गोदानै बर' फरायसा आफाद दानायखौ लुबैयाखै बि ए सि नि बारग’ लेङाइ गाहाइ मावफुं सोद्रोमा प्रदिप दैमारीl एबसु आ माहारियारि आफाद। उपेन्द्र नाथ ब्रह्म दैदेननाय 1987 निफ्राय बदलेन्द सोमावसारनाय जादोंमोन, बेनि उनाव बिएसि, बिटिसि आरो बिटिआर आ जाबाय। बिटिआर गोरोबथा जों जेबो जायासै, जेबो लाभ जायासै, जा बदफा नि थांखि मोन, बेयो जेबो जायासै। बे हिसाबै गोदान सोमावसारनायखौ आं बरायो। नाथाय सोमावसारनांगौ होननानै एबसु खौ सोखावनाय आ मोजां जानाय नङा, गुबुन फरायसा आफाद दानाय आ मोजां जानाय नङा। सोमावसारनाय आ गासैखौबो लाफानानै सो जानो नांगोन, बिपिएफ, ईउपिपिएल, कंग्रेस बिजेपि गासैबो ज जाना सो खालामनांगोन। बिटिआऱ गोरोबथा नि दफा फोरा मावफुंजानयखौ नुनो मोनाखै, सागानगिरि रन्जन दैमारि बिथाङा दासिमबो उदां जायाखै। सिमा बारायनाय आ बो जायासै। अब्ला बे गोरोबथा खौ लाबाय थाना मोजां जानाय नङा। गोदान सोमावासारनाय आ जानो नांगौ।
बाग्सा नि सालबारि नि हतापारा याव बिटिआर नि ईएम राकेस ब्रह्म आरो गौतम दास नि नुजाथिनाय आव गोबां सेल्फ हेल्प ग्रुप नो बिहार निफ्राय लाबोनाय गोजौ माननि मोसौ गाय रानना होदों। बाग्सा आरो उदालगुरि जिला नि गासै 50 ग्रुप नो रानना होयो। फैगो समाव अमा, ना, मोसौ फिसिनायनि गेजेरजों बिटिआर आव मोनसे रेकर्ड खालामनायनि थांखि लादों। अमा फिसिनानै बुहुमनि गेजेराव नो ईउरोप आव फालांगि खालामनो सावरायलायगासिनो आरो मोनसे ग्रुप नो 5 निफ्राय 10 सिम मोसौ गाय होनायनि थांखि। बेनि गेजेरजों गासै बिटिआर आव नो गायखेर जगायनायजों लोगोसे आसामनि गुबुन गुबुन जायगायाव हैनायनि थांखि।
रायजो आव बे बार आव मागो बैसागु खौ फालिनो मोनगोन ना। मैया कभिद नि बारायनायखौ नोजोर होनानै गोदान एसअपि फोसावबाय। गुबुन हेंथा फोरजों लोगोसे मागो बैसागु खौ लानानैबो बुंदों गिबि मन्थ्रि आ- 10 बाजि सिम जा, 10 बाजि आ आव न आव थां। बानायनाय न आव थानो नाङा, फुंनि 6 बाजि आव फैनानै बेखौ सावना होनो हागोन। बे समाव ना नि बाजार आ गोबां सुबुं ज जायो, बेखायनो लाईन आप खालामगोन पुलिस आ। रायजो आव हरनि 10 बाजि निफ्राय फुंनि 6 बाजि सिम कारफिउ होबाय।
आसाम आव देहाफाहामसालि आव कभिद नि
फाहामथाय आ बे बार आव बेसेनगोनां जागोन। बिपिएल कार्ड थानाय आरो ईमारजेन्सि केस नि
बेरामि नि अनगा गासैबो रां होनो नांगोन। हम आशलेशन खौ बांसिन गोसो होदों सोरखार आ,
देहाफाहामसालि आव थानो खौ गोसो होआखै। देहाफआहामसालि आव मोजां आदार बायना जानो
हागोन। 10 जानुवारि निफ्राय रायजो आव ब्स्तार दज होनाय खामानि खौ जागायगोन। गिबि
सारि आव बैसो गोनां फोरा 1 फेब्रुवारि नि गेजेराव लानो नांगोन नङाब्ला फेब्रुवारि
आ पेस्लिप मोना। भेकसिन होनाय सम सिम नार्स फोरा दानसे आव 15 जौ रां मोनगोन,
सुपारभाईजार फोरा बो मोनगोन, आशा नि मावति फोरा बो मोनगोन। मखजाथावदि रायजो आव मैया
1000 नि बारा केस मोनदों। गिबि मन्थ्रि आ त्विट नि गेजेरजों बुंनाय बादिब्ला 1167 केस मोनदों, बेनिनो 517 खौ गुवाहाति आव
नो।
निचिमा खोन्दो Bodoland Students Union नि ईउपिपिएल नि बेरेखा अजद। 2014 माइथायाव आमगुरि ITI College आव अन्थाइ खाम्फा गायसननायखौ UPPL दोलोआ बोखारनायनि अजद। बाउन्दारि वाल खौ गुबुना गायसनदों होनना अजद होदों। थांनाय 2014 मायथायाव BPF दोलोनि खुंथाय थानायाव आमगुरि ITI College खौ गायसननाय जादोंमोन। ITI College गायसननायाव गायसनगिरि हिसाबै दंङमोन खाम्फा बरगयारी बारग' Deputy Chief BTC आरो लोगोसे दङमोन बेखेवगिरि हिसाबै Sjt. Chandan Brahma, MLA नाथाय दानि गोदान सरकारा बे अनथाइ खाम्फा गायसननायखौ बोखारना दानि गोदान सिदलि समसथिनि MLA मुस्रि जयन्त बसुमतारीनि मुंखौ होनाय नुनो मोनदों होनना बुंदों । बेबायदि अन्थाइ खाम्फा गायसननायखौ बोखारनाय नुनो मोननानै निचिमा खोन्दो Bodoland Student Union आ दुखु फोरमायनायजों लोगोसे Education बायदि मोनसे गोथार फसंथानखौ लाना Politics गेलेनायनिफ्राय गोजानाव थानाया गाहाम होनना गोख्रों रावजों सोंखारिदों। बेबायदि अजद आ बेसेबां सैथो बेखौ नायबिजिरोब्ला सो मिथिगोन।
बिपिएफ नि सा 3 एमएलए आ बिजेपि आव थांगोन नि ईंगित होदों रायजो नि बिजेपि नि आफादगिरि भबेश कलिटा या। कंग्रेस नि उनाव बे बार आ बिपिएफ आव बिबान एंगारनाय नि बारहुंखा याव गोबां खहा जानो हागौ। सुक्रबारखालि खौरांगिरिफोरनि सिगाङाव बैसागु नि उन सिगां आव नोंथांमोना मोजां खौरां मोनगोन होनना बुंदों आफादगिरि आ। ईसिङारि खौरां नि बादिब्ला सा 3 बिपिएफ नि एमएलए आ हाबनो हागौ। गासैबो मोजाङै थायोब्ला हाग्रामा नि लोगो गारनो हागौ।
तामुलपुर महकुमा नि नाग्रिजुलि नि कुम्भिझार गामि आव मोनदों मासे मै। सासे नि गय बारि आव नुयो गोबां सुबुंफोरा, उनाव जायगा नि थागिबि फोरा कुमारिकाता ओनसोलारि हाग्रा बिफाननो थौरां हरनाय आव फैयो आरो मोजां हालोद आव हमनो हायो। हमनायनि उनाव मानास माहारियारि हाग्रामा याव हगारना होनो लाना थाङो। आदार नागिरनानै 3 बोसोर बैसो नि मै या भुटन हाजो निफ्राय फैदोंमोन।
मैया आसामनि गिबि मन्थ्रि आ कभिद नि केस आ बारा जानायनि मोननैसो नेम फोसावदों। सनिबार निफ्राय हरनि 10 बाजि निफ्राय फुंनि 6 बाजि सिम कारफिउ, 9 बाजि सम दखान फोरखौ खुलिनो हागोन। दिनैनिफ्राय थाखो 5 सिम गासैबो फरायसालि बन्ध, 30 जानुवारि सिम बन्ध थागोन, गुवाहाति आव थाखो 8 सिम बन्ध। थाखो 9, 10 आरो 11 आ अल्टारनेतिभ वे जों सोलिगोन। भेकसिन लायि आरो मोनसे ल भेकसिन लानाय सुबुंफोरा ननिफ्राय ओंखारोब्ला नो साजा मोनगोन, 15 जानुवारिनिफ्राय आबुं कारफिउ बिसोरनि थाखाय। मास्क लानाय आ गोनांथार, नङाब्ला जरिमाना होनो नांगोन। बिरखँ गाथोन, रेलवे फोराव भेकसिन लायि, मोनसे ल भेकसिन लानाय आरो 15 बोसोर बैसो नि गाहाय नि सुबुंफोरखौ टेष्ट खालामगोन। हम टेष्टिं खालामनो हागोन, मोननै दज लानायफोरखौ लेफ्टलेट होनाय जागोन। नाथाय पजितिभ जायोब्ला बेरामि आ 104 आव कल खालामनो हागोन। होतेल सिनेमा हल, सोरखारि अफिस बायदिफोराव भेकसिन लायि सुबुंफोरा हाबनो मोना। देहाफाहामसलि आव ल सो हाबनो मोनगोन भेकसिन लायाब्लाबो। पाब्लिक फसंथान आव भेकसिन लायि सुबुङा हाबोब्ला बिगोमा या 25 रोजा सिम जरिमाना होनो नांगोन। हतेल रेस्तुरेन्त आरो सोरखारि मावखुलि आव फैनोब्ला मोननै दज नि भेकसिन नांगोन, जाय मावथिफोरा भेकसिन लाया बिसोर 15 जानुवारि नि उनाव मावखुलि आव हाबनो मोना, गिबि आव साननैसो केजुवेल लिभ महरै होगोन नाथाय उनाव दरमाहा दानगोन मावथि नि। हाबा बायदि हाबाफारि आव 200 सुबुं ज जानो हागोन। हर नि बास आ सोलिगोन, दाबल दोज लानाय आ सो थांनो हागोन बेयाव, नाथाय हर आव हतेल आव आदार खौ जनानै जानो मोना, ईन्टार दिस्त्रिक मभमेन्टट आ सोलिगोन। सानसेयाव 12000 नि बारा जानायनि सम्भावना, 20 जानुवारि नि गेजेराव कभिद नि केस आ बारासिन जानो हागौ। गासैबो समाव नो भेकसिन नि चार्तिफिकेट खौ लाबाय था, नङाब्ला पाब्लिक प्लेस आव थांनो मोना। पिलियन रायदिं एब बाईक स्कुटि आव उनथिं जिरायना थांनो हागोन भेकसिन लानायफोरा।
हादर आ कभिद नि 3 थि दोहौ जों आवगायलांगासिनो दायो। दासिम लकदाउन फोसावाखैब्लाबो गोबां रायजो आव गोबां नेम दिहुनना होदों, हरनि कारफिउ जों लोगोसे गोबां नेम। बेफोरखौ नुनानै गुबुन रायजो आव खामानि मावनो थांनायफोरनि गेजेराव दावराव दावसि जानायखौ नुनो मोनदों। गोदान कभिद नि समाव हरखाब लकदाउन होनाय आव गोबां श्रमिकफोरा बयदिसिना जेंना जों मोगा मोगि जानो गोनां जादोंमोन, ट्रेईन, बिरखं गैयि नि सोरबा साईखेल जों नो, सोरबा बा थाबायनानैनो थांदोंमोन गावनि न आव। बेबायदि एखे थासारि आ नो सोमजिनायबादि जादों दायो। हादराव कभिद केस बारा मोननायखौ नुनानै महारास्त्र आव गोबां खामानि मावग्रा फोरा न आव थांनो नागिरदों, रेल नि टिकेट मोनाखै, स्तेशन आव गोबां ज जादों, श्रमिक नि मोनसे ल बाथ्रा, जदि लकदाउन जायो अब्ला मोनजायैनि थाखायनो थैगोन। बेनि थाखाय नो गावबा गाव न आव थांनो नागिरदों। मखजाथावदि 24 घन्टा याव भारत आव 1 लाख नि बारा कभिद केस मोनदों, जाय 8 सान सिगाङाव 10 रोजा सो ल मोन, सप्तासे आव नो गाज्रियै बारा जालांनो हमदों। आसाम आव बो 844 केस मोनदों मैया। गासै भारत आव अमिक्रन नि केस आ 3007 सिम मोनहैबाय, आसाम आव बो मोन 9 जाहैबाय मोननाय आ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon