बिपिएफ आ फालिगोन बिटिसि सुक्टि सान खौ। 10 फेब्रुवारि आव स्पेशियेल हाबाफारि। फैगो 10 फेब्रुवारि आव बिटिसि सुक्ति नि 19 बोसोर आबुं जागोन। आगोलनि बादि नो फालिगोन बिपिएफ आ। बोसोरफ्रोमबो फालिबोगासिनो दं। बिपिएफ नि मोन 10 जिला कमिटि नि सिङाव बे सान खौ फालिनाय जों लोगोसे ईउपिपिएल नि खामानि मावनायफोरखौ रायजोफोरनो फोरमायगोन होनना बुंदों हाग्रामा महिलारि आ। गुबुनफारसे बिजेपि जों लोगो जानायनि सोमोन्दै बो बिथाङा बुंदों। दासिमबो दोलो नि बादियै जेबो रोखोमनि सावरायलायनाय जायाखै। गिबि मन्थ्रि जों सो सावरायलायगासिनो दं, गिबि मन्थ्रि जों सावरायलायनाय आ पजितिभ जादों होनना बुङो। मैया बाक्सा नि बाथौपुरि आव जादोंमोन बिपिएफ नि एग्जेकिउटिभ मिटिं आ। बिपिएफ नि दैदेनगिरि प्रबिन बर बिथाङा गासै बिटिसि आरो आसाम खौ जौगाहोनो सो लोगो जादों होनना बुंदों। दानि लोगो आ रायजो सोरखार जों ल सो होनना बुंदों। गोदान फरायसा आफाद दानायखौ माब्लाबाबो गनाया होनना बुंदों, एबसुखौ जों रायाखै, रायनो गोनां बो गैया, नाथाय एबसुनि सानैसो दैदेनगिरिफोरा थोंजोङै राजखान्थि जों सोमोन्दो थादों बिसोरखौ सो गाज्रि मोनदों.
गुबुनफारसे
बिपिएफ खौ सुबिदाबादि दोलो होनना बुंदों, लोगोसे महाजोत आव थायामोनब्ला लाथिख
जाबायमोन होनना बुंदों कंग्रेश नि एमपि आब्दुल खालेक आ। बिपिएफ नि जेबो निटि आदर्श
गैया। कंग्रेस नि एमपि नि बादिब्ला गसायगांव, कलाईगांव, माजबाट आरो सोनाब कक्राझार
आव बिपिएफ नि बिजाथि आ देरहादोंमोन। एमएलए दुर्गा दास बर बिथांनि सोमोन्दै बो बुंदों,
मिट्रजोत आव थायामोनब्ला 30 बोसोरनि उनाव दुर्गादास बर आ एमएलए जानो हायामोन।
हजाइ जिल्ला दुलाराय बर' फरायसा आफादनि 2थि थान्दै जखन्थाय आरो हजाइ जिल्ला बर' थुनलाइ आफादनि 1थि थान्दै जखन्थाइया साननैनि मेहेरगोनां हाबाफारिजों मैया हजाइनि काकिनि बेलतला बाजाराव गाजा गोमजायैनो जोबनानै थाङो । बे जखन्थायनिनो गेवलां मेलाव गाहाइ आलासि महरै बाहागो लायो मिरु एबसुनि आफादगिरि मानगोनां मुस्रि दिपेन बर'आ । गाहाइ आलासि महरै बाहागो लानानै बिथाङा बि.टि.आर गोरोबथानि 5.3 दफानि गेजेरजों आसामाव राइजो जानाय बर' आरो ट्राइबेल माहारिनि सुबुंफोरनो परेष्ट डुईलार एक्ट 2006 आयेननि गेजेरजों हानि मोन्थायखौ रोखासिन आरो थाबैनो मावफुंनो थाखायनो गोरोबथायाव बै दफाखौ लाबोफानाय जादों होननानै हजाइ जिल्लायाव हानि जेंनाखौ थाबैनो सुस्रांनांगौनि थाखाय एबसुनिफ्राइ आसामनि गिबि मन्त्रि आरो डाब्लिउ.पि.ति. मन्त्रिजों राायलायनाय जाखांबायबो होननानै राइजोफोरनो फोरमायो । लोगोसे बिथाङा बि.के.डाब्लिउ.ए.चिखौबो बि.टि.आर. बादिनो समानै जौगाखांहोनाय जागोन होननानै ओनसोलनि राइजोफोरा लुबैनाय बादियैनो उदाङै एबसुआ बि.के.डाब्लिउ.ए.चिखौ नोजोर होलांबाय थागोन होननानै गावनि बिबुंथियाव दाजाबदेरनानै बुंबावो । बे गेवलां मेलावनो मिरु एबसुनि गेलेमु नेहाथारि मानगोनां मुस्रि गनेस बसुमतारीआबो बाहागो लाहैयो ।
नगांव आव सासे फरायसा खौ गुलि गावनाय जाथाय जादों। हर नि 8 बाजि सो आव जादों जाथाय आ। एन्टि नार्कटिक स्कवाद नि दोलो नि गावनाय आव किर्टि कमल बरा मुंनि आसु नि दैदेनगिरि आ गाज्रि यै जोकोम जादों। पुलिस नि दोलो आ फरायसा दैदेनगिरि खौ खाथि निफ्राय नो गुलि गावनायनि अजद होदों। जाथाय नि सोमोन्दै पुलिस आ बुंदों- बिबान आव थानाय पुलिस फोरखौ किर्टिकमल आ गाग्लोबदों होनना बुंदों, पुलिस नि बिथोन खौ मानियाखैमोन नि अजद। आयथें आव गुलि नांनाय आव देहाफाहामसालि आव लांङो। गुबुनफारसे किर्टिकमल आ खौरां बिजों नि गेजेरजों बुंदों हरनि 7 बाजि सो आव बिमा नि थाखाय मुलि लायनो थांदोंमोन, बे समाव नो सानैसो सेंग्रा फोरखौ सिभिल द्रेश आव थानाय पुलिस फोरा सोंनाय आरो बुनायखौ नुनो मोनदोंमोन, बे समाव नो किर्टिकमल आ सोंदोंमोन बुनायनि जाहोनखौ, आरो पुलिसफोरजों नांलायनाय जायो। लोगोसे पुलिसफोरा लोंना लादोंमोन होनना बो बुंदों। गुबुनफारसे एसपि आनन्द मिश्रा या द्राग्स लादोंमोन होनना बुंदों।
सारिदुवार आव दायनि नि सन्देह आव सासे बोरायखौ गाग्लोबदों। शनितपुर नि सारिदुवार थाना नि सिङाव थानाय औजुलि रङागरा याव सन्देह जों बुनाय जाथाय जादों। गाग्लोबजानाय सुबुं नि मुङा चक्रधर स्वर्गियारि। खौरां मोननाय बादिब्ला गामि नि सासे बिहामजो आ गोबाव सान निफ्राय बेराम आव गोग्लैना दंमोन, बेजों नो सोमोन्दे थानायनि सन्देह आव हर आव बुयो। बे समाव नो गामि नि नो गोबां सुबुंफोरा पुलिस नि मदद आव जिउ रैखा खालामनो हायो। जाथाय नि सायाव सारिदुवार पुलिस थाना याव एजाहार होनाय जादों होनना खौरां मोनदों।
तेजपुर नि दरं कलेज आव जानाय किदनेप नि जाथाय आ नंखायमोन, मोनसे नाटक सो मोन, थाखो 11 नि परिस्मिता देबि आ लांखारजायाखैमोन। नखरनि सुबुंफोरा बिनि नम्बर जों नो लांखारग्रा या फन खालामनानै 5 लाख रां दाबिदों होनना पुलिस नि खाथि आव थांदोंमोन। मुन देका मुंनि सेंग्रा यो बे जों सोमोन्दो थानायनि बो अजद होदों। नाथाय जाथायनि उनाव पुलिस नि नायबिजिरनाय आव सोराङाव फैयो। नलबारि आव मोनदों हिनजावसा खौ। बिमा या बुंनाय 5 लाख दाबिनाय आ नंखाय होनना बुंदों हिनजावसा या। गावनि गोसो हादियै सो थांदोंमोन होनना बुंदों। गोसो गाज्रि मोननानै सो लोगो सासे जों थांदोंमोन, कलेज निफ्राय थांखादोंमोन हिनजावसा या, हौवासा लोगो सासे जों, बेखौनो बिमा बिफा या नंखायै किदनेप नि जाथाय होनना बुंदों।
रङिया याव हिउमेन ट्रेफिकिं नि जाथाय, सा 4 सुबुं फोरखौ हमदों। मैया हर आव रङिया स्तेशन नि खाथि आव नागिरनानै हमदों सा 4 खौ। सा 11 खौ बासायनो हादों। रङिया स्तेशन नि खाथि नि करियारा नि मानसि फालांगिरि नजरुल आलि उरफे पकेट नि न आव नागिरदोंमोन पुलिस आ। सा 4 हमजानाय सुबुंफोर नि मुङा राजु कलिटा, ज्योति मेधि, सुरेश आरिया आरो आईजुल आलि। नाथाय जाथायजों सोमोन्दो थानाय नजरुल आ पुलिस फैनायनि खौरां मोनना खारखुमायो। बिसोर गासैबो जम्मु काश्मिर आव खामानि होगोन होनना गंसे न आव लाखिना दोनदोंमोन, बे समाव नो पुलिस फोरा थांनानै बासायनो हादों, उनाव पुलिस थाना याव लाना फैयो। गोरिब नि सुबिदा लानानै गोबां सुबुंफोरा नो बेबायदि गाज्रि खामानि मावो।
सुबुंखान्थि सानखालि नि थाखाय एसअपि दिहुनना होदों रायजो सोरखार आ। बे बारनि सुबुंखान्थि सानखालि रावबो फरायसा फोरा बाहागो लानो मोननाय नङा। लोगोसे जेबो रोखोमनि हारिमुवारि हाबाफारि लानो मोननाय नङा। रायजोआरि थाको नि हाबाफारि आव सा 1000, जिलायारि आव 500 आरो महकुमा नि थाखो आव सा 200 ल सुबुंफोरा नुजाथिनायनि गनायथि होदों। कभिद नि थाखाय नो बे थिरांथा खौ लादों।
थांनाय 11 साननिफ्राय आईसिईउ आव नो दं भारत नि मुंदांखा मेथाय खनगिरि लटा मंगेशकार आ, 11 जानुवारि निफ्राय नो मुम्बाई नि ब्रिस केन्दि देहाफाहामसालि नि आईसिईउ आव सोदोंमोन। दासिमबो देहाफाहामगिरिफोरा नोजोर होगासिनो दं 92 बोसोर बैसो नि लटा मंगेशकार खौ। लोगोसे नखर नि सुबुंफोरा नंखाय खौरां फोसावनो नाङा होनना बुंदों। लोगोसे देहाफाहामगिरि आरो नखरनि सुबुंफोरखौ गावनि जायगायाव शांति यै थानो होदों। देहाफाहामगिरिफोरा थांनो होयोब्ला नो न आव लांगोन, सोरगिदिं नंखाय खौरां फोसावनाय आ नखरखौ गोबां जेंना याव खोख्लैदों। बेखायनो गासैखौबो खावलायदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon