बारग एनदिएफबि आरो एनएलएफबि नि दैदेनगिरि एम बाथा या खारखुमायाखै। एनआईए आ खारखुमादों होनना एरेस्त वारेन्त ईसु खालामनायनि उनाव बिथाङा गावनो खौरांगिरिफोरनि सिगाङाव फैनानै बुंदों। बिथाङा शांति सुक्ति नि दफा फोरखौ मावफुंनो थाखाय रायलायनो फैफिनदों अब्ला मानो थांफिननो होनना बुङो। बिनोद मसाहारि उरफे एम बाथा बिथाङा न आव दं। बिथाङा खौरांगिरिफोरनि सिगाङाव आंखौ हमनायनि सिगां बिदाय, फेरेंगा, सावरायग्रा खौ हम होनना सोङो। 2014-15 नि केस खौ लानानै आंखौ ल मानो हेरेसमेन्ट होदों, आं बै समाव बेराम आव सो दंमोन। बिसोरखौ मानो हमा, बिसोरसो मिथिगौ। आं दायो एनएलएफबि महरै केम्प आव नो दं। गिबि मन्थ्रि जों सावरायलायगासिनो। जानाय लोंनाय आव असुबिदा जादों, रायजो सोरखार आ जा होनो नागिरदोंमोन, बेनि जायगायाव बिटिआर सोरखार आ बिबान लादोंमोन, बिटिआर नि गाहाय आ जों नो होगोन होनना बुंदोंमोन, नाथाय बिटिआर नि गाहाय आ जानो बो होआ लोंनो बो होआ होनना अजद। खौरांगिरिफोरा जानो लोंनो होआब्ला माबोरै सोलिगासिनो होनना सोंनाय आव बिथाङा सोरबा एसे एनै होनायजों सोलिगासिनो आरो मायरं आरो दालि मोनखानाय जों सोलिगासिनो होनना बुङो। प्रमद बर आ होआब्लाबो जों थांना थानो हागोन, 3 बोसोर ल सो थागोन, गोदान सोरखार फैयोब्लानो मोनजागोन, रायजोफोरा नो जाहोगोन होनना बो बुंबावो।
बर'नि गोदोनिफ्राइ नुजाफ्लेबाय थाबोनाय आरो आथिखालनि जेंनाफोरखौ आबुङै सुस्रांनांगौनि थाखाय एबसुनि खावलायनाय लेखायै दिनै आसामनि गिबि मन्त्रि मानगोनां ड० हिमन्त बिश्व शर्मानि हांख्रायनायाव एबसु आरो बर' थुनलाइ आफाद जथायै दिजपुरनि जनता भवननि सिफ मिनिस्टार कनफारेन्स हलआव सानजौफुनि 11'30 रिंगानिफ्राइ गोथौयै सावरायलायो । बे सावरायलायनायाव गोदोनिफ्राइ दिनैसिम नुजाबोनाय गासैबो जेंनाफोर (जायखौ आसाम सरकारा सुस्रांनो हाथावना) बैफोरखौ आबुङै खेबसेनो सुस्रांनांगौनि थाखायनो एबसु आरो बर' थुनलाइ आफादा जथायै मोन 33 दाबिफोरखौ लानानै गोसोखांलाइ गथायनानै गुवारै सावरायलायो । आसामनि गिबि मन्त्रि मानगोनां ड० हिमन्त बिस्व शर्माजों लोगोसे बे सावरायनायाव बिटिआरनि गाहाइ मावफुं सोद्रोमा मुस्रि प्रमद बर, सोलोंथाइ आरो डाब्लिउ.पि.टि मिनिस्टार ड० रनुज पेगु आरो आर्बान मन्त्रि असक सिंहालआ बाहागो लाफायो । बे सावराय मेलाव मिरु एबसुनिफ्राइ फारियै आफादगिरि मानगोनां मुस्रि दिपेन बर', बोसोनगिरि खुंख्रा सर्गियारी, लेङाइ आफादगिरि खोरोमदाव औवारी, नेहाथारि फारियै निजोम बसुमतारी, रंगिना बरगयारी, बिरदाव बर, सोलोंथाइ नेहाथारि सोमावसार बसुमतारी, गेलेमु नेहाथारि गनेस बसुमतारी, रांखान्थि नेहाथारि सिमान्त' बसुमतारी आरो सुबुं फोनांजाब नेहाथारि अबित नार्जारीया बाहागो लायो ।
मैया सावरायलायनायनि उनाव आसामनि गिबि मन्थ्रि आ बिटिआर नि 26 सोरखारि नङि
कलेजफोरखौ सोरखारि खालामगोन। 2020 नि गोदान सोलोंथाय खान्थि बादियै बर सुबुं थानाय
ओमसोल फोराव बर राव नि फोरोंगिरि नि मासि दिहुननानैबर फोरोंगिरि थिसनगोन होनना
थिरांथा लायो। आयेन आरो बिगियान फरायसालिमा जों लोगोसे बदलेन्द मुलुगसोलोंसालि नि
मोनसे केम्पास थाबनो उदालगुरि आव दिहुननाय नि थिरांथा। बर रावनि स्पेशियेल टेट
आनजाद खुंनायनि थिरांथा लादों।
हायलाकान्दि आव 2.5-3 कौटि रां नि बार्मिज सुपारि खौ सावजोबदों।। मैया सावनाय सुपारि खौ रावबो लांनो फैयाखैमोन, बेखायनो कोर्त आ सावनो होनाय आव सावो। गासै 55 जौ 39 कैजि सावदों। पुलिस फोरा जायखौ हमदों आरो बेनि रावबो लांग्रा एबा बिगोमा गैया अब्ला बेखौ कोर्त नि बिथोन बादियै सावनो होगोन।
श्रिलंका नि नेभि आ भारत नि सा 43 ना हमग्रा फोरखौ हमदों, लोगोसे गं 6 नाउ फोरखौ जब्द खालामदों। ना हमग्रा फोरा गासैबो तामिलनादु नि मोन। श्रिलंक नि नेभि आ दै सिमा खौ बारनायनि अजद आव हमनानै कनकेसान्टुराय आव थानाय केम्प आव लाङो। बे जाथाय नि उनाव नो रामनाथपुरम नि एमपि के नाभास कानि आ मिरु सोरखार नो खौरां हरना बेनि सायाव बेबस्था लानो खावलायो।
आईएसएल आव मैया केरला या मुम्बाई खौ 3-0 गल जों फेजेनो। बेखौ देरहानानै केरला या मोन 6 नि मोननै देरहानाय जाना 5 थि नम्बर आव दं पईन्ट्स टेबल आव। गुबुन फारसे मुम्बाई आ 15 पइन्ट्स जों सेथि आव नो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon