हायार सेकन्दारि आनजाद नि खालारखौ फोसावनानै होबाय। 15 मार्च निफ्राय जागोन आनजाद आ। एहसेक नि बादिब्ला 15 मार्च निफ्राय जागायनानै 12 एप्रिल आव जोबगोन। फुं आरो बेलासि आव जागोन आनजाद आ, फुं नि आ 9 बादि निफ्राय 12 बाजि सिम, बेलासि नि आ 1.30 निफ्राय 4.30 सिम जागोन आनजाद आ। गुबुनफारसे प्रेक्टिकेल आनजाद आ फेब्रुवारि आव नो जागोन, 21 फेब्रुवारि निफ्राय 10 मार्च नि गेजेराव जानो नांगोन। मखजाथावदि रायजो सोरखार आ कभिद नि थासारि खौ नोजोर होनानै गासैबो फरायसा फोरनो भेकसिन होनाय खामानि खौ मावगासिनो दं। भेकसिन लायाब्ला आनजाद होनो मोना बो जानो हागौ।
एपिएससि नि गिबि आनजाद आव उथ्रिसार जानो हादों सासे बर फिसा या, गुखुनांथावै बिथांहा आयथें थोंसे गैया, थेवब्लाबो बिथाङा , बिजनि नि सोनाब लारुगाव गामि नि थागिबि सन्जय बर आ उथ्रिनो हादों, गोरिब नखर नि फिसा या गोबां खष्ट खालामनानै उथ्रिसार जानो हादों, दायो मेइन आनजाद दं। मखजाथावदि आसामनि गिदिरसिन आनजाद आ एपिएससि आ नो, गुदि सोलोंथायखौ बर बिजों आव फरायदोंमोन, लारुगाव गुदि फरायसालि आव, उनाव बिए आनजाद खौ फिलसफि आव मेजर लानानै सेथि थाखो आव बिजनि फरायसालिमा निफ्राय, एमए खौ गौहाति मुलुगसोलोंसालि निफ्राय फिलसफि आव नो लानानै सेथि थाखो आव उथ्रिसार जानो हादोंमोन। गोरिब नखरनि थाखायनो गोबां जेंना जों मोगा मोगि जानांदों, नांगौ मुवा बेसादफोरखौ मोननो हायाखै, बिटिआर नि गाहाय प्रमद बर आ बिथांनि थाखाय गंसे लेपटप हरदों जायनि गेजेरजों आनजाद नि थाखाय एसेब्लाबो मदद मोनगोन। सन्जय बर बिथाङा बिटिआर नि गाहाय बिथांनिसिम रोजा रोजा साबायखर बावहरो मदद खालामनायनि थाखाय।
दुलाराय बर' फरायसा आफादनि 54थि थान्दै जखन्थाइखौ फैगौ पेब्रुवारी डाननि 3, 4 आरो 5 खालाराव सान्थामनि मेहेरगोनां हाबाफारिजों कार्बिआंलं जिल्लानि लांहिन टाउननि हाजोआरि फोथाराव खुंफुंनो थाखाय थि खालामदोंमोन । नाथाइ जोबोद दुखुनांथाव बाथ्रादि, भारतनि गुबुन गुबुन राइजोफोरजों लोगोसे आसामावबो दिनै Covid-19 एबा कर'ना भाइरासनि गाग्लोबनाया सानफा एफा बारानिफ्राइ बारा जासिननायाव आगुनि थिखानाय खालारखौ सोलायनानै गोदानै फैगौ 3, 4 आरो 5 मार्च 2022 इं खालाराव बै एखे थावनियावनो खुंफिननो थाखाय मिरु एबसुनि 7थि मावफुं मेलनि गेजेरजों थि खालामफिननाय जायो ।
दिमा हासाव आव जानाय केबिनेट नि जथुम आव मा मा थिरांथा लाखो नाय- आसाम मेघालय सिमना नि जेंना खौ फोजोबस्रांनाय नि सायाव सावरायलायनाय आ आवगायलांगासिनो दं। सानै गिबि मन्थ्रि नि सावरायलायनाय आरो केबिनेट नि जथुम आव लानाय थिरांथा खौ मिरु नखर मन्थ्रि नो फोरमायगोन। फैगो 24 जानुवारि आव असम बैभव आरो आसम गौरब बान्था खौ होगोन। केबिनेट आव आसामनि गंनै फरायसालिमा याव कमार्च आयदा खौ सोनायनि थिरांथा, मरिगाव आरो सुवालकुसि कलेज आव। बिगियान आयदा खौ सोनायनि थिरांथा मरिधल, भवानिपुर, सालबारि, टिंखं, तेजपुर, बासुगांव, बिबि किषान आरो माधब चन्द्र दास कलेज आव फैगो सोलोंथाय बोसोरनिफ्राय सोनायनि थिरांथा। सिलचर आव गोदान जुनारसालि गायसननायनि गनायथि, 214 कौटि रां जों बानायनाय जागोन, बेयो मोनसे अपेन जु जागोन, बेयाव जुनारफोरखौ उदांयै लाखिनाय जागोन, मखजाथावदि आसाम आव दासिम गुवाहाति आव ल सो जुनारसालि दं, गुवाहाति आव जुनारफोरखौ बन्ध खथा याव लाखिनाय जायो, नाथाय बेयाव बेबायदि लाखिनाय जानाय नङा। मरान, मटक, बर कसारि वेलफेयार अटनमास काफन्सिल आरो कमतापुर आव बिसायखथि नि नेम फोसावनाय नि गनायथि। रायजो आव गोदान एसअपि वाबोनो लुबैयाखै सोरखार आ, कभिद खौ लानानै मोनसे थिरांथा लादों, आगोलाव करना बेराम जानाय सोरखारि मावथि आ माब्लासिम अफिस आव फैनो नाङामोन बेनि सोमोन्दै जेबो बुङाखैमोन, नाथाय दायो बेरामि आ 7 सान देहाफाहामसालि आव थानानै 8 थि सान आव अफिस आव फैफिननो नांगोन होनना बुङो। नाथाय देहाफाहामगिरि आ मावथि खौ गोबाव सम लाखिनो एबा न आव थानो होयोब्ला बे नेम आ जानाय नङा।
सानसुमा खुंगुर बैसोमुथियारि बिथाङा बिटिआर सुक्टि नि सोमोन्दै माबाफोर गाज्रि बुंनायनि सिगां नो आगोलाव खालामनाय गिबि सुक्टि बिएसि नि सोमोन्दै सानग्रोनाय आ मोजां। सिमा थिग गैयामोन, बेसेबां बियाब जागोन, बबे आ मा जागोन बेफोरनि जेबो गरन्थ गैयालासै नो सुक्टि खौ खालामदोंमोन, नाम आव ल खालामदोंमोन, बेखौ साननायनि उनाव सो बिटिआर सुक्टि नि सोमोन्दै बुं होनना बुङो बिटिआर नि लेङाय हागाय गोबिन्द बसुमतारि बिथाङा। बिटिआर सुक्टि नि गेजेरजों आलादा रायजो मोनाखै बेखौ मानियो, नाथाय आलादा रायजो मोननाय नि जाखिनि बिथा नांगौ, बेखौ गोग्गोम खालामदों, जानो हागौ जोंनि फिसा फिसौ फोरा देमक्रेतिक एबा पार्लियेमेन्तारि प्रसेस जों नो लामा जों नो आलादा रायजो बानायनाय आ गोरलै जाहैगोन। एनदिएफबि खौ थगायदों बुंनाय आ बो नंखाय, गासिम 90 जौखोन्दो नो होबाय रिहेबिलिटेशन नि रां खौ, साननैसो दंबावो, मुंख्लं जानायनि नखर नो बो थाबैनो होगोन। केस फोरखौ बो बोखारगासिनो दं होनना बो बुङो। 2022 मायथाईनि गेजेरावनो सिमा थिक जानो हागौ, बेयो थिक जायोब्ला नो बियाब आ बो बांगोन होनना बुंदों।
हाग्रामा दैदेननाय बिपिएफ नि बोलो आ खम जालांगासिनो नामा। जायखिजाया लामा जों बोलो गोरां जानो नाजागासिनो। बिपिएफ नि दैदेनगिरि आ रोखा खालामदों बेरेखा हानजा महरै थाया होननानै, सोरखार नि मदद आव नो थाघोन होनना बुंदों। बिसायथखि नि समाव बिग ब्रादार बिजेपि जों लोगो आव थायि बिपिएफ आ दायो बिजेपि जों नो थांथारगोन होनना बुंदों। मोनसे मोदां खौरां खौ नेगासिनो दोलो आ। बेनि नो फोरमान कलाईगांव नि एमएलए दुर्गादास बर आ बुंदों- मोजां खौरां फैगोन, थाबैनो फैगोन, बहाबा हाबनाय हाबि उननि बाथ्रा बिटिसि आव सोलायनाय फैगोन। बिजेपि नि गुद बुक आव माहोरै गावनि मुं खौ सोनो हायो बेखौ नाजागासिनो बिपेएफ आ। प्रबिन बर बिथाङा बो बुंदों बिपिएफ आ बेरेखा दोलो महरै थाया, सोरखार खौ उदांयै मदद खालामगोन, राजखान्थि आव गासैबो सम्भब।
भारत आरो खोला आफ्रिका नि गेजेराव जानाय गिबि वान दे गेलेनाय आव खोला आप्रिका या भारत खौ 31 रान जों फेजेनदों। गिबि आव बेटिं खालामग्रोनानै खोला आप्रिका या 50 अभार आव 296 रान बुदोंमोन, नाथाय भारत आ 50 अभार आव सा 8 विकेट जों 265 रान ल सो बुनो हायो। आरो मोननै गेलेनो दंबावो। भारत नि भिरात कोहलि आ बे गेलेनाय आव हाफ सेन्सुरि बुनो हादों, बेनि गेजेरजों बिथाङा मोनसे रेकर्ड खालामनो हायो, गुबुन हादराव बयनिख्रुय बांसिन रान बुनाय गेलेगिरि जादों बिथाङा, ससिन टेन्दुलकार नि 5065 रान बुनाय रेकर्ड खौ बारनानै सिफायो। ससिन आ 148 टा मेस आव बुनो हादोंमोन, नाथाय कोहलि आ 108 आव नो सिफायनो हायो।
कभिद नि थासारि खौ नोजोर होनानै दावबायारि पोरनि थाखाय बन्ध खालामना होबाय अरां माहारियारि हाग्रामा खौ। दिनैनिफ्राय बन्ध थागोन हाग्रामा या। दरं जिला बेंगिरि आ हाग्रामा खौ बन्ध कालामनायनि बिथोन होदों, गोदान फोसावलाय दिहुनि सम सिम बन्ध थागोन हाग्रामा या। मखजाथावदि आसाम आव मैया सानसे आव नो 8339 सुबुंफोरनि देहा याव कभिद मोनदों, सा 15 नि जिउ गोमादों। दासिम गासै 35,161 सुबुंफोरनि देहा याव एक्टिभ जाना दं रायजो आव। पजितिभिटि रेट आ 12.89 जौखोन्दो।
आसामनि सावस्रि बिफान आ आसाम आव कभिद बेरामि नि थाखाय एसअपि दिहुनना होदों। कभिद केयार चेन्टार आरो कभिद देहाफाहामसालि आव हाबनाय बेरामि आ सान 5 नि उनाव न आव थांनो हागोन जुदि खमावनो सान 3 जेबो रोखोमनि लैखोन नुजायाब्ला। हगारहरनाय समाव रेपिद एन्टिजेन टेष्ट नि बो गोनांथि गैया। लैखोन थायोब्ला देहाफाहामगिरि आ थिरांथा लागोन। देहाफाहामसालि निफ्राय उदां जानायनि उनाव बेरामि आ 7 सान नि हम आयशलेशननि सोलाय साननै ल थानो नांगोन।
बुहुमनि
बयनिख्रुय बैसोगोरासिन सुबुंनि जिउ गोमाबाय। सेसुरनिनो दि ला फुवेन्टे गार्चिया
मुंनि सुबुं आ स्पेईन आव 112 बोसोर 341 सान आव जिउ गोमायो। बेखौ गिनिज बुक अफ
वर्ल्ड रेकर्ड आ बुंदों। 2021 मायथाईनि सेप्तेम्बर दान आव बिथांखौ बे बुहुमाव
थांना थानाय बयनिख्रुय बैसोगोरासिन सुबुं होनना फोसावदोंमोन। फैगो दान आव 113
बोसोर बैसो नि सान खौ फालिगौमोन। 11 फेब्रुवारि 1909 मायथाई आव जोनोम जादोंमोन,
बिथांहा सा 7 फिसाजो दंमोन, सा 14 फिसौ आरो सा 22 फिसौ नि फिसा फोर दंमोन। गिनिज
वेबसाईत नि बादिब्ला दासिम बयनिख्रुय बैसोगोरासिन सुबुं महरै रेकर्ड खालामनाय आ
122 बोसोर 164 सान नि फ्रान्स नि जियेननि लुईस कालमेन्ट, जाय 1997 मायथाई आव जिउ
गोमादोंमोन।
गोदान फैनाय आसाम पुलिस नि साख्रि आनजाद नि खालारखौ फोसावना होबाय। फेब्रुवारि 27 निफ्राय 24 एप्रिल सिम जागोन आनजाद आ। 2018 मायथाई आव ओंखारनाय आसाम पुलिस नि गुबुन गुबुन बिफान नि साख्रि, जायनि फिजिकेल आ जालांबाय, बेनि आनजाद आ 20 फेब्रुवारि आव 11 बाजि निफ्राय 1 बाजि सिम जागोन, बेयाव कन्सतेबल एबि ईउबि एपिआरअ, कन्सतेबल आरो गार्डमेन नि जागोन।
27
फेब्रुवारि आव एसपिअ नि थाखाय एआईएसएफ बेटेलियान नि 154 मासि नि आनजाद आ जागोन। 24
एप्रिलनि फुंनि 10 निफअराय 12 सिम एस आई नि आनजाद आ जागोन। 24 एप्रिल खालि नो
बेलासि नि 2 निफ्राय 4 बाजि सिम जागोन आनजाद आ। लिरनाय आनजाद आ आसामनि मोन 10 जिला
याव जागोन। जायगा खौ गावनो सायखना लानो नांगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon