16 July 2025 bodo news. CEM cup. Hagrama Mohilary. TESLA. etc news ~ Bodoinfo.com

दिनै 16 जुलाइ 2025 बुधबार साननि दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।

1. मिरुआ केन्सार आरो दाइबेटिस मुलिफोरजों लोगोसे मोन 71 गोनांथार मुलिफोरनि बेसेन थि खालामदों। बे थिरांथाखौ मिरु सोरखारा बावैसो मोनसे गेजेट नटिफिकेसन फोसावनानै फोसावदोंमोन।

बेसेनखौ नेसनेल फार्मास्युटिकल प्राइसिं अथ'रिटि (एन.पि.पि.ए.) आ थि खालामदों, जाय मुलिनि बेसेनखौ सामलायग्रा मिरुआरि आफाद। बे फारिलाइआव मेटास्टेटिक ब्रेस्ट केन्सार आरो गेस्ट्रिक केन्सारनि मुलिफोरबो दंफायो। बे नेमखौ माखासे मुलि कम्पानिफोरजों दिहुनजानाय मुलिफोरनि बेलायाव बाहायनाय जादों।

रिलायंस लाइफ साइन्सनि ट्रस्टुजुमाबखौ मिरुआ मेटास्टेटिक स्तन केन्सार आरो गेस्ट्रिक केन्सारनि फाहामथायनि थाखाय बाहायनाय मुलिनि थाखाय मोनसे सिमायाव होबथादों। गेजेट फोसावथायनि बायदिब्ला, बे मुलिनि खुस्रा बेसेना मोनफ्रोम शीशीयाव 11,966 रां।

टोरेन्ट फार्मास्युटिकल्स मुलिखौ पेप्टिक आल्सारखौ फाहामनो थाखाय बाहायनाय जायो। क्लेरिथ्र'माइसिन, आइस'मप्राज'ल आरो एम'क्सिसिलिनजों ज' जानानै बानायनाय, बे मुलिनि मोनफ्रोम टेबलेटनि बेसेना 162.50 रां थि खालामनाय जादों।

बेनि अनगायैबो, माखासे कम्पानिफोरजों जौगाहोजानाय मोन 25 एन्टि-डायेबेटिस मुलिफोरनि बेसेनखौबो थि खालामनाय जादों। माखासे कम्पानिफोरजों दिहुनजानाय पेरासिटामल मुलिफोरनि बेसेनखौबो थि खालामनाय जादों। 4 जुलाइयाव, मोनसे गेजेट फोसावथाय फोसावनाय जादोंमोन जेराव बुंनाय जादोंमोन दि बेफोर मुलिफोरनि बेसेनखौ मुलि बेसेन सामलायनाय नेम, 2013 बायदियै थि खालामनाय जादों।

बेनि सिगाङाव एप्रिलाव हादोराव 748 जोबोद गोनांथार मुलिफोरनि बेसेनखौ बारायनाय जादोंमोन। हलसेल प्राइस इन्डेक्सनि सायाव बिथा खालामनानै, बै मुलिफोरनि बेसेना 'एमआरपी'नि 1.74 जौखोन्दो बारायनायनि ग्रीन सिगनेल होदोंमोन।

2. फेसबुकनिफ्राय फ्राय 1 कौटि एकाउन्टफोरखौ दाननाय जादों। फेसबुक आरो यूट्यूब बायदि गिदिर प्लेटफर्मफोरा गोख्रोंसिन कन्तेन्त खान्थिफोरखौ बाहायनो नाजानायखौ गोख्रोंसिन खालामनायजों, डिजिटेल कन्तेन्त सोरजिग्राफोरा दा हेंथाफोरजों मोगा-मोगि जानांदों।

मुलुगनाङैनो लाख-लाख सुबुंफोरा बेफोर प्लेटफर्मफोरनि सायाव सोनारनायजों, गुबैयै भिडिअ' कन्टेन्ट सोरजिग्राफोरनि गेजेरजों, मेटानि गोदान खान्थिया बै बाहायगिरिफोरखौ नोजोर होगासिनो दं जाय गुबै आयदाखौ आपलड खालामनो हाया, मोनसे आगान जाय गोबां सोरजिगिरिफोरनि खामायनायाव गोबां गोहोम खोख्लैनो हागौ।

मेटाया कन्टेन्ट कपि आरो पेस्ट खालामनाय एकाउन्टफोरनि बेरेखायै गोख्रों राहा लानो फोसावदों। मेटानि बावैसोनि फोसावनाया आयदा खावनायजों जुजिनो थाखाय बिनि रादाइखौ दिन्थियो। जाय बाहायगिरिफोरा गुबुन सोरजिगिरिफोरनिफ्राय लिरो, फट' एबा वीडिय'फोरखौ कपि खालामो, बिसोर गावसोरनि एकाउन्टफोरा बन्द' जानायनि खैफोद थाबाय थायो आरो मनेटाइजेसनखौ बन्द' खालामनो हागौ ।

बेफोर मासिफोरनि रिस आरो दिसत्रिबिउसनाबो मख'जाथाव गाहायाव फैगोन। बेफोर लाहार-फाहारजों लोब्बा लाखिनानै मेटाया सिगांनिफ्रायनो 1 कौटिसो प्रफाइलफोरखौ बोखारखाबाय जाय मुंदांखा आयदा सोरजिग्राफोरनि पस्टफोरखौ कपि खालामगासिनो दंमोन।

5 लाख स्पामजों सोमोन्दो गोनां एकाउन्टफोरखौ बन्द' खालामनाय जादों। कम्पानिया गुदि आयदा गैयाब्लाबो रां आर्जिग्रा नंखाय पस्टफोरखौ सिनायथिनायाव खामानि मावगासिनो दं।

3. कचुगांवआ ककराझारनि साइ स्टेडियामाव खुंफुंजानाय 1थि बड'लेन्ड सीईएम काप 2025 नि ग्रैन्ड फिनालेआव काजलगावखौ 2-0 जों फेजेननानै जोबथा बादायलायनायाव देरहानो हादों।

बे हाबाफारियाव आसामनि गिबि मन्थ्रि ड: हिमन्त बिश्व सर्माया गाहाय आलासि महरै नुजाथिफैना जोबथा बादायलायनायखौ बेखेवना होयो, आसामनि गेलेमु मन्थ्रि नन्दिता गार्ल'सा, बड'लेण्ड अनसाइ बिफाननि मन्थ्रि उर्खाव गोरा ब्रह्म आरो बिटिआरनि गाहाय मावफुं सोद्रोमा प्रमद बर'नि नुजाथिनायाव जोबथा बादायलायनायखौ बेखेवना होयो।

चेम्पियन हानजा कचुगांवनो गेलेमु मन्थ्रि नन्दिता गारल'साया गथायनाय चेम्पियनशिप ट्रफीजों लोगोसे नोगोद 1.5 लाख रांनि बान्था होनाय जादोंमोन। रानार-आप काजलगावआव 1 लाख रां आरो गंसे ट्रफी मोनदोंमोन जायखौ ककराझारनि एम.पि. जयन्त बसुमतारीआ गथायदोंमोन।

कचुगांवनि उर्खाव मुचाहरीखौ बादायलायनायनि साबसिन गेलेगिरि महरै सायख'नाय जादोंमोन। कचुगांवनिनो गलाप ब्रह्मआबो साबसिन गलकिपार महरै सायख'जादोंमोन। सानैबो 10,000 नोगोद रांनि बान्था मोनो आरो बड'लेन्ड एफ.सि.आव हाबनो थाखायबो सायख'जायो आरो फैबाय थानाय डुरान्ड कापआव ओनसोलनि जानानै गेलेगोन।

बिटिआरनि 3,760 हानजा आरो 420 भिसिडिसिनि 67,000 निबो बांसिन गेलेगिरिफोरनि बाहागो लानायजों, बड'लेण्ड सिइएम कापखौ ओनसोलनि बयनिख्रुइबो देरसिन गुदि थाखोनि जोलुर बादायलायनायनि गेजेराव मोनसे बुंनाय जायो - बिटिआरनि गासैबो हारिफोरखौ ज' खालामनाय आरो जोलुर मोजां मोनलायनायनि गेजेरजों गोजोन, खौसेथि आरो बिदा-फंबाय सानलायनायखौ गोसारहोनाय।

4. "बिपिएफनि 17 बोसोर खुंथायनि समाव बिटिसिआव जाख्ल'नाया गोख्रोङै जादोंमोन- बेखौ प्रमद बर'आलसो बुङो, बिटिसिनि बेनि सुबुंफोरा बुङा। 17 बोसोर बिपिएफनि खुंथायनि समाव बिटिसिआव जेबो जाख्ल'नाय जायाखै। मानोना आंनि खुंथायनि 17 बोसोर उनावबो रायजो बेंगिरिया गु दान बिटिसिखौ सालायदोंमोन। जुदि आं माबाफोर जाख्ल'नाय खालामनायमोनब्ला रायजो बेंगिरिया आंखौ हमगौमोन। नाथाय आं हमजायाखै। बेयो फोरमान जाबाय दि आं आंनि 17 बोसोर खुंथायनि समाव जेबो जाख्ल'नाय खालामाखैमोन, "बिटिसिनि बारग' गाहाय मावफुं सोद्रोमा आरो बिपिएफ दोलोनि आफादगिरि हाग्रामा महिलारीआ दाबि खालामो।

हाग्रामा मोहिलरीआ बुंदोंमोन दि "थांनाय बा बोसोराव, प्रमद बर'आ जाख्ल'नायनि हिसाब गैया, बेखौ बुंनानै फोजोबनो हाया"। "फैबाय थानाय बिटिसि बिसायख'थियाव खाफाला मोजां जायोब्ला प्रमद बर'नि इउपिपिएल दोलोआ मोननै 2/3 मासि मोननो हागौ आरो खाफाला गाज्रिब्ला गंसेबो मासि मोननाय नङा" होनना बिथाङा बुङो।

हाग्रामा मोहिलरी या बुंदों, " थांनाय 5 बोसोराव बिपिएफ दोलोआ बिजेपि, एआईयूडीएफ, कांग्रेस जों लोगोसे गुबुन रावबो राजखान्थि दोलोजों लोगो जायालासैनो बिसायखथि गेलेदों, बे खेबनि बिटिसि बिसायख'थियाव बिपिएफ दोलोआ हारसिङैनो गेलेगोन। 2026 मायथाइनि बिधानसभा बिसायख'थिआवबो बिपिएफ दोलोआ हारसिङैनो गेलेगोन, "हाग्रामा मोहिलारीआ फोसावो।

बे बाथ्राफोरखौ मंगलबारखालि काजलगावआव थानाय चिरां जिल्ला बिपिएफनि मोनसे दोलो जइनिं मेलाव बाहागो लानाय समाव खौरां बिजोंजों सावरायनायाव बुंदोंमोन।

4. 114 बोसोर बैसोआवबो बिथाङा सासे सेंग्रा बायदिमोन। बैसोआ बिथांनि खारनायनि थाखाय माब्लाबाबो हेंथा जायाखैमोन । जदिउबो बिथांनि बैसो एबा आथिंआ बिथांनि खारनाय दावबायनायाव हेंथा होआखैमोन, नाथाय बिथांनि जिउनि गोख्रैथिया बे मुंदांखा माराथन खारग्राखौ होबथायो।

मुलुगनि बयनिख्रुइबो बैसोगोरासिन एथलीट आरो 'टार्बन टर्नेदो' थामहिनबा 'पागुरीवाला टोर्नोदो' मुङै मिथिजानाय फौजा सिंहआ समबाराव मोनसे लामा जाब्रबथायाव रुंसारि जायो। लामा जाब्रबथाया बै समाव जादोंमोन जेब्ला फौजा सिंहआ थाबायनानै थांगासिनो दंमोन, बिथांखौ हरखाबै गंसे गारिया सौग्रावदोंमोन। फौजा सिंहखौ जोखोम जानायजों देहा फाहामसालियाव लांनाय जादोंमोन। नाथाय फौजा सिंहआ उनाव बेलासियाव फाहामथाय लाबाय थानाय समाव रुंसारि जादोंमोन। थैनाय समाव फौजा सिंहनि बैसोआ 114 बोसोरमोन।

89 बोसोर बैसोआव सासेनि उनाव सासे बाहागिखौ खोमानायनि उनाव बिथांनि जिउनि गोख्रैथिया सोलायदोंमोन। बे एखे बोसोरावनो बिथाङा खारनो जागायदोंमोन। बिनि उनाव बिथाङा मोनसेनि उनाव मोनसे माराथन बादायलायनाय खारदों। बिथाङा इं 2011 माइथायाव 100 बोसोर बैसोआव टरन्ट' वाटरफ्रन्ट माराथनखौ फोजोबनानै मुलुगनाङै मुंदांखा जानो हादोंमोन। बिथाङा मुलुगनि बयनिख्रुइबो देरसिन 'माराथन फिनिशर'खौबो देरहादोंमोन। बिथाङा एखे सानावनो दाइन मुलुग रेकर्डबो बानायदोंमोन।

5. एलन मस्कजों दैदेनजानाय टेस्लाया मावख'आरि महरै भारतनि अट'म'टिभ हाथाइयाव हाबबाय, टेस्लाया मंगलबाराव महाराष्ट्रनि गिबि मन्थ्रि देवेन्द्र फडणवीसनि नुजाथिनायाव मुम्बाइनि जियो वर्ल्ड ड्राइवआव गिबि शोरुम लन्च खालामो।

कम्पानिया लन्च हाबाफारियाव रियर व्हील ड्राइव (आरडब्ल्यूडी) जों लोगोसे मडेल वाई भेहिकलखौबो लन्च खालामदोंमोन। "अनुभव केन्द्र"नि थाखाय 4,000 बर्ग फुटनि खुस्रा जायगाया बांद्रा कुर्ला कम्प्लेक्सआव (बीकेसी) एपल'नि फ्लैगशिप स्ट'रनि खाथियाव मोननो हायो।

बेखेवनाय हाबाफारिनि गेजेरजों हादोराव अट'मेकार सौफैनायाव रायजोनि गिबि मन्थ्रि फडणवीसआ गोजोननाय फोरमायदोंमोन। बिथाङा बुंदोंमोन, "आं सानो टेस्लाया गासै हाथाइखौ सोलायनो थांगासिनो। कम्पानिया हाथाइयाव हाबनो जि बोसोर नांदोंमोन नाथाय मुम्बाइजों लोगोसे भारतनि गुबुन रायजोनि सुबुंफोरा टेस्लाखौ गोसो गोर्बोजों बोजबना लागोन।

कम्पानिनि "एक्सपीरियन्स सेन्टार" जागायनायजों, टेस्लाया बावैसो भारतआव मोनब्रै फालांगियारि सम्फथि जाबाय, जेराव पुणेआव इंजीनियरिंग हाब, बेंगलुरुआव मोनसे रेबथुमजानाय मावख', बीकेसीनि खाथियाव मोनसे अरायथा नङि मावख' बायदि दं। बेराफारसेथिं, कम्पानिया बीकेसी शोरुमनि खाथियाव मोनसे सिबिथाय मिरु गायसन्नो थाखाय मुम्बाइनि कुर्ला वेस्टआव 24,500 बर्ग फुटनि जायगा लिजाव लादोंमोन।

बबेखानि, कम्पानिया आथिखालाव भारताव मथर-गारि बानायनायनि जेबो प्लेन खालामाखै। थामहिनबा, कम्पानिया हादोराव आबुङै दिहुनजानाय इउनिटफोरखौ लाबोनायाव 70 जौखोन्दो खाजोनाजों मोगा-मोगि जानांगोन।

6. भारतनि अख्रां दावबायारि शुभान्शु शुक्लाया हादोर गेजेरारि अख्रांमा मिरुनिफ्राय बुहुमाव फैफिनबाय। साब्रै सोद्रोमानि हानजा, जाय 18 साननि अख्रांमा बिरनायखौ फोजोबखांनायनि उनाव एक्सियम-IV मिशनआव बिथांजों थांफादोंमोन, समबारखालि बेलासिनि 4:50 रिंगासोआव (भारतनि सम) हादोर गेजेरारि अख्रांमा स्टेशन (आईएसएस) निफ्राय ओंखारबोदोंमोन।

स्पेसएक्सनि ड्रेगन अख्रांमा 'ग्रेस'आ दा मंगलबार, 15 जुलाइखालि बेलासिनि 3 रिंगासोआव दावबायनायनि जोबनायाव युएस कैलिफोर्निया बोरिमानि खाथियाव लैथोआव ओंखारो। बे मिशना भारत, प'लेन्ड आरो हांगारीनि थाखाय जारिमिनारि मोन, मानोना ब्रै जिथायनि उनाव बैफोर हादोरफोरनि अख्रां दावबायारिफोरा मानसि गोनां मिशनफोराव बाहागो लादोंमोन।

राकेश शर्मानि उनाव शुभान्शुआ अख्रांमायाव आगान होग्रा नैथि भारतारि नोगोरारि। बिथांनि जाफुंसारनाया भारतनि गावनि सुबुं बिरनायनि थाखाय जोबोद गोनांथारमोन। शुभान्शु शुक्लाया भारतारि अख्रांमा एजेन्सि इसरोनि गिबिसिन मानसि गोनां अख्रांमा बिरनाय मिशन गगनियाननि गाहाय बादायगिरि। इसरोआ 2027 मायथाइयाव गावनि गिबिसिन मानसि गोनां अख्रांमा बिरनाय मिशनखौ जागायनो थियारि जाबाय। गाहाय मन्थ्रि म'दिआ 2035 मायथाइसिमाव मोनसे भारतारि अख्रांमा स्टेशन लुनो थांखि लादों।

7. येमेननि जोबथेसालियाव जोबजानानै थानाय केरालानि नार्स निमिषा प्रियानि थैनायनि साजाखौ दोनथ'नाय जादों। मैया निमिषा प्रियानि फासिनि साजाखौ दोनथ'नायनि खौरां फैदों। निमिषाखौ दिनै बुधबार, 16 जुलाइआव फासिनि साजा होनांगौमोन, नाथाय बिथांजोनि उकीला रोखा खालामदोंमोन दि येमेननि बिबानगिरिफोरा जोबथा मिनिटआव थिरांथाखौ दोनथ'बाय।

बे खौराङा भारतनि सुबुंफोरनो मिजिं होदों। भारत सोरखारजों लोगोसे गुबुन गुबुन दोलो आफादफोरा निमिषानि जिउखौ रैखा खालामनो नाजागासिनो दंमोन। बबेखानि, निमिषा प्रियानि थैनायनि साजाखौ लानानै गोदान अक्ट'खौ दासिमबो फोसावनाय जायाखै।

निमिषा प्रिया, केरालानि पलक्कड़ जिल्लानि थागिरि। निमिषा प्रियाखौ इं 2017 माइथायाव येमेनआव फालांगियारि हेफाजाबगिरि तलाल अब्दो मेहदीखौ बुथारनायनि दायआव खानाय जादोंमोन। येमेननि बिजिरसालिनि बायदिब्ला, निमिषाया फालांगियारि हेफाजाबगिरि तलालखौ एनेस्थेसियानि इन्जेक्सनजों बुथारदोंमोन आरो गोथै सह'खौ थुख्रा थुख्रा खालामनानै दैनि टेंकिआव गारहरदोंमोन।

8. अरुणाचल प्रदेशआव फिन आसामनि सेंग्राखौ गुलि गावनानै बुथारदों। आसामनि शंकर पेगुखौ अरुणाचल प्रदेशआव गावथारनाय जादोंमोन। रुंसारि शंकर पेगुआ बिस्वनाथ जिल्लानि जिनजिया पुलिस थानानि सिङाव थानाय बगिसुति गामि नं 1 नि। 29 बोसोर बैसोनि शंकर पेगुआ साननैसो सिगां अरुणाचल प्रदेशनि रयिंआव थांदोंमोन।

नाथाय 13 जुलाइखालि शंकर पेगुखौ अरुणाचलनि पापुमपारे जिल्लानि सागालीनि सासे अरुणाचली थागिरि तादर भाईआ रयिंआव खामानि मावबाय थानाय समाव खास्रि-बिस्रियै गावथारदोंमोन। बुथारगिरि तादर भाईआ बुथारखांनायनि उनाव अरुणाचल पुलिसनि खाथियाव आखाय दैखांदोंमोन। पुलिसा आसामनि सेंग्राखौ बुथारग्रा तादर भाईनिफ्राय बुथारनायाव बाहाय जानाय पिस्टलखौबो जब्द' खालामदों।

बे मुगैथाव बुथारनायनि उनाव, मिसिं हारि आरो गासै ओनसोलाव रागा जोंखांनाय थासारि सोमजिदोंमोन। गुबुन गुबुन आफादफोरा बुथारनायनि सायाव थाबैनो नायबिजिरनो आरो दायनिगिरिफोरखौ गोख्रों साजा होनो दाबि दैखांदों। बेराफारसेथिं, हायुंआरि राजालामाखौबो सिमायाव होथेनाय जादों। जुदि अरुणाचल प्रदेश सोरखारा थाबैनो न्यायारि राहा लायाब्ला बेयो बांसिन सोमावसारनायनि हुमखिबो होदों।

बेल' नङा, 18 जुनखालि, जाथायनि माखासे सप्ता सिगां, अरुणाचल प्रदेशआव खामानि मावग्रा ज'नाईनि प्रभास दले मुंनि गुबुन सासेआबो बुथारजादोंमोन। प्रभास दालेखौ अरुणाचलनि दुथांफोरा सिखाजों दाननानै खास्रि-बिस्रियै बुथारदोंमोन। बेफोरबायदि जाथाया आसाम-अरुणाचल सिमायाव आसामनि सुबुंफोरनि रैखाथिनि सायाव गिदिर सोंलु सिखांदों होनना अजद। सुबुंफोरा सोरखारखौ बे बुथारनायफोराव गोख्रोङै आखाय होनो आरो दायनिगिरिफोरखौ थि साजा होनो खावलायदों।