बेंक फ्रद एबा गावनि रां आ बेंक
निफ्राय सोरजोंबा लांजायोब्ला मा खालामगोन, बेयो साईबार क्राईम आव नो गोग्लैयो।
आसामनि गिबि मन्थ्रि आ बुंदों मा खालामनो नांगौ। बिथाङा 155260 नम्बर आव फन
खालामनो होदों, बे नम्बर आ 24 घन्टा थायो, जायखिजाया सम आव नो खालामनो हायो। रां
लांजानायनि 24 घन्टा नि गेजेराव नो खालामनो नांथारगोन। बेंक खौ 24 घन्टा सिम ल
हमथाना लाखिनो हायो। आसाम पुलिसआ दासिम 30 रोजा रां लाबोफिननो हादों बेयो हादरनि
बयनिख्रुय बांसिन रां लाबोफिननो हानाय। बेखायनो रां लांजादोंब्ला 155260 आव फन
खालाम, हर गेजेरावबो हरनो हागोन।
10 मे नि गेजेराव आसाम पुलिस आव 16000
मासि नि साख्रि आव थिसननाय खौ आबुं खालामनो बिथोन आसामनि गिबि मन्थ्रि नि।
मंगलबारखालि दिब्रुगर जिला नि दुलियाजान आव सोलिनाय एस पि नि कनम्फारेन्स आव बे
बिथोन खौ होयो। गिबि मन्थ्रि आ बुंदों, गोदान कामान्दो बेटेलियान नि थाखाय
5000 गोदान मासि दिहुनदों, रायजो पुलिस नि 11000 मासि लांदां जाना दं आरो आं बिफान
खौ 10 मे नि गेजेराव साख्रि थिसननाय खौ खालामजोबनो बिथोन होदों। दानि आसाम सोरखार
आ 1 बोसोर जानाय नि थाखाय 1 लाख सोरखारि साख्रि होनायनि थांखि लादों, बेनिनो आसाम
पुलिस आव 16 रोजा होनायनि खामानि होदोंमोन। बेबायदिनो सोलोंथाय बिफान आव 25 रोजा
आरो सावस्रि आव 5000 साख्रि
ईन्टारनेशनेल लेबेल आव सासे बर चाईल्द
आर्तिस्त आ देरहानो हादों। साननैसो सिगङाव गुवाहाति नि सल्पग्राम आव एन ई भि ईभेन्ट
एन्द एन्टारटेईनमेन्ट प्राईभेट लिमिटेद बेनार आव जानाय 5 थि ईन्टारनेशनेल आरो 9 थि
माहारियारि मेथाय, मोसानाय, फाव खालामनाय बादायलायनाय आव नुनमाति मिरु फरायसालि नि
थाखो 7 नि फरायसुलि श्रिस्ति बर आ गिबि बान्था खौ देरहानो हादों। गुवाहाति नि
खारघुलि नि थागिबि सन्जय बर आरो जिकुमनि बर नि फिसाजो श्रिस्ति आ मोसानाय आव गोबां
हादरनि-गुबुन हादर नि सिल्पिफोरनि गेजेरावनो गिबि मोननो हादों।
बाक्सा नि सासे हिन्जावसा गथ आ गावनि
बिमा खौ नो फासि होनो होदों। नाथाय मानो... गरेश्वर नि जाथाय बेयो, गावनि बिफा खौ
गारनानै गुबुनजों खारनाय नि आजद। मोजां मोननाय सेंग्रा जों लोगो जानानै गथ खौ
बुथारनो नागिरनायनि बो अजद बिमा नि बेरेखा गथ नि। जाथाय आ जाबाय- सासे 10 बोसोर
बैसो नि गथ थानाय बिमा या फिसाय थानायनि उनाव बो गुबुन सेंग्रा जों आयेन बेरेखा
सोमोन्दो लाखिना दंमोन, फिसाजो आ बुंदों- आंनि मेगन सिगाङाव नो आय आ गोबां बार
बिखौ लाना फैयो, पापा या बेयाव थाया.. आं बुंना होगोन होनना बुङोब्ला आंखौ
बुथारगोन होनना बुङो, बिसोर लोगो से नो बेरायथिंबाय थायो आं पापा नो बुंगोन
बोङोब्लानो बुथारगोन होनना बुङो- गथ आ बेबायदि खौरांफोरनि सिगाङाव बुङो। बिफा खौ
सिआरपिएफ जवान होनना मिथिना मोनदों, सिआरपिएफ नि बिसि आ नो गावनि सोमोन्दो नि
बिमानै नि फिसाज्ला जों गोबाव सान निफ्राय आयेन बेरेखा सोमोन्दो लाखिदोंमोन। बेनि
उनाव 1 खावसे बोसोरसो सिगां खारखुमायो बिसोर। उनाव फिसाय नि सम्पति नि खावसे
बाहागो बिनानै आयेन नि खाथि आव थाङो, बेनि उनाव नो फिसाय आ दानसे आव 12000 रां यै
होबाय थायोमोन। उनाव दाबि खालामनाय आ बारा जालांनो हमो। बेखौ सहायनो हायि आव नो
एजाहार होदोंमोन फिसाय आ। बोसोर जाबायमोन आरो गुवाहाति नि सयमाईल नि गंसे भारा न
आव गावनि सोमोन्दो खौ एरसोना लाखिदोंमोन। उनाव दिसपुर पुलिस आ बाक्सा पुलिस नि मदद
आव शयमाईल निफ्राय हमो बिमा आरो मोजां मोननाय सुबुंखौ। बे आयजो नि फिसाय आ बो
बुंदों- बियो न आव थायि नि सुबिदा लानानै बियो फैबाय थायोमोन आरो गोबां लोब
दिन्थिनानै लांखारो होनना बुंदों।
आसाम आव बन्ध फोसावोब्ला संगथन आ जेंना
याव गोग्लैगोन। आसाम आव बन्ध जागोन आसाम बन्ध आ। लासै लासै आसाम आव बन्ध नि नेम खौ
फोजोबगोन। बन्ध होनाय समखिनि आव जानाय नि खहा सुफुंनो नांगोन संगथन आ। आयेन खौ
आखाय आव लानो नाङा होनना बुङो आसामनि गिबि मन्थ्रि आ। बन्ध होनायनि मोनथाय आ दं,
बन्ध होनायनि मोनथाय आ दं, बेखौ होबथानो हाया, नाथाय बन्ध नि उनाव हाय कोर्त नि
बिथोन दं, बे नेमखौ दानिया सोरखार आ मानिसिगोन। जों गासैबो संगथन जों मोजां
सोमोन्दो लाखिनो गोसो जायो। मोनसे बन्ध फोसावनायनि उनाव गोबां सुबुंफोरनि बेसेबां
दि खहा जायो, सोरबा मोनजाया मोलोङा थानो गोनां जायो बेखौ साननो नांगौ होनना बुङो।
एफसिआई आव साख्रि होनायनि मुङाव
थगायनाय। बिफा आरो फिसाजो खौ हमदों। जाथाय आ आसाम नि नो। एफसिआई, रेलवे बायदि
बिफान आव साख्रि होनायनि मुङाव गोबां सुबुंनिफ्राय रां लानाय सान सुबुंफोरखौ
हमदों। मैया प्रदिप सरकार आरो पापरि सरकार खौ हमदों, सानैखौबो नगांव सहर नि
फौजदारि पट्टि निफ्राय नगांव पुलिस आ हमदों। गवालपारा नि दिपेन्द्रु मुंनि सुबुङा
एजाहार होनायनि उनाव नो हमो बिसोर सानैखौ, बिसोरनि सोमोन्दो आ बिफा फिसा नि।
बिसोरनिफ्राय गोबां नंखाय फोरमान बिलाय, सिल, बेंक नि फोरमान बिलाय एटिएम फोर
मोनदों। मिथिना मोननाय बादिब्ला पापरि एन्टारप्राईज मुंनि फसंथान खुलिनानै साख्रि
नि मुङाव गिदिर बाजार सालायलांदोंमोन। मिरु सोरखार नि गुबुन गुबुन साख्रि नि मुङाव
रां लादोंमोन। गिबि आव बेकरफोरनिफ्राय रां लायोमोन, बेनि उनाव गावनि फसंथान आव
फोरोङोमोन आरो उनाव साख्रि मोगोन होनना बुंनानै बोसोर बोसोर थाङोब्लाबो साख्रि
होनो हायामोन।
आसाम आव अमिक्रन फैबाय नामा। गोबां
खौरां बिजों फोराव बेनि खौरां फोसावनाय नुनो मोनदों. खौरां मोननाय बादिब्ला मेघालय
आव थांनाय आसामनि सासे दावबायारि नि देहा याव अमिक्रन मोनदों। मेघालय आव सा 5 नि
सासे नि न आ आसाम आव। खौरां फोसावदोब्लाबो दासिमबो मेघालय सोरखार आ बेनि सोमोन्दै
जेबो बुङाखै। गुबुनफारसे आसाम आव मैया 450 करना नि केस मोनदों। आसाम आव बो
बारायलांनो हमबाय। साननैसो सिगाङाव 100 नि बो खम मोनदोंमोन। भारत नि गोबां
रायजोफोराव फरायसालि फोरखौ बन्ध खालामदों। दिल्लि आव विकेन्द लकदाउन बो होदों,
गोबां जायगायाव कार्फिउ फोर होदों। आसाम आव दासिम बेबायदि गोरा बिथोन खौ होआखै, हर
नि कार्फिउ आ ल सोलिगासिनो आसाम आव। उनाव आसाम आव मा जायो बेखौ सावस्रि बिफान आ सो
थि खालामगोन।
भारत आरो खोला आफ्रिका नि गेजेराव
जानाय गेलेनाय 2 थि टेश्ट आव भारत आ 58 रान जों आगोलाव दं। गिबि ईनिंस आव भारत आ
202 रान बुनायनि उनाव खोला आफ्रिका खौ भारत आ 229 रान आव नो अलआउत खालामनो हादों।
शार्दुल आ सा 7 विकेट लादों। गुबुनफारसे भारत आ नैथि ईन्स आव दायो 2 थि सान जोबनायसिम
85 रान आव सा 2 विकेट थांदों। दासिम भारत आ 58 रान बारा बुदों खोला आफ्रिका
निख्रुय।
आईएसएल आव मैया बांगालुरु आ ईस्त बेंगल
नि बेरेखा 1-1 गल जों द्र गेलेदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon