रायजो नि खावलायनाय प्रमद बर आरो हाग्रामा लोगोसे जानो नांगौ।

 

बिपिएफ नि समाव बो जाख्लनाय जादोंमोन, दानि सोरखार आ बो खालामदों, फैनाय सोरखार आ बो खालामखागोन। जेसेबां जायो जा, जेसेबां जाख्लनाय आ जायामानो नाथाय गावनि पावार फांशन खौ रावखौबो जाख्लनो होनो नाङा बेखौ जों गोबां जुजिनानै सो मोनदों। दिनै जायखौ मोनदों बेखौ नो हरफिनदों, बेखौ बुंदों बिटिसि थिकादार आफादनि गाहाय नेहाथारि बिक्रम दैमारि बिथाङा। हरग्राया हरोब्ला लाग्रा या लाखागोन, बर हारि आ गोदोनिफ्राय नो गुबुन जों नासयजायदों, गावजों गाव बो बेबायदिनो खालामलायो। बर दैदेनगिरिफोरा नो गुबुनखौ मदद होयो नासयनो। गावनि बोलो खौ गुबुननो होनाय जादों, जोंनि बोलो खौ बेबायदि होयोब्ला मा जागोन,, प्रमद बर बिथांखौ लानानै गोबां आशा दंमोन आरो दाबो दं, बिथांखौ दानि बोलो खौ आरो बांसिन बोलो जों सालायनायखौ सो रायजोफोरा लुबैदों। दायो जायफोर जाथाय आ जादों, बेयाव प्रमद बर नि ल दाय गैया, गोबां दं, किं मेकार सोरबा दं। प्रमद बर आ माबा मोनसे गिदिर थांखि खौ लानानै बिसायखथि गेलेनो नागिरदोंमोन, बिथाङा रायजो नि आव थांनिसै, बेखायनो गोदान चिफ खौ मोजां नागिरना ला होनना बुंदोंमोन होनना बो बिक्रम दैमारि बिथाङा बुंदों। हाग्रामा महिलारि आरो प्रमद बर सानैबो हारि नि थाखाय नांबोनाय सुबुं। मावनांखौ खामानि दं, राजखान्थि खौ लानानै बिथांमोननि माबा मोनसे बाध्य जानायखौ नुनो मोनो, बेखायनो रायजो नि जोबथा खावलायनाय, लोगोसे जानानै खामानि मावनांगौ। दिनै प्रमद बर आरो हाग्रामा महिलारि सानैनि गोरोन्थि मोन्दांथि एबा राव आ नो गासै बर हारि खौ खैफोद आव खोख्लैनो हागौ, बेखायनो राजखान्थि खौ उनाव दोननानै हारि खौ सिगाङाव दोननानै राजखान्थि खालामनांगौ। खम समनि गेजेरावनो सोमोनांथांव सोलायनाय नुनो मोनदों आगोलाव मासि आव सोर जिरयोमोन आरो दायो सोर जिरायदों, उदालगुरिनिफ्राय लानानै सेक्रेतारियेत आरो सेक्रेतारियेत निफ्राय लानानै गासै बिटिआर सिम।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post