दिनै 17 जुलाइ 2025 बुहस्पतिबार साननि दासिमनि मोननैसो गोनां खौरांफोरजों दिनैनि सानखौ नोंथांमोना जागायदो।
पुलिसा बिजनी पुलिस थानानि सिङाव
थानाय कुमारशाली, नं 2 चट' लाडानगुरी आरो फर्माइशाली गामिफोराव
थानाय मोनब्रै न'फोराव नागिरदोंमोन। हरखाब सिग्रोमनायनि जाहोनाव हाग्रानि जुनारफोरनि
देहानि गोबां बाहागोफोर बोखांनो हादोंमोन, जायखौ मैहुर खालामनाय जादोंमोन आरो आयेन
बेरेखायै फान्नो थाखाय दोननाय जादोंमोन होनना फोथायनाय जायो।
हमजानाय सुबुंफोरखौ प्रदीप नार्जारी
उफ्रा मुं भेरग' (45) समर सिं बसुमतारी (52); कान्चा दैमारी उफ्रा मुं बुदां (40) आरो बिनाश्री बसुमतारी (40)।
प्रदीप नार्जारीनि न'निफ्राय
पुलिसआ हाग्रानि जुनार सिखार खालामनायाव बाहाय जानाय गंथाम लहानि ट्रेप, मोनब्रै गिदिर
हाग्रानि अमानि हाथाय, गंसे पिस्टल ग्रिप, न'आव बानायनाय गावग्रा हाथियार, धातुनि गुलि
आरो स्प्रिंग्सआव बाहायनायनि सन्देह' गोनां लहानि पाइप, गंसे बायनाय ट्रिगर आरो बेरेल,
सनदेह' गोनां बेरफ्रुग्रा, मोब्लिबारि ड्रिलिं मेसिन आरो सिलाइ बानायनायाव बाहाय जानाय
मोन 18 टुलबक्सफोर बोखांनो हायो।
समर सिंह बसुमतारीनि न'निफ्राय
मैदेरनि सन्देह' गोनां 3 इन्सिनि हाथाय, हाग्रानि जुनारफोरनि हारा, मोनबा सन्देह' गोनां
जुनारनि हाथाइ, मासे सन्देह' गोनां मोसानि सालाय आरो बिगुर, पेनग'लिन
स्केलनि मोनसे बाहागो, 20 पर्कुपाइन क्विल बोखांनो हायो।
गोबां गोरान आरो सिनायनो मोनै
जुनारनि बाहागोफोरबो मोननो हादों
हमजानाय सुबुंफोरखौ जब्द खालामनाय
बेसादफोरजों लोगोसे बिजनी पुलिस थानायाव लांनाय जादोंनिबो खौरां
मोनदों।
2. झारखन्डआव नक्सली बेरेखा अपारेसननि गेजेराव मैया फुङाव आसामनि सासे बिर जवानआ मुंख्लं जायो, कक्राझारनि थागिबि जवान बिथांनि। हादोरनि बिमानि सिबिनायाव मुंख्लं जानाय बिथाङा सिति/जीडी पर्णेश्वर कच।
मिथिनो मोननाय
बायदिब्ला बुधबारखालि फुंनि 5.30 रिंगासोआव झारखंडनि बकारो जिल्लानि ग'मिया पुलिस
थाना ओनसोलनि बिरहरदेरा हाग्रा ओनसोलाव सिआरपिएफ आरो माउबादिफोरनि गेजेराव
मोगा-मोगि जादोंमोन। बकारो ज'ननि आइजि क्रान्थी कुमार गडिदेशीआ पि.टि.आइ.खौ
बुंदों, "बे एनकाउन्टारनि समाव
रैखाथि हान्जाफोरा सानै माउबादिफोरखौ गावथारदोंमोन। बिथांनि बायदिब्ला, कब्रा
बटालियननि सासे सि.आर.पि.एफ. जवानआबो जिउ गोमादोंमोन। "
बे समावनो,
बकार'नि एस.पि. हरबिन्दर सिंहआ बुंदोंमोन दि एनकाउन्टारनि उनाव ओनसोलाव नागिरनाय
जादों। गुबुन सासे पुलिस मावख'गिरिया बुंदोंमोन दि बुथारजानाय माउबादिखौ सिनायनो
थाखाय खामानिया सोलिगासिनो दं।
बे जाथायाव जिउ
गोमानाय जवानआ आसामनि होनना रोखा जानायनि उनाव रायजोनि गिबि मन्थ्रि ड: हिमन्त
बिश्व शर्माआ ससियेल मिडियाआव दुखु फोरमायो। गिबि मन्थ्रिनि बायदिब्ला, मुंख्लं
जानाय जवाननि न'आ ककराझार जिल्लायाव। फेसबुकाव बिथाङा मुंख्लं बिथांखौ खुलुमो आरो लिरदोंमोन:
"बिमा भारतीनि आखा-फाखा फिसाज्ला सीटी/जीडी पर्णेश्वर कचआ
दिनै फुङाव झारखन्डआव नक्सलिफोरजों एनकाउन्टाराव मुंख्लं जायो।
ककराझारनि
फिसाज्ला मुंख्लंनि जिउ बाउनायखौ गोसोनिफ्राय सलाम खालामनानै, जों बिथांनि रुंसारि
जिउमानि अराय गोजोननि थाखाय आरज गाबनानै दुखुथिया नखर आरो बाहागिफोरनिसिम गोथौयै
दुखु फोरमायो। जों जेब्लाबो जोंनि मुंख्लंनि नखरनि खाथियाव दं आरो अरायबो थाबाय
थागोन। होनना लिरो बिथाङा
कांग्रेस दैदेनगिरि
राहुल गांधी बिथाङा मैया बुधवाराव मोनसे मेलाव बुंदोंमोन दि आसामनि गिबि मन्थ्रि हिमंत
बिस्वा या गावखौनो "राजा" होनना सानना लायो, लेनाथाय रायजोनि सुबुंफोरा
बिखौ जाख्लनायनि थाखाय जेलाव दैथायहरगोन। नोंथांनि गिबि मन्थ्रिया गिनायजों
खम्फिगासिनो दं, बिथाङा
मिथिगौ दि गिनो रोङै कंग्रेस मावथिफोरा बिथांखौ जोबथेसालियाव दोनगोन।
राहुल गान्धीआ
बेखौबो बुंदोंमोन दि आसामनि गिबि मन्थ्रिया भारतनि
बयनिख्रुइबो बांसिन जाख्लग्रा गिबि मन्थ्रि। आरो, खम समनि
गेजेरावनो कंग्रेसनि सिंहआ बिथांखौ जेलाव दैथायहरगोन। बेखौ गिनाया बिथांनि मेगनाव
रोखायै नुनो मोनो। मानोना दा मदि आरो शाह रावबो बिथांखौ बासायनो हानाय नङा।
मैयानि बे मेलाव
राहुल गान्धीआ गिबि मन्थ्रिखौ बेबादि नोजोर होनायखौ लानानै हिमन्त बिस्व शर्मा
बिथाङा गोख्रोङै बाथ्रा बुंनायखौ नुनो मोनदों। कंग्रेस दैदेनगिरिनि मोनफ्रोम
बिबुंथिनि फिननाय होनानै बिथाङा मोनसे एक्स-हेन्डलाव बुंदोंमोन, "आसामाव कंग्रेसनि मेलाव बेरेखा
हान्जानि दैदेनगिरि राहुल गान्धीआ बुंदोंमोन दि बेखौ लिरनानै ला। हिमन्त बिस्व
सर्माखौ थारैनो जेलाव दैथायहरनाय जागोन। राहुल गान्धीआ आसामाव बेखौ बुंनोल' फैदों।
नाथाय बे दैदेनगिरिया बावबाय जानांगौ दि बियो गावनो गोबां दायगोनां केसफोराव
जामिनाव दं। शर्माया बेखौबो बुंदोंमोन, "राहुल
जीनो आंनि गाहाम हामब्लायनाय। गुबुन सानफोरखौ आसामनि आलासि सिबिनायखौ रंजा। "
होनना।
सोनापुर पुलिसा रिसर्टआव
सिग्रोमदोंमोन आरो केचिन' पकार, नोगोद रां, मबाइल, गोबां बथल
जौ, सिगारेट आरो जुवायाव बाहायजानाय गोबां बेसादफोर जब्द
खालामो।
पुलिस मावख'गिरिया बुंदों, "जोंनि पुलिसा मोनसे आन्दोनि खौरां मोनदोंमोन
दि समबारनि मोनायाव आरो मंगलबाराव साहनपुरनि क्लब निर्बाना रिसर्टआव
केसिनो बायदि माखासे गेलेमुफोरा गेलेगासिनो दंमोन। नागिरनायनि समाव केसिन'आव
बाहायजानाय माखासे बेसादफोर आरो नोगोद रां बोखांनाय जादोंमोन। जौखौबो मोननाय
जायो"।
बिथाङा
बुंबावदों, "साब्रै
सुबुंफोरखौ खानाय जादोंमोन। गुबुन साथाम सुबुंफोरखौ सोंनाय फिन्नायनि थाखाय हमनानै
दोननाय जादों। जों बे बिथिङाव गावनो केस रेजिस्टार खालामगोन आरो नायबिजिरगोन।
रायजोनि बायजोनि गोबां सुबुंफोरा बेयाव लोब्बा दं। जों खौरां मोन्दोंमोन दि बे
खामानिया थांनाय सान्नैसोनिफ्राय बेवहाय सोलिगासिनो दं।
मिज'रामनि
आइज'लनि साब्रै जुवारुफोर - लालफाकावामा राल्टे, लालरिं हेटा, जसेफ लालपरमावे, लालसान्हिमा साइल'खौ पुलिसआ जाथाय जायगानिफ्राय खादोंमोन। बे सोमोन्दोआव
सोंथि सोंनो थाखाय पुलिसा साब्रै गुबुन सुबुंफोरखौ हमदोंमोन।
नाहरकटियानि
लेङाइ पुलिस सामलायगिरि प्रानजित दासनि दैदेननायाव मोनसे गिदिर पुलिसनि हानजाया
मंगलबारनि मोनाबिलियाव दिहिं पाटकाई हायुंआरि पार्कनि कचारी पथार केम्पनि
साखाथियाव गंसे बलेर' गारिखौ सिग्रोमनानै गोबां बिबांनि नंखाय रां बिलाइफोरखौ
जब्द' खालामो।
अरुणाचल
प्रदेशनि देवमालीनि वांगनन मफ'क, यामके नामफ' आरो संतोष रय आरो सासे आइजोआ लखीमपुरनिफ्राय बे
गिदिर नंखाय न'टफोरखौ लाबोदोंमोन।
मिथिनो मोननाय
बायदिब्ला अरुणाचल प्रदेशनि
देवमालीनि थागिरि वांगनान मफ'क मुंनि सासे सुबुङा गपाल मुंनि सासे सुबुंखौ गोसोम हायजें दैथायहरनायनि राहा खालामदोंमोन आरो मोनफ्रोम किल'ग्राम गोसोम
हायजेंनि थाखाय 1 लाख रां बुथुमनो गोरोबथा खालामदोंमोन । बे बायदियैनो, मंगलबाराव, वांगनान मफक मुंनि
सासे सुबुङा सानै गुबुन हानजानि लोगोफोरजों लोगोसे लखिमपुरनि बान्दरदोआनि मोनसे
आनदोनि जायगायाव गपाल मुंनि सासे सुबुंनो 10 किल'ग्राम सिखावै लाबोनाय गोसोम
हायजें जगायनायनि बदलै वांगन मफकनो रां होदोंमोन। पुलिसआ जयपुरआव सिग्रोमदोंमोन
जेब्ला बे सुबुङा लखिमपुरनिफ्राय हायजें फाननानै फैनाय रांखौ लानानै फैगासिनो
दंमोन आरो नंखाय नटफोरखौ जब्द खालामदोंमोन।
6. आइ.एस.एल. आ जागोन ना जाला रोखा नङा। बादायलायनायनि खुंगिरि फुटबल स्प'र्टस डेभलपमेन्ट लिमिटेडआ क्लाबफोरनो खोन्थादोंमोन दि 2025-26 मायथाइनि आइ.एस.एल. सिजनखौ दोन्थ'नाय जादों। मानोना बिथांमोनहा दासिमबो मास्टार राइट्स एग्रीमेन्ट (एमआरए) खौ गोदान खालामफिन्नायनि सोमोन्दै जेबो रोखा जायाखै, जाय एफ एस डी एलजों दुलाराय भारतारि जोलुर आफादनि गोरोबथा।
बे बोसोरनि 8
दिसेम्बराव मोन्नैबो हानजानि गेजेराव गोरोबथाया जोबगोन। जायनि जाहोनाव आइ.एस.एल.नि
इयुना रोखा नङै थासारियाव थांबाय। जायनि जाउनाव भारतनि जोलुर गेलेगिरि सुनिल
छेत्रीआबो बेखौ लानानै जिंगा सिदों।
बेंगालुरु
एफसिनि केप्तेनआ ससियेल मेडियायाव लिरदों, "माखासे सप्ता सिगां जेब्ला आं मिथिदोंमोन दि
प्रि-सिजन केम्पखौ सप्तासेनि थाखाय दोनथ'नाय जादों, अब्ला आं गोजोनदोंमोन। मानोना, आं बै समाव सुटियाव दंमोन। आंनि गोजाम रिधमाव
फैफिन्नो आंनो आरोबाव माखासे सम नांबावगौमोन।
नाथाय बै
सप्तासेया दा थि नङै समसिम थांबाय। बै
समाव आंनि मोखाङाव थानाय
मिनिनाया दा जोबलांबाय। गुबुन-गुबुन
क्लाबफोरनि जोलुर गेलेगिरिफोरजों रायज्लायनायनि उनाव, आं हमदांनो हादोंमोन दि
जेंनाया बेसेबां गिदिर आरो गोब्राब। '
बिथाङा आरोबाव
लिरबावदों, "भारतारि जोलुरा दा जाय थासारिजों मोगा-मोगि जागासिनो दं, बेयो जोबोद साननो
गोनां। आं गेलेगिरिफोर, मावफारियाफोर, फिजिअ'निफ्राय गोबां खौरां मोनदों। खालि आंनि
क्लाबनिफ्रायल' नङा नाथाय गुबुन क्लाबफोरनिफ्रायबो। सरासनस्रायै, भारतारि जोलुरजों सोमोन्दो थानाय
साफ्रोमबोआ मोगा-मोगि जानांनाय गोनो गोथोनि थाखाय जों गोथौयै
जिंगासिनो, दुखु मोन्दों
आरो गिदों। '
बबेखानि, जोलुर
गेलेगिरिया बेफोर गासिबोनि उनावबो जेननो राजि नङा। बिथांहा फोथायनाय दं दि भारतारि
जोलुर मुलुगाव फैनाय बे खोमसि जोमैया थाबैनो गोमोरलांगोन।'
बेखौ नोजोर होनो
गोनां दि एफ.एस.डी.एल.हा दिसेम्बर 2025 मायथाइसिम जथाइ आफादजों मोनसे रादाय दं। नाथाय
जुदि आइ.एस.एल. आ बे बोथोरनि मोनसे थि समाव जागायजेनोब्ला बेयो एप्रिल 2026
मायथाइनि जोबनायसिम सोलिबाय थागोन। नाथाय रादाय खानाया दिसेम्बरसिम दं।
अब्ला गोरोबथा गैयाजासे जानुवारिनिफ्राय आइ.एस.एल.खौ माबोरै खुंनाय जागोन?जेंनाया बेनिफ्राय जागायजेनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon