कक्राझार रिभिनिउ सार्केलनि बेंखनाव थानाय दिमोलगावनि दाग नाम्बार 312 नि हा, आथिखालनि बड'लेण्ड गेस हाउस लुनाय हाखौ लाना बेले बेजे सोमजिनाय नुनो मोन्दों। 1999 इं माइथायाव सहनलाल शर्मा या होदोंमोन। नाथाय सहनलाल शर्माया रायजो राजाफोरनो कल स्टरेस्ट लुफुंनो DRDA नो दान होदोंमोन। नाथाय बेयाव गुबुन बानायनायखाय एबा हा नि बिगोमा या मा जाहोननि थाखाय होदोंमोन बेयो जायि नि थाखाय 2001 आव फिन खनसेबाव दिसि नो गांसे लाइजाम हरनानै हा खौ बिफिनदोंमोन। सहनलाल शर्मा नि जिउ आ गोमानायनि उनाव बो फिसाज्ला खौ नांताबनो होदोंमोन। गिबि आव आसाम सोरखार नि सिङाव थानाय हा या उनाव बिटिसि गोरोबथा जानायनि उनाव बिटिसि नि सिङाव थाङो। बिटिसि सोरखारा 2014 इं माइथायाव बड'लेण्ड गेस हाउस लुफुंनायनि उनाव रुंसारि सहनलाल शर्मानि फिसाज्ला बाबुल शर्माया बड'लेण्ड गेस हाउस लुनाय हाखौ फिन नांगौ होन्ना गोबां खेब सोरखारि अपिसार आरो हाग्रामा महिलारीजों रायज्लायसेआवबो सोरखारा हाखौ फिन होआखै होन्ना गोख्रों अजद दैखांदों बाबुल शर्माया। गेस्त हाउस खौ लुनायनि सिगां दकुमेन्ट्स खौ मोजां नायनो होदोंमोन, नाथाय सोरखार आ नायासै एबा हा नि फोरमान बिलाय जेबो गैया होनना बो बुङो। रबिबाराव कक्राझार सुभास पल्लीआव थानाय गावनि नआव खुंफुंनाय मोनसे खौरांगिरि मेलनि गेजेरजों बाबुल शर्माया आंनिफ्राय आरो आंनि आय़ नि NOC सार्थिपेकेत लायाजासेनो बड'लेण्ड गेस हाउस लुनाय हाखौ आंनो नांफिनगौ होन्ना गोख्रों हुमखि होयो। जुदिसो सोरखारा हाखौ होफिना अब्ला आयेननि मदत लागोन होन्ना बुंबावयो सर्माआ। बेयाव सोरखार नि जेबो गोरोन्थि गैया, बिउरोक्रेसि नि सो गोकोन्थि दं होनना बुङो, बिसोरनि गोरोन्थि नि थाखाय सो बेयो जादों। आगोलनि सोरखार आ बो लायाखैमोन आरो दानि सोरखार आ बो जेबो एक्सन लायाखै होनना बुंदों। गासैबो दकुमेन्ट्स आ आंनावनो दं होनना बो बुङो।
बर दकुमेन्टारि दा स्तरि अफ बुद्धेश्वर आ ईन्टारनेशनेल फिल्म फेस्तिभेल आव बान्था मोननो हादों। क्राउन उद ईन्टारनेशनेल फिल्म फेस्तिभेल आव बेस्त ईन्दियान दकुमेन्टारि बान्था आरो गल्देन लिफ ईन्तारनेशनेल फिल्म फेस्तिभेल व बेस्त दकुमेन्टारि शर्त फिल्म बान्था मोननो हादों।
मैया आसामनि गिबि मन्थ्रि आ माईक्रफाईनेन्स नि लोन रेहाय नि चेक खौ रानना होदों। बिस्वनाथ आव थांनानै रानना होयो आयजो फोरनो, बेयावनो जायफोरा लोन खौ होगासिनो दं आरो होनो थाबावनायखौ सोरखार आ नो होगोन होनना बुंदों, आरो जायफोरनि थालांबावदों बिसोरनि थाखाय प्रेतल खुलिना होगोन, बेयाव आं लोन खौ होफिननो हानाय नंलिया होनना बुंनो नांगोन, अब्ला नो सोरखार आ होना होगोन। जायफोरा नेम बादियै लोन फोरखौ होगासिनो बिसोर नि फारिलाय बानायखादों आरो चेक खौ होखादों होनना बुङो। लोगोसे बिथाङा चेक लायनो थांनाय आव सोरबा सोरखारि मावथि आ गय जानो साहा लोंनो रां बियोब्ला होनो नाङा होनना बुंदों, बियोब्ला बिथांनो खौरां हरनो होदों।
आसाम आव 31 दिसेम्बर आरो 1 जानुवारि नि बादिनो मागो बैसागु खालि बो जौ लोनानै गारि सालायग्रा फोरनि बेरेखा एक्सन लागोन होनना आसामनि गिबि मन्थ्रि बिथाङा फोसावदों। आसाम आव बे साननै आव जौ लोंनानै सालायनानै थैनाय मोनसेबो जाथाय खोनायासै, बे खनसेयाव मागो आव बो बेबायदि नो जागोन। सालायग्रा या लोंनो मोननाय नङा, उननि फोरा लोंनो मोनगोन, बेखौ होबथानो आंहा मोनथाय गैया मानोना सोरखार आ नो जौ दखान खौ खुलिनो बिथोन होदों, नाथाय सालायग्रा य हले लोंनो मोननाय नंथारा होनना रोखा खालामना होयो।
सोरखारि साख्रि मावनायफोरनि थाखाय मोजां खौरां, 6 आरो 7 जानुवारि खौ ननि सुबुंफोरजों एबा बिमा बिफा बिहाव बिखुनजोफोरजों सम खौ थिनहरनो थाखाय सुटि होदों सोरखारि साख्रि मावनायफोरनो। बेनि थाखाय साख्रि मावनाय सुबुङा आरजलाय गांसे लिरनो नांगोन बिनि गोजौ नि अफिसार नो। 6 आरो 7 आ सोरखारि महरै सुटि आरो 8 जानुवारि आ 2 थि सनिबार आरो 9 आ रबिबार जायो, सोरखार आ नायनानै सान 4 होखादों साख्रि मावनायफोरनो। न आव बिमा बिफा बिहाव बिखुनजो फोरजों सम थांहोनायनि सावगारि खौ होनो नांगोन गोजौ अफिसारनो। उनाव बे सावगारि पर्टेल आव आपलद खालामना होगोन, नाथाय जायफोरा सावगारि खौ होनो हाया बिसोर सुटि खौ मोननाय नङा, बिसोर सुटि खौ लाखांबायब्लाबो केसुवेल लिभ आव सो सोना होगोन होनना बुंदों गिबि मन्थ्रि आ।
दिनैनिफ्राय हादर आव 15 निफ्राय 18 बोसोर बैसो नि गेजेरनि हिनजावसा हौवासा फोरनो भेकस्नि होनाय खामानि खौ जागायगोन। आसाम आ बो बेनि थाखाय थियारि। 7 सान नि गेजेराव रायजो आव भेक्सिन फोरबो आ जागायगोन। मोनफ्रोमबो जिला नि जिला बेंगिरिनिसिम गोरा बिथोन गिबि मन्थ्रि नि।
गोदान बोसोर नि नैथि सान। गोबाङानो थानसालि एबा मन्दिर फोराव थाङो बोर बिनो। नाथाय गोदान बोसोर होनना मन्दिर आव थांनानै बेनि प्रसाद खौ जानानै गोबां सुबुंफोरनि देहा या गाज्रि जादों। बे जाथाय आ कर्नाटक नि। कलोर जिला नि गंसे मन्दिर आव सा 50 सो सुबुंफोरा जोखोम जादों, मिथिना मोननाय बादिब्ला गगम्बा मुंनि मन्दिर आव मोनसे फुजा होदोंमोन। देहा गाज्रि जानायफोरनि गोबाङानो आयजो आरो उन्दै गथफोर। गासैखौबो देहाफाहामसालि आव लाना थांबाय आरो दायो गासैनिबो देहा या मोजाङैनो दं होनना खौरां मोनदों।
आई एसएल आव मैया केरला ब्लास्तार्स आ एफ सि गवा जों 2-2 गल आव द्र गेलेयो। गुबुन मोनसे आव चेन्नाईयान एफ सि आ जामशेदपुर खौ 1 गल जों फेजेनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon