सासे बिमा नि थाखाय फिसा या नो गासैबो, नाथाय माब्लाबा थासारि आ एरैबायदि जायो लुबैयाब्लाबो गावनि बिखा नि थुख्रा मोनसे गावनिफ्राय गोजनाव लाखिनांगौ जायो। जाथाय आ आसामनि एबा भारत नि नङा, आमेरिका नि सो, आलास्का याव मोनसे जाथाय आ सोराङाव फैदों। सासे आयजो आ गावनि जोनोम जागोदान फिसा खौ नो कार्डबर्ड नि बागसु आव दोनदों। गथ नि आखाय आव गांसे लाईजाम बो दं जेराव गावनि जेंना खौ लिरदों। बिमा या गोजांनाय थान्दा याव बेबायदि गालांदों। बिमा या जोनोम निफ्राय नो फिसा खौ गोजान खालामदोंमोन, सासे आयजो आ 31 दिसेम्बर आव बे जोनोम जागोदान गथ खौ मोनदोंमोन, लाईजाम गांसे दंमोन, बेयाव लिरदों- आंखौ मदद खालाम, आंनि जोनोम आ 31 दिसेम्बर आव जादोंमोन। आंनि आय-आफा आरो आबै आबौ नि आखाय आव आंखौ जाहोनो रां गैया, आंनि आय आ गोरिब। आंखौ नोंथांनि लोगो आव लाना थां आं मोनसे मोजां गोजोन नखर लुबैदों, आंनि आय आफा या बोर होगोन नोंथांखौ आंनि मुं आ ताशभेन।
घुस लानानै सासे आयजो आ हमजाबाय। जनता भवन नि सासे मावथि आ। जनता भवननि बदलेन्द जौगाखां बिफाननि सिनियर एसिस्तेन्त आ पुलिस नि जे आव। आयजो नि मुङा सा देबि। आयजो मावथि खौ Vigilance and Anti Corruption आ हमो। 4 रोजा रां लादोंमोन। बे समाव नो हमो बिखौ। बियो 10 रोजा रां बिदोंमोन, जनता भवननि थामथि महल आव मावनाय बे आयजो खौ रां लानाय समाव नो हमो, आगोलावनो थियारि खा मोन हमनो थाखाय। मिथिना मोननाय बादिब्ला बिनिफ्राय 99 रोजा रां बो मोनदोंमोन।
जोरहात आव गिथावना जाब्रबथाय, हर नि 7.30 सो आव जादोंमोन जाथाय आ, जाब्रबथाय आ एरौैबायदि गिथावना दि दिभाईदार नि सायाव साखा खब 4 नि गारि आ थांदों। मिथिना मोननाय बादिब्ला गारि सालायग्रा या जोरहात नि गंसे फार्मासि नि बिगोमा। जोखोम जादों सालायग्रा या, जोरहात मेदिकेल कलेज आव फाहामथाय लागासिनो।
नर्थ ईस्त फ्रन्तियार रेलवे नि रेल नि रैखाथि हानजा गुसुङै आरपिएफ आ थांनाय सप्तासे आव नो गुवाहाति आरो कातिहार रेल स्तेशन आव नायबिजिरनानै ननिफ्राय खारखुमाना फैनाय सा 11 उन्दै गथ फोरखौ बासायनो हादों। सा 8 खौ काटिहार निफ्राय आरो सा 3 खौ गुवाहाति निफ्राय। बेनिनो सा 2 आ हिनजावसा फोर। बासायनायनि उनाव गासैखौबो चाईल्द लाईन नो गथायनाय जायो। गथ फोरनि बैसो 14 निफ्राय 16 नि गेजेरनि होनना साननाय जादों।
गोदान
बोसोर आव बेसेन आ बारा जाबाय, बे बार आव हा नि बेसेन आ बारा जादों, बेबायदिनो
फ्लेट नि बेसेन आ बो बारा जादों। रेभेन्यु बिफान आ बे थिरांथा खौ लानायनि उनाव नो
बारा जादों। मोन 5 थाखो नि हा नि बेसेना बारा जादों, उद्योग नि हा, फालांगि नि हा,
न लुनायनि हा, साहा बागान नि हा आरो आबाद नि हा नि बेसेना। रेभेन्यु बिफान आ हा नि
बेसेन खौ थि खालामनो जिला बेंगिरिफोरनो बिथोन होदों। 70 निफ्राय 200 जौखोन्दो बारा
जादों।
मैया क'क्राझार सोहोरनि साखाथियाव थानाय बालाजान थिनआलियाव Chief Minister's Relief & Rehabilitation Fund निफ्राय गासै सा 753 फारायसाफोरनो 5 रोजा रां यै स्कलारशिप होनाय जादों आरो सा 71 नो जायफोर बेरामि फोर, मेदिकेल नि थाखाय 10 रोजा रां यै होनाय जायो। रांनि सेकखौ MLA लरेन्स इस्लारी बिथांनि आखायजों राननानै होनाय जादों। बिथाङा कक्राझार नि जेंना फोरखौ सुस्रांनो नाजादों होनना बुंदों। बिथांनि बियाब आव मा मा फैदों गासैखौबो रायजोफोरा मिथिखागोन होनन बुंदों. गासैनोबो खौरां हरनो थाखाय एमएलए नि अफिस लानाय जादों, बेयावनो गासैबो खामानि खौ मावगोन। एप्रिल नि उनाव आरो गोदान स्कलारशिप होनाय जागोन, थालांनाय फोरा एप्रिल नि उनाव मोननो हागोन होनना बो बुङो बिथाङा।
सिसिटिभि नि तार हासनानै, केमेरा नि मोखाङाव स्प्रे सारनानै गं 2 एटिएम सिफायनानै 40 लाख रां लाना थांबाय। जाथाय आ आसाम नि नो। बङायगांव नि बरपारा याव हर आव एसबिआई नि एटिएम निफ्राय सखाव आ लुथिना लाङो। जाथाय आ हर नि 3 बाजि सो आव जादोंमोन। स्तेत बेंक नि अफिसार आ बुंनाय बादिब्ला एटिएम गं 2 आव 40 लाख सो रां दंमोन। एटिएम नि सातार नि ताला खौ सिफायनानै सिङाव हाबनानै एटिएम निफ्राय रां खौ लाङो। दायो एसबिआई निफ्राय बङायगांव सदर थाना याव एजाहार होयो, पुलिस फोरा नायबिजिरगासिनो।
दुलाराय बर फरायसा
आफादनि आफादगिरि दिपेन बर बिथाङा बिबि ईन्जिनियारिं कलेज आव मैया दवबायहैदोंमोन
आरो कलेज नि जेंना फोर, रायजो सोरखार जों सावरायलायनायनि उनाव गोदान बिफान
बेखेवनाय, मासि बानायनाय, फोरोंगिरि आरो गुबुन खामानि मावग्राफोरनि साख्रि आ
रेगुलार खालानाय, चन्ट्रेल वर्कशप बानायनाय, हस्तेल बयदि बायदि नि सायाव
सावरायलायो। बिथाङा लोगोसे कक्राझार नि आटिआई आव बो थांदोंमोन।
साननैसो सिगाङाव जब मेला जादोंमोन, बेयाव गोबां बेलेबेजे जानायखौ नुनो मोनदोंमोन। दायो बे बेले बेजे जानायनि उनाव आसामनि गबर्नर जगदिश मुखि आ दायरक्टेरट अफ एम्प्लयमेन्ट एन्द क्राफ्ट्समेन्ट ट्रेईनिं नि दायरेक्टर चन्द्रा देबि खौ सासपेन्द खालामबाय। जब मेला या 2021 नि 23 दिसेम्बर निफ्राय जागायदोंमोन। गावनि खामानि खौ मोजां मावनो हायि नि थाखाय नो सासपेन्द खालामो। जेबो रोखोमनि साख्रि नि रोखोम, रां आरो गुबुन गुबुन रोखोमनि दितेईल्स खौ होयि नि थाखाय नो गोबां बेकार सुबुंफोरा ज जादोंमोन जब मेला याव। मखजाथावदि 23 दिसेम्बर आव बेले बेजे जानायनि उनाव बो सा 2 खौ सासपेन्द खालमदोंमोन।
फैगासिनो दं बिसायखथि। दिनै सा सानजा भारत आव फैगोन भारत नि गाहाय मन्थ्रि नरेन्द्र मडि आ। सानसे नि हाबाफारि जों मनिपुर आरो त्रिपुरा दावबायफैगोन। बिसायखथि जानो गोनां गंनै हादर आव 5000 कौटि सो रां नि जौगाखां बिथांखि बेखेवगोन बिथाङा। मनिपुर आव बे बोसोराव नो जागोन आरो त्रिपुरा याव 2023 आव जागोन। मनिपुर आरो त्रिपुरा या 2017, 2018 नि बायदिनो गावनि सिङाव लांनो नाजागोन दोलो आ। नाथाय साननैसो सिगाङाव सा 14 दाय गैयि सुबुंफोरखौ बुथारनायनि उनाव थासारि आ आगोलनि बयदि नङा दायो। बेखायनो बे थासारि खौ मोजां खालामफिननो नो बेबायदि खालामनाय जादों।
भारत पाकिस्तान सिमना याव एके 47 रायफल जों लोगोसे गोबां बिबां नि हाथियार मोनदों बिएसएफ आ।। ईन्टारनेशनेल सिमना याव सासे हाबखोमानो नागिरनाय सुबुंखौ गावथारनायनि दस समनि उनाव नो गोबां बिबां नि हाथियर मोनदों। गं 3 एके47 रायफल, गं 4 पिस्तल, गं 5 एके47 नि मेगजिन, गं 2 पिस्तल नि मेगजिन, 14 राउन्द के47 गुलि, 7टा एमएम पिस्तल नि गुलि आरो पेकेट 5 हेरोईन मोनदों। फुंनि 10 बाजि सो आव मोनो बेफोरखौ, जम्मु काश्मिर खौ अशान्ति खालामनो नो बेखौ जमा लाखिदोंमोन होनना सन्देह खालामनाय जादों
बे बार आव मेट्रिक आरो हायार सेकन्दारि आनजाद आ जागोन आ रोखा, नगांव आव फरायसाफोरनो भेकसिन होनाय हाबाफारि आव बाहागो लानानै आसामनि सावस्रि बिफाननि मन्थ्रि डां रनुज पेगु बिथाङा बुंदों। नगांव सोरखारि बालक जौसिन फरायसालि आव गासै गं 5 फरायसालिफोरनि 13 रोजा फरायसा फोरखौ लाफानानै भेकसिनेशन खौ जागायो। दिनै गासै आसाम आव नो बे हाबाफारि खौ लानाय जादों। बेनिनो नगांव जिला याव 9 जानुवारि सिम 50 रोजा नो होनायनि थांखि लादों।
Please do not enter any spam link in the comment box. ConversionConversion EmoticonEmoticon