पुलिस नि गिदिर देरहानाय। फिन एनकाउन्टार, लोगोसे जब्द खालामदों 20 कौटि रां नि द्राग्स मोनदों। बोकाजान नि खटखति पुलिस नि गुलि आव जोखोम जादों द्राग्स फालांगिरि आ। मनिपुर निफ्राय फैनाय गंसे ट्राक आव नागिरनाय आव 115 टा साबोन नि बाग्सु आव मोनदों 1.6 कि ग्रा द्राग्स। 20 कौटि रां नि द्राग्स जब्द खालामदों। द्राग्स जों लोगोसे आमिर हुसेईन आरो सालाऊ रहमान खौ हमदोंमोन। बिसोर सानै खौ हमनायनि उनाव द्राग्स नि जायगाखौ दिन्थिनो लांनाय समाव नो खारखुमानो नागिरदोंमोन। आमिर आ खारखुमानो नागिरनाय आव नो गरनै गुलि गावदोंमोन, बेनिनो हरसे आ आयथें आव नाङो, उनाव दिफु देहाफाहामसालि आव लाना थाङो।
मुंदांखा मोसागिरि पन्दिट बिरजु महाराज बिथांनि जिउ गोमाबाय। कथक मोसानाय आव महारथ मोननाय नि उनाव पन्दिट बिमुं मोननाय बिरजु महाराज आ गोबां सनमान मोननो हादोंमोन। 83 बोसोर बैसो आव जिउ गोमायो। 1986 मायथाई आव हादरनि नैथि गिदिर बान्था पद्मबिभुशन सन्मान होनाय जादोंमोन, बिथांनि जोनोम आ 1937 मायथाई आव जोनोम जादोंमोन। गोबां सान निफ्रायनो बिखा नि बेराम आव गोग्लैना दंमोन। माधुरि दिक्सित निफ्राय लानानै आयश्वर्य राय नो कथक फोरोंदोंमोन।
मुंदांखा मेथाय खनगिरि लता मंगेशकार नि देहा गाज्रि आ बारा जालांगासिनो दं। बिथांखौ मोजां मोनग्रा फोरखौ बोर बिनो होदों देहाफाहामगिरि फोरा। मखजाथावदि कभिद जानाय नि उनाव बिथांनि देहा नि हालोद आ गाज्रिसिन जालांगासिनोमोन। 11 जानुवारि आव मुम्बाई नि ब्रिस केन्दि देहाफाहामसालि आव थिसननाय जादोंमोन, कभिद नि अनगायैबो निउमनिया बो जादों होनना मिथिना मोनदों।
हादर नि मोन 5 रायजो आव बिधानसभा बिसायखथि जागोन। बेनि खालारखौ बो फोसावबाय बिसायखथि आयोग आ। 14 फेब्रुवारि आव जानो गोनां पान्जाब नि बिसायखथि खौ फावसायनानै 20 फेब्रुवारि आव थि खालामबाय। गासैबो राजखान्थि दोलो नि खावलायनायखौ बिसायखथि आयोग आ गनायना लायो। नाथाय मानो, नोंथाङा मोथियो ना। 14 फेब्रुवारि खालि गुरु रबिदास जयन्ति नि थाखाय खावलायदोंमोन गासैबो राजखान्थि हान्जा या। 20 लाख सो सुबुंफोरा उत्तर प्रदेश नि बारानसि आव दावबायनो थांगोन, बेखायनो बिसोर भट होनाय जानाय नङा, जायनि थाखाय फावसायनो गोनां जायो।
हादर आव 12 निफ्राय 14 बोसोर बैसो नि गथ फोरनो बो भेकसिन होनाय खौ जागायनो हागौ। मार्च दान नि जागायनायनिफ्राय बेखौ होनो हागौ। जानुवारि नि गेजेरावनो 15 निफ्राय 18 बोसोर बैसो नि सुबुंफोरनो होनायखौ फोजोबनो हागौ गिबि दज होनायखौ, फेब्रुवारि नि गिबि सप्ता निफ्राय नैथि दज होनायखौ जागायगोन। गिबि सान आव नो 42 लाख नि बारा गथ फोरनो होनायनि सम्भावना दं। रेकर्ड. भारत आव सानसे आव नो 2 लाख 58 रोजा 89 केस मोनदों, दासिम भारत आव गासै 16,56,341 एक्टिभ जाना दं। 1,51,740 आ बारगदोंबो मैया। 385 सुबुंफोरनि जिउ गोमादों। अमिक्रन नि केस आ 8209 केस मोनदों दासिम।
थाना नि एजाहार लिरनाय दालाल फोरनि बेरेखा आसामनि गिबि मन्थ्रि। हरसे आव नो हमबाय सा 242 सुबुंफोरखौ। रायजो नि 26 जिला निफ्राय बिसोरखौ हमनाय जादों। बिसोरनि बेरेखा अजद, एजाहार लिरनाय नि मुङाव गोरिब सुबुंफोरनिफ्राय गोबां रां लायोमोन। जायनि थाखाय गोबां जेंना याव गोग्लैनो गोनां जायो। हा नि दालाल नि उनाव गिबि मन्थ्रि आ थाना नि दालाल नि बेरेखा बो गोरा जानो बिथोन होदोंमोन।
गुबुन गुबुन समाव गोबां रोखोमनि सोमोनांथाव खौरां मोनो। बे मोनसे खौरां आ चत्टिसगर निफ्राय फैदों। मिथिना मोननाय बादिब्ला मासे गाय मोसौ आ मेगन थाय 3 थानाय फिसा जोनोम होदों। बयखौबो सोमोनांहोदों आरो ससियेल मिदिया याव भाईरेल जादों। चत्टिसगर नि राजनान्दगांव आव जादों जाथाय आ. गोबां आ नो बेखौ ईशोर नि लिला होनना बुंनो नागिरो आरो फुजा बो होदों। 14 जानुवारि मकर संक्रान्ति नि सानखालि नो जोनोम होदों, बेखौ मोजां लैखोन होनना बुंदों। दायो मोसौ फिसा नि हालोद आ मोजां आ नो होनना मिथिना मोनदों।
एमएलए जानानै बेबायदि सुर आव बुंनो नाङा, गावनो आयेन बानायनानै जोंखौ आयेन सिफायनो होयो। बेखौ बुंदों सासे आयजो एसआई आ।जोनमनि राभा मुंनि आयजो आ सासे एमएलए खौ उल्था यै हमफिनो। बिहपुरिया बियाब निफ्राय माजुलि सिम बन्ध खालामनायनि उनाव बो गंसे ईन्जिन नि नाउ आ सोलिगासिनो मोन। आयेन बेरेखा यै राजखान्थिगिरि नि मदद जों सोलिगासिनोमोन नाउ आ। बेयाव लाईफ जेकेट गैया, जायगा थानायनिख्रुय गोबां सुबूंफोरखौ लाना थाङोमोन। बेनि थाखाय नो होसो होसो हमदोंमोन सालायग्रा फोरखौ। बेबायदि हमनाय नि थाखाय नो बिहपुरिया नि एमएलए अमिय भुया या पुलिसनो अर्दार होदोंमोन बिसोरखौ जेबो खालामनाङा होननानै। नाथाय एमएलए नि गोरा बुंनायखौ गोसो होआलासै गावनि खामानि खौ मावलाङो आरो गोरायै माबाफोर बाथ्रा दं ब्ला एसपि जों रायलाय होनना बुंनानै फन दानना होयो। मोननै फन कल भाईरेल जादों। मोनसे आ मागो नि सान खालि सानै थिकादार नि गारि गंनै खौ सिफायनायनि थाखाय हमदोंमोन, बेयावबो सासे पुलिस अफिसारखौ फन खालामदोंमोन।
आसामनि गिबिसिन फुटबल क्लाब महरै हादर नि मोजांसिन आयजो नि फुटबल लिग हिरो ईन्दियान अमेन्स लिग नि 2021-22 नि सिजन नि कुवालिफायार नि थाखाय सायखजादों गुवाहाति चिटि एफसि आ। 20 जानुवारि निफ्राय हादर नि सिनियर आयजो दोलो आ मुम्बाई आव एएफसि अमेन्स एशियान काप नि थाखाय गेलेनायनि सुबिदा मोनननानि गेजेराव नो आसामनि फुटबल आव मोजां खौरां फैदों। थांनाय बोसोरनि 8 जुन आव बेखौ दानाय जागोंमोन आयजो सान खालि। क्लाब नि फुटबल एकादेमि आव गोबां मोजां गेलेग्रा फोरा ट्रेईनिं लागासिनो दं।
रायजो नि आबादारि फोरनिफ्राय आसाम सोरखार आरो एफसिआई आ गोबां माय बायगोन होनना फोसावनायनि उनाव नो बेनि बायनाय मिरु खौ थि खालामदों गोबां जायगायाव। जाय समाव मनसे माय नि बेसेन खौ 600 रां बो मोननो थाङामोन, बे समाव सोरखार आ मन से माय नि बेसेनखौ 776 रां होगोन होनना बुंदों। गासै 10 लाख मेट्रिक टन माय बायगोन सोरखार आ। मरिगांव जिला याव गासै मोन 8 माय बायनायनि मिरु बानायदों। गासैबो जिला याव नो बानायदों बेबायदि मिरु खौ। बेखायनो माय फाननो गोसो ब्ला ईसे खौरां ला। आबादारि फोरा गावनि मुं खौ रेजिस्तार खालामनो नांगौ होनना बो खोनानो मोनदों। आबादारि सांग्रांथि मेल फोराव बाहागो ला।
आसामनि सेंग्रा नि गाज्रि खामानि। मोजां मोननाय नि जे आव गुबुन रायजो नि सिख्लाखौ खोख्लैनानै दायो गोजा न आव सासे। सोनाब बंग नि नदिया जिला नि सासे बिहामजो आ लाभ जेहाद नि होलि जानांदों। निफ बङायगांव आव रेलवे पुलिस नि जे आव गोग्लैयो नंखाय मोजां मोननायनि सल नि गाहाय फावगिरि मफिदुल ईश्लाम मुंनि सुबुं आ। मफिदुल नि न आ गवालपारा नि बगुवान थाना नि सिंनि पानदबा याव। मफिदुल आ आमि नाय मुंनि नंखाय फेसबुक एकाउन्ट खुलिनानै नंखाय मोजां मोननाय नि जे आव खोख्लैदोंमोन सासे बाङालि हारि नि 18 बोसोर बैसो नि बिहामजो खौ। उनाव सोलो बाहायनानै बंग निफ्राय रेल जों निउ बङायगांव आव लिंहरो। हिनजावसा या रेल निफ्राय ओंखारनानै सन्देह गोनां बादियै गिदिंथिंबाय थानाय आव पुलिसफोरा सोङो, उनाव गासैबो जाथाय आ सोराङाव फैयो। मखजाथावदि बे गिनजावसा या सोनाब बंग नि पुलिस आव खामानि मावनाय सासे नि बिसि मोन। गुबुनफारसे मफिदुल नि मोन 3 नंखाय एकाउन्ट दं होनना मिथिना मोनदों।
कभिद नि थाखाय साननै आईएसएल नि गेलेनाय आ बन्ध जादों। सनिबारखालि बांगालुरु एफसि नि बेरेखा एटिके मोहन नि गेलेनाय आ बन्ध जादोंमोन, मैया फिन केरेला ब्लास्तार्स जों मुम्बाई नि गेलेनाय आ बन्ध जायो। कभिद नि गोसारनाय खौ नोजोर होनानै नो बेबायदि खालामदों. जायनि थाखाय उनाव गासैबो गेलेनायखौ सम बादियै लांनो हागोन नि सायाव सोंनाय जाखांफैदों। कभिद नि थाखाय गोबां खहा जादों आइएसएल नि।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon