दिनै 13 जुलाइ 2025 रबिबार साननि दासिमनि मोननैसो गोनां खौरांफोरजों दिनैनि सानखौ जागायदो।
1. अरुणाचल प्रदेशनि रयिंआव मोनसे सोमोनांथाव जाथाय जादों। सासे जिनाहारि खालामनाय दायनिगिरिखौ ज जानानै बुनानै बुथारनाय जाथाय जादोंमोन। दायनिगिरिखौ पुलिस थानानि लक-आपनिफ्राय दिहुनना लाबोनानै रागा जोंनाय रायजोफोरा बुदोंमोन, जायनि जाहोनाव दायनिगिरिया थैयो।
मखजाथावदि
दायनिगिरिनि सायाव साब्रै हिनजावसाफोरखौ जिनाहारि खालामनायनि दाय होनाय जादोंमोन ।
बे दायआव हमजानाय सेंग्राखौ पुलिस थानानिफ्राय दिहुनना लाबोनानै बुनानै
बुथारदोंमोन । बे जाथाया अरुणाचल प्रदेशनि लवार दिबां भेली जिल्लायाव जादोंमोन ।
जायगानि सुलुंनि
बायदिब्ला, दायनिगिरि सेंग्राया रयिंआव माउन्ट कार्मेल
फरायसालिनि खाथियाव गंसे न' लुनाय जायगायाव हाजिरा मावग्रा महरै खामानि मावगासिनो
दंमोन।
अजदनि बायदिब्ला, थांनाय माखासे सानफोरनिफ्राय, बियो लुनाय
जायगानि साखाथियाव थानाय माउन्ट कार्मेल फरायसालिनि ह'स्टेलनि थागिरि सा 3-4 हिनजावसाफोरखौ
आथोनारि गाग्लोबदोंमोन। बृहस्पतिबाराव रोइं पुलिसा दायनिगिरिखौ सिनायो आरो हमो।
बेनि उनाव जायगानि सुबुंफोरनि मोनसे हान्जाया सुक्रुबाराव रागा जोंनानै पुलिस
थानायाव हाबदोंमोन आरो दायनिगिरिखौ लक-आपनिफ्राय दिहुनदोंमोन आरो बुदोंमोन।
बेनि जाहोनाव सासे 17 बोसोर बैसोनि लाइमोन मावसाया थैयो।
गासै 1080
नखरफोरखौ होखारनाय जागोननि बाथ्रा दंमोन मैया। गुबुनफारसे सिगांनिफ्रायनो 70 जौखोन्दो सुबुंफोरा
नटिसनि उनाव न'फोरखौ सिफायदोंमोन आरो खारलांदोंमोन। रैखाथिनि बिथिंफोरखौ नोजोर
होनानै होखारनाय जायगायाव रोजा-रोजा पुलिस हानजा आरो हाग्रा बिफाननि मावथिफोरखौ
थिसननाय जादोंमोन। बे समावनो, होखारनाय हाबाफारिया फुंनिफ्रायनो गोजोनै
खुंफुंजादोंमोन। गोबां होखारजानाय सुबुंफोरा गावनि न आ सिफायजानायाव दुखु मोननाय
फोरमायदोंमोन।
नेटिजेन्सफोरा
अस'मिया मुंनि सासे फिसाजोनि बागै मिथिनो जोबोद गोसो गुदुंमोन जाय हरखाबै भाइरेल
जादोंमोन।
बे समावनो
अर्चिता फुकननि सोमोन्दै मोनसे बेरफ्रुसार बाथ्राया सोराङाव फैदों। रिपर्टफोरनि
बायदिब्ला, अर्चिता
फुकनआ जेबो रोखोमनि निला सावथुनाव खामानि मावाखै। अर्चिता फुकनआ डिब्रूगढ़नि सासे
हाबा जानाय आइजोसो। अर्चिताया आमेरिकायाव नङा नाथाय आसामावनो
थायो। अर्चिताया आमेरिकायाव रावखौबो लोगो हमहैयाखै जेरै बेयो ससियेल मेडियायाव
गोसारदोंमोन। गुबुन गुबुन खौरां बिजोंनि रिपर्टफोरनि बायदिब्ला, डिब्रुगढ़नि
अर्चिताया साइबार क्राइमनि बोलि जानांदों। बे गासैबो जाथायाव सासे सेंग्राया
लोब्बा दं।
सेंग्राया ए.आइ.नि गेजेरजों
अर्चितानि सावगारिखौ म'र्फ खालामनायनि बेरफ्रुसार अजद।
समाजारि बिजोङाव गोसारनाय सावगारिफोरखौ ए.आइ.नि गेजेरजों बानायनाय जादोंमोन।
फारसेथिं अर्चितानि मोखांनि मोनसे फिसा बाहागोआल' गोरोबो, देहानि
गुबुन बाहागोआ आबुङै म'र्फ खालामना बानायजादोंमोन। दा तिनसुकियानि प्रतिम बरा
मुंनि सासे सेंग्रानि सायाव अर्चिता फुकना बे दायखौ मावनायनि दाय होनाय जादों।
बेनि उनाव
अर्चिता फुकननि नंखाय प्रफाइलनि बागै खौरां सोराङाव फैदों। पुलिसा दा बे सेंग्राखौ
खाबाय जाय नंखाय प्रफाइल बानायदोंमोन। रिपर्टफोरनि बायदिब्ला, बे मुगैथाव खामानिखौ
बिनि एक्स बयफ्रेइन्द प्रतिम बराया अर्चितानि सायाव खिथेर लानो थाखाय खालामदोंमोन।
अर्चिता फुकनआ होनाय एफआइआरनि सायाव बिथा खालामनानै, बारग' मोजां मोनग्रा प्रतिम
बराखौ पुलिसा खाबाय। पुलिस नायबिजिरनायनि जोबनायाव आरोबाव गोबां बाथ्राया सोराङाव
फैनायनि आसा दं।
रिपर्टआव रोखायै मुंख'नाय जादों दि 12 जुनखालि, एयार इन्डियानि ए.आइ. 171 बिरखंआ
आहमेदाबाद बिरखं गाथोननिफ्राय लन्दनसिम बिरलांनायनि एसे उनावनो मोन्नैबो इन्जिननि थावनि
जगायनाया थाबथादोंमोन। से सेकेन्डनि गेजेरावनो इन्जिन 1 आरो इन्जिन 2 मोननैनिबो थावनि
जगायनायखौ रान नि सोलायै तार्न अफ खालामनाय जादोंमोन।
नायबिजिरनायनि समाव बे बाथ्राया रोखा जाबाय। फारसेथिं ककपिटआव थानाय
भइस रेकर्डारा बिरखंनि पाइलट आरो लोगो-पाइलटनि गेजेराव सावरायलायनायखौ रेकर्द खालामदोंमोन । बै रायज्लायनायाव, खोनानो मोनदोंमोन दि पाइलटआ
एसिसटेन्ट पाइलटखौ सोंदोंमोन दि बिथाङा थावनि सुइचखौ मानो बन्द खालामदों होनना,
बेयावनो एसिसटेन्ट पाइलटआ हरखाबै फिन्नाय होदोंमोन दि बिथाङा सुइचखौ बन्द'
खालामाखै होनना। बेनि उनावनो पाइलता मेदे मेदे मेदे होनना मोनसे इमारजेन्सि मेसेज
दैथायहरदोंमोन।
बिरखं जाहाजखौ
गोख्रैनो एयार ट्रेफिक कन्ट्र'लनिफ्राय सोमोन्दो लानाय जादोंमोन नाथाय एयार
ट्रेफिक कन्ट्र'ला
जेबो फिन्नाय मोनाखैमोन। 15 बिलाइनि नायबिजिरनाय रिपर्टआव
आरोबाव बुंनाय जादों दि बिरखंआव सा
230 दावबायारिफोर आरो सा 12 क्रु मेम्बारफोर
दंमोन। फालांगियारि थाखोआव सा 15 दावबायारिफोर दंमोन।
बे बिरखंनि
सायाव टेक-अफ खालामनाय समाव थावनिया 54,200 किल'ग्राममोन। गासै 2,13,401
किल'ग्राम लिरथाइजों बिरखंआ बिरदोंमोन, जाय
आबुं नेमनि सिङावमोन। बे बेलायाव बिरखंआव जेबो बांद्राय लिरथाइनि जेंनाबो गैयामोन
होनना रिपर्टआव बुंनाय जादों।
बिरखंआव जेबो
खैफोदगोनां मुवाबो गैयामोन। टेक-अफनि सिगां बिरखंनि मोन्नैबो इन्जिनखौ आनजाद
नायनाय जादोंमोन। बिरखंनि थावनि नमुनाखौबो आनजाद नायनाय जादोंमोन आरो बै बेलायाव
जेबो गोरोबलायै नुनो मोननाय जायाखैमोन, नायबिजिरनाय रिपर्टआव बेबादि बुंनाय जादों।
5. नोंथाङा बलीवुडनि मुंदांखा फावखुंगुर अनिल कापुरजों फाव खालामजानाय 'नायक' सावथुनखौ नुदों जानांगौ। सावथुननि मोनसे नुथायाव, अनिल कापुर, जाय मोनसे हाब्रु गोनां जायगायाव गोग्लैदोंमोन, बिखौ रायजोफोरा गायखेरजों दुगैहोदोंमोन। बे खेबाव बेयो सावथुनाव नङा नाथाय रियेलावनो गायखेरजों दुगैनाय मोनसे जाथाय जादों। बेबो से लिटार एबा नै लिटारल' गायखेर नङा, 40 लिटारसो गायखेर।
गाइखेरजों
दुगैनायनि जाहोनखौ खोनानानै नोंथाङा सोमोनांगोन। मोनसे गुबुन रोखोमनि जाहोननि
थाखाय, सेंग्राया खुसिजोंनो 40 लिटार गायखेरजों गावखौ मोजां खालामो। बियो
दुगैदोंमोन आरो लोगोसे होख्रावदोंमोनबो, "आं दिनैनिफ्राय उदां, आं दिनैनिफ्राय उदां..." होनना
मखजाथावदि हाबा
जाखानायफोरानो आयेन बेरेखा मोजां मोनलायनानै गुबुनजों खारलांनाय गोबां जाथायफोर
जानायनि खौरां मोनबाय थायो ससियेल मिदिया नि गेजेरजों, बेबो बेबादिनो मोनसे जाथाय.
नलबारिआव मोनसे
सोमोनांथाव जाथाय जादों। सासे फिसाइया गावनि बिसिनिफ्राय फाथैलाइ बिसिनानै खुसि।
मानोना बिनि बिसिआ गुबुन सासे आयेन बेरेखा मोजां मोनग्राजों गासै खेबनै
खारलांदोंमोन, बिखौ होबथानो हायाखैमोन आरो जोबनायाव आयेन बायदियै फाथैलाइ
बिसिदोंमोन फिसायया। फिसायआ फाथैलाइ बिसिनायनि गासैबो हाबाफोरखौ फोजोबनो हानानै
गोजोनदोंमोन। बाल्तिंआव गायखेरखौ लानानै दुगैदोंमोन आरो केमेरानि सिगाङाव बुंदोंमोन
"आं दिनैनिफ्राय उदां... "।
फिसाय मानिक
आलिआ गंब्रै बाल्थिंआव गासै 40 लिटार गायखेरजों दुगैनो मोननानै गोजोननाय
फोरमायदों। बे जाथाया नलबाड़ी जिल्लानि मुकालमुआ पुलिस थानानि सिङाव थानाय
बारलियापारआव जादोंमोन। फिसायनि बायदिब्ला, बिसिआ गले-गले गावनि आयेन बेरेखा मोजां मोनग्राजों खारलाङो। मानिक आलीया गावनि
बिसिखौ होबथानो हाया।
नाथाय मानिक
आलीया गले-गले गावनि बिसिनि गासैबो गोरोन्थिफोरखौ निमाहा होबाय थादोंमोन मानोना
बिथांहा सासे फिसाजो दंमोन नाथाय बिसिया खनले-खनले बे एखे गोरोन्थिखौ खालामबाय
थादोंमोन । जायनि जाहोनाव बिसोर सानैबो गावसोरनि गोरोन्थिनि थाखाय आयेननि खाथियाव
थांनांदोंमोन आरो जोबनायाव सानैबो मोनसे आयेनारि बिखान्थिनि गेजेरजों फाथैलाइ
बिसिदोंमोन ।
गिबि मन्थ्रिआ
गासै सा-सानजायाव ना फिसिनाय दिहुन्थायनि बिथिङाव गोदान दिगखौ बेखेवनानै मोनसे
आत्मनिर्भर आसाम सोरजिनायनि थांखिजों दिमारियानि बगिबारीयाव थानाय मोनसे गाहाय
गावगोसोआरि आफाद कलं-कापिलीनि नाजानायखौ बाख्नायो।
मख'जाथावदि, एक्वा टेक पार्कखौ गोदान मुगानि दैयारि आबाद
मावनाय आदबफोरनि मोनसे मिरु महरै साननाय जादों, जायनि थांखिया ना फिसिनाय दिहुन्थायखौ बांहोनाय
आरो आसामनि लाइमोनफोरनो आयनि खाबु होनाय। गिबि मन्थ्रि शर्माया बुंदोंमोन दि बे
पार्कआ ना फिसिनाय जौगाथायनि बिथिङाव मोनसे दिन्थि नेरसोन महरै खामानि मावगोन।
बेखौ मख'नो गोनां दि दै संरैखाथि ओनसोलनि गेजेरजों कालां कपिलिआ
सिगांनिफ्रायनो गुबुन गुबुन सुबुंफोरनो साख्रिनि लामा दिन्थिनानै गोनोखोआरि ना फिसिनाय, ना फिसिनायजों सोमोन्दो गोनां फोरोंथाय होनानै हादोर आरो
गुबुन हादोराव मुंदांखा जानो हादों। बे
हाबाफारियाव मन्थ्रि कृष्णेन्दु पाल, जायगानि एमएलए अतुल बरा, ना फिसिग्रा बिफाननि गोजौ थाखोनि मावख'गिरिफोरा
नुजाथिदोंमोन।
"खोला
एसियायाव उदखारि: नेपालनि हादोरगिरिनि बोसोनगिरि सुनिल बाहादुर थापाया काठमान्डुआव
ओनसोलारि गोजोन आरो रैखाथि जेंनाफोरनि सायाव मोनसे हाबाफारियाव बे बाथ्राखौ
बुंदोंमोन। बे हाबाफारिखौ नेपाल
इनस्टिटिउट फर इन्टारनेसनेल क'अपरेसन एन्ड इनगेजमेन्टनि दैदेननायाव खुंनाय जादोंमोन।
उदां सिमाया
जिंगानि जाहोन जाबाय।
नेपाल आरो
भारतनि गेजेराव लांदां सिमा आरो भिजा गैयै लाहार-फाहारनि सायावबो जिंगा सिखांनाय
जादों। थापानि बायदिब्ला, उदखारिफोरा बे खान्थिनि मुलाम्फा लाना भारतआव हाबनो हागौ।
नेपालनि एम.पि. सिसिर खनालआ पहलगाम गाग्लोबनायखौ मुंख'नानै बुंदोंमोन दि दा भारत
आरो नेपालआ जयै सिमा सामलायनायखौ गोख्रों खालामनांगोन। बिथाङा सुबुरुन होदोंमोन दि गोजौ आरोंदायारि
नायदिंनाय बिरोंदामिन, संगालि सोलाय-सोल' आरो जथाय उदखारि बेरेखा अपारेसननि
गोनांथि दं।
नेपालनि बारग'
रैखाथि मन्थ्रि मिनेन्द्र रिजालआ बुंदोंमोन दि खालि भारतल' नङा, नेपाल आरो
पाकिस्तानाबो उदखारिफोरखौ पाकिस्ताना खालामनाय मददजनि थाखाय गोहोम खोख्लैदों।
बिथाङा बुंदोंमोन दि उदखारि गाग्लोबनाया नेपालावबो थोंजों गोहोम खोख्लैयो। बेनि
मोनसे बिदिन्थिया पहलगाम गाग्लोबनायमोन
जेराव सासे नेपालि नोगोरारिबो बुथारजादोंमोन।
नेपालि हायाव
उदखारिजों सोमोन्दो थानाय गोबां गोजाम जाथायफोरा सोराङाव फैदों। दा वीकआव
फोसावजानाय मोनसे रिपर्टनि बायदिब्ला, 2017 मायथाइयाव सनौली सिमानिफ्राय सासे
पाकिस्ताननि उदखारिखौ एसएसबिआ खादोंमोन। इं 1999 माइथायाव काठमान्डुनिफ्राय
दिल्लीसिम थांनाय गंसे आईसी 814 बिरखंखौ उदखारिफोरा लांखारदोंमोन। 18 मे, 2025
मायथाइयाव पाकिस्ताननि सिन्ध रायजोआव लश्कर-ए-तैयबानि नेपाल मड्युलनि गाहायखौ
बुथारनाय जादोंमोन। बेफोर गासैबो जाथायफोरा भारत-नेपाल सिमायाव रैखाथिनि सायाव
गोब्राब सोंलु सिखांदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon