दिनै 21 जुलाइ 2025 समबार साननि दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।
1. बे खेबाव सोरखारि हा दखल खालामग्राफोरखौ होखारनाय हाबाफारिखौ गलाघाटनि उरियामघाट आरो नेघेरिबिलआव खालामनाय जागोन। गिबि मन्थ्रिनि फोसावनायनि उननिफ्राय ड्र'न केमेराजों जरिपखौ खालामनाय जादों। हाग्रा बिफान आरो गलाघाट जिल्ला खुंथाया मोनसे नायगिदिंनाय हाबाफारि लादोंमोन। गोबां दोलोफोर आरो आफादफोरा खुंथायनि मददआव ओंखारबोदों, सुबुंफोरा थियारि। सोरखारखौ दखल खालामनायफोरखौ थाबैनो होखारनो खावलाय। बेखौ मिथिनो मोननाय जादों दि होखारनाय हाबाफारिखौ उरियामघाट सिमायाव थानाय 3,000 बिघासो हाखौ दखल खालामनायनिफ्राय उदां खालामनो थाखाय खालामनाय जागोन।
साननैसो सिगां गिबि
मन्थ्रिया होखारगोननि सोमोन्दै फोसावनायनि उनाव, सरुपथारनि उरियामघाटआव
हाग्राफोरखौ फोजोबस्रांनानै आयेन बेरेखा दखल खालामनायफोरनि बेरेखा हा नायगिदिंनाया
सोलिगासिनो दं। गिबि मन्थ्रिआ अजद होदों दि माखासे थाखोनि सुबुंफोरा नगाव, लाहरीघाट, धिं
बायदिनिफ्राय बासजों थांनानै गलाघाटनि सुबुं सानखोखौ सोलायनो नाजादों। खुंथायनि
बायदिब्ला, सिमायाव थानाय गं 30 नि बांसिन गामिफोरखौ होखारनाय जागोन आरो थाम रोजा बिघानि
बांसिन हाखौ उदां खालामनाय जागोन।
बे समावनो,
जेब्ला होखारनायनि खौरांआ गोसारदोंमोन, सन्देहगोनां सुबुंफोरनि मोनसे हान्जाया गाव-गावनि
थावनिसिम ओंखारलांदोंमोन। मैया
फुंनिफ्रायनो नगाव, धिं, लाहरीघाट, रुफी, मइराबारी,
बटद्रवा
बायदि जायगाफोराव गोबां अनजिमानि सन्देह' गोनां सुबुंफोरा गारिफोरजों
ओंखारलांगासिनो दं होनना मिथिना मोनदों।
2. एमएलए रबिराम नार्जारि बिथांनि बितिसि आव बिपिएफ आरो इउपिपिएल खौसे जानाय जायिनि सायाव बाथ्रा बुंनाय। राइजोफोरा लुबैनायबादि माब्लाबा फरमुलाफोरा गोरोबा, मोनफ्रोमबो दोलोनि निति आदर्स, मिसन आरो भिसन, एजेन्दा थायो, बेफोरखौ लानानै आवगायलांनायाव, खामानि मावलांनायनि थाखाय राजखान्थि दोलोफोरनि गेजेराव रायजोफोरा लुबैयोब्लाबो मोगथाङाव बेयो आबुं जाया, खौसे जानो हायोब्ला जोबोद मोजां, आं दिनैबो बेखौनो लुबैयो, खौसे खालामनो गोबां नाजादोंमोनबो, सावरायलायदोंमोनबो, नाथाय दा बे आबुङै नांथाना थानायबादि जादों, फेलें जानाय बादि जादों, मोननैबो दोलोनि दैदेनगिरिफोरा जुदि फिन सावरायलायनाय हाबाफारिखौ लाबोफिनोब्ला आं जोबोद गोजोननाय मोनगोन, आरो लोगोसे जानानै, खौसे जानानै जुजियोब्ला बितिसि ओनसोलाव जोंनि ओनसोलारि दोलोआ थांना थागोन आरो बितिसि ओनसोलनि रायजोफोरनि लुबैनायफोरखौ सुफुंनो आरो बितिसिखौ रैखा खालामनायनि खामानिफोर, बितिसिखौ बांसिन गोहोगोरा खालामनो हागोन, लाभ जागोन, आसा खालामो मोननैबो दोलोनि दैदेनगिरिफोरा बेनि सायाव सानगोन, आं ईउपिपिएल दोलोनि दैदेनगिरिफोरखौबो खावलायदों आरो जोंनि बिपिएफ दोलोनिखौबो खावलायदों बे समाव जुदि खौसे जानानै खामानि मावनायनि सायाव सावरायनो हायोब्ला रायजोफोरा बयनिख्रुय बांसिन लुबैनाय खामानिया जागोन होननाबो बिथाङा बुङो खौरांगिरिफोरनि गेजेरजों। लोगोसेनो बिजेपि दोलोआ एसेबां गोरलैयै बितिसिखौ दखल खालामनो हाया होननाबो बुङो।
3. इउपिपिएल आरो बिजेपि नि सोरखार दं बितिसि आव। बे बोसोरनि सेप्तेम्बरावनो बितिसि बिसायखथिया जागोन। मोननैबो दोलो आ लोगोसे जानानै सोरखार सालायदोंब्लाबो नाथाय बिसायखथियाव लोगोसे गेलेया होनना रोखा खालामखादोंमोन। मैया बितिसि नि लेङाय गाहाय गोबिन्द चन्द्र बसुमतारि, जाय इउपिपिएल दोलोनि, बिथाङा बिजेपि दोलोनि सोमोन्दै गोबां बाथ्राफोर बुंनायखौ नुनो मोनदोंमोन। BJP आ राजखान्थि हान्जा हिसाबै हारसिं सरखार दानो लुबैगोन, नाथाय लुबैब्लानो नाजाब्लानो जाफुंसार जाया होनना बुङो।
4. अरुणाचल प्रदेशनि भारत सिमा खाथिनि तिब्बताव बुरलुंबुथुर दैमायाव 167.8 बिलियन डलारनि बान्दोनि लुनायखौ चीनआ सनिबाराव नेमखान्थि बायदियै जागायजेनो । बान्दो लुनाय जागायनायनि सिगां, बुरलुंबुथुर दैमानि गाहाय बाहागोआव मोनसे भुमि फुजा होनाय हाबाफारि खुंनाय जादोंमोन।
मावख'आरि खौरां
बिजोङा बुंदों, "चीननि गाहाय मन्थ्रि ली केकियांआ न्यिंगशी सोहोराव बुरलुंबुथुर दैमानि गाहाय
बाहागोआव मोनसे हा खुन्थिया गायसननाय हाबाफारियाव बान्दो लुनायनि जागायजेन्नायखौ
फोसावदोंमोन, जायखौ जायगायाव यारलुं जांगबो मुङै मिथिनाय जायो । "
मुलुगनि
बयनिख्रुइबो देरसिन लुनायारि सानज'थाय मावथांखि
रायजोआरि खौरां
एजेन्सि शिन्हुआनि बायदिब्ला,
तिब्बत
गावखुंथायारि ओनसोलनि निंग्शीआव मेनलिं दैमोब्लिब मिरुनि बान्दो थावनियाव भुमि
फुजा हाबाफारिखौ खुंनाय जादोंमोन। दैमोब्लिब मावथांखि, जायखौ मुलुगनि बयनिख्रुइबो
देरसिन बिथायारि सानज'थाय मावथांखि होनना मानिनाय जायो, गाहाय दैमा सेरनि हादोरफोर
भारत आरो बांग्लादेशखौ जिंगा सिहोदों।
2015 मायथाइयाव
तिब्बताव चीननि बयनिख्रुइबो देरसिन 1.5 बिलियन डलारनि जाम दैमोब्लिब गोहो स्टेशना
सोलिजेनदोंमोन, जाय भारताव जिंगा सिखांदोंमोन। मानोना बान्दोआ चीननो दैनि बोहैनायखौ
सामलायनायनि मोनथायल' होआखै, नाथाय बेनि महर आरो खाबुआ बेइजिंखौ दावहानि समाव सिमा ओनसोलफोराव
दै बाना जानायनि जाहोनाव गोबां बिबांनि दै हगारनायाव मदद होनो हागौ।
5. उदालगुरि जिल्लानि कलाइगाव पुलिस थानानि सिङाव थानाय पसोकिया-हाटीबान्धा गामियाव सानसे सिगांनि हर गेजेराव मोनसे सोमोनांथाव गुलि गावनायनि जाथाय जादोंमोन, जेराव रेवकान्त बर' मुंनि सासे सुबुंखौ गलाप मुंनि सासे सुबुङा गुलि गावनाय जाथाय जादोंमोन।
रिपर्टफोरनि बायदिब्ला, बे जाथाया हरनि जानाय आदारनि थाखाय लाबोनो
थिननाय हांसोखौ लानानै नांलायनायनि जाहोनाव जादोंमोन। हरनि जानाय आदारनि थाखाय हांसोनि राहा खालामनो थिनदोंमोन। नाथाय
हांसोखौ बायनो हायाखैमोन, अब्लानो बाथ्रा दान्थेलायनाय
जादोंमोन।
बिनि दान्दिसे उनावनो, ग'लाप
कचारीआ बाराव गुलि गावदोंमोन, उनाव रेवकान्ताखौबो गुलि गावदोंमोन, जायनि जाहोनाव बिनि आइथिंआव जोखोम जादोंमोन। गुलि नांनायनि उनावबो, रेवाकान्ताया दुथां दायनिगिरिखौ
हमनानै गावनि साहस दिन्थिदोंमोन। जायगानि सुबुंफोरा जाथाय जानाय
जायगायाव सौहैयो आरो फेनानै थानाय गाग्लोबग्राफोरखौ हमनो हायो, बिसोरखौ पुलिसनो गथायना
होयो।
रेवाकान्ताखौ उनाव फाहामथायनि
थाखाय देहाफाहामसालियाव थिसननाय जादोंमोन
होनना मिथिना मोनदों।
6. रबिबारनि सानजौफुआव इन्ड'नेसियानि लैथोआव मोनसे बिखा खामथाव जाब्रबथाय जादोंमोन। 'केएम बार्सिल'ना वी.ए. मुंनि गंसे जाहाजाव गिख्रंथाव अर खामो। जाथायनि समाव जाहाजाव सा 280 नि बांसिन दावबायारिफोर दंमोन। अरआ ओरैबादि गोख्रै गोसारो दि दावबायारिफोरा गावसोरनि जिउखौ रैखा खालामनो थाखाय लैथोआव बारज्रुमनांगौ जायो। जाब्रबथाया सानजौफुनि 1:30 रिंगासोआव सा सुलावेसीनि खाथियाव जादोंमोन।
जाब्रबथायनि
मोनसे भिडिअ'बो सोराङाव फैदों। भिडिअ'आव जाहाजाव दावबायारिफोरखौ गिनाय नुनो मोननाय
जादों। माखासे गथ'फोर आरो आइजोफोरखौ लाइफ जेकेट गान्नानै लैथोआव बारज्रुमनाय नुनो
मोनो। गोबां दावबायारिफोरखौ होसिख्रावनाय नुनो मोनो, फारसेथिं जाहाजनि मावथिफोरनि मोनसे बाहागोआ
दावबायारिफोरखौ लाइफ जेकेट गाननायाव मदद खालामगासिनो दं।
बे फेरियाव
जोबोद एसेल' समनि गेजेरावनो अरनि अरआव गोसोम हांगारआव सोलायदोंमोन। जाहाजआ अरआव
आबुङै खामजोबदोंमोन। रिपर्टनि बायदिब्ला, दासिम सा 18 सुबुंफोरा जोखोम जानायखौ
रोखा खालामनाय जादों नाथाय माखासेफोरा दासिमबो गोमानायनि खौरां मोननाय जादों।
रैखाथि हानजाया
रैखाथि हाबाफारियाव नांथाबनानै दं। दासिम गासै सा 5 थैनायनि खौरां मोनदों, गोबां
जोखोम जादों आरो गोबां गोमाना दं होननाबो खौरां मोनदों।
7. स्कुल कलेजाव फरायनाय एसति फरायसाफोरनि थाखाय मोजां खौरां। आसामनि एस.टि. फरायसाफोरनि थाखाय प्रि-मेट्रिक (थाखो गु आरो जि) आरो पस्ट-मेट्रिक फरायसावृत्ति एबा स्कलारसिनि थाखाय गोदान आरो रिनिउ खालामफिननाय आरजलाइफोरा दा खुला जाना दं।
25 सेप्तेम्बर 2025 सिम scholarships.gov.in नि गेजेरजों एप्लाई खालामनो हागोन। गोबां
फरायसाफोरानो जोबथा साना खाथिथार मोनफैनायावसो एप्लाई खालामो, जायनि जाहोनाव गोबां
जेंनाजों मोगा मोगि जानाङो, बेखायनो जेसेबां हायो थाबनो खालामना लानो नाजायोब्लानो
जाबाय।
मोनसे गिख्रंथाव आरो सोमोनांथाव जाथाय, पानी राम रामचियारी
मुंनि सासे सुबुङा बाक्सा गंसे गामियाव गावनि न'आव
उन्दुबाय थानाय समाव गावनि बेरामि बिफा लबन्या रामचियारीखौ गोबौ हाथियारजों गाग्लोबनानै बुथारदोंमोन।
पुलिस रिपर्टनि बायदिब्ला, बे दायखौ बै समाव खालामनाय
जादोंमोन जेब्ला नखरनि रावबो गुबुन सोद्रोमाफोरा न'आव गैयामोन।
पुलिसआ फोरमायदोंमोन दि दायनिगिरि फिसाज्लाया जौ लोङोमोन आरो गोबाव
समनिफ्रायनो गावनि लोमजानाय बिफाखौ गोसोआरि महरै इनाय खालामगासिनो दंमोन।
नखरनि गुबुन सोद्रोमाफोर गैयैनि खाबु लानानै दायनिगिरिया
अजद होनाय बायदियै गाग्लोबनायखौ खालामदोंमोन जेब्ला बिनि बिफाया उन्दुगासिनो दंमोन।
पुलिसा पानी राम रामचियारीखौ खाबाय आरो दायो सोंनाय फिन्नाया सोलिगासिनो दं।
8. सोमोनांथाव, जोबोद गाज्रि! मोजां मोनलायनाय, सोमोन्दो, जुलिनि प्लेन आरो जोबनायाव बुथारनाय। आरोबाव मोजां मोनलायनायनि 'बिस गोनां' महर। गोदान जिउनि प्लेन खालामनाय समावनो गासैबो जोबस्रांलांबाय।
लिव-इन पार्टनार
सि.आर.पि.एफ.आ गावनि अनजालिखौ बुथारदों। आइजो पुलिस मावख'गिरिया सुक्रुबारनि मोनायाव
बिथांजोनि लिभ-इन पार्टनारजों बुथारजादोंमोन। दिलीप डांगसियाया गावनि अनजालिखौ
बुथारदोंमोन आरो अन्जार पुलिस थानायाव थांदोंमोन आरो बुथारनायनि बाथ्राखौ सिमान
लादोंमोन।
अरुणाबेन
नातुभाई यादबआ कुछनि अन्जार पुलिस थानायाव लेङाइ साब-इन्सपेक्टर महरै खामानि
मावगासिनो दंमोन। पुलिसनि बायदिब्ला, सुक्रुबारनि मोनायाव 25 बोसोर बैसोनि अरुणाबेन आरो दिलीपनि गेजेराव नांलायनाय
जादोंमोन।
अजदनि
बायदिब्ला, अरुणाबेनआ नांलायनायनि गेजेराव दिलीपनि बिमानि सोमोन्दै गाज्रि बिबुंथि
होदोंमोन आरो रागा जोंनानै दिलीपआ अरुणाबेनखौ बुथारदोंमोन। अन्जार खोन्दोनि लेङाइ पुलिस सामलायगिरि मुकेश
चौधरीया खौरां बिजोंनो बुंदोंमोन दि बाथ्रा दान्थेलायनाया ओरैबादि बांदोंमोन दि
दिलिपआ रागाजों अरुणाबेनखौ गोदोना सेरथेना बुथारदोंमोन।
दायनिगिरि
दिलीपआ मणिपुरनि सेन्ट्रेल रिजार्भ पुलिस फर्सआव थिसनजानायमोन। बेखौ मिथिनो मोननाय
जायो दि दिलीपआ अरुणाबेनजों गोबाव समनिफ्रायनो सोमोन्दोआव दंमोन। पुलिसनि
बायदिब्ला, सानैबो जुलि जानायनि प्लेन खालामदोंमोन। नाथाय जोबनायाव बेबादिसो जाबाय।
9. मोनसे मोजां खौरां, हारिमुनि फोथाराव खामानि मावबोनाय गासै सा 9 फोरोंगिरिफोरनो दुलाराय हारिमु आफादा अस्ताद बिमुं होदों। दुलाराय बर हारिमु आफादनि 34थि गायसननाय सान फालिनायजों लोगोसे दुलाराय बर हारिमु आफादनि सा9 गागि फोरोंगिरिफोरनो बे बिमुंखौ होयो होनना मिथिना मोनदों। बे बिमुंखौ मोननो हानाय गागि फोरोंगिरि बिथांमोननि मुङा जाबाय. रहेन्द्रनाथ ब्रह्म, चक्रधर नार्जारि, बारलांफा नार्जारि, गोमोथाव बसुमतारि, राजेन्द् ब्रह्म, धिरेन रामसियारि, दिलिप कुमार नार्जारि, उपवाला मोसाहारि आरो निला नार्जारि बिथांमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon