख्रि मेला या जादोंमोन मैया। बेकार बेसेन गैयि बायदि जादों गोबां सेंग्रा सिख्ला फोरनि बायदाता। रायजो आव सोलोंथाय गोनं बेकारफोरा सानफ्रोमबो बारा जालांगासिनो दं। सेंग्रा सिख्ला फोरा जमा होनाय बायदाता फोरखौ गारना गालांनाय नुथाय आ नो बेखौ दिन्थिदों। सोरखार आ सोलोंथाय गोनां बेकारफोरनि फारसे ईसे सानोब्ला मोजां। मेट्रिक पास निफ्राय लानानै दिग्रि सिम नि गासैबो बेयाव थांनानै साख्रि नि थाखाय होनो हायोमोन। रोजा रोजा सुबुंफोरा ज जादों। बेबायदि बायदाता खौ गारना गालांनाय आव गोबां सुबुंफोरा नो बेकारफोरखौ अपमान खालामदों होनना बुंदों। बे ल नङा आरो गोबाङानो जमा खौ नो होनो हायासै होनना बुंदों।
आसाम पुलिस नि साख्रि नि गासैबो आनजादफोरखौ दानिया सेबा या खुंगोन। बिधानसभा याव आसामनि गिबि मन्थ्रि आ बुंदों। मैया आसाम पुलिस एमेन्दमेन्ट बिल आ गोबां भट आव पास जायो। बेबयदि नो गुबुन बिफननि साख्रि खौ गुबुन गुबुन बुहुमफरायसालि आ खुंगोन। दानिया सोरखारि नङि फसंथान नो बे बिबान खौ होनाय जानाय नङा होनना रोखा खालामना होयो।
लोगोसे मैया
दानिया गुबुन गुबुन बिफाननि थाखाय गुबुन गुबुन आनजाद होनो नांलिया। एपिएससि आरो
ईउपिएससि नि बायदि मोनसे बर्द आ नो गासैबो आनजाद खौ खुंगोन। मैया सदन आव पास जायो The Assam Direct recruitment Commission for Analogous Posts in class iii
and iv bill, 2021. मा बिफान आव साख्रि नागरो बेयाव थागोन मोनसे चर्ट। 1 लाख साख्रि आ बे नेम
जों जागोन। 10 मे नि गेजेराव 50 रोजा नो साख्रि होगोन।
Tribal belt and block नि हा खौ फाननायनि उनाव बो मोनफिननो हायो, Tribal belt and block आव मोनबा जन'जाथिनि Protected class notified जानानै दं ST hills, ST plains, Schedule caste, Nepali फोरखौ ग्रेजियार आरो Cultivator बे class नि मानसिफोरखौ Protected खालामदों। जेनेरेल कास्त नि सुबुंपोरा बेयाव हा मोननायनि मोनथाय गैया। दायो गोबां जायगायावनो ट्रईबेल बेल्ट एन्द ब्लक नि हा खौ बायनाय खोनानो मोनदों, जोंनि फोरा बो फानदों। बेयाव फानग्रा आरो बायग्रा सानैनिबो नि दाय दं, बेखौ मोनफिननो थाखाय चार्कल अफिस आव आयेन खौ मिथियाखैमोन होनना आरजलाय होनो नांगौ, उनव बिसोर नायबिजिरनानै होफिननायनि नेम दं होनना अलआसाम ट्राईबेल संघ नि आफादगिरि सुकुमार बसुमतरि बिथाङा बुंदों। ट्राईबेल फोरा मा मा मोननायनि मोनथाय दं बेखौ फोसावनो नो अलआसाम ट्राईबेल संघ एवारनेस प्रग्राम महरै मोन 4 ग्रुप बानायनानै गिदिंगासिनो दं होनना बो बुङो।
हाग्रा निफ्राय फैफिनबाय दिएनएलए नि सा 67 दैदेनगिरि-केडार फोरा। कर्बिआंलं आव हाथियार गथायनाय हाबाफारि। बेयो नैथि हाथियार गथायनाय हाबाफारि, बेनि सिगां 1 दान सो सिगाङाव बो सा 46 केडारफोरा दिमा हासाव नि माईबं आव आसाम सोरखार नो हाथियार फोरखौ होदोंमोन। मैया नि हाबाफारि आव एदिजिपि हिरेन नाथ, गेजेर आसाम नि दिआईजि सत्यराज हाजरिका आरो कार्बि अटनमास काउन्सिल नि सिईएम तुलिराम रंहां बिथांमोना बाहागो लादोंमोन।
भारत आव टिक टक आ बेन जाना दं। नाथाय नोंथाङा मिथियो ना गुगल खौ उन खालामनानै सोलिनाय बोसोर नि बयननिख्रुय मोजां मोनजानाय वेबसाईट जादों टिक टक आ। क्लाउद सारभिस कम्पानि क्लाउदफेयार आ गावनि फारिलाय आव गिबि नम्बर होदों टिक टक नो। मखजाथावदि टिक टक आ थांनाय बोसोर आव 7 थि नम्बर आव दंमोन। 2021 नि मोजांसिन मोनजानाय मोन 10 वेबसाईत आ टिकटक, गुगल, फेसबुक, मईक्रसफ्ट, एपल, एमाजन, नेटफ्लिक्स, ईउतुब, त्वितार आरो ह्वात्सएप दत कम. टिक टक आ दाबि खालामनाय बादिब्ला बिसोरनि दानारि एक्टिभ ईउजार नि अनजिमा या 100 कौटि। मखजाथावदि भारत आव 2020 नि 29 जुन आव बेन खालामजादोंमोन टिकटक आ।
1971 नि उनाव साबेसे खौ बिदेशि एबा गुबुन हादर नि सुबुं होनना फोसावदों आसाम आव, बिधानसभा याव बुंदों मन्थ्रि अतुल बरा या। बे बोसोरनि अक्तोबर सिम खमावनो 1,10,794 खौ खालामदों। बेरेखआ दोलो नि दैदेनगिरि देबब्रत सईकिया नि सोंनायनि फिननाय होयो बिथाङा। 2013 निफ्राय बे बोसोर सिम 328 खौ थिनहरफिनदों।
बाक्सा जिला नि गरेश्वर आव आदार रैखाथि बिफाननि नायबिजिरनाय। होतेल आरो रेशन दखान आव नायबिजिरदों बिफाननि दोलो आ। गोरेस्वर नि गोबां फालांगियारि फसंथान फोरा जेबो गनायथि बिलाय गैयालासै नो सालायगासिनो। आदार नि नमुना खौ लाङो। गोबां फसंथानफोरा आदार रैखाथि नि गनायथि बिलाय लायाखै, बिसोरनि बेरेखा बिफाननिफ्राय गोरा थिरांथा लागोन होनना बुङो बिफाननि दोलो आ।
एनदिएफबि नि बारग दैदेनगिरि मस्त वान्टेद आईके संबिजित आ आन्दारग्राउन्द जाफिनबाय नामा, एनआईए कोर्त आ 2014 मायथाइनि केस आव फैनो होदों। थांनाय फेब्रुवारि दान आव 1040 कार्बि संगथन नि सोद्रोमा फोरा सारेन्दार जादोंमोन। 2014 मायथाई नि सा 69 आदिबासि फोरखौ बुथारनाय जाथायनि थाखाय मस्ट वान्तेद होनना फोसावदोंमोन। आसाम पुलिस आ बो 10 लाख रां होगोन होनना बुंदोंमोन। एनआईए कोर्त आ 29 जानुवारि नि सिगाङाव नो नुजाथिनो होदों। दायो बहा दं खौरां गैया।
सोलोंथाय बिफान नि RIIMS app बाहायनो हायि नि थाखाय थाखो खथा याव नो गावखौ नो बुथारना लादों। मैया निफ्राय बे एप नि गेजेरजों सोरखारि बिथोन बादियै अनलाईन एटेनदेन्स होनो बिथोन होदोंमोन गुदि फरायसालि नि फोरोंगिरि फोरखौ। नाथाय बे एप खौ बाहायनो रोङासै गाहाय फोरोंगिरि आ। लक्षिमि पथार गुदि फरायसालि नि फोरोंगिरि कालि प्रसाद चेटिया या फरायसालि नि थाखो खथा यावो फासि लायो। अजद बादिब्ला लोगो फोरोंगिरि फोरनि नारसिननायखौ सहायनो हायि आव नो बेबायदि खालामो। गावनि पार्सनेल मबाईल जों एटेनदेन्स होनायनि नेम नि बेरेखा खालामबाय थानाय समाव नो बेबायदि जाथाय आ सोराङाव फैदों।
मरिगाव नि लाहरिघात आव सोराङाव फैदों मोनसे गाज्रि जाथाय। 55 बोसोर बैसो नि सासे बोराय आ सा 3 उन्दै हिनजावसा गथफोरखौ जिनाहारि खालामदों। रजनिकान्त दैमारि मुंनि लम्पट आ बे गाज्रि खामानि खौ मावदोंमोन। मैया हमबाय बिखौ, 6, 7 आरो 9 बोसोर बैसो नि उन्दै हिनजावसा गथ फोरखौ जिनाहारि खालामदोंमोन। खौरां मोननाय बादिब्ला बायदिसिना लोब दिन्थिनानै सान 4 नि गेजेराव बे गाज्रि खामानि खौ मावदोंमोन। उनाव गथ फोरनि देहा गाज्रि जानाय आव नखर नि फोरा सोंनाय आव सोराङाव फैयो।
पाकिस्तान खौ फेजेननानै एशियान चेम्पियन ट्रफि हकि आव ब्रन्ज मेदेल मोनदों भारत नि हौवा फोरनि हकि दोलो आ। बांलादेश आव सोलिनाय गेलेनाय बादायलायनाय आव भारत आ लिग थाखो आव मोजां गेलेनाय दिन्थिनो हादोंमोन, नाथाय सेमिफाईनेल आव दुखुनांथावै जापान नि बेरेखा जेनदोंमोन। भारत आ पाकिस्तान खौ 4-3 गल जों फेजेनो। लिग आव बो पाकिस्तान खौ फेजेनदोंमोन भारत आ, बेबायदिनो जापान खौ बो 5-0 गल जों फेजेनदोंमोन नाथाय सेमिफाइनेल आव जेनो।
आईएसएल आव मैया केरला या चेन्नाई खौ 3-0 गल जों फेजेनदों। केरला या 12 पइन्ट्स जों 3 ति आव, चेन्नाई आ 11 पइन्ट्स जों 6 थि आव दं। दिनै हायदाराबाद आ ईस्त बेंगलनि बेरेखा गेलेगोन।
दुलाराय बर' फरायसा आफादनि 54थि बोसोरसालिया जखन्थाइ (Convention) खौ देग्लाइ कार्बिआंलं जिल्लानि लांहिन टाउननि हाजोआरि फोथाराव फैगौ फेब्रुवारी डाननि 3, 4 आरो 5 खालार 2022 याव सानथामनि मेहेरगोनां हाबाफारिजों खुंफुंनो थाखाय लाहार फाहार खालामगासिनो । बे जानो गोनां हाबाफारिनिनो गाहाइ खुन्थाखौ बाथौ, ब्रह्म, बि.बि.चि.ए, सतसंग, हरि कृर्टन, शंकर संघ धोरोमनि नेमखान्थि आरो आर'ज गाबनायजों गाइसनाय जायो ।
बे
हाबाफारियावनो गाहाइ खुन्थायाव हा होगिरि महरै बाहागो लायो मिरु एबसुनि
आफादगिरि मानगोनां मुस्रि दिपेन बर'आ । गाहाइ खुन्था गाइसननाय हाबाफारियावनो
बिटिआरनि बुंथिगिरि मानगोनां मुस्रि कातिराम बर, इ.एम. रन्जित
बसुमतारी, ड० निलुत
सर्गियारी, बर' थुनलाइ आफादनि
बारग' लेङाइ
आफादगिरि बिशेस्वर बसुमतारी आरो साहित्य एकाडेमि बान्था मोनगिरि ड० प्रेमानन्द
मोसाहारीआबो बाहागो लायो ।
बे
गोथार हाबाफारियाव कार्बिआंलं जिल्ला कचारी समाज, बर' थुनलाइ आफाद, दुलाराइ
हारिमु आफाद, आबादारि आफाद, आबोफ, बि.पि.टि.ए, एबेब, बारग' बि.एल.टि.
अनसाइ आफाद, बर' गावबुरा आफाद, सानसुमै
मेलेमजि आरो ओनसोलनि राइजो राजाफोरनि बाहागो लानायजों गाहाइ खुन्था गाइसननाय
हाबाफारिया मेहेरगोनांङै जाफुंसारो ।
लोगोसे बे हाबाफारियाव मिरु एबसुनिफ्राइ फारियै सुबुं फोनांजाब नेहाथारि दिनेस ब्रह्म, सरन्जित नार्जिनारी, अबित नार्जारी आरो गेलेमु नेहाथारि गनेस बसुमतारीआबो बाहागो लायो ।
आसाम आव अंगनबारि मिरु आ सोलिगासिनो दं। बे मिरु फोराव 17,14,548 फरायसा फोर दं। बिधानसभा याव एमएलए रेकिबुददिन आहमेद आ सोंनायनि फिननाय होदों समाज कल्यान बिफाननि मन्थ्रि अजन्ता नेउग आ। मन्थ्रि आ बुंनय बादिब्ला 41763 अंगनबारि मिरु आ सोरखारि न आव थानायनि बादैबो 10231 मिरु आ भारा न आव थायो। 8258 मिरु आ फरायसालि न आव, 1527 आ गुबुन लांदां जायगायाव दं।
जम्मु काश्मिर नि श्रिनगर आव उदखारिफोरा फिन खनसेबाव सिआरपिएफ नि मोनसे दोलो खौ गाग्लोबदों। सिआरपिएप नि जवान फोरखौ नायनानै गुलि गावनायनि खौरां मोनदों। नाथाय उदखारि नि गावनाय आव जवान नि जेबो खहा जायाखै। बे जथाय नि उनाव जवानफोरा ओनसोल खौ बेंखनना लादों आरो नायबिजिरगासिनो दं। गुबुनफारसे पुलवामा नि पाम्पोर ओनसोल आव जेईस ई महम्मद नि सा 4 उदखारिफोरखौ हमदों। बिसोर निफ्राय हाथियार, गोलाबारुद मोनदों। खौरां मोननाय बादिब्ला अबन्तिपुरा पुलिस आ 50 आरआर आरो 110 बिएन सिआरपिएफ नि मदद आव हमो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon