आईएसएल आव दिनै केरला ब्लास्तार्स आ हायदाराबाद नि बेरेखा गेलेगोन। हायदाराबाद मोन 9 मेस गेलेनानै 16 पईन्ट्स जों 2 थि नम्बर आव दं आरो केरला या 14 पइन्ट्स जों 5 थि नम्बर आव दं।
पाकिस्तान आव बरफ नि बारहुंखायाव गोबां सुबुंफोरनि जिउ गोमादों। मोररि आव जादों। गोबां गारि फोरखौ सालायनो हायाखै। दासिम सा 22 नि जिउ गोमादों। गिथावना बारहुंखा याव गारि सिङावनो थाबाय थानाङो गोबां सुबुंफोरा। गोबां दंफां फोरा बायनायनि थाखाय लामा या बन्ध जायो। थैनाय सुबुंफोरनि अनजिमा या बारा जानो हागौ।
धुबुरि आव पुलिस नि गुलि आव सासे द्राग्स फालांगिरि जोखोम। पुलिस खौ गाग्लोबनानै खारनो नागिरनाय आनो गुलि गावनांगौ जायो। सनिबारखालि पुलिसफोरा द्राग्स नि बेरेखा अपारेशन खालामदोंमोन। बेयवनो शहिदुर ईस्लम मुंनि द्राग्स फआलांगि खौ हमदोंमोन।
भारत आव मैया गासै 1,59,632 गोदान केस मोनदों। लोगोसे गासै 327 नि जिउ बो गोमादों। अमिक्रन आ हादर आव 3623 सिम मोनहैबाय। संसद भवन नि 400 मावथि फोरनि देहा याव बो कभिद मोनदों। आसाम आव बो मैया 1254 गोदान केस मोनदों, सानै नि जिउ गोमादों।
मोन 5 रायजो आव बिधानसभा बिसायखथि जागोन बे बोसोर आव। बिसायखथि आयोग आ मैया उत्तर प्रदेश, पान्जाब, गोवा, मनिपुर आरो उत्तराखन्द नि बिसायखथि नि सान खौ फोसावो। उत्तर प्रदेश आव 10, 14, 20, 23, 27 फेब्रुवारि आरो 3, 7 मार्च आव मोन 7 खोलोब आव जागोन, मनिपुर आव 27 फेब्रुवारि आरो 3 मार्च आव जागोन। पान्जाब, उत्तराखन्द आरो गोवा याव 14 फेब्रुवारि आव मोनसे खोलोब आव नो जागोन बिसायखथि आव। 10 मार्च आव भट साननाय आ जागोन। मखजाथावदि उत्तर प्रदेश आव 403 बियाब, पान्जाब आव 117, उत्तराखन्द आव 70, मनिपुर आव 60, गवा याव 40 बियाब दं।
आलादा राइजो बड'लेण्डनि सोमावसारनायखौ गोख्रोंसिन खालामनो आरो आसामनि एसेमब्लिआवबो बड'लेण्डखौ सोर्जिथारनांगौनि थाखाय बाथ्रा बुंहैनो थाखाय एबसुनि दैदेननायाव 1991 इं माइथायाव आसामनि मैखोमै बर' थानाय ओनसोलफोराव जेरावबो आसाम बिसायखथियाव बिजाथि दैखांनाय जादोंमोन । बिनिनो 1991 इं माइथायनिफ्राय 1996 माइथायसिम 31नं सिद्ली समस्टिनि एम.एल.ए. जानानै हारिनि आरो ओनसोलनि गोख्रोङै हाबा मावबोनाय मानगोनां किरेन बरगयारी गेदेमाया दिनै गोबाव लोमजानायनि उनाव आंगो गामि सिरां कुमगुरियाव थानाय गावनि नआव रुंसारी जायो । गेदेमा बिथांनि रुंसारि जानाय खौरांखौ मोन्नानै दिनै दुलाराय बर' फरायसा आफादआ दुखु मोन्नाय फोरमायनायजों लोगोसे एबसुनि गाहाइ नेहाथारि मानगोनां मुस्रि खनिन्द्र बसुमतारीनि दैदेननायाव मिरुनि मोनसे हानजाया गेदेमा बिथांखौ मान होनायजों लोगोसे बिदाय हैयो आरो नखरनि सोद्रोमामोनजों लोगोसे बाइ बाहागिफोरजों दुखुनि बाहागोदारि जाहैफायो ।
फैगो सम्बार निफ्राय पेट्रल मोनबावगोन ना। ईथानल गलायनानै पेट्रल लानो नागिराखै थाव दिपु फोरा, बे थिरांथा खौ लादों सा सानजा पेट्रल दिलार एशशियशन आ। खौरांमेल नि गेजेरजों बेनि दैदेनगिरि फोरा बुंदों- अईल कम्पानि निफ्राय मोननाय एमएमएस बादियै जुदि टेंक आव गुबुन माबा मोनसे जाहोन आव ईथानल गलायनाय पेट्रल आव दै आ गोरोबो, अब्ला गासै ईथनल खौ दै खालामगोन बेयो। पेट्रल नि टेंकि आव दै थाखायो, मानोना बेयो माईल्द स्तिल नि। बेयो माब्लाबा गोलोमखाङो। बेखायनो टेंक आव ईसेब्लाबो दै लाखिनाय जायो। नाथाय बेयो पेट्रल जों गोरोबा, नाथाय दायो 12000 पेट्रल लायोब्ला 10 जौखोन्दो ईथानल गलायो आरो दै आ थ 100-150 लिटार थाखायो, बेयो जुदि दै जों गोरोबोब्ला पेट्रल नि गुन आ खम जागोन। बेखौ अईल कम्पानि आबुंदों, नाथाय बेनि बिबान खौ जों लानो हाया, मानोना बायग्रा फोरा जोंखौ सोंगोन होनना बुंदों।
गोरेस्वर आव सा 3 तिर गेलेनाय नि फालांगिरि हमदों। गरेश्वर पुलिस थाना नि असि मृदुल हजरिका नि अपारेशन। होसो होसो हमो सा 3 खौ। गरेश्वर नि बटियामारि निफ्ऱाय ईसिङारि खौरां नि गेजेरजों नागिरदोंमोन। गंसे भारा न आव तिर गेलेनायखौ सालायलांदोंमोन। पुलिस थांनाय लोगो लोगो नो खारखुमादोंमोन। हमनाय सा 3 नि मुं खौ दिपेन देका, राजेन राजबंशि आरो निरन्जन नाथ होनना सिनायदों। हमनाय समाव तिर नि मुवा बेसादफोर मोनदों आरो 7200 रां बो मोनदों होनना मिथिना मोनदों।
केरला नि पालाकाद जिला या बेनि फरायसा फोरखौ गावनि फोरोंगिरि खौ फोरोंगिरि एबा टितार होनना नो बुंनो नांगौ, सार एबा मेदाम बुंनो नाङा होनना बुंदों। होवासा हिनजावसा गासैबो समान होनना सिनायथि होनो थाखाय नो बे खौ खालामनाय जादों, अलास्सेरि गामि नि फरायसालि आ गिबिसिन जानो हादों जायगा नि। सार आरो मेदाम बुंनाय आ आथोन नि न्याय नि बेरेखा जायो। फोरोंगिरि आ गावनि रोंगौथि जों मिथिजानांगौ, आथोन जों नङा होनना बुंदों। नोंथाङा मिथियो ना दानिया फावखुंगुर आरो फावखुंग्रि गासैखौबो एक्टर होनना बुङो, आगोलाव फावखुंगुर फोरखौ ल एक्टर बुङोमोन, फावखुंग्रि फोरखौ एक्ट्रिस होनना बुङोमोन, नाथाय दानिया गासैखौबो एक्टर्स होनना बुङो।
राजस्थान नि अलवर जिला याव जादों दुखुनांथाव जाथाय। रेल लाईन आव पाबजि गेलेबाय थानाय समाव नो सानै बिदा फंबाय नि जिउ गोमाबाय। रेल आ सौख्रांलाङो बिसोरखौ। पुलिसफोऱा बुंनाय बादिब्ला रेल लाईन आव सानै सेंग्रा या फन आव पाबजि गेलेबाय थादोंमोन आरो बे समाव नो रेल आ फैयो आरो सोग्रावो। रेल नि सौग्रावनाय आव जिउ गोमानाय सासे खौ लोकेश मिना आरो सास खौ राहुल रुपवास होनना मिथिना मोनदों। बिसोर गावनि बिब नि न आव आनजाद नि थाखाय फरायनो फैदोंमोन। पाबजि फ्रि फायार, बिजिएमआई नि थाखाय बेबायदि जाथाय जाबाय थानायखौ खोनानो मोनबायनो थायो।
माजुलि नि नाव जाब्रबथाय आव जिउ गोमानायनि नखरनि सुबुं नो साख्रि। मैया आसामनि गिबि मन्थ्रि आ माजुलि फेरि नि जाब्रबथाय आव जिउ गोमानायनो। गिबि मन्थ्रि आ ईन्द्रेशर बरा नि बिसि रुपरेखा सेनापति बर आरो परिमिता दास नि बिनानाव मधुमिता दास नो साख्रि होयो। ईन्द्रेश्वर आरो परिमिता नि सानैनि जिउ गोमादोंमोन।थांनाय 8 सेप्तेम्बर आव जादोंमोन जाथाय आ। आरो सासे जिउ गोमाबावनाय देहाफाहामगिरि डाँ बिक्रमजित बरुवा नि नखरा थैनाय सुबुंनि आजिरा मोननाय सम सिम आबुं दरमाहा मोनगोन होनना बुंदों।
रायजो नि गिबि मन्थ्रि डाँ हिमन्त बिश्व शर्मा नि खावालायनाय आव रायजो नि मन्थ्रि एमएलए फोरा बो गावनि बिमा बिफा जों सम खौ थिनहरदों। गिबि मन्थ्रि नि खावलायनायखौ सन्मान होनानै बाग्सा जिला नि सापागुरि बियाब नि एमएलए उर्खावगोरा ब्रह्म आ फुङावनो गावनि जोनोम जायगा दतमा नि सालानि बताबारि आव थाङो। गावनि बिफा 90 बोसोर बैसो नि हर्केश्वर ब्रह्म नो गावनि आखाय जों नो ओंखाम जाहोदों। खौरांगिरिफोरनि सिगाङाव दिनैनि सान खौ जिउ नि स्पेसियेल दिन होनना बुंदों। गावनि मुखुब जिउ आव बो जिउ होनाय बिमा बिफा खौ बावगारनो नाङा होनना बुंदों बिथाङा।
बेटी बचाओ बेटी पढ़ाओ- गाहाय मन्थ्रि नि बे खावलायनायनि उल्था जानायखौ नुनो मोनदों। आसा आव नो
जादों जाथाय आ। त्रिपुरा नि बिमा बिफाया गावनि 5 सान नि फिसा खौ देहाफाहामसालि आव
नो गारना होनो थाखाय सासे सुईपार नि आखाय आव होना गालाङो. सिलसर नि नारि शिक्षा
आश्रम मुंनि देहाफाहामसलि आव जादों। सानै सेंग्रा नि थाखाय नो गथ आ बारगयो। बे
जाथाय खौ लानानै दुंहाव थासारि सोमजिदों. उनाव पुलिस आ जायगायाव थांनानै दुंहाव
थासारि खौ मोजां खालामो आरो गथ खौ गारनो लांनाय सुईपार खौ हमो। उनाव देहाफाहामसालि
नि सुबुंफोरा एनआईसिईउ आव दोनो। खौरां मोननाय बादिब्ला 2 जानुवारि आव शम्पि दास
मुंनि आयजो आ गथ जोनोम होदोंमोन। जोनोम नि समाव गथ नि आयथें आ ईसे खेंख्रा मोन।
मैया दिसचार्ज होदोंमोन, बेयावनो सुईपार नो 500 रां होना गारनो होदोंमोन। रायजो
फोरा हिनजावसा गथ जानायनि थाखायनो गारनो नागिरनायनि सन्देह।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon