सिमा नि जेंना खौ लानानै गोनांथार सावरायलायनाय जादोंमोन मैया। आसाम आ मेघालय नो हा होगोन, बेबायदि नो आसाम आ बो मोनगोन मेघालय निफ्राय हा। सिमा जेंना खौ लानानै मोननै गोनांथार सावरायलायनाय जादोंमोन। गिबि मोनसे आव गोबां गोनांथार थिरांथा लानाय जादोंमोन। आसामनि गिबि मन्थ्रि आरो मेघालय नि गिबि मन्थ्रि नि सावरायलायनाय जादोंमोन गिबि आव। आसाम मेघालय आव गासै 12 टा हेंथा गोनां ओनसोल फोर दं, बेनि गेजेराव मोन6 नि सायाव सावरायलायनाय जादोंमोन. 18.51 बर्ग कि मि हा खौ आसाम आ मोनगोन आरो 18.29 बर्ग कि मि हा या मेघालय नि आखाय आव थांगोन। मैया सावरायलायनाय आव ईउपिपिएल नि लरेन्स ईश्लारि, जयन्त बसुमतारि, बिपिएफ नि दुर्गा दास बर आरो प्रबिन बर बिथांमोना बो बाहागो लादोंमोन।
आसामनि 20 टा जिला नि दै आव मोनदों आर्शेनिक आरो फ्लराईद। रायजो नि 33 जिला नि 20 आव नो मोनदों। मिरु सोरखार नि रिपर्ट नि बादिब्ला गासै सुबुंअनजिमा नि 45 जौखोन्दो आ गिथावना आर्सेनिक आरो फ्लराईद थाफानाय दै लोंदों। 20 जिला नि 2282 ओनसोल आव नायनाय जादोंमोन बेयाव बांसिन आर्शेनिक थानाय खौ नुनो मोनदों। मोन 7 जिला नि 267 ओनसोल आव बांसिन फ्लराईद थानायखौ नुनो मोनदों। बाक्सा नलबारि बरपेता जोरहात, माजुलि, दरं नि गोबां जायगायाव मोननाय जादों। आर्सेनिक गोनां दै लोंनाय आव बिगुर नि केन्सार, किदनि बायदि नि बेराम जायो आरो फ्लराईद गोनां नि आ हाथाय नि बेराम जायो।
बाग्सा नि सालबारिनि कयमारि आव दैमा नि रुगुं आव फबना दोननाय मुफुर मासे बोखांनो हादों, मोनसे दुखुनांथाव जाथाय, मिथिना मोननाय बादिब्ला हाग्रा निफ्राय फैनाय मुफुरखौ सालबारि नि आनन्द बाजार पुलिस चक नि खाथि नि कयमारि आव फबना दोनदों। हाग्रा बिफान आ गोथै देहा खौ बोखांबाय, हुथारनाय सुबुंफोरा खारखुमाना दं होनना मिथिना मोनदों। मैया फुं नि समाव जादोंमोन जाथाय आ, मासे गोसोम हिमालयान मुफुरखौ बुथारदोंमोन। खौरां मोननाय लोगो लोगो हाग्रा बिफान आरो पुलिस फोरा थाङो जायगायाव आरो बोखाङो।। उनाव बिफाननि जुनार फाहामगिरि प्रभात बसुमतारि आ बेखौ 1 बोसोर नि फिसा हिमालयान ब्लेक बियार होनना बुंदों, खुगा, मोखां आरो उननि आयथें आव गाज्रियै जोखोम जानायनि सिन नुनो मोनदों होनना फोरमायो।
चिन आ बानायदों बानायनाय एबा गुबै नङै अखाफोर। साननैसो सिगाङाव गावनो बानायनाय सान खौ बानायदोंमोन, चिन आ बुंदों बेनि गेजेरजों मोब्लिब बाहायनाय आ खम जागोन, बेयो जिर ग्रेभिटि नि जागोन। 50 बर्ग कि मि नि ओनसोल आव बे अखाफोर आ बोसोर आव 1.2 बिलियन युयान एबा 17.3 निजुत दलार नि मोब्लिब नि खरसा खौ खम खालामगोन। ग्लोबेव टाईम्स नि रिपर्त नि बादिब्ला बेखौ मोनसे फिसा आनजाद गोनना बुंदों। बे नंखाय अखाफोर आव सुम्बक नि बोलो खौ बाहायना बो नायदोंमोन, बेनि गेजेरजों ईयुन आव सुम्बकनि बोलो जों सालायनो हानाय गारि बानायनो हायो नामा नायदों
सेबा नि मावखुलि आव दुंहाव थासारि। टेट आनजाद होनाय फरायसा फोरा बेखौ खालामदों। 2021 मायथाई नि आनजाद होनायफोरा समाय लानायखौ सोरखार आ लाखिनो हायाखै होनना अजद। सोलोंथाय मन्थ्रि रनोज पेगु खौ थगायसुला होनना बो बुंदों। फिन आनजाद नि फिथाय खौ फोसावनो गोनां दंमोन, थाबैनो बिफान आ थिरांथा लायाब्ला अर सावना थैगोन होनना बो बुंदों फरायसा फोरा।
आसामनि गिबि मन्त्रि मानगोनां ड० हिमन्त बिश्व शर्मानि हांख्राइहरनाय लेखायै मैया एबसुनिफ्राइबो आसु आरो गुबुन गुबुन फरायसा आफादफोरबादिनो सिमा जेंनानि सायाव सावरायनाय मेलाव नं 1 गेस्ट हाउस, कईनाधरायाव बाहागो लाहैयो । आसामनि गोबाव समनिफ्रायनो नुजाबोनाय सिमा जेंनाखौ लानानै मैया आसामनि गिबि मन्त्रि मानगोनां ड० हिमन्त बिश्व शर्माया गुबुन गुबुन माहारियारि आफाद आरो फरायसा आफादफोरखौ लानानै सावरायनाय जायो । मैयानि बे सावरायनायाव गाहायै आसाम मेघालयनि सिमानि जेंनाया गुवारै सावराय जायो । एबसुनिफ्राइबो सिमा जेंनाखौ सुस्रांनांगौनि थाखाय राहा बिनायलाय मिरु एबसुनि आफादगिरि मानगोनां मुस्रि दिपेन बर'आ बुङोदि, जिहेथु सा सानजा भारतनि राइजोफोरानो दिनै NEDA नि सिङावनो सरकार सालायगासिनो दङ आरो बे NEDA नि गाहाइ लिंथुमगिरियाबो जोंनि आसामनि गिबि मन्त्रि मानगोनां ड० हिमन्त बिश्व शर्मायानोखा , बे लेखायै आसामनि सिमानि जेंनाखौ सुस्रांनायनि सनानि खाबुआबो बे समानो होननानै एबसुनिफ्राय सिमानि जेंनाखौ अरायथायै सुस्रांजानायखौ लुबैयो होननानै गावनि बिबुंथियाव बुंङो । लोगोसे बे जेंनानि जाउनाव इयुनाव आरो रावबो सासेबो असमियानि जिउआ ओरैनो आगुआव जालांनायफोर बादिनो आद्रियै खहा जाबावा बेखौ नोजोर होनानै थाबैनो जेंनाखौ सुस्रांनांगौनि थाखाय पलिसि लानो आसाम सरकारखौ जर'खायै खावलायबावो । बे सावरायनायाव मिरु एबसुनि आफादगिरि मानगोनां मुस्रि दिपेन बर'जों लोगोसे गाहाइ नेहाथारि मुस्रि खनिन्द्र बसुमतारी आरो गेलेमु नेहाथारि मुस्रि गनेस बसुमतारीआबो बाहागो लायो ।
गान्दा बुथारनायखौ होबथानो हादों हाग्रा बिफान आ। 2021 मायथाई आव काजिरङा याव मासे ल गान्दा बुथारजादों। सानसे समाव गोबां गान्दा फोरा बुथारजायोमोन आसाम आव। थांनाय 21 बोसोरनि बयनिख्रुय खम सिन 2021 आव। 2013-14 बोसोर आव रेकर्ड मा 27 गान्दा खौ बुथारदोंमोन सिखाव फलान फोरा, गुबुनफारसे थांनाय 5 बोसोर आव मा 19 गान्दा बुथारजादोंमोन, हाग्रा बिफान आरो पुलिस प्रसासन नि नाजानाय आव होबथानो हानाय आ मिथिंगा खौ मोजां मोनग्राफोरनि थाखाय ल नङा गासै आसामनि थागिबि फोरनि थाखाय मोदां खौरां। गोबांव समाव गान्दा बुथारनाय आव हाग्रा बिफाननि सुबुंफोरनि बो आखाय दंमोन नि खौरां मोनदोंमोन, गोबां हमजादोंमोनबो।
मुम्बाई आव ईन्दियान नेभि नि जाहाज आव बेरफ्रुनाय जाथाय जादोंमोन, सा 3 जवान नि जिउ गोमादों होनना खौरां मोनदों। मुम्बाई नेभेल दाकयार्द आव जादों जाथाय आ। खौरां मोननाय बादिब्ला आईएनएस रनबिर नि सिं बाहागो आव जादों जाथाय आ। मा जाहोन नि थाखाय जाखो बेखौ मिथिनाय जायाखै।
आसाम आव रेकर्ड। रायजो आव गोदानै 8072 कभिद केस मोनदों, थासारि आ गिथावना। बेनिनो गुवाहाति आव 1996 सुबुंफोरा जादों। सानसे आव आसाम आव थैदों सा 16 आ। सानसे सिगाङाव सो आसाम आव 7 रोजा नि खाथि आव मोन, मैया सानसे आव नो 1 रोजा नि बारा जाबावदों।
बाईक, स्कुटि नि बेसेना खम जानो हागौ। सोरखार आ जिएसटि खौ खम खालामनो हागौ। 2022 मायथाई नि बाजेत आव अतोमोबाईल दिलार संगथन फादा या जिएसटि नि रेट खौ 18 जौखोन्दो सिम खालामनो दाबि खालामदों। संगथन आ कभिद नि समाव बाईक गारि नि सहिदा या खम जालांगासिनो, जुदि सोरखार आ खम खालामोब्ला सहिदा नि फारसे ईसे बोलो मोननाय जागोन। हादर नि 15000 नि बारा अटमबाईल दिलार खौ दैदेननाय संगथन आ बे दाबि खालामदों। रांखान्थि बिफाननि मन्थ्रि निर्मला सितारामन आ 2022-23 नि बाजेत खौ 1 फेब्रुवारि आव फोसावगोन। बाईक स्कुटि फोरखौ गुबुन बेसेन गोसा मुवा बेसादफोर बायदि बाहाया, साधारन सुबुंफोरा बेखौ सानफ्रोमबो नि खामानि आव बाहायो। बेखायनो 28 जौखोन्दो जों लोगोसे 2 जौखोन्दो आरो उफ्रा टेक्स लानाय आ मोजां जायाखै होनना बुंदों।
रायजो आव कभिद नि गोसारनाय आ बारा जालांगासिनो। जिएमसिएईस नि गाहाय डाँ अभिजित शर्मा या खौरां मेल खुंनानै आसामनि सुबुंफोरखौ सांग्रा खालामना होदों। रायजो आव सानसे आव नो 10 रोजा सिम मोनहैनो हागौ कभिद केस मोननाय आ। गुबुन बेराम एबा जाब्रबथाय आव जिउ गोमानाय नि सोलाय कभिद जों थैनाय आ बारा जादों होनना बुंदों। गुबुन बेराम एबा जाब्रबथाय जानानै देहाफाहामसालि आव फाहामथाय लानाय समाव कभिद टेष्ट खालामनायाव कभिद मोनोब्ला बेखौ बो कभिद जों थैनाय होनना हमनाय जादों। लोमजानाय जायाब्लाबो उदै सानाय, लोरबां जायोब्लाबो देहाफाहामसालि आव थांनो होदों। दानसे गथ फोरखौ न आव नो थानो होदों। दासिम जिएमसिएईस आव सा 9 उन्दै गथ फोरा आईसिईउ आव फाहामथाय लागासिनो दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon