दिनै गोबाव सम
एबसु गुबुन गुबुन बिबान आव खामानि मावबोनाय मानगोनां मनेश्वर दैमारि नि गोथार
जुलि। बदलेन्द सोमावसारनाय जों लोगोसे हारि नि थाखाय गोबां खामानि मावबोदों,
कक्राझार नि खारगामि आव जागोन हाबा या, बाक्सा नि चम्पा बर जों, दिनै 9 बाजि आव
जागोन बिथांनि जुलि आ। बाथौ नि नेम खान्थि जों जुलि आ जागोन। बिथांनि गोथार जुलि
आव आसामनि गिबि मन्थ्रि, बिटिआर नि गाहाय बिटिसि नि बारग गाहाय हाग्रामा महिलारि
जों लोगोसे गोबां दैदेनगिरि फोरखौ लिंहरदों।
बिपिएफ आ
बिजेपि जों लोगो जाबाय। मैया आसामनि गिबि मन्थ्रि आ खौरां मेल नि गेजेरजों लोगो जानायखौ
रोखा खालामना होयो। दायो आसाम सोरखार नि मासि आ 126 नि गेजेराव 82 जाहैबाय। लोगो आ
बिधानसभा याव ल थागोन, बेयो जेबो राजखान्थियारि लोगो नङा होनना बो बुंदों। बिपिएफ
नि एमएलए फोरा बो देरहानायफोरजों लोगोसे थानो मोनसिगोन। आगोलावबो बिपिएफ आ बिजेपि
जों लोगो जादोंमोन, 2016 निफ्राय 21 सिम, नाथाय 2021 आव ओंखारनानै कंग्रेस
दैदेननाय महाजोत आव ज जाहैदोंमोन। लोगो जानाय खौ ईउपिपिएल दोलो आ बो गनायना लादों
होनना बुंदों। दिनै आसामनि देरसिन बान्था खौ होनाय जागोन। होनाय जागोन आसाम बैभब,
आसाम शौरभ आरो आसाम गौरब सन्मान। 26 जानुवारि आव आलफा या बन्ध होयि खौ बरायदों
आसामनि गिबि मन्थ्रि आ। परेश बरुवा नि सिम साबायखर बावहरदों, 15 आगष्ट नि उनाव 26
जानुवारि आव बो बन्ध होयि नि थिरांथा आलफा नि।
1 फेब्रुवारि
निफ्राय रायजो आव कभिद नि नेम आ गुरै जागोन, दानि नेम आ सोलिबायनो थागोन रायजो आव।
नाथाय फेब्रुवारिनिफ्राय हर नि कार्फिउ आ 11 बाजि सो निफ्राय जानो हागौ। दायो 10
बाजि निफ्राय जायो। रायजो नि फरायसालि-कलेजफोरखौबो खुलिनायनि थिरांथा। रायजो आव
अमिक्रन जानाय सुबुंनि अनजिमा या 12 जौखोन्दो ल, बेखायनो रायजोफोरनि सायाव गोदान
होबथानायखौ जाबसिनना होनो लुबैयाखै होनना बुंदों आसामनि गिबि मन्थ्रि आ।
आयेन बेरेखा
खामानि मावोब्ला पुलिस फोरा बो बारगनाय नङा, बुंदों स्पेशियेल दिजिपि जिपि सिंह
बिथाङा। नगांव आव जानाय जाथाय नि खौरां लानो थांनानै खौरांगिरिफोरनि सिगाङाव
बुंदों। किर्टिकमल बरा मुंनि फरायसा आफाद नि दैदेनगिरिखौ आयथें आव गुलि गावदोंमोन,
आसाम आव दुंहाव थासारि सोमजिदों, गोबां दोलो-संगथन फोरा धर्ना होदों। बे जाथायनि
नाययिजिरनायनि बिथोन खौ होखाबाय आसामनि गिबि मन्थ्रि आ, जिपि सिंह बिथाङा बो गोजौ
थाखो नि नायबिजिरनाय जागोन होनना बुंदों।
आसाम मेदिकेल
कलेज नि गोसो होनानै मावि खामानि। सोलाय सोल खालामना होनाय जाथाय आ सोमोनांहोदों
बयखौबो। मेदिकेल कलेज आ थैनाय हिनजावसा गथ नि सोलाय हौवासा गथ नि गोथै देहा सो
हरदों नखरनो। मखजाथावदि 3 दान नि गथ नि जिउ गोमादोंमोन मैया, सिबसागर नि धुलियापार
जोनाकि नगर नि अबिनाश बरा आऱो दिपज्योति बरा नि मोन गथ आ। दाखालि फुङाव
देहाफाहामसालि आव लाना थांदोंमोन।
काजिरङा
माहारियारि हाग्रामा नि मावखुलि निफ्राय गोमाना दं सासे फरेस्त गार्ड आ। थांनाय 20
जानुवारि निफ्राय नो गोमाना दं। नखर नि सुबुंफोरा नागिरगासिनो दयामय कैवर्ट मुंनि
फरेस्त गार्ड खौ, नागिरना मोनाखै दासिमबो। नखरनि सुबुंफोरा बुंनाय बादिब्ला
मावखुलि निफ्राय सुटि लानानै नलबारि नि गावनि न आव थांनाय दयामय़ आ 19 खालारखालि
कहरा हाग्रा ओनसोल आव जईन जादोंमोन। हर आव मावखुलि आव गावनि बेदिं खौ दोननानै
नखरनि सुबुंफोरजों गंसे आलासि न आव थादोंमोन, 20 जानुवारि खालि नखरनि सुबुंफोरखौ न
आव थिनहरो, बेनि उन निफ्राय गोमाना दं।
चिन नि आरमि आ
मैया भारत नि आरमि नि सिम सासे भारत नि सुबुं मोनदों होनना बुंदों। थाबैनो भारत नो
गथायना होगोन।, नाथाय बियो अरुनाशल प्रदेश नि गोमाना थानाय 17 बोसोर बैसो नि मिरान
तारन नंगौ ना नङा दासिमबो रोखा जायाखै। भारत नि आरमि आ गोमानायनि उनाव नो चिन नि
आरमि खौ हगारना होनो बिथोन होदोंमोन। गोमानाय एबा किदनेप खालामनाय खौ लोक शभा नि
एम पि तापिर गाव आ बुंदोंमोन।
नायक निफ्राय
खलनायक जागोन नामा नगांव नि एसपि आनन्द मिश्रा या। नगांव एन्टि नार्कटिक स्कोवाद
नि प्रदिप बनिया खौ रिजार्भ क्लज, फरायसा खौ गुलि गावनायनि नायबिजिरनाय। थासारि आ
दासिमबो दुंहाव जानानै दं, सनिबारखालि जाथाय आ जादोंमोन गुलि गावनाय नि, सासे बारग
फरायसा आफाद नि दैदेनगिरि खौ गुलि गावदोंमोन। गोबां दोलो संगथन फोरा दाबि खालामदों
थार बिजिरनायनि थाखाय. आनन्द मिश्रा ग बेक, मुर्दाबाद बायदि धर्ना होदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon