6 December morning news ~ Bodoinfo.com

मैया गासै 1105 बारग एनदिएफबि नि केडारफोरनो साफ्रोमनोबो 4 लाख रां होनाय जायो। तामुलपुर आव मोनसे हाबफारि नि गेजेरजों बेखौ होयो। दिनैबो होनाय जागोन। गासै 2774 बारग एनदिएफबि नि गेजेराव मैया 1105 नो होयो होनना आसामनि गिबि मन्थ्रि आ बुंदों। बेनि सिगां थांनाय 19 जानुवारि आव बै सम नि आसामनि गिबि मन्थ्रि सर्बानन्द सोनोवाल आ 1279 नो होदोंमोन। हाबाफारि आव बडफा उपेन्द्र नाथ ब्रह्म नि सिम मान बावदोंमोन, बिथाङा बर नि गोबां जुजिनाय नाजानायाव गाहाय महरै बाहागो लादोंमोन होनना आसामनि गिबि मन्थ्रि आ बुंदों।

हादर आव करना या फैफिनलायबाय नामा। रायजो आव गोदान एसअपि दिहुनना होदों। खौरां मोननाय बादिब्ला आगोलनि करना नि भेरियेन्टफोरनिख्रुय गोदान फैनाय अमिक्रन आ गिथावना सिन, आगोलनिख्रुय 3 गुन बांसिन गिथावना। बेखायनो रायजो सोरखार आ एसअपि दिहुनना होदों। रायजो सोरखार आ गुबुन हादरनिफ्राय फैनाय सुबुंखौ बिरखं गाथोन आव आरटिपिसिआर टेष्ट खालामनाय जागोन, बेयाव निगेटिभ मोनोब्लाबो सान 7 कुवारेन्टाइन आव थानो नांगोन, 5 बोसोर बैसो नि खम नि गथ खौ टेष्ट खालामा नाथाय लैखोन नुयोब्ला खालामनाय जागोन। ईन्टारनेशनेल दवबायारि आ आसाम सोरखार नो 72 घन्टा नि सिगां नो निगेटिभ आरटिपिसिआर टेष्ट नि रिपर्त आरो भेरिफिकेशन चार्तिफिकेट होनो नांगोन, लोगोसे मा हादराव थांगोन, मानिफ्राय फैदों, बिरखं नि नम्बर, जिरायनाय नम्बर गासैखौबो होनो नांगोन आसाम सोरखार नो। मखजाथावदि अमिक्रन आ गुबुन हादराव गोबां गिथआवना महर लागासिनो दं। भारत आव फैनायनि सिगां नो खोला आफ्रिका, ईउरोप नि हादर फोराव गिथावना महर लादों। दासिम भारत आव गासै 21 केस मोनदों, आसामाव मोनाखै दासिम।

चिरां जिला नि काजलगांव आव नंखाय रां जों लोगोसे बेखौ बानायनाय कागज मोनदों। चिरां जिला धालिगांव थाना नि सिंनि काजलगांव पलाशबारि ओनसोलाव पुलिसफोरा नागिरना मोनो। उफ्रा एसपि प्रकाश मेधि आ बुंनाय बादिब्ला पुलिसफोरा आगोलावनो खौरां मोनदोंमोन। बेखायनो 31 नं राजा लामा याव नेगासिनो मोन। बेयावनो नम्बर प्लेट गैयि पालसार बाइक जों सानै सुबुङा थाङो बिसोरखौ थातनो होदोंमोन, नाथाय थाथयिआव होसोयो। नाथाय बिसोर गाव लानाय मना खौ गारना गालांनानै खारखुमानो हायो।

नागालेन्द आव थासारि आ गाज्रि निफ्राय गाज्रिसिन जालांगासिनो दं। मन जिला याव गासै सा 13 सुबुंफोरा जायगा नि थागिबि आरो सासे आरमि बुथारजानायनि उनाव दुंहाव जाना दं थासारि आ। मैया आसाम रायफल नि आउटपस्त खौ सिफायो रायजोफोरा। थासारि आ गाज्रिथार जानायनि थाखाय नो मबाइल दाता आरो मेसेजिं खौ बन्ध खालामो। लोगोसे रायजो सोरखार आ बे जाथायनि सायाव नायबिजिरनो थाखाय सा 5 सोद्रोमा नि मोनसे एस आई टि एबा स्पेशियेल ईनभेस्तिगेशन टिम दाना होयो। बिथांमोना नो नायबिजिरगोन। ईसिङारि गोरोन्थि खौरां नि थाखाय नो मोनसे गिदिर दुखुनांथाव जाथाय जानानै थांबाय। भारत नि आरमि नि गिदिर गोरोन्थि, जाथाय जाखांनायनि उनाव दुखु मोननाय फोरमायदों बिथांमोना। नागालेन्द आव आरमि नि पेरा कामान्दो नि गुलि गावनायाव सा 13 सुबुंफोरनि जिउ गोमादों, सासे आरमि नि जिउ बो गोमादों, गासै सा 14। बेलासि सम आव पेरा कामान्दो नि एम्बुस आव मन जिला नि अटिं गामि नि सुबुंफोरा थैदों, आरमि फोरा गंसे गुफुर गारि आव सन्देह गोनां एनएससिएन केदार फोर थांदों होनना सन्देह खालामो, बेखायनो टिरु अटिं आव गंसे पिक आप ट्राक खौ थाथनो होयो, नाथाय गारि आ थाथयिआव गुलि गावो, बेयावनो थैयो।

नाजिरा ब्लक नि फरायसालि नि एसआई खौ घोस लानायनि दाय आव हमदों। नबुल ईस्लाम मुंनि एसआई आ 15 रोजा रां लादोंमोन। खौरां मोननाय बादिब्ला आसामनि जाख्लनाय होबथाग्रा बिफान आ बेनि खौरां मोननायनि उनाव नो नायबिजिरना हमो। मिथिना मोननाय बादिब्ला बे रां लाग्रा एसआई आ गंसे फरायसालि खौ नयदिंहैदोंमोन, बेयावनो कम्प्लेइन्त होग्रा सुबुंनि बिसि आ गैयामोन फरायसालि आव, बेखायनो उनखालि गावनि अफिस आव लिंहरना 15000 रां दाबि खालामो, नङाब्ला सासपेन्द खालामगोन होनना हुमखि होयो। बेनि उनाव नो अजद होग्रा सुबुंआ जाख्लनाय होबथाग्रा बिफान नो खौरां हरो आरो हमजाहोयो।

प्रमद बर आ बिटिसि नि चिफ जानायनि जग्य नङा, एबसु नि आफादगिरि जानानै थायोब्लानो मोजोंमोन, एबसु नि आफादगिरि बादि सो मावगासिनो। बेखौ बुंदों बिटिसि नि बारग गाहाय हाग्रामा महिलारि आ। मैया कक्राझार जिला आफाद बिपिएफ नि बान्जायनाय आव कक्राझार आव मावफारियारि मेल एबा वर्कशप खुंदोंमोन। गेस्त हाउस खौ बन्ध खालामदों, आलासि न खौ सोरबा सुबुङा थाङोब्ला जाहाथे थानो हायो, बेनि थाखाय सो बानायनाय जादों,, नाथाय बेफोरनो बन्ध एबा साधारन सुबुंफोरखौ थानो होआ होनना अजद होदों। बिटिआर आव फैनाय रां नि 50 जौखोन्दो आ नो साप्लाई। 16 टा बिफान खौ दिसपुर नो होफिनबाय। बारग एनदिएफबि नि केस बोखांनाय खामानि खौ नो मावाखै होनना बो बुङो, गोबां बारग एनदिएफबि फोरा दुखु खष्ट सहायनो गोनां जादों। बिथाङा लोगोसे प्रमद बर खौ सानाव अफिस खालामालासै हर आव सो खालामो होनना बुङो, हरनि 10-11 बाजि आव सो होनना बुंदों।

4 लाख रां होनाय आव जायफोरनि थालांदों बिथांमोननि खौ बो साननैसो नि उनाव होनाय जागोन। गासैनिआबो नैथि फारिलाय आव दं। तेकनिकेल प्रब्लेम नि थाखाय सानैसोनि गोबाव जादों, सोरखार आ नायफिनो, बेखायनो पुलिस भेरिफिकेशन आव बेखौ हरफिननायाव गोबाव जादों बेखायनो ईसे गोबाव जादों, नाथाय गासैनोबो होनाय जागोन। सा 25 हिनजावसा केडारफोरनि बो मुं थालांदों, बिसोरनिखौबो सोनाय जागोन। बिटिआर सोरखार नि ईएम बिआर फेरेंगा बिथाङा बारग एनदिएफबि खौ लानानै जायफोरा राजखान्थि खालामदों बिसोरो हारि नि खहा, जोलै नि खहा, हादरनि खहा खालामनो नागिरदों होनना बुङो, बेखायनो बेनिफ्राय गोजानाव था होनना बुङो बिथाङा।

गवा नेशनेल चेम्पियनशिप। नेशनेल लेबेल आव सा 8 गेलेगिरिआ देरहानो हादों। आसामनि जानानै मोन 6 सना आरो मोनसे मोनसे सिलभार आरो ब्रन्ज मोनदों। गवा याव जादोंमोन। सिनियर आव प्रियंका राभा, बिना बसुमतारि, गनेश पन्दित आ सना, राहुल कोश आ रुफा। आरो जुनिअर आव आनिशा नेइराह, आलिसिया गगै आरो हिरकज्योति बरुवा या सना आरो आब्दुर राज्जाक आलि आ ब्रन्ज मोनदों।

अनलाइन गेम गेलेनायनि निशा। 13 बोसोर बैसो नि सासे गथ आ अनलाईन गेलेनायनि मुङाव गारबाय 3 लाख रां। अनलाईन गेम नि निशा या माबायदि बेनि सायाव गोबां खौरां फोसावनाय नुनो मोनो। 6 दान नि गेजेराव ननि मानसि मिथिलासै ईसे ईसे रां खौ सिखावै लांदोंमोन। उनाव पुलिस नि खाथि आव थाङो नखरनि सुबुङा, लोगोसे ननि खाथि नि मोनसे ईन्टारनेट केफि सालायनाय सासे सेंग्रा नि बेरेखा बो गसर होयो। जाथाय आ राजस्थान नि, झालावार सोहोर नि नखऱसे 13 बोसोर बैसो नि गथ आ बे ईन्टारनेट केफि आव गोबांबार थांनानै गेम गेलेयोमोन, नाथाय बे बुजिमोनि गथ निफ्राय रां लुथिनायनि आईदिया दिहुनो केफे नि सेंग्रा या। बियो थगायनानै बिफा नि आधार, पान, बेंक एकाउन्त फोरखौ लानानै अनलाईन एकाउन्ट बानयनानै रां लुथियो। गेम गेले गेले रां खोमाना लानायाव गथ आ गिनाय,, थाबनो रागा जोंग्रा जायो। नखरि सुबुंफोर गोबांबार सोंनायाव गुबै जाथाय आ सोराङाव फैयो। पुलिसफोर दायो नायबिजिरगासिनो दं।

उदालगुरि आरो बाक्सा याव गोबां बेलट बक्स आ सोलायजादों, बिफाननि मानसि आ नो बुंदों बिटिसि नि बारग गाहाय हाग्रामा महिलारि आ। जाय नुदों बिसोरनो बुंदों, उनाव आरो मिथिबावगोन होनना बो बुङो। प्रमद बर आ बिटिसि खौ गावनि गोसो बायदि बाहायदों बोलो दं होनना। फैगो बिसायखथि आ फैनो हो सोलोंथाय मोनगोन। दानि सोरखआऱ आ 30-40 जौखोन्दो सो लायो होनना बुङो। बिपिएफ दोलो आ रायजो नि गेजेरव हाबगोन,, बिसोर मा मा खालामदों खालामाखै बेफोरखौ लानानै,, दिनैनि दिन आव मा खालामदों सेल्फ हेल्प ग्रुप नो रां, साख्रि होनाय, हा पत्ता होगोन बुंनाय फोरा मा जाखो. बिटिसि खौ एबसु आ सो सालायदों, एबसु नि आफादगिरि मोन प्रमद बर आ, बेखायनो बर नि थाखाय ल सो खामानि मावगोन बियो, गुबुन हारि नि थाखाय जेबो मावा होनना बो बुङो। बिहा जेबो केपासिटि आ नो गैया बेखायनो 16 टा बिफान खौ दिसि नो होदों होनना बो बुङो। गुबुनफारसे बिथाङा बिटिसि ओनसोल आव जेनेरेल सुबुंफोरनो हा बायनाय-फाननाय खौ बन्ध खालामना होदों, बेखौ एलाउ खालामना होनांगौ, 2003 सिम बिटिसि आव थानाय गासैबो बिटिसि नि थागिबि, बेखायनो बिसोर गासैबो मोन्थाय खौ मोननो नांगौ होनना बो बुङो।

बिटिआर हालामनि जर'खायै कक्राझार ओन्सोलनि गोसो गुदुं लाइमोन गेलेगिरिफोरनि थाखाय गोजोन्थाव खौरांदि, कक्राझार सहरनि साखाथि कातालगुरियाव थानाय स्पर्टस अटरिटि अफ इन्डिया ट्रेनिं सेन्टारआव फैगौ 9 आरो 10 डिसेम्बर 2021 अक्टखालि सान्नैनि हाबाफारिजों गेलेगिरिफोरनि सायख' आन्जाद हाबाफारि खुंनो थाखाय थि खालामदों। गुबुन गुबुन गेलेमु जरै- आर्चारि, टाइकन्ड', उसु (हिन्जावसा- हौवासा), एथलेटिक्स (हिन्जावसाफोरनि थाखायल'), बक्सिं (हौवाफोरनि थाखायल') गेलेमुफोरनि थाखाय 12 निफ्राय 14 बोसोरनि गेलेगिरिफोरनि सायख' बादा खुंफुंनाय जागोन। जायफोर गेलेगिरिफोरा बे सायख' बादायाव बाहागो लानो गोसो बिथांमोनहा गावजों लोगोसे गांथाम पास्टपर्ट, सोलिफु सोलोंथायनि फोरमान बिलाइ आरो बैसोनि फोरमानलाइ / जोनोमनि फोरमान बिलाइ, गेलेमुआव बान्था मोन्नायनि फोरमान बिलाइ, 24 घन्टा समनि गेजेराव खालामजानाय आरएटि आरो मेडिकेल फिटनेस सार्टिफिकेट आरो 72 घन्टानि गेजेराव खालामजानाय आरटि-पिसिआर टेस्टनि फोरमान बिलाइफोरखौ लानानै फैगौ 9 आरो 10 डिसेम्बरखालि फुंबिलिनि 9:00 रिंगायाव कक्राझारनि साइ ट्रेनिं सेन्टारआव बाहागो लाफैनो हागोन। बे सायख' बादायाव सायख'जानो हानाय गेलेगिरिफोरखौ कक्राझारनि साइ ट्रेनिं सेन्टारआव लाखिनानै थानाय जानायनि खाबुजों फोरोंथाय होनाय जागोन। बेनिखायनो बे सायख' बादायाव गोसो गुदुं गेलेगिरिफोरखौ बाहागो लाफैनो थाखाय साई ट्रेनिं सेन्टार कक्राझारनि इन्सार्च प्रदिप कुमार ब्रह्मआ खावलायहरदों।

खोला कामरुप नि बितुपन बर आ सना नि मेडेल देरहानो हादों। नेपाल आव जानाय बादायलायनाय आव कंफु नि 42 केजि नि केटेगरि आव सना म् मेदेल मोनदों। नेपाल आव नैथि साफाज ईन्टारनेशनेल कंफु गेम जादोंमोन। बेयो थांनाय 26 नबेम्बर निफ्राय जागायदोंमोन।

फैगो 5 दिसेम्बर आव बारग एनदिएफबि केदारफोरनि 4 लाख रां नि फिक्स दिपजित नि चार्टिफिकेत खौ होगोन। बाक्सा जिला नि तामुलपुर आव बेनि हाबाफारि खौ लानाय जादों। उदालगुरि जिला एसपि नि सिम खौरां मोनफैनाय बादिब्ला गासैबो एनदिएफबि केदार बिथांमोनखौ बे जायगासिम लांनाय आरो लाबोनायनि बेबस्था खालामनो नांगौ। गासैबो एदिएफबि नि केदारफोरखौ गावनि गासैबो फोरमान बिलाय फोरखौ लांनो खावलायदों जेरै बेंक एकाउन्ट, भाटार, पान, आधार गासैखौबो।

गौहाति मुलुगसोलोंसालि नि बिसायखथिनि फिथाय। सानै बर आ देरहादों। बिसायखथि आ पस्त ग्रेजुवेत स्तुदेन्त ईउनिअन नि जादोंमोन। थांनाय 30 नबेम्बर आव भट होनाय आ जायो आरो 1 दिसेम्बर आव बेनि फिथाय खौ फोसावो। सानै बर देरहानाय आ जेनेरेल गेमस सेक्रेतारि आव गनेश बर, बिथाङा एनएसईउआई नि जाना गेलेदोंमोन आरो सासे आ खोरोमदाउ बसुमतारि, बिथाङा एबिभिपि नि जाना गेलेनानै मेजर गेमस सेक्रेतारि जानो हादों। आफादगिरि मासि खौ आसु नि हेमेन कलिटा, लेङाय आफादगिरि खौ नबदिप बरगहाय आ एसएसएसएस नि जाना गेलेना देरहादों। जेनेरेल सेक्रेतारि जादों बिकि शर्मा आरो एसिसटेन्ट जेनेरेल सेक्रेटारि जादों रश्मि कलिटा या।

एलपिजि सिलिन्दार नि बेसेन आ बारा जाफिनलायबाय। फालांगियारि एबा कमारसियेल नि आ सो बारा जादों, 100 रां बारा खालामदों 19 के जि लिरथाय नि सिलिन्दार नि बेसेन खौ। थांनाय 1 नबेम्बर आव बो बारायदोंमोन बेखौ। दिल्लि आव कमारसियेल सिलिन्दार नि बेसेन आ 2101 रां। मुम्बाई आव 2051 रां जाहैबाय। बेबायदिनो कलकाता याव 2174.50 आरो चेन्नाई आव 2234.50 रां।

मबाईल एदिकशन, सेंग्रा या गावनि बिमा बिफा खौ नो बावगारबाय। सान 5 उन्दुनाय जानाय लोंनाय गारदों। मबाईल फन नि बाहायनाया मोजां बो खालामो आरो गाज्रि बो खालामो, मोजां बाहायनो रोङोब्ला मोजां, गाज्रिब्ला गाज्रि। एरैबायदि जानायबो खोनादों दि मबाइल नि एदिकशन नि थाखय थैलायो। बे मोनसे जाथाय आ राजस्थान नि। 20 बोसोर बैसो नि अकरम आ मबाईल नि एदिकशन आ एरैबायदि जाबायदि बियो मेलेमारि बेराम जों गाग्लोबजाबाय। बियो गावनि नखरनि सुबुंफोर आरो लोगो रावखौबो सिनायाखै गासैबो खामानि बन्ध। दायो देहाफाहामसालि आव लाना थांदों, फाहामथाय आ सोलिगासिनो दं होनन खौरां मोनदों।

कक्राझार जिला कछुगांव नि 31 न राजालामा याव जादों मोनसे गिथावना जाब्रबथाय जानाय आव समरसिं नार्जारि नि जिउ गोमादों। मोनाबिलि नि 6 बाजि सो आव गंसे ट्राक आरो मथर साईखेल जों सोग्रावलायनाय जायो। जाब्रबथाय आ एरैबायदि गिथावना जायो दि मथर साइखेल आ ट्राक नि सिङाव हाबलाङो आरो अर नाङो बेयावनो। लोगो लोगो गंनैबो अर नांनायाव खामजोबो। ट्राक सालायग्रा आऱो मदद खालामग्रा या खारखुमायो नाथाय बर सुबुङा अर आव नो खामजोबो। पुलिस आ जाथाय जानाय जायगायाव थांनानै नायबिजिरनायखौ जागायो।

सिबसागर आव गिथावना जाथाय। गेजेर बाहागो आव नो बायदों गंसे दालां आ। दउकि आलि आरो मेचागर खौ लोगो लागायनय दालां। दालां बानायनाय आव गोरोन्थि जानायनि अजद, 4 बोसोर ल सो जादोंमोन दालां बानायनाय आ। माबा मोनसे गोरोन्थि नि थाखाय नो बेखेवनाय जायाखैमोन दालां खौ, थेवब्लाबो दालां नि साजों थांलाय फैलाय आ सोलिदोंमोन। 95 लाख रां जों बानायनाय जादोंमोन बेखौ।