16 January morning news ~ Bodoinfo.com

सासे बारग एनदिएफबि नि दैदेनगिरि खौ म्यानमार निफ्राय लाबोफिननाय आव गोदान सोरखार नि जेबो आखाय गैया, जेबो मदद होआसै। बे लाबोनायनि बिबान खौ सावरायगोरा, फेरेंगा, बिदाय मोना सो लानो नांगौमोन। एन एल एफ बि नि गोख्रों दैदेनगिरि IB बुंथिगोरा बिथाङा गासैखौबो समान नोजोरजों नायनो थाखाय खावलायदों दानि सोरखार खौ। रिहेबिलिटेशन खौ बो सोरबा मोनदों आरो सोरबा मोनाखै। लोगोसे एनएलएफबि खौ ना गोरान बायदि फोराननो नागिरदों होनना अजद होदों बिथाङा। जेबो हरनो नाङा होनना बुंदों। बेनि रेकर्ड दं होनना बुंदों। मखजाथावदि बिटिआर गोरोबथा नि उनाव एनदिएफबि नि गासैबो केदारफोरा नो गावनि जायगायाव फैफिनदोंमोनब्लाबो सासे एनदिएफबि नि केदार आ फैफिननो हायाखैमोन, म्यानमार आव नो थानो गोनां जादोंमोन बिटिआर गोजोन गोरोबथा जानायनि उनावबो सासे बारग' NDFB (S) नि केडार B Ansailang (एलसन बसुमतारी) आ गोबाव सम मेनम्मारआव थानायनि उनाव गावनि जोनोम जायगायाव फैनो हाबाय। चिरां जिला नि रुनिखाता पुलिस थाना नि सिंनि लाईमुथिओनसोलनि निज्रागुरि नि निपेन बसुमतारि नि फिसाज्ला। एन एल बि नि दैदेनगिरि बि बाथा आरो देरहासार ईसलारी मोननि मददजों आसाम एबा बि टि आर आव लाबोनो हाबाय बिथांखौ। थांनाय 2014 मायथाईनि 15 आगस्त आव एनदिएफबि आव जइन जादोंमोन बिथाङा।

प्रसान्त लैथोमा नि बिखा याव सोमजिनाय अरगें हाजो नि थाखाय गिथावना सुनामि जानायनि वारनिं होदों टोंगा याव। अरगें हाजो बेरफ्रुनाय आव दै नि दाहार आ गोसा जानायनि थाखाय नो वारनिं होदों सुनामि नि। खाथि नि सुबुंफोरखौ गोजौ जायगा याव लाना थाङो। गोबां खहा जानायनि सम्भावना दं। सुनामि आ जादों ना जायाखै दासिम मोजां मिथिनाय जायाखै, सनिबारखालि नो अरगें हाजो नि जाथाय आ जादोंमोन। बेनि खौरां खौ मोनि नि जाहोन आ बे हादरनि खौरां बिजों आ मोजां नङा, बेनि थाखाय नो बेबायदि जादों। ससियेल मिदियायाव भाईरेल जानाय बादिब्ला सुनामि आ जाबाय नो। खाथि नि हादर निउजिलेन्द आ थासारि नि सायाव नोजोर होगासिनो, मदद बियोब्ला होनाय जागोन होनना बुंदों। सेतेलाईत नि सावगारि आव रोखा नुदों जानायखौ।

बे बार आव मेट्रिक आरो हायार सेकन्दारि आनजाद आ जाथारगोन, बुंदों सोलोंथाय मन्थ्रि आ गावनो। सोलोंथाय बिफान आ आनजाद खौ खुंनो थाखाय दायो गासैबो खामानि खौ मावजोबबाय। लक्षिमपुर नि ठेङाल कछारि नि अतनमास काउन्सिल नि बिसायखथि फोसावदिं मेल आव बाहागो लानानै बेखौ बुंदों।

गिबि मागो नि सानखालि रायजो आव 3390 गोदान सुबुंफोरनि देहा याव कभिद मोनदों। सा 4 नि जिउ बो गोमादों। रायजो आव सानसेयाव गासै 34355 टेष्ट खालामना नायदोंमोन, जौखोन्दो हार आ 9.87. मैया 876 आ बारगदोंबो।

यह क्या नाटक है,,,, नगांव नि जिला बेंगिरि नि सायाव रागा आसामनि गिबि मन्थ्रि नि। गोबां हाबाफारि लानानै सनिबारखालि नगांव आव थांनाय गिबि मन्थ्रि बिथांनि हरखाब रागा खौ नुनो मोनो। रागा जों नो रायदों नगांव नि गिबि मन्थ्रि खौ। गोबां हाबाफारि आव बाहागो लानायनि उनाव मृत्योन्जय मन्दिर आव थांबाय थानाय समाव नो बरमपुर बियाब नि गोमोथा गामि आव मोनसे लामा बेखेवनो थांदोंमोन, बे समाव नो लामा नि ट्रेफिक जेम खौ नुनानै रागा जोङो, उनाव जिला बेंगिरि खौ लिंहरनानै सोंनाय आव मिथियो गुबै जाहोनखौ। गिबि मन्थ्रि आ फैनायनि थाखाय पुलिस प्रसासन आ 20 मिनिट सम लामा याव थांलाय फैलाय खालामनायखौ बन्ध खालामदोंमोन, बेखायनो रागा जोङो गिबि मन्थ्रि आ। बेयाव सोरबा राजा महाराजा फैदोंनामा होनना बुंनानै बिसोरखौ दानो थांनो हो होनना बुङो। सुबुंफोरा बेसेबां खष्ट सहायनांदो होनना बो बुंबावो। बेनि भिदिअ भाईरेल जादों, बेयाव दिसि खौ ईसे गोरायै बुंनायखौ नुनानै गोबां सुबुंफोरा नो गाज्रि मोननाय खौ फोरमायदों, बेबायदि बुंनाय आ मोजां जायासै होनना बुंदों। उनाव गिबि मन्थ्रि आ बो बुजिनाय बादियै गोरलैयै बुंदों, साधारन सबुंफोरखौ खष्ट होनानै आं राजा महाराजा जाया। साधारन सुबुंफोरा असुबिदा जायोब्ला आं खष्ट मोनो, बेखायनो अफिसारखौ बुंनागौ जाबाय।

फिलिपाईन्स आ भारत निफ्राय बायगोन ब्राह्मस सुपारसनिक क्रुईस मिसाईल। भारत आ गिबि खेब गाव बानायनाय ब्राह्मस सुपारसनिक मिसायल नि अर्दार मोनदों। सोरखारि बादियै फोसावदों फिलिपाईन्स आ बायनायखौ, 375 मिलियन दलार जों बायगोन। बेनि उनाव नो ब्राह्मस एरोस्पेस आ बो नेभि नि थाखाय बायनो प्रस्ताब हरदों।

आसामनि गिबि मन्थ्रि आ दासिमबो मन्थ्रि बारायनायनि सायाव साननाय जायाखै होनना बुंदों। आरो गोबाव सम नेबावनांगोन गोदान मन्थ्रि मोननो थाखाय। दायो सुबुंफोरनि खामानि नि सायाव सो बांसिन गोसो होदों। मन्थ्रि फोरनि खामानि मावनायखौ नायनो बोसोरसे सो नांगौ। मन्थ्रि बारायनाय जौगाखांनाय खौ होबथागोन, उनाव सावरायलायगोन मन्थ्रि बारायनायखौ। मखजाथावदि थांनाय 10 मे आव सा 14 मन्थ्रिफोरा समायखिरा लादोंमोन। ईउपिपिएल नि सासे आरो एजिपि नि सानै आ मोनदोंमोन। ईउपिपिएलनि आरो सासे मोनगोन होनना खोनानो मोनदोंमोन, आरो गोबाव जासिगोन सासे मोनबावनो।

अलिम्पिक आव रुफा नि मेदेल मोननानै हादरनि मुं खौ गोजौ आव दोननो हानाय मिराबाय सानु आ जाबाय एदिशनेल एसपि। टकिय अलिम्पिक आव बिथाङा सिलभार मेदेल मोनदोंमोन। मनिपुर सोरखार आ मैया बे साख्रि खौ होयो बिथांनि देरहानायनि। गिबि मन्थ्रि एन बिरेनसिं नि न आव लानाय मोनसे हाबाफारि आव नो बे खौ होनाय जायो। गेलेनाय बिफाननि एदिशनेल एसपि बानायदों बिथांखौ. बेयाव हाबनो मोननाय आ मोनसे सनमान नि बाथ्रा होनना बुंदों।

हरखाब भारत नि टेष्ट क्रिकेट नि दोलो नि केप्तेईन नि बिबान खौ गारबाय भिरात कोहलि आ। खोला आप्रिका नि बेरेखा 2-1 आव टेस्ट सिरिजखौ जेननायनि उनाव नो बेखौ गारो बिथाङा। मैया त्वितार आरो ईन्सताग्राम नि गेजेरजों फोसावना होयो। मखजाथावदि 2014 मायथाईनिफ्रायनो केप्तेईन जादोंमोन बिथाङा टेष्ट नि। 68 टा मेस खौ दैदेननानै 40 आव देरहादों आरो 17 आव ल जेनदों, 11 आ द्र जादोंमोन। बिबान खौ गारनायनि उनाव बिसिसिआई, भारत नि बारग कस रबि शास्त्रि आरो भारत नि बारग केप्तेईन एमएस धनि खौ साबायखर बावो।