सानफ्रोमबो हाजिरा मावनाय सोलोंथाय गैयि बिफा नि
बिथोन- गिदिर मानसि जानो मोजांयै फराय। फिसाज्ला या दायो आईएएस अफिसार। सासे
अफिसार नि देरहानायनि सल आ भाईरेल जादों। जाय आईएएस आ गावनो बिफा खौ मदद खालामनो
थेला याव साहा फानदोंमोन। बिफा या गावनो फरायसालि आव नो फरायनायखौ गारदोंमोव,
नाथाय फिसाज्ला खौ सानफ्रोमबो बुंदोंमोन गिदिर मानसि जानो थाखाय फरायनो नांगौ
होनना। अफिसार नि मुङा बिमांशु गुप्ता। उत्तराखन्द नि बिथाङा सानफ्रोमबो गोबां
खस्त खालामदोंमोन, गोरिब नखर नि फिसा या गोबां जेंना जों मोगा मोगि जानांदोंमोन,
नाथाय फरायनाय खौ गाराखैमोन। गावनो बेनि सोमोन्दै ससियेल मिदिया नि गेजेरजों बुंना
लादों।
जाय समाव रायजो सोरखार आ भेकसिन लानाय आ गोनांथार
होनना बुंदों। बे समाव मिरु सोरखार आ सुप्रिम कोर्त नो होनाय समाय बिलाय आव कभिद
भेकसिन लानाय आ गोनांथार नङा होनना बुंदों। रावबो सुबुङानो गावनि गोसो नि उल्था
भेकसिन लानो होनो हानाय नङा। सोलिनाय बोसोर आव सुबुंफोरनि लुबैनायनि थाखाय भेकसिन
खौ होदों। बेफोरखौ एदभार्ताईज होदों, खावलायदों आरो खौरां बिजों नि गेजेरजों
फोसावनाय जादों दि भेकसिन लानाय आ गासैबो नि थाखाय मोजां होनना। नाथाय सोरबा सुबुं
खौ बिनि गोसो नि बेरेखा भेकसिन लाहोनो होनो हानाय नङा। गुबुनफारसे आसाम नि गिबि
मन्थ्रि आ बुंदों, भेकसिन लानाय आ लाथारनांगौ नङा, नाथाय जाय भेकसिन लाया बियो न
आव नो थानो नांगोन होनना बुंदों।
सरायदेउ जिल्ला दुलाराय बर' फरायसा आफादनि साननैनि हाबाफारिजों
बेंनाबारि थियकहाबिनि बर'फोथाराव खुंनाय रुफाथि मायथाइ
फोर्बो फालिथाइआ दिनै मेहेरगोनाङै जोबनानै थाङो । हाबाफारि बादियै फुंनि गोथार आरजखौ जागायनानै एबसुनि
गोथार फिर्फिलाखौ बिरिहोयो सरायदेव जिल्ला एबसुनि आफादगिरि मानगोनां मुस्रि फापु
बसुमतारीआ आरो मुंख्लं खाम्फायाव बिबारखौ बाउजेनो सिबसागर जिल्ला एबसुनि बारग' आफादगिरि मुस्रि रन्जन बसुमतारीआ । सरायदेउ जिल्ला एबसुनि आफादगिरि फापु बसुमतारीआ मासि
लानानै दैदेननाय गेवलां मेलाव मिरु एबसुनि आफादगिरि मानगोनां मुस्रि दिपेन बर'आ गाहाइ आलासि महरै बाहागो लायो । गाहाइ आलासि महरै बाहागो लानानै बिथाङा एबसुनि
माहारिबाद सान्स्रिनि सायाव गुवारै बिबुंथि लाखिनानै सरायदेउ , सिबसागर आरो डिब्रुगढ़ जिल्लानि बर'फोरखौ गेबेङै बर' राव रायलायफिननो हानाय बादियै बर'
रावनि सायाव आबुं गियान थानाय फोरोंगिरि थिसननो थाखाय एबसुनिफ्राइ
रोंगौथि गोनां बिजाथि नागिरगासिनो होननानै फोरमायो । लोगोसे बिथाङा एबसुनि जोनोमनि गुदि थांखि बादियै
बुहुमनि खना खनला रायजो जानाय बर'फोरखौ गासैबो बिथिङावनो रोखोमसे खालामनो थाखाय एबसुआ हर सान खामानि
मावगासिनो दङ होननानै दाथियै बुंथियो ।
दानसे आव नो मोन 4 बेलिस्तिक मिसाईल गावहरदों साहा
करिया या, जापान जों लोगोसे खोला करिया खौ साननो गोनां खालामदों। बुहुम दावहा
जागोन नामा, 4 थि खेब नि थाखाय लैथो आव खम
जानथाई नि बेल्लिस्तिक मिसाईल गावहरदों। बेखौ खोला करिया या बुंदों, हेनि सिगां
खनसे आव नो मोननै मिसाईल गावहरनाय आव आमेरिका या बेनि सायाव बन्ध खालामदोंमोन।
थांनाय सप्तायाव मोनसे हायपारशनिक मिसाईल बो आनजाद नायदोंमोन। बेल्लिस्तिक मिसाईल
जों बेसेबां जानथाई सिम थांखि लादों बेखौ मोजाङै मिथियाखैब्लाबो जापान सोरखार आ
बेनि रिपर्त खौ होदों।
29 ता फिसा जोनोम होनाय मोसा नि जिउ गोमाबाय।
सुपार मम आरो कल्लारवालि मुं जों मिथिजानाय मध्यप्रदेश नि पेन्स तायगार रिजार्भ आव
बुरै बैसो आव थैयो। 16 नि बारा बैसो थांना थादोंमोन। मध्यप्रदेश नि मन्थ्रि डाँ
नरोत्तम मिश्रा बिथाङा मोसा नि थैनाय आव दुखु मोननाय फोरमायदों। हाग्रा बिफान आ
होनाय मुं आ टि-15 मोन, नाथाय जायगा नि थागिबि फोरा मोसा खौ अननानै कल्लारबालि
होनना बुङोमोन।
ईन्तारनेशनेल बिरखं गाथोन आव बम बेरनाय जाथाय।
मोन 3 बम बेरनाय आव सानै भारतारि जों लोगोसे गासै सा 3 नि जिउ गोमादों। आरब हादोर
आव जादों बेयो। आबुधाबि नि मोनसे एयारपर्ट आव द्रोन जों थर 3 बम बेरहोदों। सा 3
थैनाय जों लोगोसे सा 6 आ जोखोम जादों होनना मिथिना मोनदों। बे बेरफ्रोनाय नि उनाव
अर खामजोबो जायगायाव। लोगो लोगो अर खौ खोमोरनो नाजायो। बे खामानि खौ ईरान खौ
सापर्त खालामग्रा फोरा नो खालामदों होनना सन्देह खालामदों। गोबाव सम निफ्राय नो गाग्लोबगोन
होनना बुंबाय थादोंमोन।
सानसे आव नो ह्विल चेयार जों 213 कि मि जानथायखौ
बारनाय भारत नि पेरा एथेलेट नि वर्ल्द रेकर्ड। 28 बोसोर बैसो नि उरिश्या नि पुरि
नि मेनुवेस ह्विल चेयार आव जनानै 24 घन्टा याव 213 कि मि थाङो। मुङा कमलाकान्ट
नायक। बेनि सिगां मेनुवेल ह्विल चेयार नि रेकर्ड आ पर्तुगाल नि मारिउ नि आखाय आव
दंमोन।
हादर आव कभिद नि गोसारनाय आ बारा जालांगासिनो दं।
बेबायदिनो थैनायनि अन्जिमा या बो। जायनि थाखाय हाबा जानाय नि सायाव कभिद नि हेंथा।
बन्ध खालामबाय मेरियेज रेजिस्त्रेशन सारभिस खौ। मुम्बाई आव बे बिथोन खौ होदों।
हादरनि रायजो हिसाबै नायोब्ला दिल्लि आरो महारास्त्र आव नो बांसिन मोननाय जायो
कभिद नि केस खौ, महारास्त्र नि आ मुम्बाई आव बांसिन मोनो, कभिद नि गोसारनायखौ
नोजोर होनानै नो बेबायदि खालामनाय जादों।
सोमोनांथाव। आसाम आव सानसे आव नो 6982 गोदान कभिद
नि केस मोनदों, थामथि दोहौ आव बेनो बयनिख्रुय बांसिन दिनैसिम नि। मैया नि सान आव
सा 11 नि जिउ बो गोमादों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon