बरमा नि सासे स्पेसियेल सुबुं। खामानि मावनाय होनना बुङोब्ला बिथाङा सासे फार्मासिस्त, मुलि फाननानै नो सालायो संसारखौ। बिथांहा गावनि गंसे बिजाब बाख्रि दं। बेयाव लाखिनाय 2 रोजा सो बेसेनगोसा बिजाब फोरखौ बर थुनलाय आफाद नो दान खालामना होबाय। बिथांनि मुङा नो जाबाय लोहित मुशाहारि। बाक्सा जिला नि हरमा नि दलबारि नि थागिबि लोहित मोसाहारि बिथांहा बिजाब नि सायाव मोनसे निशा दंमोन। गावनि उन जाना थानाय गामि नि सुबुंफोरनि ईयुन खौ साननानै नो न आव नो बिजाब बाख्रि मोनसे गायसनदोंमोन। 2007 मायथाई आव बिसि ललिता देउरि मोसाहारि नि लुबैनाय आव बेखौ फरायग्रा फोरनि थाखाय खुलिना होदोंमोन। बर, असमिया, हिन्दि ईंराजि नेपालि जों लोगोसे गुबुन गुबुन राव नि बिजाबफोर दं बेयाव। गावनि सोर्गोआरि बिसि नि लुबैनायखौ मोगथां महर होनानै गायसननाय बिजाब बाख्रि नि बिजाबफोरखौ सम नि खारथाय आव दान होबाय बिथाङा।
आसाम पुलिस नि 2021-22 आव जानाय एबि ईउबि नि साख्रि नि फिजिकेल आ 1 फेब्रुवारि निफ्राय 15 जिला नि आ जागोन। दिनैनिफ्राय एदमित कार्ड खौ दाउनलद खालामनो हागोन। एबि आव 1429 आरो ईउबि आव 705 मासि दं। 1 फेब्रुवारि आव जानो गोनां फिजिकेल आ बजालि, बङायगांव, बिस्वनाथ. चरायदेउ, चिरां, दरं, धेमाजि, धुबुरि, कामरुप मेट्र आरो रुराल करिमगन्ज, मरिगांव, सिभसागर, सनितपुर आरो उदालगुरि। दिनैनिफ्राय slprbassam.in आव थांनानै दाउनलद खालामनो हागोन।
एसबिआई एबा स्तेत बेंक आव एकाउन्ट दं नामा। बिथांमोना मोनसे नम्बर होदों जायनि गेजेरजों न आव थानानै गोबां सारभिस मोनगोन। टल फ्रि नम्बर 18001234 आव फन खालामनानै गावनि बेंक एकाउन्ट नि बेलेन्स खौ मिथिगोन। बेलेन्स जों लोगोसे आगोलनि मोन 5 लेनदेन नि सोमोन्दै बो मितिनो हागोन। बिथांमोना मेसेज खालामनानै गासै बो दितेईल्स खौ होजोबगोन। बेखौ एसबिआई आ गावनि अफिसिजेल त्वितार एकाउन्ट नि गेजेरजों नो फोसावनानै होदों। बेयो टल फ्रि नम्बर, नोंथांनिफ्राय जेबो रोखोमनि बेलेन्स दाननाय नङा मबाईल निफ्राय
बाक्सा जिला नि सालबारि महकुमा सदर सालबारि नि गोजौ सोलोंथाय नि मोनसे ल सोलोंथाय फसंथान सालबारि कलेज आव मैया सोरखारि बादियै बिगियान आयदा खौ सोनाय जाबाय। कलेज आव खुंनाय मोनसे मेल आव बेखौ भवानिपुर बियाब नि एमएलए फनिधर तालुकदार आ फोसावना होयो। सानसे सिगाङाव केबिनेट आव बो थिरांथा लाखादोंमोन सोगोन होननानै। मखजाथावदि 1983 मायथाय आव गायसननाय कलेज आव बिगियान आयदा खौ सोनाय आव फरायसा, फोरोंगिरि आरो जायगा नि थागिबि फोरा गोजोननाय मोननाय खौ फोरमायो।
गौहाति ईउनिभारसिटि नि आनजाद खौ फावसायबाय। 21, 22 आरो 23 जानुवारि निफ्राय जानो गोनां पिजि आरो ईन्टिग्रितेत एम कम अदद सेमिस्तार नि आनजाद नि खालारखौ उनाव फोसावना होगोन होनना बुंदों। गुबुनफारसे 27 जानुवारि निफ्राय जानो गोनां आनजाद आ थि खालामनाय खालारनिफ्राय नो जागोन। बुहुमफरायसालि आ अफलाईन आनजाद ल लानाय नि बेबस्था खालामदोंमोन, नाथाय कभिद नि थाखाय नो फावसायो। गोबां फरायसाफोरा नो मोदां मोनाखैमोन अफलाईन नि थाखाय।
दरं कलेज नि सासे फरायसुलि खौ किदनेप खालामनायनि सन्देह। थाको 11 नि कमार्च बिफाननि फरायसुलि परिस्मिता देबि खौ लांखुमादों। कलेज निफ्राय न आव थांनाय समाव नो जादों जाथाय आ। बिखौ हगारना होनायनि मुङाव 5 लाख रां दाबि खालामदों। परिस्मिता नि मबाईल जों फन खालामनानै हगारनायनि रां बिदों। दायो जातायनि सायाव तेजपुर सदर थाना याव एजाहार होबाय होनना बुंदों। सानावनो बेबायदि जाथाय जानाय आ सोमोनांथाव, पुलिसफोरा नायबिजिरगासिनो दं।
सालायबाय थानाय गारि आव मोसाना लानानै सा 4 पुलिस आ सासपेन्द खालामजाबाय। गुजरात आव जादों जाथाय आ। कुच्छ सोहोर आव जादों। बुधबारखालि भाईरेल जानायनि उनाव नो गुजरात पुलिस आ सा 4 खौ बो सासपेन्द खालामो। बिसोर गारि सालायनायनि आयेन खौ सिफायदों होननानै सासपेन्द नि बिथोन हरो। बे जायगा नि एसपि आ बुंदों, पुलिसफोरनि नेम आव गारि सिङाव मोसानानै आयेन सिफायनाय आ गैया, बेबायदि खालामनाय आ पुलिसफोरखौ बदनाम खालामनाय जागोन। गुबुनफारसे सासपेन्द खालामनायनि उनाव गोबाङानो ब्बायगि खालामनो नाङामोन होनना बुंदों सासपेन्द खालामनाय खौ। फिसा बाथ्रा नि थाखायनो बेबायदि खालामनाङामोन होनना बुंदों।
कामपुर आव नंखाय सना जों लोगोसे सा 3 खौ हमदों। जायगा नि हम गार्ड फोरा हमदों, गासै 2 केजि 100 ग्राम मोनदों सना खौ। मिथिना मोननाय बादिब्ला बिसोर बिहार नि थागिबि, झारबान जिला नि धर्मेन्द्र प्रजापत, रामलाल प्रजापत आरो मोना देबि।
मोजां बार बाराखै नामा उत्तर प्रदेश आव बिजेपि नि। बिसायखति नि सान आ खाथि सफैनाय लोगो लोगो नो जाबायदि थासारि सोमजिदों उत्तर प्रदेश आव, बेखौ नायोब्ला मोजां बार बाराखै बायदि नुयो। गोबां मन्थ्रि एमएलए फोरा दोलो निफ्राय ओंखारबाय। बे ल नङा बिसायखथि फोसावदिंनो थांनाय बिजेपि नि एमएलए खौ रायजो फोरा होखारनाय बो जाथाय जादों। मुजाफ्फर नगर नि खाताइलि बियाब नि एमएलए बिक्रम सिं सैनि आ फोसावदिंनो थांनाय आव नो जायगानि सुबुंफोरा होखारो, भिदि बो भाईरेल जादों जेराव एमएलए नि गारि नि उन उन थांनाय खौ नुनो मोनदों गोबां सुबुंफोरखौ नो, बिनि बेरेखा स्लगान बो होदों। आगोलाव बायदिसिना बाथ्रा बुंदोंमोन एमएलए आ, बेफोरखौ नो रायजोफोरा मोजां मोनाखै।
आसाम आव मैया गासै 7929 गोदान कभिद नि केस मोनदों। सा 12 नि जिउ बो गोमादों। मैया सानसे आव 61,359 नि देहा याव टेष्ट खालामना नायदोंमोन। जौखोन्दो नि हार आ 12.92
भारत नि सासे थागिबि खौ चिन नि आरमि फोरा लाना थांदों। 17 बोसोर बैसो नि अरुनाशल नि मिराम तारम होनना मिथिनाय जादों लांजानायखौ। बेखौ सोक शभा नि एमपि तापिर गाव आ बुंदों। लांजानाय आ बिसिं गामिनि सियुंग्ला ओनसोल नि थागिबि। आरो सासे थागिबि आ चिन नि आरमि नि आखाय निफ्राय खारखुमाना फैनो हादों होनना बो बुंदों बिथाङा, खारखुमाना फैनो हानाय नि मुङा जनि यायिं। भारत नि आरमि आ जाय 17 बोसोर बैसो नि सेंग्रा खौ लाना थांदों, थाबैनो हगारना होनो होदों।
26 जानुवारि आव ईन्दिया गेट आरो लालकिल्ला याव कार बम होनायनि सन्देह आईबि आ वार्निं होदों। ईन्टेलिजेन्स बिउरो आ दाबि खालामदों उदखारि फोरा पाकिस्तान निफ्राय भारत आव गोबां बेरफ्रुग्रा लाबोदों। सुबुंखान्थि सान खालि उदखारिफोरा सानैसो दैदेनगिरिफोरजों लोगोसे भिआईपि खौ थांखि लानायनि ईंगिट मोननाय जादों। आईबि नि बादिब्ला बेन खालामनाय खालिस्तानि संगथन सिख फर जास्तिस आ नो बेखौ खालामनो हागौ। पाकिस्तान निफ्राय लाबोदों, गाजिपुर नि मन्दि आव मोननाय आईईदि आ बेनि मोनसे बाहागो। जाबायदि जम्मु काश्मिर आव द्रोन जों गाग्लोबदोंमोन, बेबायदि नो गाग्लोबनो हागौ। 20 जानुवारि निफ्राय राजधानि आव द्रन खौ बेन खालामदों. दिल्लि आव द्रन, पेरा ग्लाईदार, ईउएभि, फिसा माईक्रबिरखं, एयार बेलुन बेन खालामदों, बेयो 15 फेब्रुवारि सिम थागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon