गिबि मन्थ्रि नि तिर-जुवा नि बेरेखा अपारेशन खालामनायनि बिथोन नि उनाव नो धुबुरि पुलिस आ हमदों ला 22 गेलेग्रा फोरखौ। मैया फुङाव नो गोरा जानायखौ नुनो मोनो पुलिस फोरखौ। तिर नि मालिक खौ बो हमदों होनना खौरां मोनदों। हमनाय फोरनिफ्राय तिर गेलेनायनि टिकेट, केलकुलेटर जों लोगोसे जुवा नि गुबुन गुबुन मुवा बेसाद फोर मोनदों। आरो गोबां गाहाय दैदेनगिरिफोर दं बे गेलेनायनि, बिसोरखौ नागिरगासिनो पुलिस फोरा. बरपेता रोद आव बो सा 10 खौ हमदों, पुलिस आ नायबिजिरनाय आव सुबुंफोरजों लोगोसे 94,392 रां बो मोनदों आरो आयेन बेरेखा लटारि नि टिकेटफोर मोनदों। गोबां लटारि माफिया या बरपेता रोद आव गोबाव सम निफ्राय नो बेबायदि फानबोबाय थादोंमोन। जायनि थाखाय गोबाङानो रागा जोंदोमोन, बेखौ बन्ध खालामनो दाबि खालामबाय थादोंमोन, नाथाय बन्ध जायाखैमोन।
गासै 10 टा मिरु आव आसाम पुलिस नि लिरनाय आनजाद आ जागोन, फैगो फेब्रुवारि दान आव। आगोलाव गावबा गावनि जिला याव जायोमोन, नाथाय बे खनसे आव बेबायदि सुबिदा खौ मोनाबो जानो हागौ। तिनसुकिया, जोरहात, तेजपुर, बङायगांव, दिफु, सिलचर, गुवाहाति, नगांव, कक्राझार आरो हाफ्लं आव जागोन। मैया मोनसे प्रेस रिलिज नि गेजेरजों बेखौ फोसावना होयो। गावनि गोसो बायदियै आनजाद नि मिरु खौ सायखनो हागोन। खनसे सायखनायनि उनाव आरो सोलायफिननो हानाय नङा जायगा खौ।
आबादारि फोरनि थाखाय मोजां खौरां। माय नि बेसेना 1940 रां जागोन 1 कुईन्टल आव। मैया आसामनि गिबि मन्थ्रि आ जनता भवन आव सावरायलायनायनि उनाव नो 2 लाख आबादारिफोरनिफ्राय 10 मेट्रिक टन नाय बायगोन मोनफ्रोनबो कुईन्टल आव 1940 रां जों होनना बुंदों। मोनसे पर्तेल आव आबादारि नि रेजिस्तार नि देजेरजों बायगोन माय खौ। आगोलाव बेबायदि गोबां बायनाय जायामोन, 2-3 मेट्रिक टन सो बायनाय जायोमोन, नाथाय बे खनसे आव गोबां माय बायगोन सोरखार आ।
हादर नि मोन 5 रायजो आव बिसायखथि जानो थांगासिनो दं। बे रायजो फोराव भेकसिन लानायनि फोरमान बिलाय आव भारत नि गाहाय मन्थ्रि नि सावगारि थाया होनना बिसायखथि आयोग आ बुंदों। फेब्रुवारि निफ्राय जानो गोनां बिधानसभा बिसायखथि आन सावगारि खौ बोखारनायनि थिरांथा। सावगारि थानायखौ मदेल कद अफ कन्दाक नि नेम नि बेरेखा होनना बुंदों।
मनिपुर आव बिसायखथि हिंसा, सिनायमोनि दुथां नि गुलि गावनाय आव सा 2 बिजेपि नि दैदेनगिरि नि जिउ गोमादों। बिसायखथि नि सान फोसावनाय नि उनाव नो जादों बेयो। रायजो नि सोनाब फारसे नि सामरु ओनसोल आव जादों। हाथियार लानाय मानसि आ नो गावो आरो आबुजाम जन आरो आबुजाम टम्बा मुंनि सानै सुबुं नि जिउ गोमायो। खौरां मोननाय बादिब्ला सानैसो सुबुंफोरा बालेनो गारि आव फैनानै मासु सिनेमा हल नि खाथि आव ज जानाय सुबुंफोरनि सायाव गुलि गावो, जन आ जायगायावनो थैयो, तम्बा या देहाफाहामसालि आव लांनाय आव थैयो। बे बुथारनायखौ नायबिजिरनो मोनसे कमिटि दाना होनाय जादों।
उन्दैनिफ्राय थैनायसिम लोगो गारासै सा 4 लोगो फोरा। सा 4 लोगो फोरनि जिउ नि जोबथा सेलफि आ भाईरेल जादों। गासैबो मिथिदोंमोन सा 4 बो मोजां लोगो मोन होनना, सोरबा मोजांथार लोगो खाय गाज्रि नोजोरजोंबो नायोमोन। गासैबो दुखु आऱो सुखु नि समाव लोगोसे थायोमोन बिसोर। बेरायनो थाखाय बरफ आव थांदोंमोन। बेयावनो बरफ नि बारहुंखा याव नो जिउ गोमायो। पाकिस्तान नि मोरि आव जानाय जाथाय आव नो जिउ गोमायो सा 4 नि। बरफ गोग्लैनाय आव गारि नि साईलेन्सार आ बन्ध जाना होयो, जायनि थाखाय कार्बन मन अक्साईद आ गारि सिङाव फैफिनदोंमोन आरो बिसोरनि खर गिदिंदोंमोन जायनि थाखाय थैयो। आसाद, सोहेईल आऱो सा 2 बिलाल खान मुंनि लोगोफोर नि भाईरेल जादों सावगारि।
सिखाव फोर नि गाज्रि खामानि। रहा चार्कल अफिस नि खाथि नि नो गं 3 एटिएम निफ्राय हर आव 50 लाख रां लुथिना लांबाय। रायजो आव एटिएम सिखाव आ बारा जालांगासिनो दं। नगांव नि रहा याव जानाय जाथाय खौ फुङाव थाबायनो फैनाय सुबुंफोरा सो नुयो आरो लोगो लोगो पुलिस नो खौरां हरो। नगांव नि एसपि आनन्द मिश्रा बिथाङा जाथाय जानाय जायगायाव थांनानै नायबिजिरो। दासिमबो रोखायै बेसेबां रां लुथिना लांखो मिथियाखैब्लाबो 50 लाख सो जानो हागौ होनना साननाय जादों। रहा थाना निफ्राय 200 मिटार ल सो गोजानाव दं बे एटिएम आ। पुलिसफोरा नायबिजिरगासिनो दं।
नंखाय फाहामथाय नि थाखाय फार्म नि मा 53 बोरमा फोरनि जिउ गोमाबाय। होजाई जिला नि दबका याव जादों जाथाय आ। ज्योति प्रसाज मुंनि सुबुंनि फार्म नि बोरमा फोरा थैदों। बेकार निफ्राय उदां जानो थाखाय 18 दान सिगां लोन लानानै मा 84 बोरमा फोरखौ बायनानै फार्म बानायदोंमोन। नाथाय दायो गोरोन्थि फाहामथायनि थाखाय नो बेबायदि जाथाय नि अजद। जितु हाजरिका मुंनि सासे जायगानि मददगिरि आ गावखौनो जुनार फाहामगिरि होनना बुंनानै फार्म नि बोरमा फोरनो पिपिआर भेकसिन होदोंमोन, बेखौ होनायनि उनाव नो मासे नि उनाव मासे थैयो बोरमा या। उनाव थाबावनायफोरा मोजां फाहामथाय मोननाय आव दायो मोजां जाफिनबाय। बे जाथाय नि उनाव नो दबका थाया याव बे सुबुंनि बेरेखा एजाहार हैयो बे फार्म नि बिगोमा या।
आसाम आव मैया गासै 2198 गोदान कभिद नि केस मोनदों। सा 2 नि जिउ बो गोमादों होनना खौरां मोनदों। गासै 48964 टेष्ट खालामना नायदोंमोन, पजितिभिटि रेत आ 4.49. बेखौ आसामनि गिबि मन्थ्रि आ त्वितार नि गेजेरजों मिथिहोदों।
अरां माहारियारि हाग्रामा नि एरिया एबा हा नि बिबां खौ बारायनाय जागोन। आसाम सोरखार आ आसाम बिधानसभा याव लादों थिरांथा खौ। आगोलनि 76.6 बर्ग फुत जों लोगोसे 200.32 बर्ग फुत दाजाबनाय जागोन। बेनि सोमोन्दै फोसावनाय नि उनाव बेनि सायाव सोरहाबा माबाफोर हेंथा दं नामा बेनि खौरां लानो होदों आरो जेंना खौ थाबैनो फोजोबनो दरं आरो शोनितपुर नि जिला बेंगिरि नो बिथोन होदों। हा खौ बारायनाय आव जुनार फोरनि रैखाथि जों लोगोसे उदां यै थाबायनाय आव सुबिदा जागोन। अरां माहारियारि हाग्रामा याव मा 24 मोसा फोर दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon