गोदान बोसोर 2022 इं माइथायाव आलादा राय्जो बड'लेण्ड सोमावसार फिन्नो जान्जि खाफ्रादों अल इण्डिय़ा बड'पिपुल नेस्नेल लीग फर बड'लेण्ड स्तेतहुद आफादआ। 17 बोसोर सिगां बिएलटि आ लाबोनाय बिटिएदि नि बाउन्दारि खौ फोजोबनो थाखाय 2020 मायथाई आव जानाय बिटिआर गोरोबथा नि गेजेरजों बाउन्दारि कमिशन दाबाय, गावनि बोलो खौ बो खम खालामना लाबाय। दिसपुर निफ्राय सो बिटिआर आ सालायजादों। सोरखार आ जोंनि जौगानायखौ नुनानै बदलेन्द कनशेप खौ नो फोजोबनो नागिरदों। दानि बिटिआर नि गाहाय, लेङाय गाहाय फोरहा जेबो बोलो गैया। एसेम्ब्लि आव गोबां बर एमएलए फोर दं, बिपिएफ नि बो ईउपिपिएलनि बो, नाथाय जाखिनि बुंनांगौ रावबो जेबो बुंनो हायाखै। 5 रोजा सो बर फिसाफोरनि मुंख्लं जिउ सोलेरफोरा बदलेन्द मोनाब्ला गोजोननय मोननाय नङा। पाप नांगोन, साव नांगोन बे मुंख्लंफोरनि, बिसोरखौ थगायनानै दोनोब्ला। दिनै गोदान बोसोरनिफ्राय गावनि गोरोन्थि खौ बुजिनानै मोजां लामाजों बर हारि खौ बासायनो, आलादा बदलेन्द सोरजिनाय नि आबहावा खौ लाबोफिननांगौ होननना बुंदों सानसुमा खुंगुर बैसोमुथियारि बिथाङा।
आसामनि गिबि मन्थ्रि आ मैया गोदान बोसोरनि गिबि सान आव खौरां मेल खुंनानै केबिनेट आव मा मा थिरांथाफोर लाखो बेखौ फोरमायो। केबिनेट नि जथुम आव पिएसअ एबा पार्सनेलसिकिउरिति अफिसार खौ बोखारनायनि थिरांथा। दानिया संबिघानिक मासि थानायफोरा सो पिएसअ मोनगोन, बेनि अनगायैबो गिबि मन्थ्रि नि लोगोआव आगोलनि बायदि 22 गारि नि सोलाय गं 7 ल गारि थासिगोन दानिया। रैखाथि नि जेबो जेंना गैयाब्ल दानिया आगोलनि गिबि मन्थअरि नि थाखाय रैखाथि होनाय आरो सोरखारि न होनायनि बेबस्था थानाय नंलिया, जथुम आव बुंदों पिएसअ स्तेतास सिम्बल नङा होनना। गिबि मन्थ्रि नि बादिब्ला दानि सम आव मोन 4 बेटेलियान नि सा 4000 नि बारा बदिगार्ड महरै बिबान आव दं। बेनिनो 2026 आ राजखान्थिगिरिफोरनि, आजिरा मोननाय अफिसरजों 854, न्याय नि अफिसारजों 546, फालांगिरि जों 167, बारग उदखारि एबा उग्रपन्थि जों 52 आ दं होनना बुंदों। केबिनेट आव लानाय आरो मोननैसो थिरांथा फोरा- रायजो आव 2500 गोदान गुदि फरायसालि गायसनगोन। काजिरङा नि सायाव एलिभेटेद करिदर बानायगोन। बुरलुंबुथुर नि सिंजों मिसा निफ्राय तेजपुर सिम सुरंग एबा दै सिंनि लामा बानायगोन। मरिगांव आरो मंगलदै दाजाबहोनाय दालां बो बानायगोन बुरलुंबुथुरनि सायाव। फैगो 7 जानुवारि आल एनदिएफबि जों सोरखार आ मोनसे सुक्टि खालामगोन। एफसिआई आ आसामनि आबादारिफोरनिफ्राय 10 लाख मेट्रिक टन माय बयगोन। मायक्रफाईनेन्स आव 11 लाख आयजोफोरनि मुलम्फा जादों गिबि खोलोब आव, नैथि खोलोब आव 10 लाख नि मुलम्फा जागोन। आसाम सोरखार आ 10 लाख गोरिब नखर नो न बानायना होगोन। लोगोसे बिथाङा मैया बेखौबो बुंदोंमोन- मोन 6 हारि नो जनजाति नि मोनथाय एबा जनजाति खालामनो हाया होनना, बेखौ दानि जनजाति फोरा होबथादों, बिसोरनो होयोब्ला दानि जनजाति नि थाथाय एब जोरथाय आ खैफोदगोनां जागोन होनना बुंदों। जनजाति खालामनायनि रिपर्त खौ मिरु नो होनो हानाय नङा, होयोब्ला आसाम आव थै बोहैगोन एबा दुंहाव थासारि सोमजिगोन होनना बो बुंबावो। मखजाथवदि आगोलाव आसामाव मोन 6 हारि खौ एसटि खालामगोन होनना बुंनाय नुनो मोनदोंमोन
2021 नि 31 दिसेम्बर नि सान आव गासै रायजो आव नो बे बार आव जाब्रबथाय आ खम जादों। गिबि मन्थ्रि नि नाजानाय लुबैनायखौ जाफुंदों होनना बुंजायो। गिबिआव सांग्रांथि नि बेबस्था लानाय जादोंमोन। आगोलनि बोसोरनि खौ रुजुयोब्ला थांनाय बोसोर आव खमथार जादों। रयजो नि मृत्योन्जय सारभिस नि बादिब्ला 31 दिसेम्बर आव रायजोनि गुबुन गुबुन जायगायाव गासै 107 टा जाथाय जादों, 108 आ नो लांदों, बेनिनो 76 आ बाईकनि, आरो गुबुनफोरा गुबुन गारि नि। रिपर्त नि बादिब्ला शनितपुर जिला याव बयनिख्रुय बांसिन जादों गासै 10 टा। आगोलनि बोसोरफोर 800 नि बो बारा जाब्रबथाय जानायखौ नुनो मोनदोंमोन।
जौ लोङोब्ला नो जेंना याव गोग्लैगोन। पिकनिक प्लेस आव दिनैबो पुलिस आ नायहैनो हागौ। गिबि सान आव गुवाहाति पुलिस नि गारि मथर नि बिफआन आ खौरां मेल खुंनानै गोदान बोसोरनि गाहाम हामलायनाय बावनानै रायजोफोरा पुलिसखौ मदद खालामनायनि थाखाय गोजोननाय मोननायखौ फोरमायो। सुक्रबारालि गुवाहाति आव 55 टा जायगायाव नायबिजिरदोंमोन, 115 ज लोंनायनि केस मोनदोंमोन जाय आगोलनि बोसोरनिख्रुय गोबां गुन खम। दिसेम्बर दान आव 12134 ट हेलमेट गानि नि केस रेजिस्तार खालामदों, जौ लोंनायनि 638 केस रेजिस्तार खालामदों होनना बुंदों।
फैगो 4 जानुवारि आव जानो गोनां जब मेला खौ बोखारबाय होनना खौरां मोनदों। नेशनेल केरियार सार्भिस प्रजेक्ट नि गेजेरजों बेकार सुबुंफोरनो साख्रि होनायनि थांखि लादोंमोन। नाथाय साननैसो सिगाङाव जालांनाय जब मेला याव गोबं बेलेबेजे जानाय नुनो मोनदोंमोन। गोबां सुबुंफोरनि बायदाता खौ लानानै उनाव गारना गालांजोबदोंमोन। बेखायनो रायजो आव गोबां दावराव जादोंमोन। जब मेला या सोरखारि नङि साख्रि आव थिसननाय मोन।
गोदान बोसोर जागायनाय समावनो मोनसे दुखुनांथाव गिदिर जाब्रबथाय जादों हादर आव। कात्रा नि माता बैश्नौ देबि मन्दिर आव खारखाव खारसि, नारखाव नारसि जानाय आव सा 12 सुबुंफोरनि जिउ गोमादों, गोबां सुबुंफोर जोखोम जादों होनना खौरां मोनदों। मैया हर आव बे गिथावना जाथाय आ जादोंमोन। जम्मु कास्मिर नि दिजिपि दिलबाग सिंह बिथाङा एएनआई नो बुंनाय बादिब्ला माबा मोनसे नि थाखाय नांलायनायखौ लानानै नारखाव नारसि जायो, बेयावनो जिउ गोमादों। सा 13 सो जोखोम जादों होनना बुंदों। गिबि नयबिजिरनाय आव हरनि 2.45 सो आव जादों होनना बुंदों जाथाय खौ। भारत नि गाहाय मन्थ्रि नरेन्द्र मडि आ दुखु मोननाय फोरमायदों, थैनायनि नखर नो 2 लाख आरो जोखोम जानायनो 50 रोजा रां होगोन होननना फोसावदों। जम्मु कास्मिर नि लेफटेनेन्ट गवर्नर आ बो थैनायनि नखरनो 10 लाख होगोन होनना फोसावदों, जोखोम जानायनो 2 लाख होगोन होनना फोसावदों। बे जाथाय आ गोदान बोसोरनि गोबां सुबुंफोर ज जानायनि थाखाय नो जादोंमोन।
12 दान आव सा 7 सेंग्रा नि बेरेखा जिनाहारि नि अजद, नायबिजिरनाय आव गासैबो सोराङाव फैदों। हिनजावया जिनाहारि खालामजादों होनना बुंनाय आव पुलिसफोरा बो सोमोनांदोंमोन, 12 दान आव सा 7 सेंग्रा या सोमोनांथाव। दिल्लि नि गुरुग्राम नि सासे सिख्ला नि जाथाय आ सोमोनांहोदों बयखौबो। पुलिसफोरा जिराहारि खालामनाय सेंग्राफोरखौ नङा, सिख्ला खौ सो आईदिया बाहायनानै हमो, मानोना गासैबो जाथायनि मास्तारमाईन्द आ हिनजावसा या नो मोन। पुलिस फोरनि गेजेराव बसुलि गार्ल मुंजों मिथिजादोंमोन सिख्ला या। सेंग्राफोरखौ ब्लेकमेईल खालामनानै लाख लाख रां लुथिदोंमोन। जाथायनि बादिब्ला हमजानाय हिनजावसा या अनलाईन देतिं एप नि गेजेरजों गिबि आव सिनायलायोमोन। बेनि उनाव देहायारि सोमोन्दो लाखिनानै ब्लेकमेईल खालामोमोन जिनाहारि खालामदों होनना। सेंग्रा या मानियाब्ला पुलिस नो भिदिअ होगोन होनना बो बुङोमोन बेबयदिनो 12 दान आव सा 7 सेंग्रा फोरखौ लुथियो। पुलिसफोरा मिथिनायनि उनाव आईदिया बाहायनानै हमो अनलाईन एप नि गेजेरजों नो, लोगो हमनानै.
गोदान
बोसोर निफ्राय हादर आव गुबुन गुबुन मुवा बेसाद नि बेसेन आ बारायगोन, जि जोम निखौ
बो बारायगोन होनना बुंदोंमोन, नाथाय दायो जि जोम नि जिएसटि खौ बारायनाय नङा होनना
बुंदों। आगोलाव 5 जौखोन्दो खौ बारायनानै 12 जौखोन्दो खलामनायनि थांखि लादोंमोन,
मैया मिरु रांखान्थि बिफाननि मन्थ्रि निर्मला सितारामन नि दैदेननाय आव जानाय
सावरायलानाय आव बे थिरांथा खौ लायो।
जाय समाव आसाम सोरखार, पुलिस प्रसासन आ साधारन सुबुंफोरखौ गोदान बोसोर नि सांग्रां खालामना होदों, जौ लोंनाय, हेलमेट लायि, गारि सालायनाय बायदि फोराव, बे समाव नो सासे पुलिस आ जौ लोंना गोग्लैना थानाय नुनो मोनदों। कालगसिया याव जादों, हाग्रा बारि आव उन्दुना थानानै 31 दिसेम्बर खौ मोजाङै थांहोबाय। गोबां जौ लोंनानै मथर साईकेल जों थांनाय समाव कनट्रल गैयि आव गोग्लैयो हाग्रा याव। खौरांगिरिफोरा सोंनाय आव हाग्रा याव उन्दुना दं होनना फिननाय होदोंमोन। बासुदेब मुंनि जवान आ दौलासाल 14 एपिबिएन बेटेलियान केम्प आव बिबान आव दंमोन।
बदलेन्द ओनसोलनि आरो आसामनि गासै राइजो आरो हाग्रामा महिलारिनिसिम गाहाम हामलाइथि बावहरदों बिटिआरनि गाहाय मावफुंगिरि सोद्रोमा प्रमद बर'आ। लोगोसे ULFA बिग्रायारि हानजाखौ गाहाय सावरायनायाव फैनो खावलायदों बिटिआरनि गाहाइ मावफुंगिरि सोद्रोमा प्रमद बर'बि थांआ। गोबां सुबुंफोरा आवगयलांबाय, जोंबो आवगायलांनांगोन। बिटिसि ओनसोलाव हाथियार दैग्रा आफाद आ फैफिननाय आव गबां शांति फैबाय, बेखायनो आलफा या बो फैनांगोन होनना बुंदों।
गोदान बोसोरनि आगु समाव नाग्रिजुलि ओनसोलनि खातरबारबारि गोजौ फरायसालियाव गार्लस हस्तेल बेखेवनाय हाबाफारियाव नुजाथिनानै बिटिआरनि गाहाइ मावफुंगिरि सोद्रोमा प्रमद बर' बिथांआ खातरबारि गोजौ फरायसालिनि गार्लस हस्तेलखौ बेखेवनायजों लोगोसे बिटिआर आरो आसाम राइजोनि राइजो-राजा फोरनिसिम साबायखर बावो आरो आसामनि गिबि मन्ट्रि ड० हिमन्त बिस्व सर्मा आरो बिटिआरनि बारग' गाहाइ मावफुंगिरि सोद्रोमा हाग्रामा महिलारि बिथांनिसिमबो गोदान बोसोर 2022इं माइथायनि साबायखर बावो आरो आसामनि ULFA बादि बिग्रायारि हानजाखौ गाहाइ सावरायनायाव फैनो थाखाय खावलायो।
चिरां जिला नि चम्पा दालां खाथि नि सामथायबारि आव बाथौ खेराय फेमिलि रिजरत खुलिनायनि सायाव दुलाराय बाथौ गौथुमनि जानानै गाहाय नेहाथरि गनेश दैमारि आ खौरां मेल खुंदों। रिजर्त खुलिनाय आव बुंनांगौ जेबो गैया नाथाय बेयाव बर नि गुबै धोरोम बाथौ नि लग खौ बाहायनायखौसो थाबैनो बोखारनो खावलायदों, लोगोसे गुबुन हतेल रेस्तुरेन्त फोराव बो बाहायनो होआखै लग खौ। लोगोसे मोनसे जाथाय बो जादों होनना खौरां- मैया हराव दुलाराय बाथौ गौथुमनि गाहाइ नेहाथारि गनेश दैमारीनि गारियाव गाग्लोबो। मरिगाव जिल्ला आरो मिरु बाथौ गौथुमनि लाइमोन दालाइनि जथुम्मानिफ्राय फैफिन्नाय समाव मरिगावआव अन्थाय खुबैना सिनायहायै दुथांंफोरा बिथांनि गारियाव गाग्लोबो।
उदखारिफोरा गाग्लोबनो हागौ नि सन्देह, हादोरनि रांखान्थि नि राजधानि मुम्बाई आव हाय एलार्ट खालामना होदों। खालिस्तानि उदखारि फोरनि गाग्लोबनायनि सन्देह जों सांग्रां खालामना होदों। सुक्रबारखालि हाय एलार्त खालामनानै रेल स्तेसन जों लोगोसे सोहोर नि बिजि आरो गोनां जायगाफोराव रैखाथि बारायदों। ईन्टेलिजेन्स बिउऱो आ बुंदों गोदान बोसोरनि समाव बेबायदि सम्भावना दं। सोहोरनि रैखाथि खौ नोजोर होनानै पुलिस जवान फोरनि सुटि जों लोगोसे सप्तायारि बन्ध खौ बो बोखारना होदों।
बांलादेश आव गोबां हिन्दुफोरा गाग्लोबजादों थांनाय बोसोर आव। थांनाय बोसोर आव 152 सुबुंफोरा थैदों। बांलादेश नेशनेल हिन्दु ग्रेन्द एलायेन्स नि दैदेनगिरिफोरा बुंदों हादर आव 2018 खौ रुजुयोब्ला 2019 आव बारा जादों, 2019 नि खौ नायोब्ला 2020 आव बारा आरो 2020 नि खौ नायोब्ला 2021 आरो बारा सिन जादों, बेबायदिनो बोसोर बोसोर बारायलांगासिनो। थांनाय बोसोर आव 41791 हिन्दु नखर खौ होखारनो नाजादों, 8943 नखरखौ वारनिं होदों। 9261 नखर आ हादर नागारनो गोनां जादों।
देहा याव टेटु थायोब्ला फुटबल गेलेनो मोना, नेशनेल टिम आव जायगा मोना। बेयो भारत आव नङा, चिन आव सो। गेलेगिरिफोरा दानिया टेटु आखिनो हानाय नंलिया लोगोसे दायो टेटु आखिना लानायफोरखौ खोमोरनो आरो खोबथेना लानो होदों, बे बिथोन आ गेलेनाय प्रसासन आफाद नि। उननि समाव टेटु थानायफोरखौ सायखनो होआखै।
आसाम सोरखार नि बोसोरारि बन्ध नि फारिलाय आव आरो गोदान सान 4 सोदेरजाबाय। 20 जुन, 30 जुन, 10 जुलाई आरो 13 जुलाई खौ सोरखारि बन्ध होनना फोसावदों। साधारन प्रसासन बिफान आ बे बिथोनखौ होदों। 20 जुन खालि बिष्णु प्रसाद राभा नि थैनाय सान, 30 जुन आ हुल दिबस, 10 जुलाई आ ईद उल जोहा आरो 13 जुलाई आव नेपालि कबि भानुभक्ट आचार्ज नि जोनोम सान नि थाखाय सोरखारि बन्ध।
पद्मश्रि बान्था मोननाय, साहित्य एकादेमि बान्था, बड साहित्य सभा नि बारग आफादगिरि डाँ कामेश्वर ब्रह्म नि बिसि रेनु ब्रह्म नि जिउ गोमाबाय। 74 बोसोर बैसो आव जिउ गोमायो। बिथाङा गोलाव समनिफ्रायनो गोब्राब बेरामाव गोग्लैनानै ग'साइगाव सहराव थानाय रनेन्द्र नारायन बसुमतारी गोसोखां देहा फाहामसालियाव फाहामथाय लाबाय दङमोन। बिथाङा हरखाबै थांनाय 30 डिसेम्बरखालि हरनि 11:00 रिंगासो समाव गावनि आंगो फिसाय, फिसाफोर, बिहामजो, बिजामादै, फिसौफोर आरो बाइ बाहागिफोरखौ अरायनि थाखाय बे बुहुमाव नागारलाङो।
बोसोरनि जोबथा सान आव रायजो आव मोननै एनकाउन्टार नि जाथाय। जोरहात नि जुवारि रमेश वासफर उरफे पसा खौ गुलि गावदों। पुलिस नि आखायनिफ्राय खारनो नागिरनाय आव नो गुलि गावनांगौ जायो। हर फुंनि 2.35 सो आव जोरहात नि पानिसकुवा याव बे एनकाउन्टार आ जायो, आयथें आव गुलि गावदों आरो दायो जोरहात मेदिकेल कलेज आव फाहामथाय होगासिनो, साननैसो सोगांङाव हमदोंमोन पुलिस फोरा। गुबुन मोनसे जाथाय आ लक्षिमपुर आव जादों, सानै द्राग्स फालांगिरि नि फारसे गुलि गावहरदोंमोन। साईदुल आलि आरो आजिजुर रहमान नि आयथें व गुलि गावो। द्राग्स नि बेरेखा बिहपुरिया आरो बान्दरदेवा पुलिस आ अपारेशन खालामदोंमोन।
गुवाहाति आव 2021 मायथाई आव गासै 60 टा बुथारनाय जाथाय जादों। पुलिस अफिसार हारमित सिंह आ बुंनाय बादिब्ला बे बोसोर आव गुवाहाति नि गुबुन गुबुन जायगायाव जादों, बुथारनायनि गोबां गसरखौ गुवाहाति पुलिस आ फोजोबदोंमोन, 26 अक्तोबर आव सासे बोरायखौ बुथारनाय जाथाय जादोंमोन बेलटला नि चन्दन नगर आव, बेबायदिनो सासे आयजो आ 23 अक्तोबर आव बरागाव आव सासेखौ बुथारदोंमोन, बेबायदिनो गोबां जायगायाव जाथाय जादों।
रेकर्ड, 2021 मायथाईनि दिसेम्बर दान आल गुवाहाति पुलिस आ 4 कौटि रां नि जरिमाना दैखांदों। हेलमेट लायिनिफ्राय लानानै जौ लोंना सालायनाय सिम गासैबोनि खौ लफानानै 4 कौटि रां जादों। आगस्त, सेप्तेम्बर, अक्तेबर, नबेम्बर व गर आ 2.5 कौटि मोन। थांनाय 20 सान आव 22000 नि बारा हेलमेट लायि सुबुंफोर हमजादों, 29 दिसेम्बर सिम थांनाय 7 सान आव 599 जौ लोंना सालायग्रा फोरखौ हमदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon