आसाम पुलिस नि गाहाय मावखुलि नि मोखाङाव गोबां लिरनाय
आनजाद नि थाखाय सायखजायि सुबुंफोरा धर्ना होदों। 24 घन्टा नि गेजेराव फिननाय
बिदों। एदभार्टाईजमेन्ट नि बादिब्ला मोन 1 मासि नि थाखाय सा 5 खौ लिंहरगोन होनना
बुंदोंमोन, नाथाय दायो मोन 1 मासि नि जायगायाव सा 2 खौ ल लिंहरदों होनना अजद
होदों। धर्ना होनायफोरा गासैबो फिजिकेल आव पास जाजोबदोंमोन। पास जानायनि उनाव बो
गारजानायनि अजद। मोनसे मासि नि थाखाय सा 2 खौ लिंहरनायनि थाखाय नो काट अफ आ बारा
जादों होनना बुंदों। उनाव पुलिसफोरा बिसोरखौ हमना लाङो, पानबाजार थाना याव लाना
थाङो।
दिनै बेलासि
समाव हरखाब मावनाय बांग्रिआ सा-सानजा ओनसोलखौ मावग्लुंहोदों। बेलासिनि 3.42 रिंगा सो आव
फैदोंमोन। बेनि एपिटेन्टार आ मिज'राम राज्योनि चाम्पाइनि खोला-सानजानिफ्राय 57 किल'मिटार
जानथायाव। बेनि मेगनिटिउद आ रिखक्टार स्केलाव 5.6. मिजोराम आव ल नङा बेयो आसाम राज्योखौबो सोमावग्लुंदों। खौरां लिरनाय
सम सिम आसामाव जेबो खहा जानायनि खौरां मोननाय जायाखै।
ईउके आव मास्क आरो वर्क फ्रम हम आ जोबबाय। हादराव
कभिद नि गोसारनाय आ बारा जालांगासिनो, ब्रिटेईन आव दासिमबो गोदान भेरियेनट आ दं,
नाथाय थैनाय नि हार आ खम जादों। कभिद नि होबथानाय आ बो लासै लासै खम जालांगासिनो।
27 जानुवारि निफ्राय मास्क आरो वर्क फ्रम हम खौ फोजोबनायनि सोमोन्दै फोसावदों।
सोरखार आ बुंदों कभिद आ जोंनि जिउ नि बाहागो, जों बेजों थांना थानो नाजानो नांगोन।
कभिद गोसारनाय आव अनजिमा हिसाबै नायोब्ला बुहुमनि 4 थि नम्बर आव दं ईउ के आ। मैया
1 लाख सो केस मोनदों, 330 नि जिउ गोमादों। बेनि उनाव बो बे थिरांथा खौ लादों।
पिएम मोडि आ बुहुमनि बयनिख्रुय बांसिन मोजां मोनजानाय
दैदेनगिरि जानो हादों। मोडि निख्रुय उन जाना थानांदों आमेरिका नि हादरगिरि ज
बाईदेन आ। सा 13 आ मोडि जों जुजिनायनि फारिलाय आव दंमोन बुहुमनि मोजां मोनजानायसिन
आव। खौरां मोननाय बादिब्ला 71 जौखोन्दो रेटिं मोननानै गिबि नम्बर आव दं भारत नि
गाहाय मन्थ्रि आ। आमेरिका नि हादरगिरि ज बाईदेन आ 43 जौखोन्दो मोननानै 6 थि आव सो
दंमोन।
जौ फेनानै हौवा या गावनि बिसि खौ नो बुथारदों।
गसायगांव आव जादों जाथाय आ। गसायगांव नि फुलकुमारि गामि आव जादों जाथाय आ। मिथिना
मोननाय बादिब्ला नखर नि दावराव नि थाखाय नो बे जाथाय आ जादों। फिसायनि मुङा जमेश
हेमरम आरो बिसि नि मुङा जुमिला टुदु। हर आव जौ लोंना फैनायनि उनाव नो नांलायनाय आ
जादोंमोन। दायो फिसाय आ पुलिसनि जे आव। पुलिसफोरा जाथाय जानाय जायगायाव थांनानै
नायबिजिरगासिनो दं।
आईसिसि आ फैगो टि20 वर्ल्ड काप नि गेलेनायनि सम
फारिलाय खौ फोसावबाय। 16 अक्टोबर निफ्राय जागोन। फिन खनसेबाव भारत पाकिस्तान नि
गेलेनाय खौ नुनो मोनगोन। 23 अक्तोबर आव गेलेगोन भारत आ। गासै मोन 12 दोलो आ बाहागो
लागोन, बेनिनो मोन 8 आ सायखजाखाबाय, गुबुन मोन 4 आ कुवालिफायार गेलेनो नांगोन। ग्रुप 1 आव
अष्ट्रेलिया, निउजिलेन्द, ईंग्लेन्द आरो आफगानिस्तान दं। ग्रुप 2 आव भारत,
पाकिस्तान, खोला आफ्रिका आऱो बांलादेश आ दं। गुबन मोन 4 नि मोननै मोननै दोलो आ
मोनसे मोनसे ग्रुप आव हाबगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon