बे साननैसो हाग्रा नि जुनार फोरा सुबुंफोरखौ गाग्लोबनाय खौरां मोनबाय थागासिनो दं। बेनि गेजेरावनो मैया जोंनि खाथि आव बो मोनसे मोसा गाग्लोबनाय जाथाय जादों। फोथार आव खामानि मावबाय थानाय समाव नो गाग्लोबनाय आव गाज्रियै जोखोम जादों ,सासे सुबुङा। मंगलदै खाथि नि जाथाय। मिथिना मोननाय बादिब्ला जाथाय आ 3.30 सो आव नो जादों। रन्जित दैमार मुंनि सुबुङा गाज्रियै जोखोम जादों। खौरां मोननाय बादिब्ला उदालगुरि जिला हाग्रा बिफान आ जाथाय जानय जयगायाव थांदोंब्लाबो मोसा ओंखआरनाय जायगाया दरं जिला यव गोग्लैनायनि थाखाय मोसा खौ हमनो नाजायासै। उनाव दरं जिला हाग्र बिफाननि सुबुफोर फैदों, नाथाय दासिमबो हमनो हानायनि खौरां मोनाखै।
आसामनि गिबि मन्थ्रि आ मैया गोजौ सोलोंथाय आरो गेजेर सोलोंथायनि गासै सा 723 फोरोंगिरिफोरनो साख्रि नि थिसनलाय खौ होदों। बेनिनो गोजौ सोलोंथाय आव 130 आ कलेज नि लोगो प्रफेशर, 560 आ जौसिन फरायसालि नि फोरोंगिरि,, गुबुनफोरा 3 थि थाखो नि मासि नि बिबान मोननाय। बे हाबाफारि आव बाहागो लानानै बिथाङा बुंदों फैगो बोसोर नि गेजेराव रायजो नि जाय कलेज फोरा नाक एसेसमेन्ट नि बेबस्था खालाम, बे कलेज नि फोरोंगिरिफोरनि दरमाहा खौ 50 जौखोन्दो दाननाय जागोन। फैगो बोसोर निफ्राय रायजो आव आरोबाव गोनोउत्सब जागोन, फोरोंगिरिफोरनि। जाय फरायसालि नि फोरोंगिरिफोरा मोजां दिन्थिनो हाया, बिसोरनि बेरेखा बेबस्था लागोन। बिथाङा लोगोसे बोसोरफ्रोमबो सोलोंथाय बिफाननि लांदां जाना थानाय मासि फोरखौ सुफुंगोन। 10 मे नि गेजेराव 22000 फोरोंगिरिनो साख्रि होगोन होनना बो बुङो।
मुशलपुर आव ना नि आदार रान्दों। बिटिआर नि ना बिफान आ ना फिसिनाय फोर नो मदद होनानै ना नि दिहुनथाय खौ बारायनायनि थांखि। मैया बाक्सा जिला नि सा 81 ना फिसिग्रा फोरनो ना नि आदार रानना होयो बिटिआर नि ईएम राकेश ब्रह्म बिथाङा। बेसेननाङै बे आदार खौ रानना होनायनि उनाव बिथाङा बुंदों बिटिआर नि बेकार सुबुंफोरा ना फिसिनानै गावखौ मोजां खालामनो हायो, दायो बे खामानि जों सोमोन्दो थआनाय आ जाहाथे मदद मोनो बेनि थाखाय बिटिआर सोरखार आ खामानि मावगासिनो होनना बुङो। बिथाङा बुङो आगोलनि बिपिएफ सोरखार नि समाव गोबां जाख्लनाय अनियम जानाय नि अजद मोनदों, नाथाय दानि ना बिफान आव बेबायदि जेबो जायाखै।
1 दिसेम्बर, दिनैनिफ्राय बाइक सालायनायफोरनि गोदान नेम, गुवाहाति हान्थामेला बिफान आ बेखौ फोसावनानै होदों। बाइक सालायग्रा आरो उन्थिं जिरायग्रा सानैबो हेलमेत लानो नांगोन। बे नेम खौ मानियाब्ला 1 रोजा रां नि जरिमाना होनो नांगोन। मंगलबारखालि गुवाहाति नि गनेसगुरि आव सांग्रां खालामदों बाइक सालायग्रा फोरखौ। बिफान आ बे नेम लाबोनायखौ सालायग्राफोरनो फोरमायो।
जोरहात आव जानाय बुथारनाय जाथाय नि गुबै दायनिगिरि जों ललोगोसे गसै सा 13 सुबुंफोरखौ हमदों पुलिस आ। गुबै दायनिगिरि आ निरज दास उरफे कला लरा दास। द्राग्स लायो बियो, द्राग्स फालांगि जों सोमोन्दो दं। मोनसे जाब्रबथाय खौ लानानै नो बुनाय जाथाय आ जादोंमोन जेराव फरायसा आफाद नि दैदेनगिरि अनिमेश भुया नि जिउ गोमदोंमोन। दायनिगिरि नि महर खौ नुनायावनो ईसेब्लाबो मिथिना मोनदों माबायदि जानो हागौ बियो। आगोलावबो गुबै दायनिगिरि नि 90 नि बांसिन गसर आव दायनिगिरि खालामजानयमोन। बिसोर मोनसे गें बायदि मोन। लोगोसे बे जाथाय खौ नायनाय सा 50 सो सुबुंफोरा बो दायनिगिरि होनना बुंदों। फासत्रेक आदालट नि गेजेरजों बिजिरनाय आ जागोन। 15 सान नि गेजेराव चार्जसित दाखिल खालामनो नांगोन लोगोसे थैनायनि नखर नो सोरखारि साख्रि होनाय जागोन होनना मैया आसामनि मन्थ्रि डां रनुज पेगु आ फोसावनानै होदों लोगोसे 5 लाख रां बो होगोन होननना खौरां मोनदों।
सेलफि लानाय समाव नो आयथें आ फिस्लायना दैमा याव गोग्लैबाय आईआईटि नि सासे फरायसुलि, थैबाय। सेलफि लानाय आ दानि जुग नि गोबां सुबुंफोरनि मोजां मोननाय खामानि। नाथय सेलफि लानाय समाव गोबां जाथाय जानाय खोनानो मोनो। बेबयदि नो जथाय बे जाथाय मोनसे आ उत्तर प्रदेश नि कानपुर नि। खौरां मोननाय बादिब्ला मोनाबिलि समाव आईआईटि नि फरायसा फोरा गंगा दैमा खाथि आव बेरायनो थांदोंमोन। मोनसे बान्दो आव फट लायो आरो बे समाव नो फिस्लायना गोग्लैयो। उनाव लोगो फोरा पुलिस नो खौरां हरो, उनाव बिखौ देहाफाहामसालि आव लांदोंमोनब्लाबो देहाफाहामगिरिफोरा थैबाय होनना बुङो। 20 बोसोर बैसो नि फरायसुलि आ राजस्थान नि थागिबि मोन। फरायसा नि मुङा सेजल जैन।
त्वितार नि सिईअ जानो हादों भारत नि सासे सुबुं। मुङा पराग आगरवाल। त्वितार नि दिहुनगिरि जेक दार्सि आ कम्पानि नि सिईअ नि बाबान खौ गारनायनि उव नो बिथांनो बे बिबन खौ होनाय जायो। कम्पिउतार बिगियान आव दक्टरेट मोननाय पराग नि सायाव गोबां फोथायनाय दं होनना जेक आ बुंदों, थांनाय 10 बोसोराव बिनि खामानि आ जोबोद मोजां आरो साननाय हनाय गोसो फोरा बो मोजां होनना बुङो। तेस्ला नि सिईअ एलन मास्क आ बुंदों भारत नि सुबुंफोरनि टेलेन्ट नि थाखाय नो आमेरिक या गोबं मुलाम्फा जादों। मखजथावदि गुगल नि सिईअ आ बो भारत नि सुबुं।
दिब्रुगर नि बैरागिमथ आव मोनसे सोमोनांथाव बुथारनाय जाथाय। सानैखौ बुथारदों ससे सुबुङा नो, गावनि बिसि आरो भारा न नि मलिक खौ। रायजो नि आयेन आब्रुथि नि थासारि आ गाज्रि जालांनाय नुनो मोनगासिनो दं। सानफ्रोमबो गाज्रि जाथाय जानाय खोनानो मोनो। फिसाय आ नो बुथारबाय बिसि खौ आरो लोगोसे न नि मालिक खौ। मोनसे टावा जों बुनानै बुथारो न नि मलिक खौ आरो बिसि खौ गोदना सेरथेनानै बुथारो, मालिक नि मुङा सुधि गगै आरो बिसि नि मुङा काजल, सुधि आ हाबा जायाखै न आव हारसिं थायो। मंगलबार खालि सोमोन्दो नि सुबुंपोरा नयि आव खौरां लानाय आव बिसना याव आखाय आयथें खानाय हालोद आव मोनो गोथै देहा खौ। साननैसो सिगङाव सुधि नि न आव भारा थाग्रा महरै थादोंमोन राजिब सुक्रां, काजल सुक्रां आरो बिनि फिसा या। मा जाहोन नि थाखाय बेबयदि जाखौ दासिम मोजाङै मिथियाखै, दायनिगिरि आ खारखुमाना दंमोन, खौरां मोननाय बादिब्ला राजिब आरो सुधि नि गेजेराव नांलायनाय जादोंमोन बेखौ होबथानो बिसि थांदोंमोन बेयावनो गिबि आव सुधि खौ आरो उनाव बिसिखौ बुथारो आरो खारखुमायो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon