मिरु सोरखार आ गारि बानायग्रा फोरनो सा 8 जिरायनो हानाय गारि आव 6 टा एयारबेग थानाय आ गोनांथार होनना बुंदों। मैया मिरु हान्थामेला बिफाननि मन्थ्रि नितिन गादकारि आ बेखौ फोसावदों। बिथाङा त्वितार नि गेजेरजों बुंदों, सा 8 सुबुं जिरायनो हानाय गारि आव थानाय सुबुंफोरनि रैखाथि नि थाखाय दायो बेबायदि मोन 6 एयारबेग थानायनि गनायथि खौ होदों।
दिनैनिफ्राय न भेकसिन न एन्ट्रि। मोननै दज भेकसिन लायिफोरनि बेरेखा गोरा जागोन प्रसासन आ। मोननै दज लायिफोरा मावखुलि आव थांनो मोना, हाबनो हानाय नङा रेस्तुरेन्त, मल फोराव, दावबायनो हानाय नङा रेल, बास आरो बिरखं जों। बेखौ आसाम आव कभिद नि नेम दिहुनना होनाय समाव नो फोसावना होदोंमोन। बेफोर नेम फोरा गासैबो आसाम आव दिनैनिफ्राय बाहायनाय जादों। मोननै दज लायिफोरा देहाफाहामसालि नि अनगा जेरावबो थांनो मोना, सोरखारि आ नो जा पाब्लिक प्लेस आव थांनो मोना। सोरबाफोर फालांगियारि फसंथान पोराव सोयोब्ला बिगोमा या जरिमाना होनो नांगोन। सोरखार मावथि फोरा भेकसिन लायालासै थाङोब्ला थांनो होनाय जानाय नङा आरो उनाव दरमाहा दानजागोन।
फ्लिपकार्ट आरो एमाजन आ रिपूलिक चेल फोसावदों। एमाजन आ फाननाय नि मुं खौ ग्रेट रिपाब्लिक देज चेल लाखिदों जाय 17 जानुवारि निफ्राय 20 जानुवारि सिम थागोन। नाथाय प्राईम मेम्बार फोरा 16 जानुवारि निफ्राय नो मोनगोन। गुबुनफारसे फ्लिपकार्ट आ फाननायखौ बिग सेभिं देज चेल दोनदों, बेयो 17 जानुवारि निफ्राय 22 जानुवारि सिम थागोन। नाथाय प्लासस मेम्बार फोरा 16 जानुवारि निफ्राय नो अफार फोरखौ मोनगोन। फ्लिपकार्ट नि आव आईसिआईसिआई कार्द थानायफोरा बारा सिन अभार मोनगोन। गोबां जौखोन्दो रेहाय मोनगोन।
त्रिपुरा पुलिस नि थाखाय मबाईल बाय टयलेट बेखेवदों बे रायजो नि दिजिपि भिएस यादब आ। मैया पुलिस जवान फोरनि थाखाय बेखेवो। बेयाव मोननै ईउनिट दं, मोनसेखौ होवासा फोरा आरो गुबुन मोनसे खौ हिनजावसा फोरा बाहायनो हागोन, गारि आव दै नि टेंकि, दायजेस्तार, वासबेसिन, स्तेईनलेस स्तिल कामोद, एक्सजास्त फेन फोरजों लोगोसे गंसे बाय टयलेट टेंक दं। लाईट, फेन फोरा सलारजों सोलिगोन।
कार्बिआंलं नि बर फोरा थाबैनो एसटि हिल्स नि मोनथाय खौ मोनगोन, बेनि हेंथा होग्रा फोरा दायो गुरै जाबाय। 100 टा बर गामि खौ मोननानै मोन 2 गुबुन नि गामि दानखजानाय आव मा खहा दं। गोबां सुबुंफोरा नो बिटिआर गोरोबथा नि गामि दानखनाय आरो दाजाबनायखौ लानानै बायदिसिना बुङो, मैया बिटिआर नि गाहाय प्रमद बर आ बेनि सायाव बुंदों। 100 टा बर गामिनिख्रुय बे मोननै गामि आ सो गोनांसिन जाबाय नामा। शनितपुर आरो बिश्वनाथ नि रायजोफोरजों आं अराय सम दं, बिटिआर आव सोनो थाखाय खामानि मावलांबाय थागोन। जोंहा हारिमु दं, राव, थुनलाय दं, सिनायथि दं, नाथाय बेनि अनगायैबो सुबुं अनजिमा खौ बो गोनां जाय़ो मोनसे रायजो जानो, ईउनियन टेरिटरि जानो थाखाय, बेनि थाखाय नो गामि सोनायखौ लादों होनना बुंदों, गोबां सुबुंफोरा नो बिटिआर सोरखार खौ दिसपुरनिफ्राय सालायजागासिनो दं होनना बुङो, बेनि फिननाय खौ बिथाङा बदलेन्द आ मोनसे उदां हादर नामा होनना बुंदों, बै समाव बेनि सोरखार आ सोरजों सालायजादोंमोन होनना सोंदों. दिसि आ आगोलाव जोंनि आखाय आव गैया मोन, बिसोरनो बिफान खौ हगारना होआखै, बिसोरनो बिबान सो होदों नायबिजिरनो। सोरबा फैसा जाख्लनाय आ जायोब्ला दिसि आ गोख्रों एक्सन लानो हागोन। रायजो सोरखार आरो मिरु सोरखार जों सोमोन्दो आ मोजां जायोब्ला जोंनि ओनसोलखौ थाबैनो जौगाहोनो हागोन। बिपिएफ आ बोलो आव थानाय समाव बुंदोंमोन दि जाय सोरखार सावायगोन बिजोंनो थागोन होननानै, बिजेपि जों 5 बोसोर थानायनि उनाव गाज्रि जानायनि उनाव ईउपिपिएल आ बिजेपि जों रायलायनाय आव बिजेपि नो हारि खौ फानबाय, आरएसएस नो फानबाय, हारि नि बेरेखा मावबाय होनना बो बुंदोंमोन, नाथाय दायो आरो बिसोरनो बिजेपि जों थागोन होनना बुंफिनलायबाय। बिपिएफ आ सुबिदाबादि दोलो, राजखान्थि आव फैनाय लोगो लोगो नो ओनसोलखौ जौगा होनाय गिबि एजेन्दा जानांगौ, ईउपिपिएल नि आ बे ओनसोलनि 35 लाख सुबुंफोरनि थाखाय खामानि मावनाय, जौगा होनाय, बिसोरनि एजेन्दा या बोलो आव थानाय ल सो, सोरखौबा सिगिनानै। एबसु आ बर हारि दानाय नि मोनसे कन्सेप्त सो। एबसु खौ रावबो धंश खालामनो हाया। दिपेन बर आ दिनैनि सम नि एबसुनि गारि नि द्रायभार, आफादगिरि जादों, साख्रि गारनानै फैदों, खामानि मावदों, एम ए पास जानानै गोबां हारि नि खामानि मावदों। एसेबां निन्दा खालामनाय आ बेयो दुखुनांथाव।
गुवाहाति बिकानेर एक्सप्रेस रेल नि जाब्रबथाय आव जिउ गोमानाय सुबुंफोरनि अनजिमा या बारायनानै सा 9 सिम मोनहैबाय। मिथिना मोननाय बादिब्ला सा 9 नि सा 2 आ आसामनि। आरो खमावनो सा 40 सो सुबुंफोरखौ देहाफाहामसालि आव लाना थांदों। रेल नि दाबा निफ्राय गासैखौबो बासायनाय जादों। मैया फुंनिफ्राय नो रेल लाईन निफ्राय दाबा फोरखौ बोखारनाय खामानि खौ मावो। बृहस्पतिबारखालि गुवाहाति फारसे फैबाय थानाय समाव बेलासि नि 5 बाजि सो आव जाब्रबथाय जादोंमोन। 12 टा दाबा लाईनश्युत जादोंमोन।
दिल्लि आव आईईदि बम मोनदों। गोबां सुबुंफोरा बारगबाय। गोदान दिल्लि निफ्राय 15 कि मि गोजान आव थानाय गाजिपुर बिबार बाजार आव मोनदों। सुबुंखान्थि सान नि सिगाङाव बेबायदि मोननाय आ गिहोदों बयखौबो। गोबां सुबुंफोरा नो बेयाव थाङो, खाथि आव नो मैगं थायगं नि बाजार दं, ना नि बो दं, गोबां सुबुंफोरा थांलाय फैलाय खालामनाय खौ नोजोर होनानै नो बे बम खौ होनायनि सन्देह खालामनाय जादों। दिल्लि पुलिस आ दायो गावनो एजाहार थिसननानै नायबिजिरगासिनो दं।
आसामनि एसअपिटि निफ्राय दैजिं फेस्टिबेल नि मंङाव 10 कौटि रां मोनोमोन। बे दैजिं फेस्तिबेल नि मुङाव बाहायनाय 10 कौटि रां खौ दानि सोरखार आ फुद फेस्तिबेल आव बाहायनो थाखाय थिरांथा लादों। दैजिं फेस्तिबेल नि गेजेरजों समाज नि गेजेराव गोबां गुबुंले सोमजिनायखौ नुनो मोनदोंमोन। बेखायनो बे थिरांथा खौ लादों होनना ईएम रन्जित बसुमतारि बिथाङा बुंदों।
गुवाहाति आव जौ फाननाय नि रेकर्द। सानसे आव नो 2 कौटि 75 लाख रां नि फाननो हादों। कभिद नि समाव बो रायजो नि सुबुंफोरा रंजा बाजा नो थिनहरबाय मागो खौ। गोदान बोसोर नि समाव बो गोबां कौटि रां नि जौ फाननो हादोंमोन गुवाहाति आव।
बिफा नि बिथोन आव सा 5 बिदा फंबाय आ लोगो नांनानै देरसिन बिदा खौ बुथारदों। दुंहाव थासारि सोमजिदों। लाहरिघात नि भुरागांव थाना नि सिङाव थानाय रजाबरि आव जादों गाज्रि जाथाय आ। हा नि सायाव नो नांलायनाय जादोंमोन। बाबुल मन्दल मुंनि 80 बोसोर बैसो नि सुबुं नि बिथोन आव नो जादों बेयो। बुयै बुयै बुथारो, उनाव देहाफाहामसालि आव लांदोंमोनब्लाबो थैयो होनना बुंङो देहाफाहामगिरि फोरा। पस्त मर्तेम खालामनानै न आव गोथै देहा खौ लाबोनायनि उनाव नो गुबै दायनिगिरि आ खारखुमायो। दासिम नागिरगासिनो। जेब्लासिम हमनो हाया अब्लासिम गोथै देहा या न आव नो थागोन होनना बुंदों रायजोफोरा, फासि नि दाबि खालामदों।
आईएसएल आव मैया नर्थ ईस्त आ गवा नि बेरेखा 1-1 गल जों द्र गेलेदों। पइन्ट्स टेबल आव गवा या 13 पईन्ट्स जों 8 थि आरो नर्थ ईस्त आ 9 जों 10 थि आव दं।
भारत खौ 3 थि टेष्ट आव 7 विकेट जों
फेजेननानै खोला आप्रिका या टेश्ट नि सिरिज खौ गावनि मुं खालामना लाबाय। मोन 3 नि
मोननै खौ देरहाबाय खोला आफ्रिका या, भारत आ मोन से ल देरहादोंमोन।
आसाम आव मैया गासै 2348 गोदान कभिद नि केस मोनदों। सा
5 नि जिउ बो गोमादों। मागो नि सान खालि 30109 खौ टेष्ट खालामना नायदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon