आसाम आव लकदाउन जागोन नामा. हादरनि
गुबुन गुबुन जायगायाव बारा जालांगासिनो दं कभिद नि गोसारनाया। बेबायदि नो कभिद नो
गोदान जाथो अमिक्रन आ बो बारा जालांनाय नुनो मोनदों, जायखौ गोबाङानो गिथावना होनना बुंदों। 24
घन्टा याव भारत आव 58 रोजा नि बारा मोनदों। आसामनि गिबि मन्थ्रि आ खौरांगिरिफोरनि
सिगाङाव रोखा खालामना होदों दि आसामाव लकदाउन जाया होनना, जेबो सम्भावना गैया
होनना बुंदों। कभिद बारा जानायनि थासारि आव मोननैसो नेम खान्थि नि गेजेरजों
आवगायलांनो नांगोन, लकदाउन एबा थांना थानाय आव जेबो जेंना नुजाथियालासै आवगायनो
नांगोन होनना बुंदों। बिथाङा अमिक्रन नि सोमोन्दै बो बुंदों, सानसेयाव बेबायदि
बारायनाय हिसाबै थामथि दोहौ खौ फैबाय होनना बुंजायो, बेखायनो बेनि सायाव
सावरायलायनाय जागोन गुवाहाति आव, बेयावनो थिरांथा लागोन माबोरै आवगायनो हागोन खौ
होनना बो बुंदों बिथाङा।
चार्कल अफिसार नो घुस होनो थांना
लानानै हमजाबाय सासे सुबुं। गवालपारा जिला नि लक्षिपुर चार्कल अफिसार नो 2 लाख
फ्राम रां होनो थांनानै चन्द्र सेखर त्रिपाठि मुंनि सुबुङा हमजायो। मखजाथावदि
आगोलनिफ्राय नो लक्षिपुर पुलिस आरो चर्कल अफिसार आ लोगो नांनानै सुनारि नि एनसोल
आव आयेन बेरेखा आफिं नि आबाद खौ फोजोबस्रांदोंमोन आरो उननि समाव जाहाथे बेबायदि
फोजोबस्रांनो थाङा बेनि थाखाय नो बेबायदि घुस होनो थांदोंमोन। रां आ गासै 1 लाख 98
रोजा मोन। बे रां खौ होनो फैनायनि खौरां मोननानै अफिसार राजिब गगै आ लक्षिपुर थाना
याव खौरां हरो उनाव पुलिसफोरा फैनानै हमो बिखौ।
कक्राझार जिला नि सिमना ओनसोल नि
धिरबिल नि खाथि नि पिकनिक नि रंजानायनि गेजेराव नो मंगलबारखालि मोनाबिलि नि समाव
सासे 9 बोसोर नि उन्दै गथ खौ जिनाहारि खालामनो नाजानाय जाथाय आ सोराङाव फैदों।
कक्राझार मिउनिशिपाल बर्ड नि गाहाय प्रतिभा ब्रह्म आ बुंनाय बादिब्ला धुबुरि जिला
नि शालकोसा पुलिस थाना नि सिंनि आलुभुई बरतोला गामि नि बाबुर आलि नि फिसाज्ला रहिम
आलि आ गोबं जौ लोंनानै थाखो 5 नि फरायसुलि खौ जिनाहारि खालामनो नाजादोंमोन।
फरायसुलि नि नखराव गंसे दखान दं। दखान निफ्रय न आव फरायनो थाखाय थांबय थानाय समाव
नो जिनाहारि खालामनो नाजादोंमोन, बिनिफ्राय बारगनानै न आव खोन्थायो आरो उनाव
पुलिसफोरनो खौरां हरनाय आव हमो आरो सोंगासिनो दं।
हादर आव कभिद नि गोसारनाय आ बारा
जालांनाय आव बिसिसिआई आ रन्जि ट्रफि नि मेस खौ बन्ध खालामबाय। फारिलाय बादियै 13
जानुवारि निफ्राय जानो गोनां मोन। मोनसे प्रेस रिलिज नि गेजेरजों बेखौ फोसावना
होदों, लोगोसे सि के नाईदु ट्रफि आरो फेब्रुवारि निफ्राय जानो गोनां आयजो नि टि-20
लिग खौ बो फावसायो। थासारि आ मोजां जायोब्ला फिन जाफिननायनि सायाव सावरायगोन होनना
बुङो।
राजस्थान नि कामान आव सासे 42 बोसोर
बैसो नि आयजो आ जोखोम जादों, बियो गावनि फिसाय खौ बासायनो थांनानै गुलि नाङो।
जाथाय आ जाबाय- फिसाय आ सासे फोरोंगिरि, फोरोंगिरि खौ सासे जवान आ गुलि गावदोंमोन,
जवान नि 12 बोसोर बैसो नि फिसाजो आ हमवर्क खौ खालामि नि थाखाय फोरोंगिरि आ
फरायसुलि खौ सोबादोंमोन। बेनि थाखाय नो रागा जोंनानै किशान मुंनि सुबुङा बेबायदि
गुलि गावदोंमोन फोरोंगिरि खौ, नाथाय बिसि नि आव सो नाङो गुलि आ।
दानि बे समाव गोबां सुबुंफोरा नो
गाज्रि खामानि मावो। झारखान्द नि सिमदेगा निफ्राय मरेल पुलिसिं नि जाथाय आ सोराङाव
फैदों। सासे सेंग्रा या दंफां दाननानै फाननायनि थाखाय ज जानानै बुनायनि अजद।
मिथिना मोननाय बादिब्ला दंफां दाननानै फाननायनि थाखाय गामि नि सुबुंफोरा रागा
जोंदोंमोन। जायनि थाखाय सेंग्रा खौ दंफां आव खानानै सावना होयो। गामि आव धोरोमारि
नेम बादियै दाबसे जायगायाव जानाय दंफांखौ दाननो मोना एबा दाननाय आ पाप। बे जाथाय
ओनसोलनाङैनो सोमोनांहोदों बयखौबो। थैनाय सेंग्रा नि मुं खौ सन्जु प्रधान होनना
मिथिनाय जादों। मखजाथावदि गामि नि बाथ्रा खौ मानियालासैनो दंफांफोरखौ दानबाय
थादोंमोन। साननै सिगाङाव सो दानफिनदोंमोन, बेनि थाखायनो 4 जानुवारिखालि मोनसे मेल
जायो, बेनि उनाव नो सन्जु खौ मारपित खालामो आरो गोथाङैनो सावना होयो। बेनि सायाव
पुलिस आ दायनिगिरिफोरखौ साजा होगोन होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon